Tíminn Sunnudagsblað - 13.09.1964, Qupperneq 1

Það er sumarmorgunn í Eldgjá, sól í heiði og
tjöld og farartæki ferðafólksins kasta skugg-
um á grundina. Sumir eru teknfr að fella tjöld
sín, því að senn skal haldið úr áfangastað —
aðrir eru enn við ána að snyrta sig og þvo.
Hver er sá, er legið hefur úti sumarnótt í
skauti íslenzkrar náttúru, sem ekki kannast við
slíka morgunstund. Þú færð glýju í augun,
þegar þú kemur út í glampandi sólskinið, tært
fjallaloftið er sem hunang. Hvort tveggja er
jafn notalegt — ylur rísandi sólar og svali
vatnsins í ánni. Slíka stund er ekki unnt að lifa
nema í fjallalandi, og það hefur fallið okkur í
skaut. Þess skyldum við neyta.
Ljósmynd: Óskar Sigvaldason.