Morgunblaðið - 20.12.2004, Blaðsíða 3

HANDKNATTLEIKUR
MORGUNBLAÐIÐ MÁNUDAGUR 20. DESEMBER 2004 B 3
hlaupa í skarðið ef með þyrfti.
Við höfum ekki samband við
neina útileikmenn til að biðja þá að
vera tilbúnir. Ef leikmaður myndi
meiðast, sem ég vona að ekki ger-
ist, munum við kalla óvænt á leik-
mann inn í hópinn. Það færi þá eft-
ir því í hvaða stöðu sá leikmaður
léki sem meiddist.
Undirbúningurinn
hefst í Svíþjóð
Viggó sagði að landsliðshópur-
inn kæmi saman í Gautaborg í
Svíþjóð mánudaginn þriðja jan-
úar. „Stór hluti hópsins heldur til
Svíþjóðar frá Íslandi en strák-
arnir sem leika með þýsku lið-
unum – og leika sunnudaginn ann-
an janúar í deildarkeppninni,
koma frá Þýskalandi.
Við verðum saman í tvo daga og
æfum þrisvar áður en við leikum
tvo landsleiki gegn Svíum á mið-
vikudag og fimmtudag. Eftir leik-
ina höldum við heim á föstudegi
og æfum saman í fimm daga áður
en við höldum á mót á Spáni
fimmtudaginn þrettánda janúar,“
sagði Viggó.
Hvernig kemur þú til með að
byggja upp æfingarnar hér heima
áður en haldið verður til Spánar?
Við æfum tvisvar á dag – morg-
un- og kvöldæfingu. Æfingarnar
verða fyrst og fremst nýttar í það
að fara yfir leikkerfi. Ég er að
breyta leikkerfum, bæði í vörn og
sókn, þannig að við þurfum að fara
vel yfir þau kerfi. Það gekk mjög
vel hjá strákunum að laga sig að
nýjum leikkerfum á heimsbikar-
mótinu í Svíþjóð á dögunum. Við
leggjum áherslu á að geta leikið
þrjú afbrigði af varnarleiknum og
síðan förum við yfir sóknarleikinn,
þannig hvernig best er að bregðast
við þrír, tveir, tveir vörn, eða sex
núll flatri vörn, eða hvort maður
verður tekinn úr umferð og þar á
milli. Við verðum að vera með svör
við öllum varnarafbrigðum og við
eigum að geta brugðið fljótt við og
breytt sóknarleik okkar snöggt eft-
ir því hvernig mótherjarnir verjast
gegn okkur. Þetta eru þættir sem
ég vil að verði klárir fyrir mótið á
Spáni, þannig að við getum lagfært
það sem út af ber þar.“
Býður þú ekki upp á þrekæf-
ingar að hætti lærimeistarans
Bogdans?
„Nei, ég verð ekki með þrekæf-
ingar. Ég fæ menn sem eru í fullri
æfingu, en aftur á móti verðum við
með hefðbundnar snerpuæfingar
til að fá menn til að svitna.
Við munum leggja höfuðáhersl-
una á taktíska leikinn – í vörn og
sókn.“
Þið verðið síðan í æfingabúðum á
Spáni í fjóra daga áður en þið
haldið yfir Miðjarðarhafið til Tún-
is?
„Já, eftir að við erum búnir að
leika gegn Spánverjum, Frökkum
og Egyptum munum við fara yfir
öll atriði leiksins – hvað við höfum
gert vel og hvaða atriði við þurfum
að bæta. Með því að vera á Spáni
við æfingar losna leikmennirnir við
utanaðkomandi áreiti og hinn dag-
lega eril sem er hér í Reykjavík.
Við verðum saman allan daginn við
lokaundirbúninginn. Með því að
vera áfram á Spáni erum við lausir
við tvo erfiða ferðadaga – að fara
heim eftir mótið og síðan til Túnis
þremur dögum síðar,“ sagði Viggó.
Konur leikmanna taka þátt
í lokaundirbúningi á Spáni
Viggó sagði að Handknattleiks-
samband Íslands hefði tekið þá
ákvörðun að bjóða eiginkonum og
unnustum leikmanna að hitta þá á
Spáni á mánudeginum eftir mótið
þar og vera með þeim í fjóra daga,
til föstudags, en þá heldur lands-
liðið til Túnis og leikur fyrsta leik-
inn gegn Tékkum í Túnisborg
sunnudaginn 23. janúar.
„Þetta er gert vegna þess að
leikmennirnir hafa verið lengi að
heiman vegna æfinga og keppni og
síðan kemur rúmlega tveggja
vikna útilega í Túnis. Ég vona að
sem flestar geta nýtt sér þetta
glæsilega boð til að hitta strákana
sína. Ég er viss um að þessi
ákvörðun kemur til með að styrkja
leikmannahópinn áður en haldið
verður í hina erfiðu og löngu
keppni í Túnis sem er framandi
land fyrir flesta. Að við náum upp
góðum liðsanda fyrir átökin, með
aðstoð kvennanna,“ sagði Viggó,
sem er sáttur við þann tíma og
undirbúning sem landsliðið fær
fyrir HM í Túnis. „Við ætlum okk-
ur að ná að gera það besta sem við
getum úr þeim tíma sem við höf-
um. Aðar þjóðir hafa ekkert lengri
tíma til undirbúnings en við, þann-
ig að við stöndum jafnfætis þeim.
Ég er sáttur, svo framarlega sem
við missum ekki fleiri leikmenn úr
landsliðshópnum – en Ásgeir Örn
Hallgrímsson og Sigfús Sigurðs-
son, en það kemur maður í manns
stað í þessu sem öðru,“ sagði
Viggó.
Fimm landsleikir á undirbún-
ingstímabili fyrir HM í Túnis. Er
það nóg?
„Já, ég var um tíma að velta því
fyrir mér hvort við ættum að leika
svo marga leiki. Hvort það væri
sterkara að leika færri leiki og æfa
þess meira saman. En ég kom að
þessari landsleikjaáætlun og lét
hana standa óhaggaða.“
Ísland leikur í riðli með Tékk-
landi, Rússlandi, Slóveníu, Kúveit
og Alsír á HM og komast þrjár
efstu þjóðirnar áfram í milliriðla.
Fyrsti leikurinn verður gegn Tékk-
um sunnudaginn 23. janúar í Tún-
isborg. Hvað veit Viggó um mót-
herja Íslands – hefur hann aflað
sér upplýsinga um þá?
Hef ekki áhyggjur af
mótherjum okkar
„Nei, ég hugsa fyrst og fremst
um að koma mínu liði á rétt ról og
undirbúa það sem best fyrir hina
erfiðu keppni. Þar sem við leikum
fyrst gegn Tékkum er lykilatriðið
að vita nákvæmlega hvað Tékkar
voru að gera á lokasprettinum –
áður en þeir halda til Túnis.
Eins og staðan er nú veit ég
mjög lítið um Tékka. Það hefur
verið stór spurning – hvort maður
eigi nokkuð að vera að spá í mót-
herjana áður en þeir velja end-
anlegan leikmannahóp sem tekur
þátt í HM. Það hefur ekkert upp á
sig að vita hvað þeir gerðu fyrir
hálfu ári, eða í síðustu heimsmeist-
arakeppni. Það er ekkert mark-
tækt fyrr en maður veit hvernig
hópur þjóðanna er á HM.
Tékkar eiga eftir að leika á móti
í Svíþjóð og Danmörku, þar sem
mótherjar þeirra eru Svíar, Danir
og Brasilíumenn. Þá leika þeir
gegn Þjóðverjum í Berlín áður en
þeir halda til Túnis. Ég mun fá
upplýsingar um þá eftir þessa leiki
– upplýsingar sem við munum
vinna úr áður en við mætum þeim í
Túnis.
Við lékum til dæmis gegn Slóv-
akíu á heimsbikarmótinu í Svíþjóð
á dögunum og unnum þá í Gauta-
borg í leik um fimmta sætið. Sá
leikur segir okkur ekkert þar sem
það vantaði nokkra sterka leik-
menn í lið þeirra.
Það er allt annað upp á ten-
ingnum þegar út í lokaundirbún-
inginn er komið. Við fáum mjög
góða mynd af tékkneska liðinu með
því að sjá gengi þess í leikjunum í
Svíþjóð, Danmörku og Þýskalandi.
Það er nauðsynlegt, þar sem við
leikum gegn þeim í fyrsta leik. Við
þurfum ekki að hafa áhyggjur af
öðrum mótherjum fyrir HM því að
við komum til með að sjá þá leika
þegar á hólminn er komið – áður
en við leikum gegn þeim. Því er
óþarfi að vera að flækja málið of
mikið með því að spá í mótherjana
strax. Við höfum nægan tíma til
þess í Túnis,“ sagði Viggó Sigurðs-
son.
– hefur trú á strákunum sínum – og stendur við það sem hann hefur sagt
Viggó Sigurðsson, landsliðsþjálfari í handknattleik, sést hér ræða við sína menn í fyrsta
landsleiknum sem hann stjórnaði – gegn Þjóðverjum á heimsbikarmótinu í Svíþjóð á dög-
unum. Þjóðverjar náðu að leggja Íslendinga í Borlange, 29:28.
ÞEGAR landsliðið kemur saman í Sví-
þjóð 3. janúar koma tveir sænskir
markvarðaþjálfarar til liðs við liðið.
Andrés Kristjánsson, fyrrverandi
landsliðsmaður, hefur verið Hand-
knattleikssambandi Íslands innan
handar við að fá þjálfarana. „Þeir
munu þjálfa markverði okkar ásamt
Bergsveini Bergsveinssyni á meðan
við dveljumst í Svíþjóð og annar kem-
ur síðan heim með okkur og verður
með markverðina í æfingum þar til
við höldum til Spánar þrettánda jan-
úar. Markverðirnir okkar verða því
undir handleiðslu sænskra mark-
varðaþjálfara í tíu daga. Það er mjög
sterkt fyrir okkur að geta lagt áherslu
á þennan þátt, því að ég hef lengi ver-
ið þeirra skoðunar að markvarðaþjálf-
un á Íslandi hafi ekki verið nægilega
góð og markviss. Þess vegna höfum
við ekki eignast markverði, sem hafa
náð að halda jafnvægi í langan tíma.
Bergsveinn Bergsveinsson, fyrrver-
andi landsliðsmarkvörður og aðstoð-
armaður minn, mun sjá um að hlúa
sem best að markvörðum okkar fyrir
HM. Hann er þekktur fyrir að lesa
leikinn vel og undirbúa sig vel fyrir
leiki er hann lék með landsliðinu, FH
og Aftureldingu,“ sagði Viggó Sig-
urðsson.
Svíar þjálfa markverðina í
Gautaborg og Reykjavík