Morgunblaðið - 17.12.2003, Blaðsíða 3
MORGUNBLAÐIÐ MIÐVIKUDAGUR 17. DESEMBER 2003 B 3
bílar
NÝJUSTU tölur frá ACEA, sam-
tökum evrópskra bílaframleiðenda,
sýna að bílasala í Evrópu er að ná
jafnvægi eftir nokkurn samdrátt. Í
nóvember seldust 1.046.147 bílar.
Þótt það þýði ennþá um 1% sam-
drátt miðað við nóvember í fyrra
voru virkir dagar í nóvember
tveimur færri en í sama mánuði í
fyrra.
Í Þýskalandi, stærsta einstaka
bílamarkaðnum í Evrópu, er salan
að ná sér á strik þótt ennþá sé um
samdrátt að ræða sé miðað við
fyrstu ellefu mánuðina í fyrra. Þar
höfðu selst 3.006.748 bílar. Í Bret-
landi, næststærsta markaðnum,
seldust 2.423.598 bílar, 2.098.132
bílar á Ítalíu, 1.848.840 bílar í
Frakklandi og 1.256.649 bílar á
Spáni. Hvergi annars staðar í Evr-
ópu náði salan meira en einni millj-
ón bílum. Athygli vekur að á
minnsta markaðnum, Íslandi, seld-
ust 9.382 bílar fyrstu ellefu mán-
uðina, sem er mesta hlutfallslega
aukningin milli ára, 42,3%. Mestur
samdráttur varð hins vegar í Portú-
gal, 18,5%.
Volkswagen-samstæðan státar
enn sem fyrr af mestri sölu í Evr-
ópu, en í næstu sætum koma PSA
(Peugeot-Citroen), Ford/PAG
(Premium Automobile Group), Re-
nault, GM Evrópu og Fiat.
Mest selda einstaka gerðin er
Renault en Volkswagen er í öðru
sæti.
Mest aukning
í sölu í Evrópu
á Íslandi
ÞÝSKIR ökumenn eru ánægðastir
í japönskum bílum, ef marka má
niðurstöður í könnun ADAC, bif-
reiðaeigendasamtakanna þýsku.
Löngum hefur verið fullyrt að
þýskir bílar séu skólabókardæmi
um velheppnaða hönnun og koma
niðurstöðurnar ekki síst á óvart í
ljósi þess.
Í könnuninni voru 38 þúsund
þýskir bíleigendur spurðir hversu
ánægðir þeir væru með bíl sinn og
þjónustuna sem þeir fengju frá
framleiðandanum.
Þýsku iðnrisarnir Mercedes-
Benz, Volkswagen og Opel vermdu
neðstu sætin í könnuninni en jap-
önsku framleiðendurnir röðuðu sér
í sjö efstu sætin.
Porsche, sem er sá framleiðandi
í heiminum sem mestum hagnaði
skilar um þessar mundir og er
frægur fyrir framleiðslu á sport-
bílum, var eini þýski framleiðand-
inn sem var á meðal þeirra sem
voru í tíu efstu sætunum.
Í efsta sæti varð Toyota, sem
aðrir framleiðendur líta til með að-
dáun, m.a. vegna mikillar skil-
virkni í verksmiðjum fyrirtækisins.
Í næstu sætum voru Subaru,
Honda, Mazda og Nissan.
Þýskir hrífast
mest
af japönskum
GENERAL Motors ætlar að frum-
kynna þriðju gerðina af Hummer á
bílasýningunni í Los Angeles sem
verður opnuð strax á nýju ári. Þetta
er þriðji bíllinn af þessari gerð en í
fyrra var kynntur Hummer H2.
Nýja gerðin sem kallast H3 verður
þeirra minnstur og á að höfða til
yngri bílkaupenda. Bíllinn verður þó
eingöngu sýndur sem hugmyndabíll
í Los Angeles og kemur ekki á mark-
að fyrr en árið 2005.
Þegar GM eignaðist Hummer-
verksmiðjurnar tók fyrirtækið yfir
borgaralegu útgáfuna af Humvee-
herbílnum. Á grunni hans var Hum-
mer H2 þróaður, sem er minni og
meðfærilegri. Og nú verður H3
sýndur í LA og kemur á markað
2005. Reyndar er það pallbílsútgáfa
bílsins sem verður sýnd, sem kallast
H3T. Hann er byggður að miklu leyti
á tækni úr Chevrolet Colorado og
GMC Canyon. Meðalaldur kaupenda
Hummer í dag er nálægt 45 árum og
þess vegna þarf GM með einhverjum
ráðum að höfða til yngri kaupenda.
Það er gert m.a. með samstarfi við
hönnuði hjá Nike sport- og skófatn-
aði. Dekkin eru t.a.m. með svipuðu
mynstri og hlaupaskór og verða til í
mörgum mismunandi litum. Að inn-
an verður bíllinn klæddur efni sem
notað er í keppnisskó.
Undir vélarhlífinni er 350 hestafla
Vortec, fimm strokka bensínvél. Hummer H3T var frumsýndur í síðustu viku.
Hummer og Nike