Morgunblaðið - 20.12.2004, Blaðsíða 8

JÓN Arnór Stefánsson lék lítið
með þegar Dinamo St Pétursborg
tók á móti Dinamo Moskvu á laug-
ardaginn, í rússnesku úrvalsdeild-
inni í körfuknattleik. Hann lék að-
eins í 4,27 mínútur, reyndi ekki skot
að körfu en tók eitt frákast. Moskvu-
liðið sigraði 93:90 og er í öðru sæti en
St Pétursborg er í fimmta sæti.

MAX Rauffer, skíðamaður frá
Þýskalandi, sigraði í bruni karla í
Val Gardena á Ítalíu á laugardaginn
og varð þar með fyrsti Þjóðverjinn
til að sigra í alpagrein í heimsbik-
arnum í 13 ár. Aðstæður voru slæm-
ar, hvasst og var því keppnisbrautin
stytt talsvert.

AUSTURRÍSKI skíðakappinn
Hans Knauss á yfir höfði sér allt að
tveggja ára keppnisbann, en hann
tilkynnti á föstudaginn að hann hefði
mælst jákvæður í lyfjaprófi. Svo
virðist sem hann hafi notað nandr-
olone, en lyfjaprófið var tekið eftir að
hann varð fjórði í bruni í heimsbik-
armóti í Lake Louise í Kanada í síð-
asta mánuði.

THOMAS Grandi vann í gær sinn
fyrsta sigur í heimsbikarmótinu á
skíðum þegar hann sigraði í risasvigi
á Ítalíu. Grandi hefur keppt í tólf ár í
mótaröðinni en ekki náð að sigra fyrr
en í gær.

ALLEN Iverson gerði 54 stig fyrir
76ers er liðið lagði Milwaukee
116:97. Þetta er hæsta skor hans í
einum leik í vetur og í leiknum gerði
hann einnig sitt 15.000 stig í NBA.
Kappinn hefur sjö sinnum gert
meira en 50 stig í leik á þeim níu ár-
um sem hann hefur leikið í deildinni.

EMEKA Okafor fer mikinn þessa
dagana í liði Charlotte í NBA og um
helgina gerði hann 23 stig og tók 17
fráköst þegar liðið lagði Houston
með einu stigi í framlengingu. Þetta
er tólfti leikurinn í röð þar sem
Okafor er með tveggja stafa tölu í
þessum leikatriðum.

SHAWN Marion gerði 36 stig og
tók 14 fráköst fyrir Suns sem lagði
Wizards og er þetta það mesta sem
hann hefur skorað í vetur. Amare
Stoudemire lenti hins vegar í villu-
vandræðum og gerði aðeins átta stig,
en hann hafði náð tveggja stafa tölu í
stigum í 53 leiki í röð.

BRASILÍSKI knattspyrnumaður-
inn Ronaldinho, sem leikur með
Barcelona, segist vel getað hugsað
sér að leika með Chelsea í Englandi.
„Áður en ég kom til Barcelona
bauðst mér að fara til Chelsea en þó
svo það væru meiri peningar fyrir
mig þar hafði ég ekki áhuga. Nú sé
ég að það er verið að gera fína hluti
hjá Chelsea og ég gæti vel hugsað
mér að spila með félaginu. Mig lang-
ar að leika í ensku deildinni til að
sýna að teknískir og nettir leikmenn
geti náð langt þar,“ sagði Ronald-
inho um helgina.

ALAN Shearer, sóknarmaður
Newcastle, vill að Graeme Souness
fái tíma til að sanna sig hjá New-
castle og hefur beðið Freddy Shep-
herd, forseta félagsins, að gefa hon-
um tíma til að byggja upp sterkt lið.
Shepherd hefur lýst því yfir að hann
vilji fá einhvern bikar á þessari leik-
tíð en Shearer finnst það fullmikill
ákafi í forsetanum.

„ÉG skil að forsetinn vilji titla og
hann hefur sagt þetta lengi – við
marga stjóra hjá okkur. En ég held
að við verðum að gefa Souness smá-
tíma. Hann þarf að fá fleiri sterka
leikmenn og ég á ekki von á að það
gerist í janúar. Souness hefur það
sem þarf til að vinna titla og með
fullri virðingu fyrir þeim fram-
kvæmdastjórum sem hafa verið hér
er það staðreynd að við höfum ekki
unnið neitt. Ef Souness fær tíma og
peninga – sem ég veit að hann á eftir
að fá – þá mun Newcastle vinna
titla,“ sagði Shearer.
FÓLK
Ekki þarf að hafa mörg orð umþennan leik. HK hafði nokkra
yfirburði og náði 11 marka forskoti í
seinni hálfleik. Sókn-
ir HK voru hraðar
og snarpar, leik-
menn sýndu góða
skottækni og fín
gegnumbrot, vörnin var þétt og
Hörður Flóki Ólafsson for á kostum
í markinu gegn sínum gömlu fé-
lögum og varði 23 skot. Augustas
Strazdas skoraði að vild og Elías
Már Halldórsson og Valdimar Þórs-
son voru skæðir og aðrir sýndu
ágæta takta.
Þórsarar þoldu ekki taugaspenn-
una og sóknarleikur liðsins var ákaf-
lega stirður. Leikstjórnendur höfðu
hvorki stjórn á sjálfum sér né öðr-
um, Aigars Lazdins var dapur í
skyttuhlutverkinu, línuspil var ekk-
ert, vörnin brast í seinni hálfleik og
Skabeikis hefur yfirleitt varið mun
betur. Það var aðeins einstaklings-
framtak Árna Þórs Sigtryggssonar
sem gladdi augu heimamanna en
hann skoraði 12 mörk.
Vonbrigði Þórsara og uppgjöf
breyttust í sigurvímu í lok leiksins
þegar tilkynnt var að FH hefði snúið
leiknum gegn Fram sér í vil og knú-
ið fram sigur.
Þurftum heppni og hjálp
Axel Stefánsson, þjálfari Þórs,
rak upp siguröskur skömmu eftir
leikinn gegn HK þrátt fyrir tap og
afleita frammistöðu sinna manna
enda var þá búið að tilkynna að FH
hefði sigrað Fram og Þórsarar voru
því komnir í úrvalsdeild.
„Spennustigið var út úr öllu korti
og við spiluðum ákaflega illa og
komumst aldrei í takt við leikinn,
hvorki í vörn né sókn. Ég verð bara
að þakka FH-ingum fyrir að hafa
lagt Fram og hjálpað okkur áfram
fyrst við gátum það ekki sjálfir. Við
fórum illa með aragrúa af færum,
svo sem vítaskot og hraðaupp-
hlaup“, sagði Axel og hristi höfuðið
yfir leiknum. „Það má hins vegar
ekki taka það af strákunum að þeir
hafa sýnt frábæran karakter í seinni
umferðinni og þetta er fyrsta tapið
okkar í seinni umferð keppninnar.
Þegar sú umferð hófst trúðum við
því staðfastlega að við kæmumst í
úrslitakeppnina, sem var jú mark-
mið okkar, og það tókst þótt við
þyrftum heppni og hjálp á loka-
sprettinum. En strákarnir hafa
sannarlega unnið fyrir þessu,“ sagði
Axel Stefánsson.
Gamli Þórsarinn sá um
þetta fyrir okkur
Árni Þór Sigtryggsson var lang-
atkvæðamestur Þórsara í leiknum
og skoraði 12 mörk, þar af 9 í seinni
hálfleik. Hann var samt hundfúll yfir
öllum færunum sem hann klúðraði
og var hvorki sáttur við eigin
frammistöðu né annarra í liðinu. En
hvernig leið honum undir lokin, vissi
hann eitthvað um gang mála hjá
Fram og FH?
„Ég vissi ekkert um þann leik fyrr
en svona mínúta var eftir hjá okkur.
Þá sá ég á svipbrigðum áhorfenda
hvernig hefði farið og mér létti stór-
lega því þetta var afleitur leikur hjá
okkur. Við höndluðum ekki spennu-
stigið en það er afar ánægjulegt að
hafa komist áfram. Eigum við ekki
að segja að gamli Þórsarinn, Árni
Stefánsson, þjálfari FH, hafi séð um
þetta fyrir okkur?“ sagði Árni Þór
kankvís.
Tel mig ekki vera tilbúinn
í atvinnumennskuna
Stórskyttan unga hefur vakið
mikla athygli í vetur og hefur breyst
úr efnilegum stráklingi í stórgóðan
handknattleiksmann. Árni Þór verð-
ur stúdent frá Menntaskólanum á
Akureyri í vor og margir hafa sýnt
honum áhuga. Hvað segir hann um
framhaldið? „Þetta verður bara að
skýrast með vorinu. Ég er ekki bú-
inn að ákveða hvort ég fer í háskóla í
Reykjavík eða út í atvinnumennsku.
Maður hefur svo sem fengið fyrir-
spurnir að utan en ég ætla ekki út
nema um sé að ræða áhugavert til-
boð. Ég fer heldur ekki nema ég sé
tilbúinn til þess en eins og er finnst
mér ég eiga töluvert í land með að
vera tilbúinn í atvinnumennskuna,
sérstaklega líkamlega. Núna ein-
beiti ég mér að næsta markmiði með
Þór en við stefnum að því að verða
meðal sex efstu liða í úrvalsdeild-
inni,“ sagði Árni Þór Sigtryggsson.
Morgunblaðið/Kristján
Ólafur Víðir Ólafsson brýst í gegnum vörn Þórs og skorar eitt marka HK í leiknum á laugardaginn. Sindri Haraldsson og Aigars
Lazdins ná ekki að stöðva hann en Jón Heiðar Gunnarsson, línumaður HK, fylgist með.
Þór slapp þrátt
fyrir skell gegn HK
ÞÓR tók á móti HK í lokaumferð riðlakeppni handboltans á laug-
ardaginn. Leikurinn var afar mikilvægur fyrir Þórsara sem þurftu
stig til að gulltryggja sér sæti í úrvalsdeildinni. Spilamennska
þeirra var hins vegar í molum og HK hafði leikinn í hendi sér. Loka-
tölur urðu 32:26 fyrir HK en þar sem Fram tókst ekki að sigra FH
hirtu Þórsarar síðasta úrvalsdeildarsætið í norðurriðli.
Stefán Þór
Sæmundsson
skrifar
■ Úrslit/B6