24 stundir - 19.04.2008, Blaðsíða 25

24stundir LAUGARDAGUR 19. APRÍL 2008 25
Helgið ykkur land!
Nánari upplýsingar í síma 893 5046 og á www.fjallaland.is og
www.leirubakki.is
Allir velkomnir að koma og skoða!
Til sölu mjög fallegar lóðir í Fjallalandi við Leiru-
bakka. Kjarri- og mosavaxið hraun. Sögufrægt
hérað, mikil fjallasýn, veðursæld og hlý sumur.
Endalausir útivistarmöguleikar.
Allt eignarlóðir. Lóðirnar seljast með vegi að
lóðamörkum, kalt vatn og rafmagn komið í götur.
Hitaveita verður í boði.
Golfvöllur í undirbúningi.
Kaup á landi er örugg fjárfesting.
Aðeins 100 km frá Reykjavík.
Fjölbreytileg þjónusta við lóðareigendur heima
á Leirubakka: Verslun, bensínstöð, veitingahús,
hótel, Heklusetur með Heklusýningu, hestaleiga,
reiðskóli, skipulegar sögu- og
menningargöngur og margt fleira.
Eftir Þórð Snæ Júlíusson
thordur@24stundir.is
Reykjavik Energy Invest (REI) á að
einbeita sér að ráðgjöf og þróun-
arverkefnum en selja á þau verkefni
sem ekki falla í þann flokk ef tillaga
meirihluta stjórnar Orkuveitu
Reykjavíkur (OR) sem lögð var fyr-
ir stjórnarfund í gær verður sam-
þykkt. Afgreiðslu tillögunnar var
frestað en til stendur að stjórnin
fundi aftur um málið í næstu viku.
Meirihlutinn í stjórn OR hittist á
fimmtudagskvöld og ræddi ýmsar
tillögur varðandi REI. Niðurstaða
hans var ofangreind tillaga. Júlíus
Vífill Ingvarsson, sem situr í stjórn
OR fyrir hönd meirihlutans, segir
að með tillögunni sé verið að draga
úr áhættu REI í alþjóðlegum verk-
efnum. „Með þessu erum við að
gera félagið markvissara í því sem
það getur sinnt og kannski líka að
létta aðeins á allri þeirri umfjöllun
og þeirri óþægilegu stöðu sem fé-
lagið er stanslaust sett í þegar það
fer af stað með einhver verkefni.“
Þvert á þverpólitíska sátt
Í skýrslu stýrihóps um málefni
REI, sem var birt 7. febrúar síðast-
liðinn, segir: „Stýrihópurinn telur
eðlilegt að REI verði áfram rekið
með það hlutverk að sinna þróun-
ar- og fjárfestingarverkefnum á er-
lendri grund og það verði 100% í
eigu OR. REI taki þátt í verkefnum
erlendis eitt og sér eða með öðrum
samkvæmt ákvörðun stjórnar OR
hverju sinni.“ Þverpólitísk sátt var
um þessa niðurstöðu. Viku síðar
samþykkti eigendafundur OR að
„Reykjavik Energy Invest verði að
100% í eigu Orkuveitu Reykjavíkur
og verði áfram rekið með það hlut-
verk að sinna þróunar- og fjárfest-
ingarverkefnum á erlendri grund.“
„Þessi tillaga er ekki í samræmi
við neinar samþykktir. Hvorki eig-
endafund Orkuveitunnar né nið-
urstöðu stýrihópsins. Svo er núver-
andi meirihluti búinn að vera að
undirrita viljayfirlýsingar um verk-
efni út um allan heim. Þessi tillaga
útilokar að hægt verði að taka þátt í
þeim verkefnum,“ segir Sigrún Elsa
Smáradóttir, fulltrúi Samfylkingar í
stjórn OR. Hún segir þá stöðu sem
upp er komin afar alvarlega gagn-
vart þeim verkefnum sem OR hef-
ur verið að vinna að í Djíbútí og
nágrenni þess. „Þessi verkefni eru
ekki skilgreind sem þróunarverk-
efni. Alþjóðabankar eru að skoða
þátttöku í verkefnunum og eru að
fara að gefa umsögn sína um hvort
þeir taki þátt í þeim og þá jafnvel
með víkjandi lánum. Menn hafa
búist við að sú umsögn verði mjög
jákvæð. En það verður væntanlega
upplausn á þessum verkefnum ef
OR hleypur frá þessum skuldbind-
ingum.“
Selja verkefnin
 REI mun einbeita sér að ráðgjöf og þróunarverkefnum sam-
kvæmt tillögu meirihlutans  Þvert á niðurstöðu stýrihópsins
➤ Í niðurstöðu stýrihóps vegnaREI er sagt að félagið eigi að
sinna þróunar- og fjárfesting-
arverkefnum á erlendri
grundu.
➤ Eigendafundur OR samþykktisamhljóða tillögu viku síðar.
HLUTVERK REI
Breytingar Tillagan gerir
ráð fyrir töluverðum breyt-
ingum á tilgangi REI.
● 5. október 2007
„ Ég er hins vegar þeirrar skoðunar að við eigum ekki
að vera að standa í samkeppni á innlendum markaði
við einstaklinga eða félög sem geta sinnt verkefnum.
Hvað varðar útrásina þá höfum við staðið að þessu af
miklum krafti undanfarin 15-20 ár.“
Vilhjálmur Þ. Vilhjálmsson í Morgunblaðinu, aðspurður um hvort að sú stefna OR að stunda
nýsköpunarþróun stangist á við grundvallarsjónarmið Sjálfstæðismanna.
● 6. október
„ Ef við hættum þessum útrásarverkefnum og leggjum
þau niður núna þá værum við vissulega að tapa miklum
peningum. Peningum sem við gerum okkur vonir um að
geta gert eitthvað úr og vonandi ávaxtað áður en við los-
um okkur úr þessari fjárfestingu.“
Júlíus Vífill Ingvarsson í Blaðinu/24stundum.
● 8. október
„Það er í raun ekki samræmanlegt okkar áherslum að við séum að taka
þátt í áhættusömum rekstri í fjarlægum löndum með einkaaðilum.“
Vilhjálmur Þ. Vilhjálmsson í kvöldfréttum stöðvar tvö.
● 9. október
„Við töldum að þetta væri rekstur sem borgin ætti ekki
að vera í,“
Gísli Marteinn Baldursson á blaðamannafundi þar sem borgarstjórn-
arflokkur sjálfstæðisflokks tilkynnti að selja ætti REI
● 3. nóvember
„Þetta er ekkert sem er að fara að gerast á morgun en það er engin sér-
stök ástæða fyrir Orkuveituna að hanga á eignarhlut sínum í REI.“
Júlíus Vífill Ingvarsson í Morgunblaðinu varðandi það hvort til greina komi að selja REI.
● 6. nóvember
„Við sjálfstæðismenn erum alls ekki á móti orkuútrás
en það er eins og hér hefur verið sagt, það er ekki sama
hvernig að henni er staðið. Það er sérstaklega mik-
ilvægt þegar REI fer af stað að það sníði sér stakk eftir
vexti og taki ekki of mikla áhættu.“
Kjartan Magnússon á borgarstjórnarfundi.
● 6. nóvember
„Eins og komið hefur fram þá hefur útrás Orkuveitu
Reykjavíkur staðið frá árinu 2001 í gegnum Enex, Enex
Kína og fleiri verkefni. Sjálfstæðismenn hafa alltaf stutt
þau verkefni á þeirri einföldu forsendu að um sé að
ræða hefðbundin verkefni Orkuveitu Reykjavíkur.“
Jórunn Frímannsdóttir á borgarstjórnarfundi.
● 23. nóvember
„Ég held að í framtíðinni þá eigum við að vera opin fyrir því að félagið
gangi til samstarfs við önnur félög og jafnvel um eignaraðild félagsins
geti orðið í öðrum félögum sem eru að starfa að sömu verkefnum.“
Júlíus Vífill Ingvarsson í Kvöldfréttum Útvarps.
● 25. nóvember
„Við höfum aldrei sagt að REI ætti ekki að vera í áhættusamri útrás.
Til þess var það stofnað.“ Júlíus Vífill Ingvarsson í Fréttablaðinu.
● 7. febrúar
Vilhjálmur Þ. Vilhjálmsson og Kjartan Magnússon segja í hádeg-
isfréttum Stöðvar tvö að sátt ríki innan Sjálfstæðisflokksins um skýrslu
stýrihópsins.
● 28. febrúar
Svavar Halldórsson: „En sala á REI eins og til stóð um tíma, er hún
inn í myndinni?“
Kjartan Magnússon: „Nei.“ Kvöldfréttir Sjónvarps.
● 3. mars
„Það hefur ýmislegt breyst síðan, til dæmis að nú er ekki góður tími til
að selja fyrirtækið yfirhöfuð. Þá lagði stýrihópurinn mikið á sig til að
ná þverpólitískri samstöðu og eitt af því sem var ákveðið var að REI
yrði áfram í 100% eigu borgarinnar.“
Kjartan Magnússon í Morgunblaðinu um breytingu á áformumu Sjálfstæðisflokksins með REI.
● 8. apríl
„Reykjavík Energy Invest (REI) var stofnað til að vera í útrás og á
meðan að fyrirtækið er til þá sinnir það því hlutverki sínu.“
Kjartan Magnússon í Morgunblaðinu.
● 17. apríl
Flokkurinn hefur ekki „breytt neinu í því meginviðhorfi að hið op-
inbera eigi ekki að vera í áhættusömum fjárfestingum í útlöndum.“
Kjartan Magnússon í 24 stundum.
● 16. apríl
„Já, það getur aleg komið til greina. Ég held að við getum líka séð fyrir
okkur, það eru margir möguleikar, það geta einkaaðilar komið inn í
REI, þeir gætu jafnvel keypt fyrirtækið.“ Kjartan Magnússon í Kastljósi.
● 17. apríl
„Mér finnst komið að þeim tímapunkti að við gefum bara skýr svör
með það og að mínu mati eiga þau svör einfaldlega að vera þau að við
viljum selja REI, losa okkur út úr þessu.“
Gísli Marteinn Baldursson í Síðdegisútvarpi Rásar tvö.
● 17. apríl
„Nei, ég get það ekki, vegna þess að það segir klárlega í
niðurstöðum stýrihópsins að REI og Orkuveitan skuli
vera í 100 prósent í eigu almennings... En eignarhaldið
er alveg klárt, það er í eigu Orkuveitunnar og í eigu al-
mennings.“
Ólafur F. Magnússon í Kastljósi um hvort hann taki undir orð Kjartans.