Pressan - 25.01.1990, Side 4
4
Fimmtudagur 25. jan. 1990
iitilræði
af kurteisisheimsókn
Góöir íslendingar. í sumar er hingaö von á
einum tignasta gesti allrar heimsbyggðarinnar
í kurteisisheimsókn.
Sjálf Elísabet II. engladrottning hefur sem-
sagt látið það boð út ganga að hún hyggist
sækja Island heim á sumri komanda með fríðu
föruneyti og þykir að vonum tíðindum sæta
einsog jafnan þegar hennar hátign hleypir
heimdraganum og heiðrar gestgjafa sína með
háæruverðugri nærveru sinni.
Það mun vera plagsiður þeirra sem fá henn-
ar hátign Elísabetu II. í heimsókn, að reyna að
gera för hennar og dvöl sem allra ánægjuleg-
asta og sagt að gestgjafar hugsi um lítið annað,
þegar móttökur eru undirbúnar, en það hvað
hennar hátign sé þóknanlegast frá degi til
dags.
Nú, það þarf auðvitað ekki endilega þjóð-
höfðingja til.
Þegar fólk er að taka á móti gestum, hvort
sem það nú eru háir eða lágir, þykir það nú
svona heldur heyra til mannasiðum að reyna
að gera vel við gestinn, sýna honum fyllstu
kurteisi og jafnvel hafa ofanaf fyrir honum:
Ég man einmitt hvernig þetta var hjá henni
ömmu í kreppunni fyrir stríð þegar hörmung-
arástandið jaðraði við að vera jafn geigvænlegt
einsog í dag.
Strax á morgnana var pósturinn drifinn inn í
kaffi og kleinur, svo öskukallarnir og síðan voru
gestir og gangandi við eldhúsborðið allan lið-
langan daginn, utangarðsmenn, eðalborgarar
og allt þarámilli.
Og ekki man ég betur en öllum væri sýnd
sama háttvísin, sem þá var kölluð „sjálfsögð
kurteisi".
Ég held að hún amma mín hafi aldrei boðið
nokkurri manneskju uppá kaffi og kleinu til
þess að græða á því peninga.
Þetta var semsagt áður en íslendingar kom-
ust með eftirminnilegum hætti uppá það að
græða á öllu sem nöfnum tjáir að nefna, já
meirasegja á því að tapa.
Nú er semsagt öldin önnur, einsog dæmin
sanna.
Ríkisstjórnin búin að bjóða hennar hátign
Elísabetu II. til íslands og einsog ekkert komist
að í allri umfjölluninni um þessa kurteisisheim-
sókn, annað en það hvað sé hægt að græða
mikla peninga á því að þessi breska heiðurs-
kona líti hér við og þiggi kaffitár og heitar
kleinur.
Kvöld eftir kvöld mæta sjálfur forsætisráð-
herrann og hans pótintátar á skjánum og
„velta vöngum" (einsog Arthur Björgvin Bolla-
son segir), já velta vöngum yfir því hvað sé
hægt að græða mikið á því að drottningin geri
hér stuttan stans.
Síðan er það kalkúlerað fram og tilbaka hvað
það kosti mikið að græða svona mikið á Elísa-
betu.
Upplýst hefur verið að fimm miiljónir hafi
tapast við að græða á spánarkonungi og nú
skilst mér á máli ráðamanna í fjölmiðlum að ef
verulegur hagnaður eigi að verða af komu
hennar hátignar Elísabetar II. til íslands, þá sé
tapið lágmark tuttugu milljónir, ef eitthvað á að
hafast uppúr heimsókninni.
Ríkisstjórn íslands er búin að ræða við virt
breskt mangarafyrirtæki sem, að því er manni
skilst, sérhæfir sig í því að láta gestgjafa græða
á heimboðum.
Þetta virta breska fyrirtæki hefur þegar til-
kynnt ríkisstjórninni að það sé fjórum sinnum
dýrara að græða á bretadrottningu helduren
spánarkonungi og hefur tjáð háttvirtri ríkis-
stjórn lýðveldisins íslands að óhugsandi sé að
græða á heimsókn drottningar nema ríkis-
stjórnin pungi strax út með tuttugu milljónir
sem þurfa svo — eftir íslensku formúlunni —
að tapast fyrst áður en við íslendingar förum
að græða á þessari góðu konu sem ríkisstjórn-
in hefur beðið um að heiðra okkur með nær-
veru sinni. Þegar sumar er fegurst á íslandi og
sól hæst á lofti.
Ég segi nú bara einsog hún amma mín sagði
stundum þegar menn sleiktu hnífinn:
— Ætli þetta fólk hafi ekki átt neina foreldra?
Elsku Steingrímur minn og þið hinir.
Þið verðið að vara ykkur á því að tala svona
gáleysislega um það að þið hafið boðið Elísa-
betu II. bretadrottningu í kurteisisheimsókn
hingað bara til að græða á henni.
Auðvitað er í henni svolítil gróðavon, ef hún
er bara ekki of dýru verði keypt.
Það eru allir klárir á því að ef heimsókn breta-
drottningar lukkast vel þá fara íslenskar gærur
að renna út um allar trissur, siðaðir menn fara
að éta hákarl, graðýsu, þorsk og síldarmjöl og
landið fyllist af túristum sem koma hingað til
þess eins að sjá Geysi gjósa ekki.
En þið verðið bara að muna það að Elísabet
II. átti foreldra og altalað er að mannasiðir hafi
löngum verið í miklum hávegum hafðir á því
heimili.
Gæti ekki hugsast að hún ætlist til þess að
sér sé sýnd sú kurteisi sem hún viðhefur að
öðru jöfnu.
Það er ekki alveg víst að henni falli í geð ef
hún fréttir á skotspónum að bakvið gestrisni
og gistivináttu íslendinga búi ekkert annað en
sú hugsun hvort hægt sé að græða á henni í
leiðinni.
Ég hugsa að hún sé óvön því að á kurteisis-
heimsóknir hennar sé litið einsog hundaveð-
hlaup.
Það græddist allavega lítið á henni ef hún
móðgaðist og hætti við að koma.
Þess vegna skulum við taka á móti henni,
einsog amma tók á móti sínum gestum, af al-
úð og viðeigandi kurteisi en halda því leyndu í
lengstu lög hvað við verðum nú kát og glöð ef
við höfum eitthvað uppúr heiðursgestinum.
HAGSTÆÐU
HRINGDU OG VIÐ KOMUM MEÐ BÍLINN TIL ÞÍN
BÍLALEIGAN
í GEYSIR
sími: 688888
Suðurlandsbraut 16, Reykjavík,
gengið inn frá Vegmúla.
• Nissan Micra, Mazda 323, Toyota Cor-
olia, Nissan Sunny, Lada 1500 Station
• FJÓRHJÓLADRIFSBÍLAR: Subaru Sta-
tion, Toyota Tercel, Lada Niva, Range
Rover, Mitsubishi Pajero, Nissan Patrol,
Toyota Landcruiser, Ford Econoline
• 5-12 SÆTA: Mitsubishi Pajero (5-7),
Nissan Patrol (7), Toyota Hiace (11),
Toyota Litace (8), Ford Econoline (12)