Morgunblaðið - 16.11.2003, Blaðsíða 2
Morgunblaðið/Jim Smart
Þrátt fyrir að langtímaatvinnuleysi hafi aukist mikið undanfarið ár vænta menn þess
að eftir áramót batni ástandið á vinnumarkaðnum til muna.
ATVINNUMIÐLANIR telja að
væntingar um að vinnumarkaðurinn
taki rækilega við sér, m.a. vegna
stórframkvæmdanna á Austurlandi,
hafi enn ekki orðið að veruleika.
Hins vegar stefni í að lifni yfir at-
vinnumarkaðnum eftir áramót.
Fá hæfara starfsfólk
Hilmar Garðar Hjaltason, ráðgjafi
hjá Mannafli, segir vissar væntingar
hafa verið uppi um að markaðurinn
færi aftur af stað og ástandið jafn-
aðist. „Það hefur þó ekki gerst enn.
Fyrir tveimur árum kom nokkur
niðurskurður í atvinnulífinu, sem
leiddi til þess að við fórum að endur-
skoða þjónustuna hjá okkur og taka
á okkur ný verkefni, eins og að taka
á móti fólki sem er sagt upp. Einnig
fórum við að sérhæfa okkur meira í
ráðningum. Svo þegar við fórum að
sjá fyrir að markaðurinn væri að
fara af stað fórum við að gera vænt-
ingar til þess og vonuðum að eitt-
hvað meira færi að gerast í við-
skiptalífinu. Þetta starf byggist
mikið á tilfinningunni og við sjáum
fyrir okkur að framkvæmdirnar fyr-
ir austan fari ekki að skila sér inn í
atvinnulífið fyrr en eftir áramót.“
Hilmar segir framboðið á vinnu
hafa aukist aðeins síðasta vetur og
haldist stöðugt síðan. „Það er ekki
enn komin gífurleg eftirspurn eftir
vinnuafli. Við erum enn með stóran
hóp af fólki sem er að sækja um
störf. Fyrirtækin geta líka gert
meiri kröfur nú en þau gerðu áður,
þegar uppsveiflan var sem mest. Við
fáum yfirleitt allt sem beðið er um,
bæði menntun, reynslu og hegðun-
artengda hæfni vænlegra starfs-
manna. Í dag er gott að ráða fólk,
því það eru meiri líkur á að fyrirtæki
fái þá starfsmenn sem þau eru að
leita að, en að sama skapi er orðið
erfiðara fyrir þá sem eru ungir og
óreyndir að fá vinnu við sitt hæfi.
Það má segja að nú sé rétti tíminn til
að ráða fólk, því þegar uppsveiflan
byrjar aftur og eftirspurnin eftir
vinnuafli eykst á ný aukast líkurnar
á launaskriði og erfiðara verður að
manna stöður rétt.“
Dregur úr eftirspurn fyrir jól
Þórir Þorvarðarson, ráðningastjóri
hjá Hagvangi, segir endi tölvuævin-
týrisins árið 2001 hafa markað visst
hrun vinnumarkaðarins. „Síðan tók
við tímabil sem var ansi dapurt. Í
vor tók markaðurinn nokkuð við sér
og það var þónokkuð um að vera í
sumar. September- og októbermán-
uðir voru mjög góðir og þó nokkur
hreyfing á markaðnum. Hins vegar
finnst mér heldur hafa dregið úr eft-
irspurn núna síðustu vikurnar eða
dagana, en það er frekar árviss við-
burður. Þegar fjölgar í Kringlunni
og stórmörkuðunum, fækkar ráðn-
ingunum og menn fara úr þessum
gír. Menn fara að undirbúa jólin,
undirbúa uppgjörin og fara í áætl-
anagerðir. Menn eru að vinna í sín-
um málum. Síðan tekur þetta aftur
við sér eftir áramótin, viku eða hálf-
an mánuð af janúar tekur þetta
kipp. Af minni reynslu, kviknar á at-
vinnulífinu þegar jólaljósin
slokkna.“
Eftir jólaösina spýtist jafnan mik-
ið fjármagn úr verslunargeiranum
og út í aðra geira atvinnulífsins, þá
má segja að keðjuverkun fari í gang
með tilheyrandi hvata fyrir atvinnu-
lífið.
Þórir segir Hagvang verða mest
varan við vissa hluta atvinnumark-
aðarins. „Atvinnurekendur nota yf-
irleitt ekki ráðningarskrifstofur til
að ráða í almenn verkamannastörf.
Hér er mest um að ræða skrifstofu-
störf og sérfræði- og stjórnunar-
störf. Eðli ráðgjafarþjónustunnar
felst í því að sigta út hæfa einstak-
linga í þessi störf.“
Morgunblaðið/Júlíus
Jólaösin var hafin í Kringlunni um síðustu helgi. Hjá ráðningarfyrirtækjum er því spáð að vinnumarkaðurinn taki við sér eftir að jólaljósin slokkna á ný.
„Kviknar á atvinnulífinu
þegar jólaljósin slokkna“
Er atvinnulífið fer af stað verður erfiðara að finna rétt fólk, nú er sagður rétti tíminn til að ráða
2 B SUNNUDAGUR 16. NÓVEMBER 2003 MORGUNBLAÐIÐ
Undirfataverslunin Selena óskar eftir góðum
starfskrafti í framtíðarstarf. Selena er sérversl-
un með hágæða vörur og mikla þjónustu við
viðskiptavini. Umsókn ásamt mynd skal skila
á auglýsingadeild Mbl. merktri: „S — 14535
eða í box@mbl.is fyrir 20. nóv.
Vörubílstjórar óskast
hjá grónu írsku vöruflutningafyrirtæki
Einungis vanir bílstjórar með meirapróf „HGV
licence“. Einungis vinna á Írlandi.
Sendið upplýsingar um fyrri bílstjórastörf til
jjntransport@eircom.net eða hringið í síma
00353 1803 0380.
Sölumaður
Metnaðargjarn og þjónustulipur sölumaður
óskast sem fyrst. Reynsla í sölumálum nauð-
synleg og kostur ef viðkomandi hefur áhuga
á og hefur unnið við vélar. Reyklaus vinnustað-
ur. Vinsamlega sendið svör á auglýsingadeild
Mbl. merkt: „Traustur starfsmaður“.
FJÖLDI þeirra, sem hafa verið
skráðir atvinnulausir í meira en eitt
ár, hefur meira en tvöfaldast frá
ágústmánuði 2002 til ágústmán-
aðar 2003. Langstærstur hluti
þessarar aukningar á sér stað á
höfuðborgarsvæðinu. Þetta kemur
fram á vef Hagstofunnar.
Í ágúst 2002 höfðu 225 ver-
iðatvinnulausir í meira ár á höf-
uðborgarsvæðinu, en í ágúst 2003
var talan komin upp í 508. Lang-
tímaatvinnuleysi er miðað við 26
vikna atvinnuleysi eða meira. Þar
hefur alls fjölgað á höfuðborg-
arsvæðinu úr 723 í 1.265 manns.
Langtímaatvinnulausum fjölgar
næstum um allt land, en athygli
vekur að þeim fækkar á Norður-
landi vestra, úr 13 í 9. Almennt at-
vinnuleysi hefur hins vegar minnk-
að á Vestfjörðum og á Suðurlandi.
Mikið áfall fyrir fólk
Ingunn S. Þorsteinsdóttir, hagfræð-
ingur hjá ASÍ, segir að sér komi
ekki á óvart þessi aukning í lang-
tímaatvinnuleysi á höfuðborg-
arsvæðinu. Sérstaklega sé ástand-
ið slæmt hjá verslunarmönnum og
félögum Eflingar. „Þetta dregur úr
sjálfsöryggi fólks og styrk til að fást
við lífið og tilveruna. Fólk getur
lagst í þunglyndi og fær geysilega
höfnunartilfinningu. Þá getur verið
afar erfitt fyrir fólk að komast aftur
út á vinnumarkaðinn eftir svona
langt hlé. Þetta er auðvitað bæði
sálrænt og fjárhagslegt áfall.
Fólk, sem áður hafði kannski
ágætistekjur, þarf að fara að tak-
ast á við það að vera með í mesta
lagi77.000 krónur á mánuði, sem
eru fullar atvinnuleysisbætur. Þá
þarf það að standa við allar þær
skuldbindingar sem það hafði,
borga af lánum, leigu af húsnæði
og framfleyta börnum. Tilvera fólks
bókstaflega hrynur,“ segir Ingunn
og bætir því við að frá upphafi nóv-
ember hafi fjölgað mjög á atvinnu-
leysisskrá og nú sé svo komið að
um 4.800 séu án vinnu.
Batahorfur framundan
Gústaf Adolf Skúlason, stjórnmála-
fræðingur hjá Samtökum atvinnu-
lífsins, segir þessar tölur í raun
ekki koma á óvart. „Hér var sam-
dráttur á síðasta ári og hagvöxtur
ekki mikill í ár. Það var því viðbúið
að atvinnuleysi myndi aukast. Þeg-
ar atvinnuleysi eykst, þáeykst lang-
tímaatvinnuleysi venjulega sömu-
leiðis. Þeir hópar sem eru
laustengdir við vinnumarkaðinn af
ýmsum ástæðum, eru inn og út úr
vinnu og þeir sem standa einhverra
hluta vegna höllum fæti á vinnu-
markaði lenda oft í langtíma-
atvinnuleysi þegar harðnar á daln-
um,“ segir Gústaf Adolf og bætir
við að mikil áhersla hafa verið lögð
á það af hálfu vinnumiðlana að
sinna þessum hópi og gripið hafi
verið til ýmissa úrræða sem miðast
við ólíka hópa.
„Nú eru hins vegar horfur á
auknum hagvexti og því líklegt að
dragi úr atvinnuleysi strax á næsta
ári og að það verði hverfandi á þar-
næsta ári og árunum þar á eftir,“
segir Gústaf Adolf að lokum.
Langtíma-
atvinnuleysi
tvöfaldast