Morgunblaðið - 16.06.2004, Blaðsíða 12
VIÐSKIPTI/ATHAFNALÍF
12 MIÐVIKUDAGUR 16. JÚNÍ 2004 MORGUNBLAÐIÐ
ÞETTA HELST …
VIÐSKIPTI
Ítalsk-íslenska verslunarráðið
heldur árlegan Ítalskan við-
skiptadag í dag, kl. 15.30–17.00 á
14. hæð í Húsi verslunarinnar. Ræð-
ur flytja Halldór Ásgrímsson, utan-
ríkisráðherra, Umberto Pestalozzi,
sendiherra Ítalíu á Íslandi, Enrico
Cattaneo, frá viðskiptaþjónustu Ítal-
íu á Norðurlöndunum, Erla Þór-
arinsdóttir, eigandi Verslunar Sæv-
ars Karls, Eygló Ólafsdóttir,
markaðsstjóri Karls K. Karlssonar,
Elvar Ingimarsson, eigandi Rosso
Pomodoro, og Gianni Porta, yf-
irmaður Impregilo á Íslandi.
Guðjón Rúnarsson, formaður ráðs-
ins, stýrir fundinum.
Málstofa Seðlabankans verður
haldin í dag kl. 15:00 að Sölvhóli. Er-
ic Leeper frá háskólanum í Indiana í
Bandaríkunum flytur erindi sem
nefnist Models for Monetary Pol-
icy, eða Líkön fyrir peningastefnu.
Í DAG
● BRESKA verslanakeðjan House of
Fraser, sem Baugur Group á hlut í,
tilkynnti í gær að sala hefði aukist á
fyrstu 19 vikum fjárhagsárs fyrirtæk-
isins, miðað við sama tímabil í fyrra.
Salan jókst alls um 0,4% frá sama
tíma í fyrra í samanburðarhæfum
verslunum og framlegð batnaði um
2,5%. Forstjórinn John Coleman seg-
ist í tilkynningu frá fyrirtækinu
ánægður með þessar tölur og að að-
gerðir til að ná niður kostnaði séu að
skila sér. Því megi gera ráð fyrir við-
unandi afkomu á fyrri helmingi árs-
ins sem lýkur 31. júlí nk. Þær af-
komutölur verða birtar í
septembermánuði.
Sala jókst hjá
House of Fraser
● HLUTABRÉF, og þar með hluta-
bréfavísitölur, hækkuðu almennt víð-
ast hvar í heiminum í gær eftir al-
menna lækkun á mánudag. The Wall
Street Journal segir að skýringin í
Bandaríkjunum sé sú að nýjar tölur
um hóflega hækkun kjarnavísitölu
neysluverðs þar í landi dragi úr ótta
við að seðlabankinn hækki vexti
hratt.
KB banki hækkaði annan daginn í
röð, í gær um 3,3%, og hefur nú
hækkað um rúm 16% á tveimur dög-
um. Mikil viðskipti voru með bréf KB
banka, rúmar 1.100 milljónir króna,
en þau bréf sem hækkuðu mest í
gær voru þó ekki bréf KB banka held-
ur bréf SÍF. Þau hækkuðu um 5,9% í
132 milljóna króna viðskiptum. Í
gærmorgun var tilkynnt í Kauphöll-
inni að Jakob Óskar Sigurðsson,
sem hefur mikla reynslu af stjórnun
á alþjóðlegum mörkuðum, hefði ver-
ið ráðinn forstjóri SÍF.
Hlutabréf hækka
víðast hvar
STÆRÐ íslensku bankanna og fjár-
hagslegur styrkur þeirra hefur
haft sitt að segja um getu þeirra til
að kaupa FIH. Stærð banka má til
dæmis meta út frá markaðsverði
eða heildareignum og KB banki er
stærstur á hvorn mælikvarðann
sem er. Markaðsverð KB banka í
gær, eftir 16% hækkun síðustu tvo
daga, var 180 milljarðar króna, sem
gerir hann níunda stærsta banka
Norðurlanda á þann mælikvarða.
Markaðsverð Íslandsbanka var 84
milljarðar króna og markaðsverð
Landsbankans 65 milljarðar króna.
Því hærra sem markaðsverðið er,
þeim mun auðveldara er að gefa út
nýtt hlutafé til að kaupa önnur fyr-
irtæki.
Heildareignir KB banka námu
601 milljarði króna í lok mars og á
sama tíma námu heildareignir
Landsbankans 511 milljörðum
króna og heildareignir Íslands-
banka 488 milljörðum króna.
Eigið fé er einn af mælikvörðum
um fjárhagslegan styrk. Eigið fé
KB banka nam 47,3 milljörðum
króna í lok mars, eigið fé Íslands-
banka nam 30,7 milljörðum króna
og eigið fé Landsbankans 30,3
milljörðum króna.
Eiginfjárhlutfall samkvæmt
CAD-reglum er einnig mælikvarði
á fjárhagslega stöðu banka. Eig-
infjárhlutfall KB banka var 11,2% í
lok mars og á sama tíma var eig-
infjárhlutfall Landsbankans 11,0%
og eiginfjárhlutfall Íslandsbanka
10,0%.
Stærð og fjárhagur
ALLIR íslensku viðskiptabankarn-
ir, KB banki, Landsbanki og Ís-
landsbanki, voru meðal þeirra sem
áttu í viðræðum um kaup á danska
fjárfestingarbankanum FIH og
þeir tveir fyrrnefndu voru í slagn-
um allt undir hið síðasta. Nokkrir
bankar frá Norðurlöndunum,
þeirra á meðal þrír af fjórum
stærstu bönkum Norðurlandanna,
voru einnig á meðal þeirra sem
sýndu mikinn áhuga á FIH.
Eins og fram hefur komið náði
KB banki samkomulagi við seljand-
ann, sænska bankann Swedbank,
um kaupin á mánudag, og greiðir
fyrir 84 milljarða króna auk vaxta
frá 31. mars og þar til gengið verð-
ur frá kaupunum. Að auki taka
seljendurnir 28 milljarða króna út
úr FIH og fá því greidda 112 millj-
arða króna auk vaxta. Þessi við-
skipti eru stærstu fyrirtækjakaup
íslensks fyrirtækis frá upphafi,
enda jafngildir verðið sem KB
banki greiðir markaðsverði Ís-
landsbanka, og er þá ekki litið til
þeirra 28 milljarða króna sem selj-
andinn tekur út úr FIH.
Val á kaupanda
Verðið er vitaskuld ein af for-
sendum kaupanna, en fleira kemur
til, svo sem ýmsir skilmálar samn-
ings og mat seljanda á fjárhags-
legri getu kaupandans, þ.e. hvort
að kaupandinn muni geta staðið við
tilboð sitt. Erlendir fjölmiðlar fjöll-
uðu mikið um kaupin í gær og ef
marka má suma þeirra spilaði einn-
ig inn í að seljandinn hafði ekki
sérstakan áhuga á að selja sænsk-
um keppinautum sínum bankann.
Samkvæmt heimildum Morgun-
blaðsins voru þrír stórir sænskir
bankar meðal þeirra fimm sem
völdust úr eftir fyrstu viðræður, en
það voru Nordea, stærsti banki
Norðurlandanna, Svenska Hand-
elsbanken og SEB. Tveir íslenskir
bankar munu einnig hafa verið í
þessum hópi, en það voru Lands-
banki Íslands og KB banki. Eftir
því sem komist verður næst stóð
valið á endanum á milli íslensku
bankanna tveggja.
Landsbankinn mun hafa haft
fullan stuðning helstu hluthafa
sinna auk þess sem fjármögnun
mun hafa verið tryggð. Á loka-
sprettinum var það þó KB banki
sem hafði betur, en hann hafði líka
stuðning meirihluta hluthafa sinna
og trygga fjármögnun.
Ekki verður fullyrt um hvað olli
því að KB banki varð ofaná í þessu
kapphlaupi, en þar kann að hafa
spilað inn í að KB banki skilgreinir
Norðurlöndin sérstaklega sem
heimamarkað sinn, sem Lands-
bankinn gerir til að mynda ekki. Af
þessari ástæðu getur verið að KB
banki meti það meira en flestir aðr-
ir að eignast FIH, sem er banki
sem margir töldu vissulega eftir-
sóknarverðan.
Mikil reynsla KB banka erlendis
hefur sennilega einnig haft sitt að
segja um að hann náði alla leið.
Spurning um verð
Eins og áður sagði var Íslands-
banki einn þeirra sem sýndu áhuga
á að eignast FIH, en viðræður þar
um náðu þó ekki langt. Einar
Sveinsson, formaður bankaráðs Ís-
landsbanka, segir að bankinn hafi
vitað af því að FIH væri til sölu og
að hann hafi óskað eftir upphafs-
upplýsingum sem hann hafi fengið.
Íslandsbanki hafi lagt mat á þær
og farið til viðræðna. Það hafi þó
aðeins verið upphafsviðræður og
þær hafi aldrei komist af því stigi.
Einar segir að FIH hafi vissu-
lega verið nokkuð áhugaverður
kostur, „en þetta er líka spurning
um verð,“ segir hann.
Allir íslensku viðskipta-
bankarnir kepptu um FIH
! "
#
$%
! !
& ' (')"**+,'-".
"' '(' +/ ) Fréttaskýring
Haraldur Johannessen
haraldurj@mbl.is
TÖLUVERT var fjallað um kaup
KB banka á FIH í erlendum fjöl-
miðlum í gær og fyrradag og kom
þeim greinilega á óvart að þessi
tiltölulega óþekkti íslenski banki
skyldi verða ofan á í keppninni við
stóra erlenda banka. Financial
Times segir að kaupin hafi vakið
furðu um öll Norðurlöndin, þar
sem gert hafi verið ráð fyrir að
sænskt fjármálafyrirtæki á borð
við Nordea eða SEB myndi
hreppa hnossið. Blaðið hefur eftir
Sigurði Einarssyni, stjórnarfor-
manni KB banka, að bankinn vilji
verða raunverulegur valkostur á
Norðurlöndum og að hann verði
að vaxa í Danmörku, í Noregi og á
Íslandi. Berlingske Tidende kall-
aði KB banka íslenskt „bankaeld-
fjall“, sem hafi skyndilega komið
inn af hliðarlínunni og náð foryst-
unni í keppninni um FIH.
Danska viðskiptablaðið Börsen
segir að KB banki muni liðka um
hið mikla aðhald sem FIH hafi
sýnt í útlánum síðustu ár og sækja
fram með nýjar vörur inn á nýja
markaði.
The Wall Street Journal sagði
frá því í fréttum af kaupunum á
mánudag að verðið sem KB banki
greiddi fyrir FIH hafi verið yfir
þeim verðhugmyndum sem grein-
endur á markaði hafi sett fram í
mars. Blaðið segir að komið hafi á
óvart að KB banki skyldi kaupa
FIH, en ekki einhver stóru
sænsku bankanna. „Það er engin
spurning að KB banki hefur mik-
inn metnað, en hann er mjög veik-
ur fjárhagslega og enginn leit á
hann sem alvöru keppinaut,“ hef-
ur WSJ eftir Rodney Alfven,
greinanda hjá Alfred Berg ABN
Amro í Stokkhólmi.
„Bankaeldfjall“