Lesbók Morgunblaðsins - 26.05.2001, Qupperneq 12

12 LESBÓK MORGUNBLAÐSINS ˜ MENNING/LISTIR 26. MAÍ 2001
Man ég þig vel um vetrartíð
í válegum næturskugga,
er þú í kulda og kafaldshríð
þér kastaðir inn um glugga.
Ferlega varstu fannbarinn
og frostið napurt í klónum,
og kært þér var það, kisi minn,
að komast inn úr snjónum.
Og orðið var þér á því mál
að innbyrða næringuna,
svo indælis mjólk á undirskál
þá óðara lét ég buna.
– – –
Svo gaf ég þér fisk, sem góður var;
það gat ég ei eftir talið.
Loks háttaði ég; mér hugnun bar
í húminu kattarmalið.
AUÐUNN BRAGI SVEINSSON
Höfundur er ljóðskáld.
MINNING UM KÖTT