Íslendingaþættir Tímans - 19.01.1983, Blaðsíða 2

Sigurður Pétursson,
Fæddur 30. janúar 1955
Dáinn 1. janúar 1983
Góður drengur og ljúfur er liðinn. Skömm var
hans ævi, en huggun má það vera harmi gegn, að
fjölmargt fékk Sigurður að sjá og reyna umfram
margan áttræðan.
Sigurður Pétursson var sonur hjónanna Sigríðar
Sveinsdóttur og Péturs Sigurðssonar alþingis-
manns. Sendum við þeim og börnum þeirra okkar
dýpstu samúðarkveðjur vegna fráfalls elskulegs
sonar og bróður.
Nám f setningu stundaði Sigurður í Steindórs-
prenti og starfaði síðan í Blaðaprenti. Lágu þar
leiðir okkar saman og var Siggi Pé., eins og hann
var oftast kallaður, litríkur, léttur og skemmti-
legur starfsfélagi með ríka tilfinningu fyrir sínu
stéttarfélagi, svo sem hann átti kyn til.
Mikinn faglegan áhuga hafði hann til að bera
og hugðist öðlast þekkingu og reynslu á því sviði
og varð það m.a. til þess að hann fór fyrir rúmum
tveimur árum til Suður-Afríku og starfaði þar hjá
stærsta blaði í Afríku, The Star í Jóhannesarborg.
Þaðan lagði hann íhinstuför, er var nokkurra
mánaða ferðalag um lönd Suður-Ameríku.
Nú berast ekki lengur frásagnir í bréfum eða á
prentari
snældum, þrungnar leiftrandi lýsingarorðum, Þvl
að góðu sambandi hélt Siggi við okkur félaga, sem
oft komum saman til að njóta frásagna hans og
fróðleiks, og reyndum við að senda honum ýmsat
fréttir héðan, þar sem margs spurði Siggi og ekki
síst um gang mála í stéttarfélaginu og um
þróunina í íslensku prentverki.
Ládeyða í listalífi Jóhannesarborgar var helsh
agnúi borgarlífsins að mati Sigga, enda hafði hann
orð á því í bréfi, eftir að hafa séð frásagnir um
síðustu Listahátíð í Reykjavík, að margt væri nu
girnilegt heima. Hann var afar opinn fyrir hinum
ólíkustu listgreinum og fordómalaus.
Erfitt er að sætta sig við þá staðreynd, að fá el
meir að njóta samvista þessa víðförla vinar okkar,
en allir höfðum við horft með tilhlökkun til næstu
samfunda.
Aðeins hljóður söknuður - og miklar þakkm
fyrir ógleymanleg kynni, sem ylja um ókominn
tíma.
Fyrir hönd fyrrum vaktfélaga í Blaðaprenti.
Hallgrímur Tryggvason-
Sigursteinn Magnússon
ríkjunum þeir markaðsmöguleikar, sem staðið
hafa fram á þennan dag, lögðust af um skeið þeir
þættir freðfiskviðskipta við Evrópulönd, sem hér
voru nefndir. Nú beinast augu manna enn á ný til
Evrópu, þegar rætt er um sölu á frystum fiski, og
nú er okkur ljóst að í ýmsu því, sem Sigursteinn
tók sér fyrir hendur á þessu sviði, var hann langt
á undan sinni samtíð. Pannig voru að hans
fyrirlagi gerðar sérstakar smásöluumbúðir fyrir
neytendamarkað í Frakklandi og seldar þar í landi
um langt skeið. Þetta var á þeim tíma, þegar
blokkarpakkningar voru enn ráðandi í íslenskri
freðfiskframleiðslu. Þannig mætti lengi áfram
telja en hér skal að sinni staðar numið. Þó vil
ég ekki láta undan fallast að minnast á ötulan
stuðning hans við málstað íslands í landhelgistnál-
inu. Sigursteinn kunni á fingrum sér öll rök í því
máli og fylgdi þeim eftir með þeim yfirburðum í
orðsins list sem honum voru meðfæddir. Varð þá
jafnan fátt um svör af hálfu þeirra, sem andsnúnir
voru málstað íslands.
Sigursteinn Magnússon var manna skörulegast-
ur í allri framgöngu og bar sig vel á velli allt fram
á háan aldur. Hann var gæddur ríkri frásagnar-
gáfu, sem studd var frábæru minni. og lætur að
2
líkum, að þessir hæfileikar gögnuðust honum vel
í viðskiptalífinu. Hann hafði mikinn áhuga á
bókmenntum, bæði íslenskum og enskum, og
fræðimennsku sem þeim var tengd. Tel ég mig
vita, að á því sviði hafi hann lagt mörgu góðu máli
lið.
Sigursteinn gerðist ræðismaður íslands í Skot-
landi árið 1940 og aðalræðismaður tíu árum síðar.
Gegndi hann starfi aðalræðismanns til dauðadags.
Eftir að hann lét af framkvæmdastjórn Leith-skrif-
stofu um 1960 sinnti hann ýmsum verkefnum fyrir
Sambandið og var m.a. ráðgefandi um sölu
íslenskra afurða erlendis. Tel ég víst að aðrir. sem
mér eru þar um bærari. muni fjalla um störf hans
í þágu utanríkisþjónustunnar. Mér virtust þau
einkennast af skórungsskap og reisn, sem voru í
fullu samræmi við starfshætti hans á viðskiptasvið-
inu.
Sigursteinn Magnússon var mikill gæfumaður í
einkalífi sínu. Hann hlaut ungurgott kvonfangog
varð aðnjótandi mikils barnaláns. Eftirlifandi
kona hans er Ingibjörg Sigurðardóttir brunamála-
stjóra í Reykjavík Björnssonar og varð þeim
fjörgurra barna auðið. Þau eru:
Siguröur læknir og prófessor í Reykjavík. Kona
hans er , Audrey, fædd Douglass; þau eiga fim'”
börn og eitt barnabarn.
Margrét, gift Ronald Bennett hæstaréttarlög-
manni í Edinborg; þau eiga sex börn.
Dr. Magnús, hinn kunni sjónvarpsmaður og
rithöfundur. Kona hans er Mamie, fædd Baird-
Þau eru búsett í Glasgow og eiga fjögur börn.
Snjólaug píanókennari og vararæðismaður íslands
í Skotlandi. Hún er gift Nigel Thomson dómara
í Edinborg og eiga þau 2 börn.
í meira en hálfa öld hefur frú Ingibjörg staðið
ótrauð við hlið manns síns í erilsömum störfurn
hans. Var heimili þeirra hjóna í Edinborg róniað
fyrir gestrisni og góðan viðurgjörning við landa.
sem þar bar að garði. Áður var vikið að
höfðinglegri framkomu Sigursteins en óhætt er að
fullyrða að í því efni var mikið jafnræði með þe'1”
hjónum. Á mannþingum voru þau glæsilegir
fulltrúar þjóðar sinnar.
Við þau tímarrót, sem nú eru upp runnin,
sendum við hjónin frú Ingibjörgu og börnum
hennar innilegar samúðarkveðjur. Drottinn blessi
minningu Sigursteins iviagiiussouai.
Siguröur Markússon
islendingaþ®íí,r