Morgunblaðið - 26.01.2004, Síða 4

KANNA ætti kosti þess að Ísland
beiti Ísrael viðskiptaþvingunum
vegna byggingar aðskilnaðarmúrs í
Palestínu, að mati Ungra jafnaðar-
manna, ungliðahreyfingar Samfylk-
ingarinnar. Þetta kemur fram í opnu
bréfi sem hreyfingin sendi Halldóri
Ásgrímssyni utanríkisráðherra.
„Við teljum rétt að tekið sé til at-
hugunar hver pólitísk áhrif þess væru
ef Íslendingar segðu upp aðild sinni
að fríverslunarsamningi EFTA við
Ísrael. Við teljum að ákvæði í samn-
ingnum veiti okkur rétt til slíkrar ein-
hliða uppsagnar,“ segir í bréfinu.
Þar segir einnig að íslenskum al-
menningi ofbjóði það stríð sem geisar
í Palestínu og þau ódæðisverk sem
þar eru unnin. Öllum unnendum
frelsis og friðar sé ljóst að það væri
stórt skref aftur á bak fyrir alla
heimsbyggðina ef Ísraelar fengju óá-
reittir að reisa aðskilnaðarmúr. „Það
væri mikið áfall nú rúmum fimmtán
árum eftir að Berlínarmúrinn féll,“
segja ungir jafnaðarmenn.
Dorrit sýnir mikilvægt fordæmi
Ungir jafnaðarmenn telja að Dorrit
Moussaief, forsetafrú, hafi sýnt mik-
ilvægt fordæmi fyrir skemmstu þeg-
ar hún lýsti skoðunum sínum á stjórn-
arháttum í Ísrael. „Við megum ekki
endalaust skáka í skjóli bandalags við
Bandaríkin eða annarra slíkra hags-
muna. Við verðum að þora að vinna
hugsjónum okkar brautargengi á
borði sem í orði.“
Þá segja ungir jafnaðarmenn að í
ljósi yfirlýsinga utanríkisráðherra um
að Ísland eigi að taka aukna ábyrgð á
alþjóðavettvangi telji þeir að hann
hljóti að taka tillöguna til athugunar í
ráðuneyti sínu og í utanríkismála-
nefnd Alþingis. Um hverfandi við-
skiptahagsmuni sé að ræða en upp-
sögnin gæti hins vegar sent sterk
pólitísk skilaboð um allan heim.
Metnaður Íslands hljóti að vera að
stuðla að betri heimi en ekki aðeins að
sækjast eftir vegtyllum, svo sem á
vettvangi SÞ. Ísraelar hafi ítrekað
hundsað ályktanir öryggisráðsins og
allsherjarþingsins og augljóst sé að
meira þurfi til.
Ísland beiti
Ísrael við-
skipta-
þvingunum
FRÉTTIR
4 MÁNUDAGUR 26. JANÚAR 2004 MORGUNBLAÐIÐ
Sérflug í Karíbahafið með Heimsferðum.
Heimsferðir bjóða nú einstakt tækifæri með sérflugi til Jamaica í fyrsta sinn frá
Íslandi. Jamaica er ein fegursta eyja Karíbahafsins og hefur ekki aðeins að bjóða
stórkoslega náttúrufegurð og veðurfar, heldur einnig andrúmsloft og menningu
sem á sér fáa líka í Karíbahafinu. Hér eru drifhvítar sandstrendur með þeim
fegurstu í heimi. Njóttu heillandi menningar, sólar og hita, veislu í mat og drykk
og upplifðu heillandi líf eyjaskeggja í spennandi kynnisferðum með fararstjórum
Heimsferða. Glæsileg hótel í boði.
Sérflug til Jamaica í fyrsta sinn á Íslandi - Síðustu sætin
Lækkaðu ferðakostnaðinn með
ávísun frá Mastercard og VR
Skógarhlíð 18, sími 595 1000
www.heimsferdir.is
Munið Mastercard
ferðaávísunina
Verð kr. 84.950
Innifalið í verði, flug, gisting, skattar,
fararstjórn. Sandcastles hótelið. Með 5.000 kr.
Mastercard ávísun. 22. febrúar, 7 nætur.
Jamaica
22. febrúar
frá 69.950
Verð kr. 69.950
Innifalið í verði, flug, skattar, m.v. 5.000 kr.
Mastercard ávísun. 22. febrúar, 7 nætur.
NÍU íslensk fyrirtæki taka þátt í MI-
DEM-kaupstefnunni í Cannes í
Frakklandi að þessu sinni en þau eru
öll að kynna íslenska tónlist fyrir er-
lendum útgefendum. Alls taka um
3.000 fyrirtæki þátt í kaupstefnunni,
sem haldin en í 38. sinn, en fyrirtæki
eru hingað komin til að kynna tón-
list og tónlistarmenn eða þau eru að
leita að nýrri tónlist til að gefa út.
Vilhjálmur Jens Árnason, for-
stöðumaður hjá Útflutningsráði,
segir að samstarf fyrirtækjanna um
kynningu á tónlist á MIDEM að
þessu sinni sé í framhaldi af stefnu-
mótunarvinnu á vegum Útflutnings-
ráðs, Samtaka iðnaðarins og Sam-
tóns. Fulltrúar Útflutningsráðs og
Samtóns sóttu hátíðina á síðasta ári
með það fyrir augum að meta nota-
gildi af að taka þátt og síðan að
kynna sér hvernig best væri að
koma fyrir kynningu á íslenskri tón-
list.
Danaprins í heimsókn
Bás íslensku fyrirtækjanna var
valinn staður skammt frá danska
básnum, en skammt þar undan er
líka bás Finnlands.
Staðsetningin virðist góð því tals-
vert var um gesti í básnum fyrsta
sýningardaginn, sunnudag, þar á
meðal kom þangað Jóakim, krón-
prins Dana, og ræddi við viðstadda
um íslenska tónlist.
Á íslenska básnum kynna 1001
nótt / 21 12 CC, 12 tónar, Íslensk
tónverkamiðstöð, Reykjavik Re-
cords, Skífan, Smekkleysa, Sonet,
Tónlist.com og Wigelund íslenska
tónlist, en einnig eru þar fulltrúar
fyrir STEF, Samtón og Concert ehf.
Sum fyrirtækjanna eru einnig á MI-
DEM að leita eftir samningum um
innflutning á tónlist. Alls eru um
tuttugu manns starfandi á básnum
eða í Cannes á vegum fyrirtækj-
anna.
Í íslenska básnum liggur frammi
kynningardiskur með íslenskri tón-
list og efni um listamenninna.
Friðþjófur Sigurðsson, starfsmaður útflutningsráðs og Samtóns, Stefán
Hjörleifsson, framkvæmdastjóri tónlistar.is, og Samúel Kristjánsson fram-
kvæmdastjóri 1001 nætur, á íslenska básnum á MIDEM í Cannes.
Íslensk tónlist í Cannes
Cannes. Morgunblaðið
SÆNSKA verðbréfafyrirtækið
Spectra Fondkommission, sem rek-
ur útibú hér á landi, hefur hlotið
blessun sænska fjármálaeftirlitsins
til áframhaldandi starfsemi. Hópur
íslenskra og sænskra fjárfesta undir
forystu Pálma Sigmarssonar, úti-
bússtjóra Spectra á Íslandi, hafa
eignast allt hlutafé í félaginu og eru
íslensku hluthafarnir í meirihluta.
Spectra Fondkommision er tíu
ára gamalt verðbréfafyrirtæki sem
starfrækt er í Svíþjóð og rekur þar
fjögur útibú auk tveggja útibúa í
Danmörku og eins á Íslandi. Á ný-
liðnu hausti sá sænska fjármálaeft-
irlitið ástæðu til að áminna Spectra
þar sem eiginfjárhlutfall félagsins
var orðið of lágt miðað við áhættu
samkvæmt kröfum eftirlitsins til
verðbréfafyrirtækja.
Stjórn fjármálaeftirlitsins tók mál
Spectra fyrir aftur á fundi sínum í
síðustu viku, samkvæmt frétt í Dag-
ens Industri. Þótti þá ljóst að eig-
infjárhlutfall félagsins hefði verið í
góðu lagi síðan í nóvember sl. auk
þess sem yfirfarinn ársreikningur
2002 lá fyrir. Vegna viðvörunarinn-
ar í haust verður Spectra um hríð
undir eftirliti og verður skýrsla um
gang málsins lögð fyrir stjórn eft-
irlitsins í febrúar.
Hlutafé aukið
um 120 milljónir
Pálmi Sigmarsson segir eigið fé
Spectra Fondkommission hafa farið
undir tilskilin mörk vegna mikillar
lækkunar hlutabréfa í eigu þess.
„Við þurftum því að auka við eigið
fé félagsins, hlutafé félagsins hefur
nú verið aukið um 120 milljónir
króna og nýir aðilar komu að félag-
inu.“
Hann segir ekki tímabært að
upplýsa hverjir standi þar að baki
en það séu fjársterkir aðilar. Þeir
hafi keypt hluti eldri eigenda að
hlut Pálma sjálfs undanskildum en
hann átti þriðjungshlut fyrir. „Nið-
urstaðan er nú orðin sú að íslensku
hluthafarnir eiga orðið meirihluta í
móðurfélaginu.“
Nokkrar breytingar verða gerðar
á rekstri Spectra með tilkomu nýrra
eigenda, að sögn Pálma. „Við kom-
um til með að fækka fólki og skerpa
fókusinn með því að fara út í sér-
hæfðari þjónustu en hefur verið.
Sérhæfingin verður þó mismunandi
á milli landa.“ Hann segir jafnframt
í skoðun hvort halda eigi áfram
starfsemi útibúanna tveggja í Dan-
mörku. Pálmi er bjartsýnn á fram-
tíðina þrátt fyrir að smærri verð-
bréfafyrirtæki hafi átt erfitt upp-
dráttar á undanförnum árum.
Hagnaður móðurfélagsins var, að
sögn Pálma, 75 milljónir króna á
árinu 2003 og útibúið á Íslandi skil-
aði 100 milljónum króna á fyrstu 11
mánuðum ársins, samkvæmt endur-
skoðuðu uppgjöri fyrir félagið.
Hann segir íslenska útibúið hafa
verið rekið með góðum hagnaði frá
upphafi, þ.e. 1997, en á ýmsu hafi
gengið hjá móðurfélaginu. Meðal
verkefna sem Spectra hefur átt að-
ild að hér á landi má nefna kaupin á
Áburðarverksmiðju ríkisins og sölu
á Björgun ehf. í fyrra auk ýmissa
fjármögnunarverkefna. Félagið
starfar þó mest fyrir lífeyrissjóði,
stofnanir og fyrirtæki.
Íslendingar með
meirihluta í félaginu
Hópur íslenskra
og sænskra
fjárfesta keypti
fyrirtækið
Verðbréfafyrirtækinu Spectra heimilt að starfa áfram
ÞEIR sem taka að sér vörslu sér-
eignalífeyrissparnaðar munu ekki
þurfa að eiga starfsstöð hér á landi í
framtíðinni verði frumvarp fjármála-
ráðherra að lögum, sem samþykkt
hefur verið í þingflokkum stjórnar-
flokkanna og lagt verður fram á Al-
þingi þegar þing kemur saman í
næstu viku.
Í frumvarpinu er lagt til að sam-
bærilegum erlendum fjármálafyrir-
tækjum og viðskiptabönkum, spari-
sjóðum, verðbréfafyrirtækjum og
líftryggingarfélögum, sem hafa
heimild til þess hér á landi að taka
við viðbótarlífeyrissparnaði, verði
leyft að vera vörsluaðilar þótt þeir
hafi ekki starfsstöð hér á landi, sem
til þessa hefur verið skilyrði.
Brýtur í bága við EES
„Framangreind breyting er í sam-
ræmi við túlkun Evrópudómstólsins
á 49. gr. Rómarsáttmálans (36. gr.
EES-samningsins) um frjálsa þjón-
ustustarfsemi, nýlega dóma dóm-
stólsins um frádrátt iðgjalda til sér-
eignarlífeyrissjóða og athugasemdir
Eftirlitsstofnunar EFTA. Þannig
þykir núgildandi skilyrði um starfs-
stöð fjárvörsluaðila viðbótarlífeyris-
sparnaðar hér á landi brjóta í bága
við 36. gr. EES-samningsins um
frelsi ríkisborgara aðildarríkja ESB
og EFTA til að veita þjónustu,“ segir
í vefriti fjármálaráðuneytisins af
þessu tilefni.
Samkvæmt núgildandi lögum og
kjarasamningum er hægt að leggja
samtals 6% af heildarlaunum til sér-
eignalífeyrissparnaðar. Launþegi
getur sparað 4% án þess að skattur
sé afdreginn og þá ber atvinnurek-
anda að leggja 2% á móti. Áður bætt-
ust við 10% ofan á sparnað launþega
úr ríkissjóði vegna lækkunar trygg-
ingagjalds, þannig að sparnaður gat
mestur orðið 6,4% af heildarlaunum.
Frumvarp fjármálaráðherra um lífeyrissparnað
Vörsluaðilar þurfa ekki
að hafa starfsstöð hér
TOLLSTJÓRINN í Reykjavík lokaði
leikskólunum Korpukoti og Fossakoti
í Reykjavík á föstudaginn vegna van-
goldinna opinberra gjalda. Nokkrum
klukkustundum síðar voru þeir opn-
aðir aftur af nýjum eigendum með
tímabundnu leyfi frá Leikskóla
Reykjavíkur.
Bergur Felixson, framkvæmda-
stjóri Leikskóla Reykjavíkur, segist
hafa frétt af því að rekstraraðilar leik-
skólanna stæðu ekki í skilum varð-
andi launatengd gjöld. Hann segir að-
komu Leikskóla Reykjavíkur að
þessu máli hins vegar ekki fjárhags-
lega heldur faglega. Hann hafi ekki
frétt af eigendaskiptunum fyrr en eft-
ir að þau voru gengin í garð. Ákveðið
var að veita nýjum aðilum, sem
keyptu húsin og vildu halda rekstr-
inum áfram, tímabundið rekstrarleyfi
svo foreldrum og börnum yrði ekki
vísað frá. Á leikskólunum dvelji um
140 börn og þeirra velferð hafi for-
gang. Það sé ekkert gamanmál þegar
svona mál komi upp.
Í vikunni verður svo kannað hvort
nýju rekstraraðilarnir uppfylli kröfur
Leikskóla Reykjavíkur sem byggjast
á leikskólalögum. Bergur segir ekk-
ert benda til annars en svo sé. Það
þurfi þó að kanna nánar á faglegum
forsendum.
Veitt tíma-
bundið
rekstrar-
leyfi
Tollstjóri lokaði
tveimur leikskólum
BROTIST var inn í Laugalækj-
arskóla aðfaranótt laugardags,
og var lögreglu tilkynnt innbrot-
ið rétt eftir klukkan 2. Rúða í
nýrri tengibyggingu var brotin
og farið inn á skrifstofu og hafði
þjófurinn eða þjófarnir á brott
með sér eina tölvu. Lögregla
hefur málið til rannsóknar.
Tölvu stolið
úr skóla