Lesbók Morgunblaðsins - 19.06.2004, Blaðsíða 13

Lesbók Morgunblaðsins - 19.06.2004, Blaðsíða 13
LESBÓK MORGUNBLAÐSINS ˜ MENNING/LISTIR 19. JÚNÍ 2004 13 TÓNLIST fyrir sumarkvöld verður flutt á tvennum tónleikum á Kjarvalsstöðum í kvöld. Á efnisskránni er verkið Music for a Summer Evening (Makrokosmos III) eftir George Crumb, fyrir tvö uppmögnuð píanó og slagverk frá árinu 1974. Það eru Anna Guðný Guðmundsdóttir, Snorri Sigfús Birg- isson, Pétur Grétarsson og Steef van Oost- erhout sem flytja, en verkið hefur aldrei ver- ið flutt á Íslandi fyrr. Notast er við fjölbreytileg slagverkshljóð- færi í verkinu, þar á meðal nokkur afar óhefðbundin á borð við asnakjálka, tíbetska bænasteina og altblokkflautu. Píanóin fá einnig óhefðbundna meðferð, en í einum kafla verksins eru pappírsarkir látnar þekja strengi píanósins. Ljóðlínur settar í tónmál Verkið er í fimm þáttum sem heita Noct- urnal Sound, Wanderer-Fantasy, The Ad- vent, Myth og Music of the Starry Night. Um verkið segir tónskáldið George Crumb: „Mér finnst Summer Evening, sem er 40 mínútur að lengd, mynda eina samfellda heild. Fyrsti kafli, þriðji kafli og fimmti kafli, sem samdir eru fyrir fullskipaða sveit og í stórum formum, virðast vera kjarni verksins. Á hinn bóginn eru kaflarnir „Wanderer Fantasy“ og „Myth“ draumkenndir og hugs- aðir sem nokkurs konar millispil í heildar- forminu. Stóru köflunum þrem fylgja tilvitn- anir í ljóð sem voru mjög ofarlega í huga mínum þegar ég samdi verkið og sem ég trúi að eigi sér táknræna samsvörun í tónmáli Summer Evening. „Nocturnal Sounds“ fylgir tilvitnun í Quasimodo: „Odo risonanze effim- ere, oblío di piena notte nell’acqua stellata“ („Ég heyri hverfult bergmál, óminni dimmr- ar nætur í stöðuvatni sem alsett er stjörn- um“); „The Advent“ tengist þessum orðum Pascal: „Le silence éternel des espaces infin- is m’effraie“ („Hin eilífa þögn í óendanlegum geimi veldur mér skelfingu“); og síðasta kafl- anum, „Music of the Starry Night“, fylgir þessi yfirskilvitlega og fallega mynd frá Rilke: „Und in den Nächten fällt die schwere Erde aus allen Sternen in die Einsamkeit. Wir alle fallen. Und doch ist Einer, welcher dieses Fallen unendlich sanft in seinen Händen hält“ („Og á næturnar hrapar hin þunga jörð frá stjörnunum niður í einsemd- ina. Við erum öll að hrapa. En samt er Einn sem heldur þessu mikla falli gætilega í hendi sér.“).“ Tónleikarnir í kvöld hefjast kl. 19.30 og 22. SUMARKVÖLD Í TÓNUM Morgunblaðið/ÞÖK Anna Guðný Guðmundsdóttir, Snorri Sigfús Birgisson, Pétur Grétarsson og Steef van Ooster- hout leika á tvennum tónleikum á Kjarvalstöðum í kvöld. KÓRASTEFNAN við Mývatn 2004 stóð svo sannarlega undir nafni. Margrét Bóasdóttir, höfundur og stjórnandi stefnunnar, bauð til sín fjórum gæðakórum. sem mynduðu kjarnann í 150 manna hátíðarkór sem mætt gæti ströng- um kröfum stórvirkis Haydn, Sköpunarinnar. Þarna gafst því kjörið tækifæri að leiða þessa góðu kóra upp á tónleikapall og leyfa tónleika- gestum að njóta þeirra sem sjálfstæðra hljóð- færa. Sannarlega tókust ágæt kynni með ánægðum áheyrendum og kórunum fjórum á tónleikum þeirra í Skjólbrekku á tónleikunum sem hér eru til umfjöllunar. Fyrst leiddi Helgi Bragason sinn kór, Kammerkór Hafnarfjarðar í útsetningum ís- lenskra þjóðlaga, m.a. eftir Hallgrím Helga- son, Hjálmar H. Ragnarsson og Hafliða Hall- grímsson. Kórinn er vel skipaður og söng sérlega tært og hreint. Ungar og ómblíðar kvenraddir. Mótun hendinga og styrkleikabogi vel útfærður af Helga. Vantaði stundum meiri dirfsku í tjáningu og tenórar of daufir í radd- sólói í Hættu að gráta. Lokalag kórsins, amer- íska lagið Shenandoah, var flutt af miklum sannfæringarkrafti í frábærri útsetningu James Erb. Af þeim þremur útsetningum Smára Ólafs- sonar fannst mér úts. við Ýmissa stétta allir þjónustumenn best og mest hrífandi. En það var Kór Akureyrarkirkju sem söng það lag. Krossferli að fylgja þínu og Gegnum Jesú helgast hjarta, sem Kór Bústaðakirkju söng undir stjórn Guðmundar skorti meiri hreyf- ingar í röddum. Hins vegar fylgdi mikill funi flutningi þeirra á kórmótettu Mendelssohn, sem heitir í ísl. þýðingu Kristjáns Vals Ingólfs- sonar: Heyr, ó Drottinn. Þar fór saman einkar fagur einsöngur Hönnu Bjarkar Guðjónsdótt- ur, sveigjanleg og góð stjórn Guðmundar, ásamt vel fylltu hlutverki hljómsveitar í hönd- um píanóleikarans Aladár Racz. Eftir hlé hélt tónleikum fram með flutningi Kórs Egilsstaðakirkju undir stjórn Norð- mannsins Torvald Gjerde. Kórinn er vel skip- aður, en þó hætti karlaröddum að syngja sig í sundur á kraftmestu stöðunum. Efnisval kórs- ins var mjög svo á alþýðunótum og gerði Tor- vald, það sem ég hef gagnrýnt áður aðra kóra fyrir, að stjórna kórnum frá píanóinu í tveimur lögum og fannst mér það miður. Píanóleikur- inn varð allt of fyrirferðarmikill og kórinn óná- kvæmari. En eigi að síður fylgdi kórnum kraft- ur og fjör. Öflugasti og fjölmennasti kórinn steig síðast á stokk, en það var eins og fyrr greindi Kór Akureyrarkirkju með Björn Steinar Sólbergs- son í stafni. Kórinn er nú tilbúinn til siglingar og er að halda í söngvíking austur til Slóveníu næstu daga. Ekki fór fram hjá áheyrendum að vel er kórinn til þeirrar sóknar búinn. Var söngur hans blæbrigðaríkur og allt hans fas hið besta. Bassarnir mega þó stundum gæta sín að einstaklingshyggjan verði ekki á kostnað raddfélagsins. En samstaða í siglingu í austurveg mun örugglega styrkja raddkennd þeirra. Tónleikar þessir voru góður vitnisburður um hve kórrækt okkar hefur borið ríkulegan ávöxt og enn er sjálf Sköpunin eftir. KÓRAVEISLA VIÐ MÝVATN TÓNLIST Kórastefna 2004 við Mývatn, Félagsheimilinu Skjólbrekku. Flytjendur Kammerkór Hafnarfjarðar, stjórnandi Helgi Bragason, Kór Bústaðakirkju, stjórnandi Guð- mundur Sigurðsson, Kór Egilsstaðakirkju, stjórn- andi Torvald Gjerde og Kór Akureyrarkirkju, stjórn- andi Björn Steinar Sólbergsson. Einsöngvari Hanna Björk Guðjónsdóttir. Píanóleikari: Aladár Rácz fluttu íslensk og erlend kórlög og mótettan: Heyr, ó Drott- inn eftir Mendelssohn. Föstudaginn 11. júní kl 20.30. KÓRTÓNLEIKAR Jón Hlöðver Áskelsson LJÓSMYNDASÝNINGIN Íslandsljós stendur nú yfir á tveimur stöðum, í Grófarhúsi og í Grafíksalnum, Hafnarhúsi. Sýningin var upphaflega sett saman og sýnd í Vannes í Frakklandi í október í fyrra. 40 alþjóðlegir ljósmyndarar áttu þar verk og var sú sýning nefnd Hafið. Hátíð hafsins fékk svo íslensku myndirnar heim til Íslands og kallar sýn- inguna Íslandsljós. Myndir Ragnars Axels- sonar unnu til fyrstu verðlauna í Frakk- landi. Auk Ragnars eru verk Guðbjarts Ásgeirssonar, Guðmundar Ingólfssonar og Árna Sæbergs á sýningunni. Myndirnar eru teknar á Íslandi, Grænlandi og í Færeyjum. Myndir eftir Ragnar, Árna og Guðmund eru nýjar en myndir Guð- bjarts Ásgeirssonar eru teknar um borð í síðutogara og á síldveiðum fljótlega eftir seinni heimsstyrjöldina. Guðbjartur var kokkur á fiskiskipum og áhugaljósmyndari. Til gamans má geta að Guðbjartur er langafi Ólafs Elíassonar listamanns í föð- urlegg. Ljósmyndararnir hafa mismunandi sýn á hafið og eru viðfangsefnin ólík. Myndirnar endurspegla hina draumkenndu fegurð hafsins en einnig hinn harða veruleika og baráttu þeirra sem eiga allt sitt undir haf- inu. Verk Guðbjarts eru í Grófarhúsi, Borg- arbókasafni og myndir þeirra Ragnars, Árna og Guðmundar eru í Grafíksalnum, Hafnarhúsi. Sýningin er opin frá fimmtudegi til sunnu- dags frá kl. 14–18 og stendur til 3. júlí. Ein verðlaunamynda Ragnars Axelssonar á sýningunni í Frakklandi. Hún er nú á sýningunni Íslandsljós hér heima. Hafið með augum ljós- myndarans

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.