24 stundir - 17.06.2008, Blaðsíða 29

24stundir ÞRIÐJUDAGUR 17. JÚNÍ 2008 29
Eftir Hildi Eddu Einarsdóttur
hilduredda@24stundir.is
Kristín Eysteinsdóttir var valin
leikstjóri ársins á afhendingu
Grímunnar, íslensku leiklistarverð-
launanna, síðastliðinn föstudag.
Titilinn hlaut hún fyrir leikstjórn í
sýningunni Sá ljóti í sviðsetningu
Þjóðleikhússins. Verkið er sterk
ádeila á yfirborðsmennsku í sam-
félaginu en umgjörð sýningarinnar
var allt annað en yfirborðskennd.
„Allar umbúðir eru í lágmarki,
sviðsmyndin einföld, ljósabreyt-
ingar nánast engar og hljóðmyndin
er öll búin til á sviðinu af leikurun-
um sjálfum. Við fórum þessa leið
einmitt út af þessari ádeilu á mik-
ilvægi umbúða og ákváðum í stað-
inn að fókusera fyrst og fremst á
innihaldið. Þetta er form sem
heillar mig mikið og ég vil gjarnan
vinna með það áfram í framtíðinni.
Ég lít á verðlaunin sem hvatningu
til þess að halda áfram á svipaðri
braut,“ segir hún og bætir því við
að hún hafi alls ekki búist við að
verða fyrir valinu.
„Ég er ungur leikstjóri og hef
aldrei áður verið tilnefnd. Það var
mér því mikill heiður að hljóta til-
nefningu í ár og ég gerði alls ekki
ráð fyrir því að fá verðlaunin. Hinir
leikstjórarnir sem voru tilnefndir
eru miklir reynsluboltar sem ég hef
lengi litið upp til.“
Leikstýrir Nemendaleikhúsinu
Sýningum á verkinu Sá ljóti
verður haldið áfram í Þjóðleikhús-
inu í haust en þessa dagana vinnur
Kristín að leikstjórn fyrstu sýning-
ar Nemendaleikhússins sem verður
frumsýnd í byrjun október.
„Svo er ég að fara að leikstýra í
Borgarleikhúsinu verki eftir Söruh
Kane sem verður frumsýnt í byrjun
febrúar,“ segir hún að lokum.
Kristín Eysteinsdóttir, leikstjóri ársins
Áherslan á innihald
en ekki umbúðir
Á afhendingu Grímunnar,
íslensku leiklistarverð-
launanna, síðastliðinn
föstudag var Kristín Ey-
steinsdóttir valin leik-
stjóri ársins.
Verðlaunin eru
hvatning Kristín Ey-
steinsdóttir leikstjóri.
➤ Höfundur verksins er Þjóð-verjinn Marius von Mayen-
burg.
➤ Leikarar eru Dóra Jóhanns-dóttir, Jörundur Ragnarsson,
Stefán Hallur Stefánsson og
Vignir Rafn Valþórsson.
SÁ LJÓTI
Í tilefni af aldarafmæli ólympíu-
þátttöku Íslendinga efnir Nýhil til
ljóðaveislu á Næsta bar klukkan
20.30 annað kvöld, miðvikudags-
kvöldið 18. júní. Kvöldið er haldið
sérstaklega til heiðurs glímukapp-
anum Guðmundi Sigurjónssyni
Hofdal, þátttakanda á Ólympíu-
leikunum í London árið 1908.
„Hann er eini Íslendingurinn sem
hefur verið dæmdur fyrir sódómíu.
Að vísu fékk hann síðar uppreisn
æru með konungsbréfi,“ segir
Kristín Svava Tómasdóttir, eitt
hinna ungu öfugsnúnu skálda sem
hyggjast stíga á svið í ljóðaveisl-
unni. „Kvöldið verður tileinkað öf-
ugugganum í þjóðarsálinni og
skemmtilegu samspili þjóðlegrar
og karlmannlegrar glímu annars
vegar og öfuguggaháttar hins veg-
ar.“
Öfuguggaljóðaglíma
Skáldsagan Tré
Janissaranna eftir Jas-
on Goodwin er kom-
in út í kilju í þýðingu
Ragnars J. Gunnars-
sonar.
Sagan gerist í Ist-
anbúl árið 1836. Nótt
eina er ung stúlka
kyrkt í kvennabúri
soldánsins og á sama
tíma er liðsforingja
slátrað á götum borg-
arinnar. Borgin er
sem púðurtunna og
hið glæsilega heimsveldi Tyrkjasol-
dánsins riðar til falls. Hinar fornu
úrvalssveitir Janissaranna virðast
koma við sögu, en hvernig? Aðeins
einn maður getur leyst gátuna og
það er Yashim, sérlegur útsendari
soldánsins og geldingur úr
kvennabúrinu.
Höfundurinn, Jason
Goodwin, heillaðist af Ist-
anbúl þegar hann lagði
stund á býsanska sögu við
háskólann í Cambridge.
Fyrir fimmtán árum fór
hann í sex mánaða píla-
grímsför um Austur-Evr-
ópu til að leita borgarinn-
ar í fyrsta sinn, ferð sem
hann segir frá í On Foot do
the Golden Horn, sem kom
út árið 1993.
Tré Janissaranna hefur verið
þýdd á 30 tungumál og fékk hin
virtu Edgar-verðlaun í Bandaríkj-
unum sem besta glæpasagan árið
2007.
Ný bók frá Skugga forlagi
Tré Janissaranna
LÍFSSTÍLL
lifsstill@24stundir.is a
Allar umbúðir eru í lágmarki, sviðsmyndin
einföld, ljósabreytingar nánast engar og
hljóðmyndin er öll búin til á sviðinu af leik-
urunum sjálfum. menning