Morgunblaðið - 16.06.2004, Blaðsíða 4
FRÉTTIR
4 MIÐVIKUDAGUR 16. JÚNÍ 2004 MORGUNBLAÐIÐ
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
IC
E
24
84
3
05
/2
00
4
NETSMELLUR – alltaf ódýrast á netinu
Allt að 18 ferðir á dag
Sumaráætlun Icelandair
Bókaðu á www.icelandair.is
Engin þjónustugjöld þegar bókað er á netinu.
Innifalið: Flug og flugvallarskattar.
Breytingagjald 5.000 kr.
Icelandair ódýrari í 54,5% tilfella í júní og júlí
í sumar til Kaupmannahafnar og London
Úttektin var framkvæmd af IMG Deloitte fyrir Icelandair
á tímabilinu 6. - 14. maí. Miðað er við algengustu tegund
sumarleyfisferða sem er yfir helgi. Til að gæta fyllsta hlutleysis
var íslenskur samkeppnisaðili Icelandair á þessum flugleiðum
látinn vita að verðkönnun yrði gerð á fyrrgreindu tímabili.
Ódýrastir
til Evrópu
Verð á mann frá 14.490 kr.*
JÓN Ólafsson bóndi í
Brautarholti á Kjalar-
nesi lést á Landspítala
– háskólasjúkrahúsi í
Fossvogi 14. júní síð-
astliðinn, 72 ára að
aldri. Jón fæddist í
Reykjavík 26. apríl
1932, sonur hjónanna
Ólafs Bjarnasonar
bónda í Brautarholti og
Ástu Ólafsdóttur hús-
móður.
Jón kvæntist Auði
Kristinsdóttur 15. apríl
1961 og áttu þau börnin
Ólaf, Kristin Gylfa,
Björn, Jón Bjarna og Emilíu Björg.
Jón lauk stúdentsprófi frá
Menntaskólanum í Reykjavík árið
1953 og tók við búi af föður sínum í
Brautarholti á Kjalarnesi það sama
ár ásamt Páli bróður sínum. Að
Brautarholti rak Jón kúabú, auk
þess sem hann stofnaði grasmjöls-
verksmiðju árið 1963 og grasköggla-
verksmiðju 1972 sem hann rak til
ársins 1999.
Jón byggði upp stórt svínabú í
Brautarholti ásamt sonum sínum
fjórum og rak frá árinu 1984. Árið
1985 áttu þeir feðgar
hlut í kaupum á fugla-
búinu Móum á Kjalar-
nesi. Árið 1998 stofn-
uðu þeir ásamt fleirum
kjötvinnsluna Esju, og
keyptu Nesbú á Vatns-
leysuströnd árið 1999.
Árið 2000 fór Jón
ásamt sonum sínum í
aukinn svínabúsrekst-
ur með fyrirtækinu Ali
og með kaupum á Síld
og fiski.
Jón kom mikið að fé-
lagsstörfum, hann
starfaði í stjórn Ung-
mennafélags Kjalnesinga á árunum
1954–1965, og var formaður fulltrúa-
ráðs sjálfstæðisfélaganna í Kjósar-
sýslu 1980–1986. Jón var í flokksráði
Sjálfstæðisflokksins frá 1980–1986
og frá 1991–1998. Hann var í lækn-
ishéraðsnefnd Álafosslæknishéraðs
frá 1962–1988, formaður skólanefnd-
ar Klébergsskólahverfis á Kjalar-
nesi frá 1962–1982, og formaður
sóknarnefndar Brautarholtskirkju
frá 1970–1999. Jón sat í hreppsnefnd
Kjalarneshrepps frá 1958 og var
oddviti nefndarinnar frá 1982–1996.
JÓN
ÓLAFSSON
Andlát
TEKJUSKATTUR einstaklinga á að lækka um
4 prósentustig á þremur árum. Þetta kom fram
í svörum Davíðs Oddssonar forsætisráðherra
við fyrirspurnum á fundi American Enterprise
Institute (AEI) í Washington á mánudag. Var
Davíð þar meðal frummælenda.
Forsætisráðherra sagði í fyrirspurnum og
umræðum að unnið væri að því að útfæra
skattalækkun hjá einstaklingum. Þetta væri
mjög mikilvæg aðgerð. Einnig væri unnið að því
að afnema eignaskatt á einstaklinga og fyr-
irtæki, það væri ósanngjarn skattur. Tekju-
skattur einstaklinga, miðað við staðgreiðslu, er
nú 38,58% og færi því niður í 34,58% samkvæmt
ummælum forsætisráðherra í Washington.
Davíð sagði reynsluna af skattalækkun á fyr-
irtækjum vera þá að hagnaður þeirra hefði auk-
ist enn meir og ríkið í raun fengið meiri tekjur
en áður. Þetta hefði gerst þrátt fyrir hrakspár
stjórnarandstöðuflokka á Alþingi um að skatta-
lækkun þýddi stórfellt tap fyrir ríkissjóð og
meiri halla á fjárlögum. Hið gagnstæða hefði
gerst, fyrirtækin hefðu haft
úr meiru að spila og velta
þeirra og framlegð aukist.
Davíð var einnig spurður
hve sannfærður hann væri
um að áform um skattalækk-
anir næðu fram að ganga
þegar hann væri að stíga upp
úr stóli forsætisráðherra í
haust eftir 13 ára setu við
völd. Davíð svaraði því til að
Sjálfstæðisflokkurinn yrði áfram stærri aðilinn
í ríkisstjórninni. Mikilvægt væri að ríkisstjórn-
in myndi halda áfram á sömu braut.
Davíð var spurður um mögulega aðild Íslands
að ESB og hvort ríki ESB myndi þrýsta á Ís-
lendinga að taka upp tilskipanir Evrópusam-
bandsins. Davíð sagði Íslendinga þegar taka
upp fjölmargar reglugerðir og tilskipanir ESB í
sína löggjöf, hlutfallið hér á landi væri um 18%.
Íslendingar gætu vel haldið sinni sérstöðu, sök-
um smæðar landsins væri það engin ógn við
Evrópu. Íslendingar myndu litlu fá áorkað með
aðild að ESB og glata sjálfstæði í sinni löggjöf.
Skattalækkun og einkavæðing
ástæða velgengninnar
Í ræðu sinni á fundinum sagði Davíð að mikl-
ar skattalækkanir og einkavæðing ríkisfyrir-
tækja væru helstu ástæður efnahagslegrar vel-
gengni á Íslandi, að því er segir í frétt
netmiðilsins Big News Network af fundi AEI í
Washington, sem var fjölsóttur. Tekjuskattur á
fyrirtæki hefði lækkað úr 50% í 18% og einka-
væðing ríkisbankanna væri lykillinn að vel-
gengni íslensks efnahagslífs.
Davíð sagði ennfremur að viðvarandi vel-
gengni í efnahagslífinu hefði ekki náðst þrátt
fyrir lækkun skatta á fyrirtæki, heldur að miklu
leyti vegna þeirra. Vitnað er til þess í fréttinni
að landsframleiðsla hafi aukist um nærri 5% á
ári frá því á miðjum síðasta áratug og Íslend-
ingar njóti einna bestu lífskjara í öllum heim-
inum.
Davíð Oddsson forsætisráðherra svaraði fyrirspurnum á fundi í Washington
Tekjuskattur lækki um 4
prósentustig á þremur árum
Davíð Oddsson
DORRIT Moussaieff for-
setafrú fær þekktan breskan
sjónvarpskokk, Mike Robin-
son, í heimsókn til sín á Bessa-
staði á föstudag, en Robinson
ætlar að elda með henni lamba-
kjöt að hætti húsmóðurinnar.
Verður þátturinn með for-
setafrúnni sýndur á sjónvarps-
stöðinni UK Food, en þátta-
gerðarmenn UK Food eru hér
á landi á vegum Iceland Ex-
press og munu þeir framleiða
fjóra staka þætti um íslenska
matargerð sem verða kryddað-
ir með myndum af íslensku
mannlífi og landslagi, segir í til-
kynningu frá flugfélaginu. Auk
heimsóknarinnar til forsetafrú-
arinnar mun UK Food heim-
sækja víkingahátíðina í Hafn-
arfirði, þar sem fjallað verður
um hákarlaverkun og íslenska
skyrið. Þá verður fjallað um ís-
lenska laxinn og skötuselinn.
Þættirnir frá Íslandi verða
sýndir sem innslög í þættinum
Good Food, sem sýndur er í
beinni útsendingu.
Breskur
sjónvarps-
kokkur á
Bessastaði
„ÞETTA er mjög skemmtilegt,“
segir Andri Snær Sigurðsson einn
þátttakenda í Háskóla unga fólks-
ins, en hann frétti af skólanum í
gegnum vin sinn, sem einnig tekur
þátt í sumarháskólanum. Að-
spurður um hvað honum hefur þótt
mest spennandi hingað til segir
hann að lögfræðin hafi verið mjög
skemmtileg, en hann á eftir að taka
námskeið m.a. í tölvunarfræði og
fjölmiðlafræði þannig að af nógu er
að taka. Una Emilía Árnadóttir,
sumarháskólanemi, tekur undir
með Andra og segir að sér hafi þótt
gaman. Hún segist m.a. vera í
spænsku og þýsku ásamt því að
taka þátt í líffræðinámskeiði.
Um 130 unglingar taka þátt í
sumarháskólanum sem starfræktur
er á vegum Háskóla Íslands (HÍ)
dagana 14. - 19. júní. Skólinn hóf
starfsemi sína á mánudaginn en
unglingar fæddir 1988 - 1991 gátu
skráð sig í skólann og valið að taka
þátt í átta námskeiðum af þeim 22
sem í boði eru.
Björn Þorsteinsson, verkefn-
isstjóri Háskóla unga fólksins, segir
verkefnið í beinu framhaldi af ým-
iss konar annarri starfsemi, sem
hafi verið í gangi á vegum HÍ und-
anfarin ár, sem miði að því að miðla
þekkingu til barna og unglinga.
Af þeim 22 námskeiðum sem eru
í boði er að finna jafnólíkar greinar
og fornleifafræði, viðskiptafræði
og japönsku, en Björn segir að það
hafi verið reynt að ná góðum þver-
skurði yfir námsframboð Háskól-
ans. „Eitt af þeim sem færri nem-
endur komast á er japanskan og
hún fylltist mjög fljótlega,“ segir
Björn og bætir við að mikill áhugi
sé á tungumálum meðal Sumarhá-
skólastúdenta.
Háskóli unga fólksins starfræktur á vegum HÍ
Unglingar
áhugasamir
um japönsku
Una Emilía lærir m.a. spænsku og
þýsku í sumarháskólanum.
Morgunblaðið/Árni Torfason
Andra Snæ Sigurðssyni þótti gam-
an á lögfræðinámskeiði.
KAUPÞING Búnaðarbanki, nú KB
banki, hefur verið sýknaður af kröf-
um fyrrverandi vaktmanns í Bún-
aðarbanka sem fór fram á rúmar 5,7
milljónir króna auk vaxta frá í októ-
ber 2002 vegna rofs á ráðningar-
samningi. Hann var sakaður um að
hafa fjarlægt skjöl úr bankanum og
komið trúnaðarupplýsingum til við-
skiptavinar bankans, Norðurljósa,
en þar var sonur hans starfandi.
Í júlí 2002 komst upp að Bún-
aðarbankinn hafði lagt drög að með-
ferð eigna Norðurljósa án samráðs
við þau. Um sumarið hafði fjölmiðl-
um borist gögn um þetta mál úr
bankanum og grunaði forsvarsmenn
hans að einhver starfsmanna ætti
þar hlut að máli. Fjármálaeftirlitið
úrskurðaði að bankinn hefði með
þessu brotið gegn reglum um
bankaleynd. Grunur féll á vakt-
manninn og var lögð gildra fyrir
hann í bankanum. Á skrifborð eins
bankastjóra var lagt tilbúið skjal er
bar yfirskriftina „Trúnaðarmál“.
Skjalið fjallaði um samning á milli
Búnaðarbankans og annars banka
og varðaði lánamál Norðurljósa.
Komið var fyrir myndavél er beint
var að skrifborðinu, og tók hún upp
myndir af vaktmanninum nokkrum
sinnum.
Héraðsdómur segir að engum
dyljist, sem skoðar myndbandið, að
þar er vaktmaðurinn að skoða skjal
og allt bendi til þess að hann sé að
skrifa niður hjá sér upplýsingar úr
því. Fullyrðing hans um að hann
hafi verið að skrifa niður ljóð á
þessu sama augnabliki sé eins og
hver önnur fjarstæða.
KB banki sýkn-
aður af kröfum
STJÓRNARANDSTAÐAN hefur
ákveðið að leggja fram frumvarp um
framkvæmd fyrirhugaðrar þjóðarat-
kvæðagreiðslu um leið og þing kem-
ur saman í byrjun júlí. Össur Skarp-
héðinsson, formaður Samfylking-
arinnar, segir að flokkarnir þrír,
Samfylkingin, Vinstrihreyfingin –
grænt framboð og Frjálslyndi flokk-
urinn, hafi komist að samkomulagi
um að fallast ekki á hugmyndir sem
gera ráð fyrir lágmarksþátttöku.
„Við teljum margt benda til þess
að ríkisstjórnin ætli sér að setja
skilyrði um að tiltekin þátttaka
þurfi að vera fyrir hendi til að nið-
urstöður þjóðaratkvæðagreiðslunn-
ar gildi óbreyttar. Við teljum að
stjórnarskráin veiti enga heimild til
þess.“
Össur segir að leitað verði ráða
hjá lögfræðingum og stjórnmála-
fræðingum og að frumvarpið verði
kynnt áður en þing hefst.
Frumvarp
um þjóðar-
atkvæða-
greiðslu