Morgunblaðið - 26.11.2003, Blaðsíða 16
16 B MIÐVIKUDAGUR 26. NÓVEMBER 2003 MORGUNBLAÐIÐ
bílar
BMW setur á markað á næsta ári
nýja kynslóð BMW 3, sem verður
gerbreyttur í útliti og í takt við nýjan
BMW 7 og BMW 5. Bílnum er auð-
vitað ætlað að veita Mercedes-Benz
C og Audi A4 harða samkeppni.
Hann mun byggjast að verulegu
leyti á núverandi gerð bílsins, sem er
söluhæsti bíll BMW.
BMW ætlar fyrst að kynna bílinn í
stallbaks- og langbaksgerð en bæta
seinna við kúpubaki og opnum bíl,
sem á að koma á markað 2005 og
kallast BMW 4, líkt og opni bíllinn
sem byggist á BMW 5 kallast BMW
6.
Nýi bíllinn verður stærri en sá
sem hann leysir af hólmi og fleiri vél-
ar verða í boði. Minnstu vélarnar
verða fjögurra strokka Valvetronic
en þær stærstu V8. BMW ætlar með
öðrum orðum að setja á markað þrist
sem höfðar til eins margra kaupenda
og mögulegt er.
BMW er einnig sagt ætla að bjóða
upp á hátæknivæddasta bílinn í
þessum stærðarflokki. Hann verður
með SMG-gírkassanum úr núver-
andi M3 og virku stýri (active steer-
ing), sem er byltingarkenndur bún-
aður sem dregur úr þörfinni fyrir að
snúa stýrinu þegar beygt er. Þá
verður flaggskipið líka boðið með
raf-vökvabremsum. Best búnu bíl-
arnir verða líka með einfaldari út-
færslu af i-Drive stjórnkerfi BMW,
sem er m.a. að finna í BMW 7 og
BMW 5. Flaggskipið verður með 4,5
lítra, V8 vél og mun hann kallast
345i, en einnig er búist við að BMW
þrói einnig 3,6 lítra bensínvél til að
brúa bilið milli 4,5 lítra vélarinnar og
þriggja lítra, sex strokka vélar sem
einnig verður í boði.
BMW 3 verður gerbreyttur í útliti og í takt við nýjan BMW 7 og BMW 5.
Nýi bíllinn verður stærri en sá sem hann leysir af hólmi og fleiri vélar verða í boði.
Touring kallast langbakurinn.
Nýr þristur á næsta ári
NÝI lúxusjeppinn frá Volkswagen
verksmiðjunum, Touareg, verður
sendur í Dakar-rallið sem stendur yfir
í tvær vikur í janúar næstkomandi.
Þetta er ein erfiðasta raun sem lögð
er fyrir nokkurn bíl, tveggja vikna
akstur með tilheyrandi puði og
streitu um eyðimerkursanda, hóla,
hæðir og pytti.
Í frétt frá Wolfsburg, aðalstöðvum
Volkswagen, kemur fram að Touareg
hafi að undanförnu verið prófaður í
Marokkó. Þetta er í fyrsta sinn sem
Touareg er sendur í þessa keppni og
því nauðsynlegt að prófa alla enda og
kanta áður en mætt er til leiks.
Nýir ökumenn
Við stýrið hefur verið Jutta
Kleinschmidt, nýr ökumaður hjá
Volkswagen, og aðstoðarmaður er
Fabrizia Pons. Annað ökulið skipa
Bruno Saby og Matthew Stevenson.
Kris Nissen, hjá Volkswagen, segir
það morgunljóst að keppnisútgáfa
Touareg með ýmsum endurbótum
verði að standast prófraunina í
keppninni. Þess vegna sé mikilvægt
að undirbúa bílinn vel, ná út úr honum
því sem hægt er, fjöðruninni, aldrifinu
og eiginleikum fimm strokka og 2,3
lítra dísilvélarinnar, öll þessi kerfi
verði að vinna vel saman og ekki síður
með ökumönnum. Hann segir ætl-
unina að aka eins mikið og unnt er nú
fyrir mánaðarlok og gangi allt eins vel
og hingað til muni keppnisliðið ná að
aka álíka langt og við álíka erfiðar að-
stæður eins og í rallinu sjálfu.
Jutta Kleinschmidt og Bruno Saby
eru hrifin af bílnum eftir reynsluna
hingað til, segja að bíllinn hafi mikla
getu og telja að hann eigi enn eftir að
þróast og batna. Þau segja að fyrsti
hluti prófunarinnar hafi snúist um að
reyna sem mest á fjöðrun bílsins og
læra á hana og þar hafi komið vel í ljós
góðir eiginleikar á hvers kyns erfiðum
leiðum með tilheyrandi stökkum.
Hugað að hverju smáatriði
Þau segja jafnvægið í bílnum gott
þar sem þyngdin dreifist mjög vel og í
heild hafi hverju smáatriði verið gef-
inn mikill gaumur við hönnun og
framleiðslu.
Með ökumönnunum í prófunum
hefur starfað Eduard Weidl, tækni-
legur stjórnandi keppnisdeildarinnar,
og saman hafa þau lagt á ráðin varð-
andi nánari útfærslu og stillingu bíls-
ins áður en keppnisdagurinn rennur
upp, í byrjun janúar á nýju ári.
Volkswagen býr Touareg-jepp-
ann undir Dakar-rallið í janúar
Fjöðrun Touareg reynd í stökkum á
erfiðum leiðum, rétt eins og verður í
rallinu sjálfu.
Volkswagen Touareg-jeppinn hefur verið í ýmsum prófunum fyrir Dakar-rallið í janúar.
Jutta Kleinschmidt er nýr aðal-
ökumaður hjá Volkswagen-liðinu.