24 stundir - 17.06.2008, Blaðsíða 43

24stundir ÞRIÐJUDAGUR 17. JÚNÍ 2008 43
Söngkonan og ofurdópistinn
Amy Winehouse sannaði enn og
aftur um helgina að hún á ekki
heima á sviði. Winehouse fékk
tvær milljónir dollara fyrir að
koma fram í einkasamkvæmi hjá
rússneskum milljónamæringi.
Kærasta Rússans var að opna
listasýningu og þeim fannst bráð-
sniðugt að fá hina margverðlaun-
uðu Winehouse til að halda uppi
fjörinu.
Winehouse tókst að koma sér
upp í flugvél en var víst ansi
tuskuleg þegar vélin lenti í
Moskvu. Hún staulaðist á svið
tveimur klukkustundum of seint
og náði að klára allt prógrammið.
Söngurinn var að sögn ekki til
fyrirmyndar en Winehouse sturt-
aði í sig gosdrykkjum og keðju-
reykti á sviðinu á milli þess sem
hún sýndi fremstu röðinni undir
kjólinn hjá sér. Gestirnir fengu
töluvert djarfari sýningu en þeir
gerðu ráð fyrir því Winehouse
var ekki í neinum nærbuxum.
Þetta hefur örugglega ekki verið
alveg það sem ríka fólkið í Rúss-
landi vildi sjá á listasýningunni
en varla er við öðru að búast af
Amy Winehouse sem virðist
sökkva dýpra í neyslu með hverj-
um deginum.
íav
Winehouse berrössuð á tónleikum
Disney-stjarnan Vanessa Hud-
gens er gyðja í augum allra lítilla
stelpna á aldrinum 5-15 ára. Hún
kann að syngja, dansa og leika og
er súpersæt skvísa. Ekki spillir
fyrir að hún á sætasta kærastan í
Hollywood, Zack Efron, sem er
einnig með alla þessa hæfileika.
Á milli þess sem Vanessa leikur í
Disney myndum reynir hún að
slá í gegn sem poppari. Hún gaf
út plötu fyrir nokkrum árum sem
fór alfarið framhjá þeim sem ekki
horfðu reglulega á Disney stöðina
en þar voru lögin í stöðugri spil-
un.
Nú hefur Vanessa gefið út glænýtt
lag sem á eflaust eftir að njóta
mikilla vinsælda hjá allra yngstu
kynslóðinni. Lagið heitir Sneak-
ernight og fjallar um nokkrar
gellur sem eru á leiðinni á
djammið í strigaskónum.
Myndbandið er sérhannað
fyrir litlar gellur með tilheyr-
andi neonlitum og blikkandi
ljósum. Þeir sem eru eldri en
15 ára munu þó líklega ekki
setja lagið í „favorite“ á You-
tube.
Gera má ráð fyrir því að hvítir
strigaskór með neonlituðum
reimum verði allsráðandi í
skótískunni hjá litlu skvís-
unum í sumar. íav
Disney-stjarnan Vanessa syngur um strigaskó
Rapparinn Lil Wayne, sem sagðist
nýverið ekki nota eiturlyf vegna
þess að hann sé of sætur strákur,
virðist ætla að verða stjarna sum-
arsins. Nýjasta plata hans, Tha
Carter III, seldist í 423 þúsund
eintökum fyrsta daginn. Rapp-
arinn hefur ekki verið vinsæll hér
á landi en lagið Lollipop af nýj-
ustu plötu hans passar í hvaða
FM-957-partí sem er.
Söluhæstur þetta árið?
Vinsældir plötunnar eru sér-
staklega athyglisverðar í ljósi þess
að henni var lekið á netið löngu
áður en hún kom út og var jafnvel
búist við því að það myndi skaða
söluna. Svo virðist ekki vera en
talið er að platan muni seljast í
um 900 þúsund eintökum fyrstu
vikuna og verði þá sú söluhæsta á
fyrstu vikunni þetta árið. Kanye
West var sá söluhæsti á síðasta ári
með 957 þúsund seld eintök fyrstu
vikuna af plötunni Graduation.
íav
423.000 eintök seld fyrsta daginn
Tölvuleikir elli@24stundir.is
Einn þeirra leikja sem einkennt
hafa Playstation-tölvurnar er Me-
tal Gear Solid. Með hverri kynslóð
af Playstation kemur ný útgáfa af
leiknum, sem ávallt er beðið eftir
með óþreyju. Metal Gear Solid 4:
Guns of the Patriots mun verða sá
seinasti undir stjórn föður leiksins,
Hideo Kojima. Því er það svo að í
hugum flestra er þetta seinasti
sanni Metal Gear Solid-leikurinn.
Væntingar til leiksins hafa því ver-
ið ótrúlega miklar.
Sem betur fer stendur leikurinn
undir væntingunum sem til hans
eru bornar. Allt sem einkennir
leikina er til staðar, spennan,
dramatíkin, kaldhæðinn húm-
orinn og mullet-hárgreiðslurnar
stórgóðu. Ýmsir nýir hlutir eru til
staðar í leiknum eins og t.d. nýr
búningur sem blandast inn í um-
hverfið og lítið fjarstýrt vélmenni
sem hægt er að nota til að njósna
um fólk og þannig hætta ekki á að
koma upp um sig.
Stríðsrekstur hefur breyst
Leikurinn gerist árið 2014 og
stríð er daglegt brauð í heiminum.
Solid Snake er orðinn gamall og
gráhærður, svo gamall er hann að
hann er kominn með vænlega
hormottu sem meira að segja Tom
Selleck gæti verið stoltur af. Öldr-
un Snakes er þó ekki tilkomin af
náttúrunnar hendi en það er
óþarfi að fara nánar út í þá sögu.
Enn og aftur þarf Solid Snake að
bjarga heiminum en stríð eru nú
ekki háð milli landa í nafni trúar
eða pólitískra skoðana heldur eru
stórfyrirtæki sem öllu stjórna.
Illmennið Liquid Snake, betur
þekktur sem Revolver Ocelot, er
orðinn rekstraraðili og eigandi
fimm stærstu einkaherja heimsins
og hann hyggst nota herafla sinn
til að sölsa undir sig kerfi sem
nefnist SOP en með því kerfi er
hægt að stjórna hverjum einasta
hermanni heimsbyggðarinnar.
Snake gamli þarf því að koma
sér aftur í hátæknigírinn til að
sigra illmennið og ganga úr skugga
um að öllum spurningum aðdá-
enda sögu Snakes sé svarað í þess-
um lokakafla hennar.
Gallinn við Metal Gear Solid-
leikina er að söguþráðurinn er
frekar flókinn og það er frekar erf-
itt að fylgjast með nákvæmlega
hvað er að gerast. Þrátt fyrir það er
það ákveðin upplifun að spila leik-
Ert þetta þú Snake? Hinn klóki Solid Snake hefur elst allsvakalega á skömmum tíma
og skartar líka þessari fínu hormottu.
Grár og gamall, en alltaf jafn góður
inn en spilunin er eins og að upp-
lifa kvikmynd, strax frá byrjun fær
maður á tilfinninguna að það sé
eitthvað epískt í gangi.
Forkunnarfagur reykur
Grafík leiksins er stórgóð, öll
módel í leiknum eru ótrúlega
raunveruleg og hreyfa sig skugga-
lega mannlega. Reykurinn er lík-
legast einn sá raunverulegasti sem
sést hefur í leik og bætir ótrúlega
við þá tilfinningu að maður sé á
stríðssvæði. Auðvitað er ekki allt
fullkomið, sumstaðar er áferðin á
hlutunum frekar flöt en það er alls
ekkert sem dregur úr upplifuninni.
Metal Gear Solid 4 er pottþéttur
leikur fyrir þá sem elskuðu fyrri
leikina. En þeim sem ekki hafa
spilað fyrri leikina gæti þótt hann
óþarflega flókinn og ekki fattað
húmorinn sem leynist alstaðar í
leiknum, þar sem framleiðend-
urnir gera grín að sjálfum sér,
leiknum og hasarmyndum.
Hrokagikkurinn Kanye West fékk
að finna fyrir því á tónlistarhátíð-
inn Bonaroo um helgina þegar
áhorfendur kyrjuðu níðsöng um
kappann. Ástæðan var sú að tón-
leikar sem áttu að hefjast klukkan
02.45 hófust ekki fyrr en tveimur
tímum seinna. Kanye átti víst
ekki sökina en Pearl Jam eignaði
sér sviðið klukkutíma of lengi og
þá átti eftir að setja upp sviðs-
mynd Kanye. Áhorfendum var þó
nokkuð sama hver átti sökina
enda ekki sáttir við að bíða eftir
tónleikum til kl. hálf fimm. íav
Óvinsæll Kanye West
Grafík - 95%
Spilun - 85%
Hljóð - 95%
Ending – 75%
NIÐURSTAÐA: 87%
Metal Gear Solid 4 PS3 | 18+