Morgunblaðið - 10.05.2004, Page 3

ÍÞRÓTTIR
MORGUNBLAÐIÐ MÁNUDAGUR 10. MAÍ 2004 B 3
WEST Bromwich Albion, sem vann
sér á dögunum sæti í ensku úrvals-
deildinni í knattspyrnu, hefur sýnt
áhuga á að fá landsliðsmanninn Jó-
hannes Karl Guðjónsson í sínar rað-
ir. Hann hefur leikið með Wolves í
úrvalsdeildinni í vetur en hann er í
láni þar frá Real Betis þar sem
hann er samningsbundinn til 2006.
„Já, ég hef heyrt af þessu og
WBA sýndi líka áhuga á að fá mig
að láni í janúar. Ég skoða þetta vel
þegar deildakeppninni lýkur um
næstu helgi. Ég er nokkuð viss um
að ég fæ mig lausan undan samn-
ingnum hjá Real Betis í sumar og
ég vil vera áfram í England. Wolves
virðist vilja halda mér áfram, sem
væri allt í lagi, en auðvitað er
spennandi að vera áfram í úrvals-
deildinni,“ sagði Jóhannes Karl við
Morgunblaðið í gær.
Wolves er fallið úr úrvalsdeild-
inni en Jóhannes hefur aðeins spil-
að 11 deildaleiki með liðinu í vetur.
Þar á bæ hefur hins vegar verið
gefið sterklega til kynna að hann sé
inni í framtíðaráætlunum félagsins.
West Bromwich er útborg Birm-
ingham, rétt eins og Wolverhampt-
on, og því stutt að fara fyrir Jó-
hannes ef af verður. Fari hann til
WBA verður það þriðja félagið
hans í Birmingham og nágrenni því
síðasta vetur spilaði hann með
Aston Villa.
Lárus Orri Sigurðsson er á mála
hjá WBA út næsta tímabil en hann
er frá keppni fram undir áramót
vegna alvarlegra meiðsla í hné.
KRÓATINN Dado Prso, sem
leikur með Mónakó, hefur
gengið frá samningi um að
leika með Glasgow Rangers
næstu þrjú árin, en samningur
hans við Mónakó rennur út í
sumar. Prso, sem er 29 ára
sóknarmaður, mun væntan-
lega leika með króatíska
landsliðinu á móti Íslending-
um í undankeppni HM í haust.
Alex McLeish, þjálfari
Rangers, segir á heimasíðu fé-
lagsins: „Ég er auðvitað mjög
ánægður með að við skulum
hafa náð í leikmann með slíka
hæfileika. Ég hef séð hann
leika marga leiki í vetur og
hrifist af leik hans. Hann er
fæddur sigurvegari enda með
í toppbaráttunni alls staðar.“
Valsliðið er mun lágvaxnara en liðHauka og ætli það sér sigur í
einhverjum leikjum í úrslitarimm-
unni verður það að
leika mun betur en í
gær. Það var vitað
fyrir að sókn Vals-
manna gegn gríðar-
lega sterkri flatri vörn Hauka yrði
erfið, en í gær tókst þeim stundum
ágætlega að leysa það þó svo að lang-
tímum saman væru sóknaraðgerðir
þeirra hálfvandræðalegar. Vals-
menn gleymdu hins vegar hreinlega
að leika vörn og það gengur ekki
gegn Haukum. Valur verður að leika
gimma vörn ætli liðið sér einhverja
hluti í þessari úrslitarimmu. Í gær
var vörnin slök og því fór sem fór.
Af framan sögðu gætu menn hald-
ið að Haukar hefðu átt náðugan dag
gegn Val, en því var nú ekki fyrir að
fara. Reyndar náðu heimamenn
nokkrum sinnum fjögurra marka
forystu en Valsmenn náðu jafnan að
minnka muninn, jöfnuðu nokkrum
sinnum, en komust ekki lengra.
Haukar þurftu sem sagt að hafa fyrir
sigrinum, enda lék liðið ekki vel í
þessum leik, nógu vel samt til að
sigra, en hefur oft leikið betur.
Ásgeir Örn Hallgrímsson gaf tón-
inn í gær með góðu marki eftir nokk-
urra sekúndna leik. Valsmenn virt-
ust ekki gera sér grein fyrir því að
það þyrfti að trufla hann því eftir tólf
mínútna leik, þegar staðan var 8:4,
hafði Ásgeir Örn gert sex af mörkum
heimamanna. Þá fyrst kveiktu Vals-
arar á perunni og náðu að halda aft-
ur af honum það sem eftir var leiks.
Valsmenn náðu góðum kafla, skor-
uðu úr fimm sóknum í röð og náðu að
jafna 9:9, en Haukar svöruðu með
fimm mörkum gegn einu marki gest-
anna og staðan 14:10. Á lokakafla
fyrri hálfleiks gerði Valur þrjú mörk
en Haukar eitt og staðan var15:13 í
leikhléi.
Það var dálítið furðulegt að þrátt
fyrir að manni fyndust Haukar
miklu sterkari munaði bara tveimur
mörkum í leikhléinu. Seiglan í Vals-
mönnum var mikil og þrátt fyrir að
margoft virtist sem Haukar væru
komnir með öruggt tak á leiknum
gáfust leikmenn Vals ekki upp og
náðu jafnan að minnka muninn.
Valsmenn náðu að jafna 16:16 og
17:17 en þá komu fimm mörk heima-
manna í röð, 22:17 og hefðu getað
aukið muninn ennfrekar ef ekki hefði
komið til glæsileg markvarsla hjá
Pálmari Péturssyni, markverði Vals,
sem varði meðal annars tvívegis
maður á móti manni á þessum kafla.
Sem fyrr gáfust Valsarar ekki upp,
munurinn hélst fimm mörk og var
sex undir lok leiksins. Þá gerðu Vals-
menn þrjú mörk í röð og hefðu hæg-
lega getað minnkað muninn enn
frekar, en voru óheppnir í skotum og
eins varði Birkir Ívar Guðmundsson
vel. Haukar gerðu tvö síðustu mörk-
in og þá fyrst var sigurinn tryggður.
Haukar eru með geysisterkt lið.
Flöt vörnin er öflug og að baki henni
er Birkir Ívar. Sóknin er einnig fín
og í gær skoraði liðið úr tíu hraða-
upphlaupum. Allir leikmenn Hauka
léku ágætlega í gær. Ásgeir Örn átti
fínan leik, sérstaklega í fyrri hálfleik,
Hallldór Ingólfsson var öruggur sem
fyrr og Vignir Svavarsson gríðarlega
sterkur á línunni. Aðrir stóðu einnig
fyrir sínu og þeir Pauzuolis og Sham-
kuts stóðu sig vel í vörninni.
Eins og áður segir verða Vals-
menn að spila góða vörn – þá fyrst
geta þeir gert sér vonir um að leggja
Hauka. Það hjálpar raunar ekki lið-
inu hversu margir eru meiddir.
Markús Máni er bara hálfur maður,
Bjarki Sigurðsson varla það í gær
enda lék hann lítið með. Baldvin Þor-
steinsson virtist einnig meiddur og
beitti sér lítt, nema á vítalínunni þar
sem hann var öruggur. Hann tók þó
smárispu í horninu í síðari hálfleik,
skoraði þá þrjú flott mörk þaðan.
Brendan Þorvaldsson átti fínan leik
á línunni í síðari hálfleik og ekki má
gleyma Pálmari markverði. Þá átti
Hjalti Gylfason ágætan leik.
West Bromwich vill fá
Jóhannes Karl í sumar
Prso til
Rangers

GUÐJÓN Valur Sigurðsson var í
aðalhlutverki hjá Essen í gær þegar
lið hans vann Guðmund Hrafnkels-
son og félaga í Kronau-Östringen,
28:24, í þýsku 1. deildinni í hand-
knattleik. Guðjón Valur var marka-
hæsti leikmaðurinn á vellinum með 7
mörk.

FLENSBURG er komið með aðra
höndina á þýska meistaratitilinn eft-
ir stórsigur á Minden á útivelli á
laugardaginn, 43:28. Lars Christ-
iansen skoraði 9 mörk fyrir Flens-
burg og Marcin Lijewski 8 en lið
þeirra er með fjögurra stiga forskot
á Kiel þegar tveimur umferðum er
ólokið. Flensburg nægir stig á
heimavelli gegn Nordhorn um
næstu helgi til að gulltryggja sér tit-
ilinn.

SIGFÚS Sigurðsson skoraði 4
mörk fyrir Magdeburg sem tapaði,
33:31, frammi fyrir 10.250 áhorfend-
um í Kiel. Með því nánast tryggði
heimaliðið sér annað sæti, er nú
þremur stigum á undan lærisveinum
Alfreðs Gíslasonar í Magdeburg.

GYLFI Gylfason skoraði 4 mörk
fyrir Wilhelmshavener sem gull-
tryggði sæti sitt í 1. deildinni með því
að sigra HSV Hamburg, 27:26, á úti-
velli.

JALIESKY Garcia skoraði 2 mörk
fyrir Göppingen sem vann Stral-
sunder, 35:26, í miklum fallslag og
komst með því þremur stigum frá
fallsæti.

DAGUR Sigurðsson og félagar í
Bregenz töpuðu, 27:20, fyrir Alpla
Hard í lokaumferð austurrísku úr-
valsdeildarinnar í handknattleik á
laugardaginn. Dagur skoraði 3 mörk
í leiknum. Bregenz vann deildina
samt með yfirburðum, fékk 10 stig-
um meira en næsta lið, West Wien.
Það verða því Bregenz og West
Wien sem heyja einvígi um austur-
ríska meistaratitilinn en það hefst
um næstu helgi.

TVÆR þjóðir voru teknar inn í
Evrópusambandið í handknattleik á
þingi EHF sem lauk í gær. Nýju að-
ildarlöndin eru England og Skot-
land, og eru þau nú orðin 47 talsins.

HJALTI Gylfason, leikmaður Vals
í handknattleik, fór meiddur af velli
snemma í síðari hálfleik leiksins við
Hauka í gær. Hjalti fékk slæmt högg
á vinstri öxlina, en hann er örvhent-
ur, og var nokkurn tíma að jafna sig.
Hann kom þó inn á aftur.

KANADAMENN urðu heims-
meistarar í íshokkíi í Tékklandi í
gær, þar sem þeir unnu Svía í úr-
slitaleik 5:3. Joy Bouwmeester, sem
skoraði eftir 20 sek. í þriðja leik-
hluta, og Matt Cooke, tryggðu Kan-
ada sigurinn. Þetta var í 23 skipti
sem Kanadamenn fögnuðu heims-
meistaratitlinum. Bandaríkjamenn
tryggðu sér brons með því að leggja
Slóvaka að velli.
FÓLK
Morgunblaðið/Golli
Ásgeir Örn Hallgrímsson fékk mikinn frið framan af leiknum gegn Val í gær en síðan tóku
Hlíðarendapiltar við sér og létu hann ekki komast upp með neitt nema hafa fyrir því.
Haukamenn
miklu sterkari
HAUKAR unnu fremur auðveldan sigur á Val í fyrsta leik liðanna í úr-
slitum Íslandsmótsins í handknattleik karla í gærkvöldi. Leikið var
að Ásvöllum og lauk leiknum með fimm marka sigri, 33:28, Hauka,
sem höfðu undirtökin frá upphafi og vandséð hvernig Valsmenn
eiga að krækja í titilinn. Haukar virðast einfaldlega með mun heil-
steyptara lið.
Skúli Unnar
Sveinsson
skrifar

 


  


  









  
 





!
" 


#