24 stundir - 08.12.2007, Blaðsíða 60
LAUGARDAGUR 8. DESEMBER 200760 stundir
TRÚIN OG TILVERAN
Sigríður Margrét Guðmundsdóttir
framkvæmdastjóri Landnámsseturs
fædd 06.09.1950
Spurt á www.tru.is
Ef maður skírist ekki, getur
maður þá ekki fermst í kirkju?
Bjarni Þór Bjarnason svarar:
Ferming er athöfn þar sem ferm-
ingarþeginn staðfestir skírn sína.
Fermingin er tilkomin vegna skírn-
arinnar. Ef engin væri skírnin væri
fermingin þar með ekki til. Orðið
„ferming“ er dregið af latneska orð-
inu „confirmatio“ sem merkir m.a.
„staðfesting“. Hugsunin að baki er
sú, að þegar barnið hefur fengið
aldur til geti það staðfest loforð
foreldranna frá skírnarstundu
þess, að ala það upp í kristinni
trú. Fermingarbarnið fær tækifæri
til að játast Kristi og leitast við
að hafa hann að leiðtoga lífs síns
Sum fermingarbarnanna sem
sækja fermingarfræðslu eru
óskírð. Í slíkum tilfellum er
venjan sú að skíra þau að vori
skömmu áður en þau fermast
Niðurstaðan er þess vegna sú að
skírn er forsenda fermingar.
Ráðgjafar tru.is svara spurningum lesenda - Spurningum má koma á framfæri á tru.is og taka fram ef beðið er um svar í 24 stundum
Er hægt að fermast í kirkju ef maður er ekki skírður?
Draumar e
ru
til að láta
þá rætast
YFIRLÝSINGIN
24stundir/Frikki
Af hverju var Guð ekki kona?
Spurt á www.tru.is:
Af hverju var Guð ekki kona?
Kristján Valur Ingólfsson svarar:
Við menn gerum okkur myndir
af því sem við hugsum um. Þessar
myndir eru unnar úr þeim efni-
viði sem skilningur okkar ræður
við. Það eru mannlegar myndir og
persónulegar. Þegar við hugsum
um Guð, sem er andi „sem enginn
maður leit né litið getur” og „býr
í ljósi, sem enginn fær til komist”
(1.Tím.6.16.) gerum við okkur líka
mynd af honum, þótt það sé ekki
hægt. Í hugum flestra er sú mynd
karlkyns. Það eru ástæður fyrir því:
Jesús kenndi okkur að biðja: „Faðir
vor”. Reyndar notaði Jesús orðið
„Abba”, sem er arameiska og þýðir:
„pabbi”. Þannig kenndi hann að Guð
er ekki fjarlægur skapari heimsins,
heldur nálægur eins og faðirinn
sem vakir yfir börnum sínum. Það
er hins vegar alls ekki þannig að
Biblían noti einungis karlkenn-
ingar um Guð. Jesús notar þær ekki
einu sinni eingöngu um sjálfan sig,
heldur líkir sér t.d. við hænu sem
safnar ungum sínum undir vængi
sína (Matt.23.37 og Lúk. 13.34). Guð,
faðirinn, líkir sér einnig við móður:
„Eins og móðir huggar son sinn, eins
mun ég hugga yður”. Jesaja 66.16. Og
á öðrum stað (Jes.49.15,15) er sagt: „...
ekki frekar en kona gleymir brjóst-
barni sínu, gleymir Guð okkur”.
Í Sálmabókinni er líka talað um Guð
sem móður, t.d. Sb. 402:
Drottinn vakir, Drottinn vakir,
daga og nætur yfir þér.
Blíðlynd eins og besta móðir,
ber hann þig í faðmi sér...
Kærleikurinn og kristin trú
Spurt á www.trú.is
Hvers vegna er Guð (eða trúar-
brögð almennt) nauðsynlegur til
að boða kærleik?
Skúli Sigurður Ólafsson svarar:
Við getum kallað það kærleika sem
dregur okkur hvert að öðru og hvetur
okkur til þess að auka velferð hvert
annars. Slíkar langanir eru blessun-
arlega til staðar í öllum mönnum
og birtast í margvíslegri mynd. Þótt
kærleikur sé órjúfanlegur þáttur
kristinnar trúar fer því fjarri að kær-
leikann sé ekki að finna utan hennar
vébanda.
Því leyfi ég mér að umorða spurn-
inguna með þessum hætti: Hvers
vegna er kærleikurinn mikilvægur í
kristinni trú?
Svarið við þeirri spurningu er á
þá leið að Guð, eins og hann birtist
okkur í Jesú Kristi, leggur okkur til
það veganesti að æðsti tilgangur lífs-
ins sé að elska Guð og náungann. Tvö-
falda kærleiksboðorðið orðar þetta
svo: „Elska skalt þú Drottin, Guð
þinn, af öllu hjarta þínu, allri sálu
þinni og öllum huga þínum. Þú skalt
elska náunga þinn eins og sjálfan þig.“
(Matt. 22.37-39)
Kærleikurinn birtir trú okkar og
í Kristi fáum við fyrirmyndina að
hinni skilyrðislausu ást sem að ofan
er lýst.
Með kveðju, Skúli
Hvernig er himnaríki?
Spurt á www.tru.is
Hvernig er himnaríki?
Guðrún Eggertsdóttir svarar:
Komdu sæll,
Jesús setur fram margar samlík-
ingar þar sem hann líkir himnaríki
eða Guðs ríki, m.a. við: mann sem
sáði góðu sæði í akur sinn; must-
arðskorn; súrdeig; (Mt 13.24-33).
Það hlýtur að þýða að ekki sé hægt
að lýsa því á einn ákveðinn hátt. Í
gegnum tíðina hafa menn gert sér
ýmsar hugmyndir um himnaríki
og séð það í hillingum sem stað þar
sem allt er gott og fallegt og sem við
förum til þegar við deyjum.
Samkvæmt umfjöllun Jesú er
himnaríkið ekki bara ákveðinn
staður, heldur miklu fremur ákveðið
ástand, hugarástand.
Þegar farísear spurðu Jesú hve-
nær Guðs ríki kæmi, svaraði hann:
„Guðs ríki kemur ekki þannig, að á
því beri. Ekki munu menn segja:
Sjá, þar er það eða hér er það, því
Guðs ríki er innra með yður.” (Lk
17.20-21)
„Guðs ríki er innra með yður”
þýðir í raun það að Guðs ríkið er
hér og nú, ekki bara í einhverri
óræðri framtíð handan þessa lífs.
Þegar við hleypum Jesú inn í hjarta
okkar, gerum hann að leiðtoga lífs
okkar og göngum á hans vegum,
þ.e. lifum samkvæmt boði hans
– þá er Guðs ríki innra með okkur
og við stuðlum að því að Guðs ríki
verði hér á jörðu. Þegar við lifum
þannig að við elskum Guð af öllu
hjarta, sálu, huga og mætti og
náungann eins og okkur sjálf, þá
stuðlum við að því að Guðs ríki, eða
himnaríki, verði að veruleika hér
og nú, í þessu lífi og þurfum ekki
að bíða þangað til við deyjum til að
upplifa það.
Kveðja,
Guðrún
Bridge / eik, kirsuber Steve / kirsuber, beyki
Donna
kirsuber, beyki, mahóniSolo / kirsuber