Íslendingaþættir Tímans - 21.08.1976, Blaðsíða 7

Íslendingaþættir Tímans - 21.08.1976, Blaðsíða 7
Hrefna Böðvarsdóttir F. 26. nóv. 1906 D. 8. júli 1976 Hrefna Böövarsdóttir var dóttir Böövars Magnússonar og Ingunnar Eyjólfsdóttur er bjuggu á Laugar- vatni. Hún ólst upp i stórum systkina- hóp, en systurnar voru 11 er upp komust og 1 bróöir. Þaö mun þvi oft hafa veriö glatt á hjalla á heimilinu: heimilisfólkiö margt eins og þá tíök- aöist og svo þessi stóri og Hflegi barna- hópur. Ég ólst upp hjá afa mlnum og ömmu, Böðvari og Ingunni, og kynnt- ist þvl Hrefnu vel. Hún var glaðsinna og skemmtileg, hafði góðan frá- sagnarhæfileika, var fróð um menn og málefni og gat þvi miðlað öðrum af þekkingu sinni. Ég minnist þess sér- staklega, þegar við stóðum við þvotta- balana, að þá sagði Hrefna mér heilu sögurnar, sem hún hafði þá verið að lesa og mundi þá svo vel söguþráðinn og sagði svo vel frá, aö ég þurfti ekki að lesa þær bækur á eftir. Hrefna var góðum gáfum gædd og fjölhæf. Það var alveg sama hvað hún tók sér fyrir hendur, það lék allt I höndunum á henni. Hún vann skrif- stofustörf, var við sima- og póstaf- greiðslu, var einn vetur barnakennari og þar að auki var hún saumakona af guðs náð. Margar flikurnar saumaði hún um ævina. Skólaganga Hrefnu var ekki löng. Ung þreytti hun inntökupróf i Kvenna- skólann I Reykjavik og settist 13. bekk, og tók gott próf um vorið. Það nám hagnýtti hún sér vel bæði til munns og handa. Hrefna lék á orgel og var mörg ár organisti við 'Miðdalskirkju. Þaö var þvi mikið spilað og sungið á Laugar- vatnsheimilinu, þar sem systurnar skiptust á um aö spila undir sönginn. Minnist ég margra ánægjustunda frá þeim tima, er ég var þar á meðal þeirra. I júnl I944giftist Hrefna mikilhæfum manni, Stefáni Ingvarssyni, bónda I Laugardalshólum, og bjuggu þau þar, þar til að hann lézt 12. nóvember 1963. Hrefna eignaðist 3 börn, þau eru: Böðvar Ingi, trésmlðameistari kvæntur Halldóru Guðmundsdóttur, þar til hún varð að leggjast inn á sjúkrahúsið á Selfossi. Hrefna vissi vel að hverju stefndi og var búin að sætta sig við að hverfa héðan úr heimi. HÚn gerði sér grein fyrir þvi, aö nú var það aðeins náð guðs i Jesú Kristi, sem var til bjargar, þvi að „sælir eru þeir, sem I Drottni deyja." Jesús Kristur er eina hellu- bjargið. Hrefna mín, hafðu þökk fyrir allt og allt. Ég bið Guð að blessa alla ástvini Hrefnu og votta þeim samúð mina. Aslaug Stefánsdóttir. t Friðgeir Smári, bóndi Laugardals- hólum, kvæntur Elínborgu Guðmunds- dóttur, Kristln, húsmæðrakennari, gift Gunnari Kjartanssyni, mjólkur- fræðingi, Selfossi. Arið 1967 fluttist Hrefna til Reykja- vikur. Var hún þá orðin heilsulltil, en þó alltaf hress og kát. Hiín var lögð inn á Borgarspitalann I nóvember 1975, þaðan fór hún til dóttur sinnar og tengdasonar á Selfossi og dvaldi þar, Hrefna Böðvarsdóttir Guð þig leiði góða kona gegnum myrkur dauðans hér. Hánn þér gefur sigur svona að sækja fram til llfs hjá sér. Leiða þig til ljóssins hæða ljúfa vini hitta þar, finna hjá þeim gæzku gæða Guði og þér til blessunar. JónÞorsteinsson. Þeir, sem skrifa minningar- eða afmælisgreinar í íslendingaþætti, eru eindregið hvattir til þess að skila vélrituðum handritum, ef mögulegt er. \ islendingaþættir

x

Íslendingaþættir Tímans

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Íslendingaþættir Tímans
https://timarit.is/publication/303

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.