Morgunblaðið - 26.11.2003, Blaðsíða 2
Morgunblaðið/Árni Sæberg
ÞAÐ vita það kannski ekki allir en
pallbílar bera mun lægri vörugjöld en
til dæmis jeppar. Meðan jepparnir
bera yfirleitt 45% vörugjöld leggst
aðeins 13% vörugjald á pallbílana.
Það var áður 20% en lækkaði síðan
niður í 13% á síðasta ári. Þetta leiðir
að sjálfsögðu til þess að verð á pall-
bílum er umtalsvert lægra en á jepp-
um, jafnvel að teknu tilliti til þess að
meira er lagt í jeppana.
Hannes Strange, hjá Ingvari
Helgasyni og Bílheimum, segir að
Nissan bjóði pallbíla með öflugri,
þriggja lítra dísilvél og meira sé lagt í
þessa bíla en áður. Navara-pallbíllinn
er til dæmis með laglegri innréttingu,
rafdrifnum rúðum og ágætum hljóm-
tækjum. Hann er með brettaköntum,
á álfelgum, tvílítur, með sóllúgu og
fleiru. Bíllinn kostar 2.715.000 krón-
ur.
7–800 þúsund kr. til breytinga
„Ég hef samt ekki séð neina hol-
skeflu í kaupum á pallbílum. Ekki
eins og í kringum 1991–92. Þá seldist
til dæmis mikið af Ford Ranger með
fjögurra lítra, V6-vél. Hins vegar hafa
fyrirtækin endurnýjað meira pallbíla-
flotann sinn,“ segir Hannes.
Margir sem kaupa pallbíla byrja
strax á því að breyta þeim. Byrjað er
á því að klæða skúffuna að innan sem
kostar um 60.000 krónur. Sett er hús
á pallinn og kostar það ásett og mál-
að, um 200.000 krónur. Hugsanlega
vilja menn einnig breyta bílnum fyrir
35 tommu dekk. Slík breyting kostar
um 460.000 krónur. Með öllum breyt-
ingunum er verðið á pallbílnum kom-
ið upp í 3,4-3,5 milljónir króna. Ódýr-
asti Terrano jeppinn kostar 3,3
milljónir króna. Með því að breyta
honum fyrir 35 tommu dekk er verðið
komið upp í 3,7-3,8 milljónir króna.
En á móti kemur að Terrano er sjö
sæta bíll og með meiri lúxus en pall-
bíllinn, ekki síst hvað fjöðrunarbún-
aðinn varðar.
Stórum pallbílum frekar breytt
Egill Jóhannsson, forstjóri Brim-
borgar, segir á hinn bóginn áberandi
sveiflu í því að menn kaupi pallbíla til
að breyta þeim. Hann segir að lítið
seljist af Ford Ranger-pallbílnum og
bílum í þeim stærðarflokki til einstak-
linga. Meira sé um að fyrirtæki kaupi
þessa stærð pallbíla. „Það er frekar
að menn kaupi bíla í F-línunni frá
Ford, eins og F-150, F-250 og F-350.
Við höfum fundið að margir sem hafa
verið á bílum svipuðum og Nissan
Patrol eru að hugleiða kaup á bílum
eins og F-250. Þetta er grófari bíll og
á blaðfjöðrum. Hann er fáanlegur
með dísilvél sem F-150 er ekki. Þetta
er ný sex lítra, V8 dísilvél. Við höfum
afhent talsverðan fjölda úr F-línunni,
þar á meðal nokkra F-350 sem fara í
vörubílaflokk og bera ekkert vöru-
gjald. Hann er þá með tvöföldum
dekkjagangi að aftan,“ segir Egill.
Brimborg býður F-150 bílinn með
4,6 eða 5,4 lítra bensínvélum, V6 og
V8. F-150 kostar frá 2.995.000 krón-
um.
Ekki má heldur gleyma að Toyota
býður pallbíla af gerðinni Hilux sem
mikið hefur verið breytt hérlendis.
13% vörugjald á pallbíla en 45% á jeppa veldur talsverðum verðmun milli bílgerðanna
Margir breyta pallbílum í jeppa
Ford F-250 fæst með bensín- og dísilvélum og gæti hentað vel til breytinga.
Hannes Strange, markaðsstjóri hjá
Ingvari Helgasyni og Bílheimum.
Morgunblaðið/Golli
Egill Jóhannsson, forstjóri Brimborgar, segir marga kaupa pallbíla í stað jeppa.
Nissan Double Cab Navara eftir breytingu; stórt loftinntak, krómaðir speglar,
álfelgur ásamt stigbrettum og brettaköntum setja sportlegan svip á bílinn.
2 B MIÐVIKUDAGUR 26. NÓVEMBER 2003 MORGUNBLAÐIÐ
bílar
LAGAFRUMVARP um olíugjald
liggur nú fyrir þingi og kvaðst Run-
ólfur Ólafsson, framkvæmdastjóri
Félags íslenskra bifreiðaeigenda, í
samtali við Morgunblaðið hafa
áhyggjur af því að „ákveðnir aðilar í
þingflokkunum væru sestir ofan á“
frumvarpið, sem einnig hefur verið
kallað þungaskattsfrumvarpið. „Það
er pressa frá aðilum í landflutning-
um og hjá olíufélögunum að unnið sé
gegn þessu frumvarpi og framgangi
þess í þinginu,“ sagði Runólfur.
Runólfur minnti á, að málið hefði
komið til meðferðar þingsins í októ-
berbyrjun en væri enn „að þvælast í
nefndum“ þrátt fyrir að fyrir lægju
samþykktir af landsfundum beggja
stjórnarflokkanna um að greiða leið
málsins í þinginu. Runólfur benti á
að hér væru margvíslegir þættir á
ferðinni, óhófleg skattlagning á eig-
endur einkabíla umfram eigendur
landflutningsfarartækja, mengun,
skuldbindingar okkar við Kyotobók-
unina og fleira. „Þrátt fyrir það virð-
ast menn aftur komnir ofan í gömlu
skotgrafirnar og reyna að þæfa mál-
ið með uppástungum um niður-
greiðsluleið í gegnum skattkerfið.
Við vitum hvernig þingmál ganga
fyrir sig og ef olíugjaldsfrumvarpið á
að taka gildi eftir eitt ár, eins og lagt
hefur verið upp, þá verður að fara að
höggva á hnúta, því menn eru að
missa sjónar á þjóðhagslegum ávinn-
ingi frumvarpsins. Vissulega er
þetta slæmt mál fyrir landflutnings-
fyrirtækin, en það mál verður að
skoða frá öðrum vinklum, „tækla
það“ fá öðrum sjónarhornum. Til
þess eru leiðir. Í millitíðinni eru
ríkjandi reglur á skjön við jafnræð-
isreglur í skattlagningu,“ bætti Run-
ólfur við.
Sammála
Guðmundur Hallvarðsson, for-
maður Samgöngunefndar Alþingis,
sagðist vera sammála Runólfi í sam-
tali við Morgunblaðið. „Þetta er
mjög brýnt mál og það verður að
klára það. Vissulega eru þættir inn-
an þess sem þarf að taka á, en ég trúi
því að í góðu samstarfi við fjármála-
og samgönguráðuneytin munum við
ljúka þessu máli, þó ekki væri nema
vegna mengunarþáttarins. Við erum
að tala um einhverja 5 milljarða
króna sem ríkissjóður er að fá inn í
þungaskatt og ég trúi því ekki fyrr
en ég tek á því að það þurfi allt þetta
umleikis til að innheimta þessa tölu,
litun olíu, eftirlitskerfi. Ég sé ekki
fyrir endann á þessu máli ef það fær
að lognast út af eina ferðina enn.“
Deilt um afgreiðslu olíugjaldsfrumvarps
Morgunblaðið/Steinunn Ásmundsd.
FÍB segir að unnið sé gegn olíugjaldsfrumvarpinu í þinginu.
FORMÚLULIÐ Toyota er tilbúið í æf-
ingakstur vetrarins sem hefst í vik-
unni. Liðið mun æfa á Paul Ricard í
Frakklandi og á brautum á Spáni. Þá
hefur liðið tilkynnt að nýi TF 104 bíll-
inn verði frumsýndur í Köln þann 17.
janúar 2004. Frá þessu er greint á
heimasíðu Toyota.
Riccardo Zonta, Cristiano da
Matta og Olivier Panis munu þeysa á
bílum liðsins.
Gustav Brunner, aðalhönnuður
liðsins, telur ökumenn liðsins í góðum
málum fyrir komandi tímabil. „Panis
er listamaður við stýrið og hefur
mjög jákvæð áhrif á liðið,“ segir Brun-
ner, sem nú nýtur fulltingis Mike Gas-
coyne sem umbylti Renault keppn-
isbílnum til hins betra. Vonast
liðsmenn til að koma Gascoyne muni
gera 2004 Toyota bílinn mun öflugri
en forverann, ekki síst hvað varðar
yfirbyggingu bílsins.
Yfirmaður hönnunardeildarinnar,
Keizo Takahasi, telur að Panis verði
að sýna meiri stöðugleika milli ein-
stakra móta og milli æfinga og tíma-
taka á keppnishelgum. Hann segir
reyndar að þjónustulið Panis hafi líka
átt sök á misjöfnu gengi í ár og úr því
verði bætt. Cristiano da Matta þarf
að bæta frammistöðu sína í tímatök-
unni, sem verður tvöföld á næsta ári.
Ökumenn fá tvö tækifæri til að ná
besta tíma, í stað eins. Liðsheildin
verði efld í vetur á æfingum. Miklar
annir eru framundan hjá liðunum og
líklegt að ökumenn aki yfir 60.000
km fyrir fyrsta mót, sem verður í
Ástralíu í mars. Ökumenn munu taka
frumsporin á endurbættum útgáfum
af 2003 bílnum, með hlutum sem
notaðir verða í nýja bílnum í janúar.
Þá hefur Michelin endurbætt keppn-
isdekkin sem notuð verða í mótum
ársins, en Toyota er samningsbundið
Michelin eins og mörg önnur lið.
Dekkin verða prófuð af kappi í vetur,
til að aðlaga þau að nýja bílnum.
Æfingar snúast ekki síst um dekkin.
Toyota að
hefja vetr-
aræfingar
Vi›arhöf›a 6 • 110 Reykjavík
Sími 577 4444 • www.fjallasport.is
37“
37x13,5x15