Morgunblaðið - 20.12.2004, Blaðsíða 7

HANDKNATTLEIKUR
MORGUNBLAÐIÐ MÁNUDAGUR 20. DESEMBER 2004 B 7
Framarar byrjuðu leikinn miklubetur og virtist sigur þeirra
liggja í augum uppi – náðu mest átta
marka forystu í fyrri
hálfleik en staðan í
hálfleik var 17:12. En
þeir vanmátu getu
FH-inga sem vökn-
uðu fyrst þegar mótlætið var sem
mest, þremur færri og þjálfaralausir
eftir að Árna Stefánssyni hafði verið
sýnt rauða spjaldið fyrir mótmæli.
Tvíefldir börðust gestirnir betur og
höfðu yfir eftir æsispennandi loka-
mínútur. Heimir Ríkarðsson, þjálfari
Framara, var að vonum ónægður með
frammistöðu sinna manna en bjart-
sýnn á framhaldið.
„Það var fín barátta í strákunum en
við vorum hryllilegir klaufar að ná
ekki að klára þennan leik. Snemma
náðum við fínni stöðu en á einhvern
óskiljanlegan hátt hentum við henni
frá okkur. Vorum að fá á okkur ódýr
mörk í lokin og náðum ekki að halda
sama þéttleika í vörninni eins og í
fyrri hálfleik og Petkevicius var þá
alls ekki að finna sig, kannski má
kenna þreytu þarna um. Þeir fundu
alla vega leiðina að markinu meðan
við strönduðum. Við vissum að þetta
yrði erfitt, fá lið eru betur mönnuð en
FH, en vandræði hafa herjað á okkur
og í dag vantaði þrjá menn úr byrj-
unarliðinu.
Þetta eru auðvitað vonbrigði en
ekki endilega núna, við fengum tæki-
færi til því að fara upp í úrvalsdeildina
en erum búnir að fara illa með leiki
sem voru svo gott sem unnir. Við
byrjum að nýju í neðri deildinni og
stefnan er tekin á átta liða úrslitin og
sigur í deildinni. Þegar við erum
komnir með allan mannskapinn tel ég
okkur vera með lið til þess. En það er
ljóst að við þurfum að gyrða okkur í
brók enda ýmislegt sem þarf að laga.
Ef okkur tekst að spila í heilan leik
eins og fyrri hálfleikin í kvöld verðum
við skeinuhættir,“ sagði Heimir.
Góður sigur fyrir sjálfstraustið
„Þetta var hörkuleikur en við
mættum ekki nægilega grimmir til
leiks og lentum í slæmri stöðu í fyrri
hálfleik, ég messaði yfir strákunum í
leikhléi og fór fram á að þeir sýndu að
liðið geti komið til baka úr svona
stöðu. Þannig að ég er mjög ánægður
með baráttuna og seinustu 15 mínút-
urnar voru hreint frábærar – vorum
lengi tveimur til þremur mönnum
færri en samt gáfust menn aldrei upp
og kláruðu þetta með sæmd,“ sagði
Árni Stefánsson, þjálfari FH, sem fór
mikinn á hliðarlínunni.
„Ég viðurkenni að ég gekk of langt,
missti mig aðeins og átti rauða spaldið
alveg skilið en mér fannst samt mikið
um ódýrar brottvísanir á báða bóga.
Þetta var hasarleikur, upp á líf og
dauða fyrir Fram, og gott fyrir stolt
okkar að ná að klára leik sem kannski
skiptir ekki öllu máli. Þessi leikur
sýnir að við getum meira en stigatafl-
an sýnir, við höfum verið sjálfum okk-
ur verstir í vetur. Ef við spilum með
fullri einbeitningu þá getum við unnið
hvaða lið sem er,“ bætti Akureyring-
urinn Árni Stefánsson við. „Ég er
náttúrulega gamall Þórsari og er
mjög sáttur við sæti þeirra í úrvals-
deild, þar er skemmtilegt lið á ferð
sem hefur vaxið mikið í vetur.“
Morgunblaðið/Kristinn
Guðmundur Örn Arnarson skorar eitt fimm marka sinna, Arnar Pétursson úr FH fylgist með.
FH örlagavaldur
Framliðsins
FH-INGAR voru svo sannarlega örlagavaldar á laugardag þegar þeir
sóttu Fram heim í lokaumferð norðurriðils Íslandsmóts karla. Fram-
arar, sem þurftu nauðsynlega á sigri að halda til að tryggja sér sæti
í úrvalsdeildinni sem hefst í febrúar, höfðu yfirhöndina nær allan
leikinn eða þar til að þar til tæplega tíu mínútum fyrir leikslok. FH-
ingar klifu þá fimm marka forskot þeirra, jöfnuðu og með mikilli
baráttu – og hörku – náðu að knýja fram sigur, 32:31, og gera vonir
Framara að engu.
Andri
Karl
skrifar
ÓLAFUR Stefánsson
varð í gær spænskur
deildabikarmeistari í
handknattleik með
Ciudad Real, sem
sigraði Portland San
Antonio. 39:36, í tví-
framlengdum úrslita-
leik. Ólafur skoraði 6
mörk í leiknum, þar
af tvö úr vítaköstum.
Á laugardaginn skor-
aði Ólafur 3 mörk
þegar Ciudad vann
auðveldan sigur á
Almeria, 33:22, í und-
anúrslitum keppn-
innar og Portland
bar þá sigurorð af
Barcelona. Leikirnir fóru allir
fram í Almeria.
Ciudad Real var með und-
irtökin allan tímann í gær. Stað-
an var 15:13 í hálfleik og liðið
var með fimm marka forskot
skömmu fyrir leikslok, 28:23. Þá
varð liðið fyrir því áfalli að missa
bæði Ólaf og Ales Pajovic af velli
með rauð spjöld vegna þriggja
brottvísana. Portland gekk á lag-
ið á lokakaflanum og
náði að jafna metin,
29:29, áður en yfir
lauk.
Eftir fyrri fram-
lenginguna var stað-
an jöfn, 33:33, en
Ciudad gerði út um
leikinn í þeirri síðari
með því að skora sex
mörk gegn þremur.
Mirza Dzomba og
Rolando Uríos voru
markahæstir hjá
Ciudad Real með 8
mörk, Ólafur gerði 6
og Talant Dujsh-
ebaev 5. Hjá Port-
land var Demetrio
Lozano í stóru hlutverki og skor-
aði 17 mörk en Mateo Garralda
kom næstur með 5.
Liðin mætast aftur á mið-
vikudagskvöldið í síðustu umferð
ársins í spænsku 1. deildinni en
síðan verður gert hlé á henni þar
til heimsmeistarakeppninni í Tún-
is lýkur. Ólafur getur því einbeitt
sér að íslenska landsliðinu eftir
að leiknum við Portland er lokið.
Ólafur bikar-
meistari með
Ciudad Real
Ólafur
Stefánsson
Handboltinn í Evrópu hyggstbreyta fyrirkomulaginu á for-
keppninni fyrir Evrópumótin í lík-
ingu við það sem er hjá knatt-
spyrnumönnum. Þetta segir alltént
Tor Lian, forseti EHF, en sam-
bandið þingaði í Ungverjalandi um
helgina.
Á fundinum var skipuð vinnu-
nefnd til að fara í gegnum þessi mál
en að sögn Einars Þorvarðarsonar,
framkvæmdastjóra HSÍ, er ekki
samkomulag um þessar breytingar.
Á fundinum lögðu Austur-Evr-
ópuþjóðir fram tillögu um að end-
urvekja gömlu B-keppnina en sú
tillaga var felld.
Einar og Guðmundur Ingvars-
son, formaður HSÍ, ætluðu á fund-
inn í Ungverjalandi en það fór
öðruvísi en ætlað er. „Við flugum út
til Kaupmannahafnar á föstudeg-
inum og héngum síðan úti á Kast-
rup-flugvelli langt fram á kvöld því
það var ekki hægt að lenda í Búda-
pest. Það endaði með því að við
fengum flug daginn eftir en þá var
ljóst að fundurinn yrði búinn þegar
við kæmum þangað þannig að við
tókum næstu vél heim,“ sagði Ein-
ar.
Helga Magnúsdóttir var í Ung-
verjalandi og hún sat þingið fyrir
hönd HSÍ. Að sögn Einars voru það
fulltrúar nokkurra þjóða sem sátu
eftir í Kaupmannahöfn þennan dag,
en allir gátu þó sent einhvern full-
trúa á fundinn.
Breytt fyrir-
komulag á EM
í handbolta?
Norðmenn voru oftast aðeins yf-ir í fyrri hálfleik, þó svo Danir
næðu stöku sinnum undirtökunum,
en jafnt var í hálfleik 11:11.
Liðin skiptust síðan á um að hafa
undirtökin í síðari hálfleiknum og
þá voru nokkrar sveiflur í leiknum.
Danir komust til dæmis í 13:12 en
Norðmenn gerðu þrjú mörk í röð,
15:12 en þær dönsku gáfust ekki
upp og komust í 22:20. Þá kom góð-
ur kafli norsku kvennanna sem
gerðu fjögur mörk í röð og breyttu
stöðunni í 24:22 og sá munur hélst.
„Danska liði lék vel og skynsam-
lega en við gáfumst aldrei upp og
með mikilli baráttu og þolinmæði
tókst okkur að sigra,“ sagði Marit
Breivik, landsliðsþjálfari Noregs,
kát í leikslok. „Annars ætla ég ekki
að greina leikinn núna – vill bara fá
að sjá verðlaunin, sem eru þau
bestu sem ég hef fengið og þá er ég
ekki að gera lítið úr fyrri sigrum
okkar,“ sagði landsliðsþjálfarinn.
Norska liðið er vel að sigrinum
komið, það er heilsteypt og allar
lögðust á eitt um að ná þessum
áfanga. Í úrslitaleiknum átti Gro
Hammerseng, fyrirlið liðsins, fínan
leik sem og Kjersti Beck í markinu,
en hún varði sautján skot. Karin
Mortensen, markvörður Dana, var
besti maður síns liðs en Beck gaf
henni lítið eftir að þessu sinni.
Hammerseng var valin besti leik-
maður mótsins en markahæst varð
Bojana Radulovics í liði Ungverja
en hún gerði 72 mörk í mótinu.
Norsku stúlkurnar tryggðu sér
sæti í úrslitaleiknum þegar þær
lögðu heimamenn í Ungverjalandi
44:29 í einum besta handboltaleik
sem norskt lið hefur leikið ef marka
má norska fjölmiðla.
Norsku leikmennirnir fá sem
nemur 300.000 íslenskum krónum
hver í bónus fyrir Evrópugullið, en
allir voru með 4.000 krónur í dag-
peninga á meðan mótið stóð.
Reuters
Norsku stelpurnar fögnuðu að vonum vel og lengi eftir að
þær urðu Evrópumeistarar í gær.
Norðmenn urðu
Evrópumeistarar
NORÐMENN urðu um helgina Evrópumeistarar í handknattleik
kvenna eftir 27:25 sigur á Dönum í æsispennandi úrslitaleik þar
sem úrslitin réðust ekki fyrr en á lokasekúndunum. Norðmenn
urðu síðast Evrópumeistarar árið 1998.