Morgunblaðið - 17.11.2003, Blaðsíða 5

MORGUNBLAÐIÐ MÁNUDAGUR 17. NÓVEMBER 2003 B 5
REYNIR Guðmundsson, formaður Badmin-
tonsambands Íslands, hafði í mörg horn að líta
á alþjóðlega badmintonmótinu um helgina
enda hefur mótið aldrei verið stærra en nú.
Alls voru 150 keppendur skráðir til leiks frá 22
löndum, þar af voru 105 erlendir badmin-
tonleikarar auk fremstu badmintonmanna hér
á landi. Hann var mjög ánægður með hvernig
mótið tókst til og vildi ekki síst þakka þeim
fjölmörgu sem komu að framkvæmd mótsins
fyrir þeirra þátt.
Ragna og Sara standa í ströngu
Stjörnur mótsins og von Badmintonsam-
bandsins fyrir Ólympíuleikana 2004, þær
Ragna Ingólfsdóttir og Sara Jónsdóttir, hafa
staðið í ströngu við undirbúning en hvernig
kemur Badmintonsambandið að þeirra þátt-
töku og fjármögnun ferðalaga?
„Þær fá styrki frá Ólympíusamhjálpinni,
Ragna fær 1.000 dollara á mánuði og Sara
2.500 dollara ef ég man rétt. Þetta dugar
skammt þegar farið er í löng ferðalög og dval-
ið langdvölum að heiman. Þetta eru nægju-
samar stúlkur, þær skrimta og Badmin-
tonsambandið hefur lagt þeim til smápeninga
en það er sjálfsagt dropi í hafið á þeim kostn-
aði sem þær þurfa að standa undir. Badmint-
onsambandið er að reyna að koma keppendum
á Ólympíuleika í annað sinn. Við reyndum
þetta með Svein Sölvason á sínum tíma og það
reyndist sambandinu mjög dýrt og erum við að
vinna okkur út úr þeim pakka fyrst núna þar
sem hann reyndist okkur dýr. Við einsettum
okkur það að lenda ekki í sömu vandræðunum
og við lentum í þá og það er í raun ótrúlegt
hvað hægt er að gera með litlum peningum,“
sagði Reynir Guðmundsson, formaður Bad-
mintonsambands Íslands í samtali við Morg-
unblaðið.
Morgunblaðið/Þorkell
Reynir Guðmundsson, t.v., og Jan Samuel-
son, yfirdómari á mótinu um helgina.
Styrkirnir duga skammt
við undirbúning Ólympíuleika
„ÞETTA er í sjöunda sinn
sem við höldum alþjóðlegt
mót og þátttakendum hefur
stöðugt fjölgað. Í ár eru fleiri
þátttakendur en nokkru sinni
vegna Ólympíuleikanna. Að
þessu sinni er það markmið
mjög margra þátttakenda að
ná í stig fyrir Ólympíuleikana
og skýrir það þennan mikla
fjölda,“ sagði Ása Pálsdóttir,
framkvæmdastjóri Blak-
sambands Íslands.
„Á venjulegu móti hér hafa
verið um 50 erlendir gestir
en við eigum von á því að
þeim muni fjölga á næstu ár-
um því til stendur að halda
heimsmeistaramót á hverju
ári, nema á Ólympíuári. Núna
eru hér mjög sterkir spilarar
eins og japanska stúlkan sem
Ragna vann á Opna banda-
ríska mótinu í síðasta mánuði
en hún er skráð í 35. sæti
heimslistans en Ragna er í
60. sæti listans.“
Hvernig hefur aðsókn og
framkvæmd mótsins farið
fram?
„Það hefur gríðarlega mik-
il vinna verið lögð í mótið,
ekki síst vegna þess mikla
fjölda gesta sem hingað eru
komnir og hafa margir komið
þar að málum. Við höfum
fengi góða umfjöllun um mót-
ið sem er mjög jákvætt. Það
er mikill stígandi í badmint-
oníþróttinni bæði meðal
yngra og eldra fólks enda er
badminton góð afþrey-
ingaríþrótt fyrir alla aldurs-
hópa.“
Aldrei fleiri
erlendir
gestir
Broddi var sáttur við frammistöðustúlknanna á mótinu. „Þetta
hefur gengið nokkuð vel, eiginlega
vonum framar, og
getum við verið mjög
sátt við mótið í heild-
ina. Mótið er sterk-
ara núna en það hef-
ur verið áður. Þó að við höfum ekki
náð í úrslitaleiki getum við verið sátt
við að eiga þó þetta marga í undan-
úrslitum,“ sagði Broddi.
Íslendingar voru í undanúrslitum í
fjórum greinum af fimm og þar af
fóru þrjár viðureignir í oddaleik. Í
einliðaleik kvenna, þar sem Ragna
Ingólfsdóttir tapaði fyrir búlgörsku
stúlkunni Petya Nedeltcheva í odda-
leik, 6/11, 13/10 og 11/3. Í tvíliðaleik
karla töpuðu þeir Sveinn Sölvason og
Tryggvi Nilsen sömuleiðis í oddaleik
fyrir David Lindley og Kristian Roe-
buck frá Englandi, 12/15, 15/10 og
15/7. Ragna Ingólfsdóttir og Sara
Jónsdóttir töpuðu fyrir búlgörsku
stúlkunum Petya Nedeltcheva og
Neli Boteva, 12/15, 15/4 og 15/5. Þá
töpuðu þau Helgi Jóhannesson og
Drífa Harðardóttir í tvíliðaleik fyrir
Simon Archer og Donna Kellogg, 15/3
og 15/7.
„Varðandi strákana voru það von-
brigði að sjá ekki Tómas Viborg fara
lengra en hann gerði. Hann tapaði í
annarri umferð og getur meira en
hann sýndi hérna og þarf aðeins að
bæta sig. Tvíliðaleikurinn hjá Sveini
Sölvasyni og Tryggva Nilsen var
mjög góður. Þeir spiluðu vel og það
var mjög jákvætt. Þá var tvenndar-
leikurinn hjá Helga Jóhannessyni og
Drífu Harðardóttur mjög góður eins
og tvíliðaleikurinn hjá Rögnu Ingólfs-
dóttur og Söru Jónsdóttur.
Við erum í ágætu standi með allt
nema kannski einliðaleikinn hjá
strákunum, þar sem við þurfum að
bæta okkur nokkuð. En það munar
miklu að Tómas er ekki að spila af
getu og ef hann nær að taka sig aðeins
á og spila eins og hann gerði eftir ára-
mót þá erum við í góðum málum. Þeir
Tómas, Tryggvi, Sveinn og Helgi eru
fremstir íslenskra badmintonmanna
og þótt það séu nokkrir ungir leik-
menn sem knýja á vantar þá ennþá
reynslu á svona mótum til að fara að
ógna þeim fjórum.
Ragna og Sara eru bestar íslenskra
badmintonkvenna og spiluðu mjög vel
á þessu móti. Tvíliðaleikurinn hjá
þeim var mjög góður en þetta búlg-
arska lið er mjög sterkt þótt þær séu
rétt fyrir neðan þær á heimslistanum.
En þær búlgörsku eru tiltölulega ný-
byrjaðar að koma sér inn á listann þar
sem þær hafa verið að spila með öðr-
um „makkerum“. Við vissum að þær
væru sterkar og að þær væru að
vinna sig mjög hratt upp listann.
Ragna var að spila alveg frábær-
lega í einliðaleiknum og vann sterka
mótherja, bæði þá skosku (Susan
Hughes) sem er númer 35 á heimslist-
anum og þá japönsku (Chie Umezu).
Þetta voru mjög erfiðir leikir og það
voru farin að sjást á henni þreytu-
merki, en hún spilaði mjög vel þannig
að einliðaleikirnir hjá henni og tvíliða-
leikurinn með Söru voru mjög góðir.“
Möguleikar Íslands á að komast í
bandmintonkeppina á Ólympíuleik-
unum felast í möguleikum Rögnu og
Söru; hvernig er staðan í því?
„Já, Ragna og Sara eru okkar von
til að komast á Ólympíuleikana. Þær
voru núna í síðustu viku númer 29 á
heimslistanum en þurfa að vera um
það bil númer 23. Þótt þetta mót hafi
gengið ágætlega hjá þeim held ég að
þær muni ekki færast mikið til á
heimslistanum.“
Þessi miklu ferðalög sem þær hafa
staðið í á þessu ári; verður þetta ekki
of erfitt fyrir þær þegar líður á?
„Þessir keppendur sem eru hérna
eru allir í þessum pakka. Það eru allir
að stefna að því sama og þetta er bara
eitthvað sem þær þurfa að búa við.
Þetta er náttúrulega svolítið mikið en
það koma tarnir og svo hvíldir á milli
og það skiptir miklu máli fyrir step-
urnar að nýta hvíldardagana vel. Um
þetta snýst dæmið. Það er rosalega
erfitt að komast á Ólympíuleikana,
margir að reyna að komast en fáir út-
valdir. Þær eru nálægt takmarkinu
og vonandi tekst þeim að komast alla
leið, en það verður erfitt.“
Þú ert landsliðsþjálfari þeirra en
þú færð ekki oft að fara með þeim á
mörg mót?
„Nei því miður, það eru til tak-
markaðir peningar og það er gjarnan
skorið niður með því að senda mig
ekki með. Við erum mikið í sambandi
og skipuleggjum saman. En auðvitað
þyrfti ég að komast oftar með þeim á
mót, það er ekki spurning.“
Hverjir eru helstu veikleikar og
styrkleikar þeirra Rögnu og Söru?
„Þær eru að verða miklu „rútíner-
aðri“ og öruggari leikmenn en þær
voru og gera færri einföld mistök. Það
sést best á Rögnu í einliðaleiknum
hversu örugg hún er orðin í spilinu.
Það sama má segja um Söru, hún er
að verða líkamlega sterkari og hefur
meira vald á getunni, sveiflurnar
verða minni og vonandi skilar það
þeim áfram. Þær eru báðar tæknilega
mjög góðar, fela höggin vel þannig að
andstæðingurinn á erfitt með að sjá
hvað þær ætla að gera. Þær eru að
vaxa mjög líkamlega, bæði hvað varð-
ar úthald og styrk og það held ég að
sé þeirra helsti styrkleiki,“ segir
Broddi Kristjánsson, landsliðsþjálfari
í badminton.
Ágætur árangur Ís-
lendinga þótt eng-
inn kæmist í úrslit
Morgunblaðið/Þorkell
Broddi Kristjánsson, landsliðsþjálfari í badminton, fylgist með
keppninni um helgina.
BRODDI Kristjánsson, sig-
ursælasti badmintonspilari Ís-
lendinga, var áhorfandi á al-
þjóðlega mótinu sem haldið var
í TBR-húsinu um helgina. Hann
starfar nú sem landsliðsþjálfari
og fylgdist með sínu fólki og þá
sérstaklega þeim Rögnu Ing-
ólfsdóttur og Söru Jónsdóttur,
sem eru líklegastar Íslendinga í
badminton til að komast á Ól-
ympíuleikana 2004.
Ingibjörg
Hinriksdóttir
skrifar

HEILDARVERÐLAUNAFÉ á
IcelandExpress-mótinu var 250.000
íslenskar krónur, en það er lág-
marksfjárhæð sem veita skal á al-
þjóðlegum mótum. Verðlaunafjár-
hæðin er ákvörðuð af Alþjóða
badmintonsambandinu.

RAGNA Ingólfsdóttir og Sara
Jónsdóttir eru á leið til Gvatemala,
Wales og Írlands áður en þær koma
heim til Íslands í jólafrí.

ÞÆR eru nú í 29. sæti heimslist-
ans í tvíliðaleik og eiga þar með þátt-
tökurétt á Grand Prix-mótum sem
geta verið þeim dýrmæt í stigasöfn-
un fyrir ÓL 2004.

STIG fyrir tap í 32 liða úrslitum á
Grand Prix-móti veita álíka mörg
stig og að komast í undanúrslit á
móti líkum þeim og haldin voru hér á
Íslandi um helgina.

FJÖLMENNI fylgdist með mótinu
á laugardag og var mikil stemning í
húsinu þegar íslensku keppendurnir
voru á vellinum. Það var heldur fá-
mennara og hljóðara í húsinu á
sunnudag þegar úrslitaleikirnir fóru
fram enda voru þá engir íslenskir
keppendur í eldlínunni.
FÓLK
JAN Samuelsson, danskur yf-
irdómari á mótinu, var að
mæta á sitt fimmta alþjóðlega
mót hér á Íslandi og hann er
ánægður með framkvæmd
mótsins.
„Það er mjög góður „stand-
ard“ á mótinu að þessu sinni.
Ég get nefnt að Simon Archer
frá Englandi vann til brons-
verðlauna á síðustu Ólympíu-
leikum og Jesper Larsen frá
Danmörku var um tíma efsti
maður heimslistans í tvíliða-
leik.
Mér finnst mótið hafa vaxið
með hverju árinu sem ég hef
komið hingað og að þessu
sinni er það talsvert betra en
áður,“ sagði Jan Samuelsson
en hann var ófáanlegur til að
gefa nokkuð upp um það
hvernig hann teldi gæðin á ís-
lensku spilurunum vera. „Ég
er meira í skipulagningunni
og umsýslu dómaranna heldur
en því að meta gæði leikmann-
anna. En það er alltaf gaman
að koma til Íslands og ég vona
að ég fá fleiri tækifæri til
þess,“ sagði Jan Samuelsson.
Mótið tals-
vert betra
en áður
BADMINTON