Íslendingaþættir Tímans - 26.01.1983, Blaðsíða 8
Kristján Benediktsson
borgarfulltrúi, sextugur
t>ann 12. janúar síðastliðinn varð Kristján
Benediktsson sextugur. Þessi atburður fór heldur
hljótt, enda afmælisbarnið að heiman. En
nokkrum dögum síðar birtist í Tímanum mynd af
Kristjáni þar sem varaformaður ÍSÍ var að sæma
hann gullmerki í tilefni sextugsafmælisins fyrir
störf að íþróttamáium.
Þótt sextíu ár séu ekki hár aldur eldast menn
mismunandi. Kristján heldur sér vel, enda
íþrótta- og útilífsmaður, stundar göngur og
skíðaferðir, laxveiðar og badminton. Kristján er
Ijós yfirlitum eins og norrænn víkingur og
heilsuhraustur með afbrigðum. Kvæntur er hann
Svanlaugu Ermenreksdóttur kennara úr
Reykjavík sem er jafn dökk að yfirbragði og hann
er Ijós. Eiga þau fjögur uppkomin börn.
Kristján Benediktsson er bóndasonur, fæddur
að Stóra-Múla í Saurbæ í Dalasýslu. foreldrar
hans eru Benedikt Kristjánsson og Ólöf Ólafsdótt-
ir. Á uppvaxtarárum Kristjáns tíðkaðist það ekki
í hans sveit að ungir menn gengju menntavcginn,
en eftir barnaskólapróf fór Kristján í Reykholts-
skóla, síðar lá leiðin í íþróttakennaraskólann og
kenndi hann um skeið á vegum UMFÍ og ÍSÍ. En
hann lét ekki staðar numið og tók almennt
kennarapróf og kenndi við gagnfræðaskólann við
Hringbraut og í Hagaskóla í einn áratug. Þá var
Árni Þórðarson skólastjóri. góður íslenskumaður,
áhugasamur skólamaður og mikill hestamaður.
Kristján var yfirkennari og settur skólastjóri í
forföllum Árna.
Ég var nemandi Kristjáns í Hagaskóla. Hann
kenndi skrift og landafræði. Rithönd hans er
sérlega falleg og snyrtimenni er hann með
afbrigðum. Kristján var formlegur kennari og
engum nemanda datt í hug að gera uppsteit í
tímum hjá honum.
Kristján Benediktsson fékk ungur áhuga á
pólitík. Hann starfaði í ungliðahreyfingu Fram-
sóknarflokksins, FUF, í Dalasýslu og síðar í
Reykjavík, var í stjórn SUF og síðar formaður,
erindreki flokksins, í miðstjórn og formaður
fulltrúaráðs Framsóknarfélaganna í Reykjavík.
Þá var Kristján framkvæmdastjóri Tímans frá
1964-72 og frá þeim tíma minnist ég Kristjáns, en
borgarmálaráð flokksins kom saman um skeið á
skrifstofu blaðsins í Bankastræti. Þá hefur
Kristján átt sæti í menntamálaráði og verið
formaður þess um skeið. Núna er Kristján
framkvæmdastjóri þingflokks Framsóknarflokks-
ins.
Kristján hefur því sinnt mörgum trúnaðarstörf-
um fyrir Framsóknarflokkinn, enda er hann
traustur maður og mjög samviskusamur.
Þó hygg ég að Kristjáns verði lengst minnst sem
borgarfulltrúa í Reykjavík, en því starfi hefur
hann gegnt í tvo áratugi eða frá 1962. Þá hafði
Þórður Björnsson verið cini borgarfulltrúi flokks-
8
ins í 12 ár og vildi hætta. Kristján var formaður
fulltrúaráðsins og fékk Einar Ágústsson, sem þá
var sparisjóðsstjóri, til að skipa efsta sætið, en
Einar gerði það að skilyrði að Kristján yrði í öðru
sæti. Svo fór að Framsóknarflokkurinn fékk tvo
menn kjörna, svo Kristján fór inn í fyrstu atrennu
og skilur þar m.a. með okkur Kristjáni. -Kristján
Benediktsson er starfsmaðurgáður, hann varð
strax borgarráðsmaður þótt hann væri annar
maður á lista flokksins og brátt gjörkunnugur
málefnunt borgarinnar. Svo fór fram í tvö
kjörtímabil, en þá vann Guðmundur G. Þórarins-
son þriðja sætið á lista flokksins og kjörtímabilið
1970-74 varð blómaskeið, þá var Framsóknar-
flokkurinn stærsti andstöðuflokkur íhaldsins í
borginni. Árið 1971 hætti Einar Ágústsson í
borgarstjórn er hann tók við embætti utanríkisráð-
herra í vinstri stjórn Ólafs Jóhannessonar og
Kristján Ben. varð forystumaður flokksins í
Reykjavík.
Kristján hafði verið borgarfulltrúi í minnihluta
í 16 ár þegar meirihluti sjálfstæðismanna féll 1978.
Þetta var stór stund og Kristján hefur lýst því í
blaðaviðtali með þessum orðum: „Fyrsti borgar-
stjórnarfundurinn var sögulegur viðburður - það
lenti á mér að setja hann - og ég sá á pöllunum
ýmsar gamlar kempur sem setið höfðu í
borgarstjórninni - í minnihluta - áður fyrr barist
við Sjálfstæðisflokkinn í mörgum kosningum og
átt þann draum heitastan að lifa þessa stund.“
Ljóst er að Kristján Ben átti mikinn átt í því
hversu vel tókst til á síðasta kjörtímabili, enda
lipur og traustur í samstarfi. Það var ntikið verk
og vandasamt að taka við stjórn borgarinnar eftir
fimmtíu ára valdaferil Sjálfstæðisflokksins, í kerfi
sem sniðið er að þörfum þess flokks.
í meirihlutanum gegndi Kristján ýmsum mikil-
vægum embættum: var í borgarráði, þar af
formaður í eitt ár. formaður fræðsluráðs, >
framkvæmdaráði, þar af formaður í ár. Ennfrem-
ur átti hann sæti í framkvæmdanefnd um
byggingar í þágu aldraðra og var formaður
nefndarinnar sem sá um byggingu Lönguhlíðar 3,
sem Helgi Hjálmarsson arkitekt teiknaði. Þetta
er fallegt hús sem fellur vel að umhverfinu.
Ég hef verið samstarfsmaður Kristjáns Ben >
borgarmálaráði Framsóknarflokksins allt frá 1970
og nú síðast setið með honum í borgarstjórn
Reykjavíkur. Á þessum tímamótum vil ég flytja
Kristjáni hér í Tímanum þakkir mínar og
fjölmargra annarra frantsóknarmanna fyrir for-
ystu hans í borgarmálum um tveggja áratuga
skeið, um leið og ég óska honum og fjölskyldu
hans alls velfarnaðar.
Gerður Steinþórsdóttir
Islendingaþættir