24 stundir - 08.12.2007, Blaðsíða 8
8 LAUGARDAGUR 8. DESEMBER 2007 24stundir
Eftir Hlyn Orra Stefánsson
hlynur@24stundir.is
„Þetta eru ekki góðar fréttir og sýn-
ir að stjórnvöld í Bandaríkjunum
hafa líklega meiri áhyggjur af
ástandinu en þau hafa áður viljað
viðurkenna,“ segir Gunnar Har-
aldsson, forstöðumaður Hagfræði-
stofnunar Háskóla Íslands, um
ákvörðun bandarískra yfirvalda
um að frysta tímabundið vexti á til-
teknum húsnæðislánum sem borið
hafa breytilega vexti.
Gunnar segir aðgerðirnar geta
orðið til þess að veikja fjármálafyr-
irtækin vestra og að menn hljóti að
spyrja sig hvort yfirvöld búi yfir
vitneskju sem aðrir geri ekki. Hann
bendir þó á að nýjustu fréttir sýni
að staða sumra fjármálafyrirtækja
þar í landi sé betri en búist var við.
Gunnar segir aðstæðurnar sem
myndast hafa á bandaríska hús-
næðismarkaðnum ekki vera sam-
bærilegar við það sem verið hefur
að gerast á Íslandi. „Í Bandaríkj-
unum hafa verið veitt lán til fólks
sem vegna lágra tekna hefði undir
eðlilegum kringumstæðum ekki
fengið lán. Það er eðlisólíkt því sem
einhverjir hafa áhyggjur af hér á
landi, sem er að fólk hafi skuldsett
sig of mikið. Hér hafa verið gerðar
mun meiri kröfur til lántakenda.“
Þrátt fyrir neikvæðar fréttir af
efnahagslífinu í breskum dagblöð-
um undanfarna daga, segir Gunnar
ástandið ekki alslæmt. „Auðvitað
hefur fréttaflutningur áhrif á vænt-
ingar og annað. En þegar maður les
fjármálapressuna sér maður líka já-
kvæðar fréttir. Það er fátt í spil-
unum núna sem bendir til þess að
alheimskreppa sé yfirvofandi.“
Meiri áhyggjur
en látið var í ljós
Ákvörðun Bandaríkjastjórnar um að frysta vexti ekki góðar fréttir
➤ Bandaríkjastjórn hyggstfrysta vexti á lánum hluta
húseigenda í fimm ár.
➤ Aðgerðirnar eiga að stemmastigu við lánakreppunni.
FYRIRHUGAÐAR AÐGERÐIR
Ástandið betra hér Þrátt fyrir að margir hafi
skuldsett sig að undanförnu hafa verið gerðar
meiri kröfur til lántakenda hér en í Bandaríkjunum
Takmarkaðir vaxtarmöguleikar
eiga stærstan þátt í því að Seltjarn-
arnesbær getur haldið sköttum lág-
um, segir Gunnar Helgi Kristins-
son, prófessor í stjórnmálafræði
við Háskóla Íslands. „Vegna land-
fræðilegra takmarka er Seltjarnar-
nesbær eiginlega dæmdur til að
einbeita sér að núverandi íbúum
og er því ekki í kostnaðarsömum
útþensluverkefnum eins og mörg
önnur sveitarfélög.“
Eins og fram kom í 24 stundum í
gær eru skattar og föst gjöld lægri
hjá Seltjarnarnesbæ en öðrum
sveitarfélögum á höfuðborgar-
svæðinu.
Gunnar Helgi segir ennfremur
að rannsókn sem hann gerði fyrir
nokkrum árum hafi leitt í ljós að
hlutfallslega séu fleiri þiggjendur
félagslegrar aðstoðar í Reykjavík en
annars staðar á höfuðborgarsvæð-
inu. hlynur@24stundir.is
Ástæður fyrir lágum sköttum á Seltjarnarnesi
Dæmt til að einblína
á núverandi íbúa
● Botnfiskur Samkvæmt haust-
mælingu Hafró á botnfiski hef-
ur heildarvísitala þorsks lækkað
um 20% frá mælingum í fyrra.
Heildarvísitala ýsu lækkaði um
13% frá haustmælingunni
2006. Heildarvísitala grálúðu
og djúpkarfa var svipuð og ver-
ið hefur.
● Fíkniefni Efni, sem talin eru
vera hass og amfetamín, fund-
ust falin undir kodda við hús-
leit í Hlíðunum.
● Ráðherrafundur Ingibjörg
Sólrún Gísladóttir utanrík-
isráðherra tók þátt í ráðherra-
fundi NATO í Brussel í gær.
Ráðherra harmaði afstöðu
rússneskra stjórnvalda til
samningsins um hefðbundinn
herafla í Evrópu.
HEIMSBÓKMENNTIR
HANDA BÖRNUM
SKRUDDA
Eyjarslóð 9 - 101 Reykjavík
s. 552 8866 - skrudda@skrudda.is
www.skrudda.is
Þessi sígildu verk Charles Dickens og Jules Verne
í myndasöguformi. Frábærar bækur handa börnum
frá 10 ára aldri.
LJÓÐMYNDALINDIR
„Hver myndin annarri
fallegri og skemmtilegri
blasir við og þegar ég
gríp niður í ljóðin sé
ég að þar er margt
áhugavert.“
Guðrún Guðlaugsdóttir,
Mbl.
Einstök bók þar sem Gísli Sigurðsson, fyrrv. ritstjóri,
fléttar saman ljóðum og úrvali málverka sinna.
KRAFTMIKIL SKÁLDÆVISAGA
Afar lifandi myndir
frá litríkum
æskuárum í
Keflavík. Bókin er
skrifuð af miklum
krafti, atburðarásin
er hröð og
textinn geislar af
frásagnargleði.
NÝ SÖNGBÓK GUNNARS
Árið 2005 kom út
bók með 40 vinsælum
lögum Gunnar
Þórðarsonar og seldist
fyrsta prentun upp
á skömmum tíma.
Nú hefur Gunnar
valið 40 lög til
viðbótar og birtast
þau í þessari bók.
BÓK FYRIR ALLA
TÓNLISTARMENN!
STUTT
Hafliði Hallgrímsson hefur
verið ráðinn sem staðartónskáld
Sinfóníuhljómsveitar Íslands til
næstu þriggja ára. Hafliði mun
starfa náið með hljómsveitinni á
tímabilinu og mun samstarfið ná
til flestra sviða starfsemi hennar.
Í tilkynningu frá Sinfóníu-
hljómsveitinni segir að Hafliði
Hallgrímsson sé meðal fremstu
tónskálda Íslands og tónverka-
skrá hans ein sú viðamesta og
glæsilegasta sem íslenskt tón-
skáld geti státað af. Hann hafi
hlotið margvísleg verðlaun og
viðurkenningar fyrir verk sín,
m.a. Tónskáldaverðlaun Norð-
urlandaráðs sem hann hlaut fyr-
ir fiðlukonsertinn Poemi árið
1986.
Hafliði hefur samið tónlist fyr-
ir hljómsveitir og einleikara í
fremstu röð og má nefna norska
sellóleikarann Truls Mörk og
skoska slagverkssnillinginn Eve-
lyn Glennie. Stærstu verk Hafliða
eru óratórían Passía og óperan
Die Welt der Zwischenfälle.
Hafliði mun semja verk sér-
staklega fyrir hljómsveitina, auk
þess sem eldri verk hans verða
tekin til flutnings. Hann mun
taka þátt í fræðslustarfi hljóm-
sveitarinnar um leið og hljóm-
sveitin mun leggja áherslu á að
kynna verk hans. mbl.is
Hafliði ráðinn staðartónskáld
Sinfóníuhljómsveit Íslands