Morgunblaðið - 24.01.2005, Síða 16

Pavel hefur leikið með yngri lands-liðum Íslands en hann hélt á vit
ævintýranna í fyrra er hann samdi við
franska liðið Vichy til
eins árs en hefur nú
gert samning til fjög-
urra ára við eitt af
sterkustu liðum Evr-
ópu – en Pavel verður aðeins 21 árs er
samningur hans við Unicaja rennur
út. „Ég held upp á 18 ára afmæli mitt
á morgun (í dag) og er því nokkuð
sáttur við að vera í þessari stöðu ekki
eldri en þetta,“ segir Pavel en hann
hefur vakið áhuga margra liða þar
sem hann er hávaxinn leikstjórnandi
– en þeir eru ekki á hverju strái hjá
evrópskum liðum.
„Ég er enn að stækka, er 2,02 metr-
ar á hæð í dag og hef stækkað um 2
cm frá síðustu mælingu. Kannski ég
nái pabba einhvern daginn, en ég ræð
víst litlu um þessi mál,“ segir Pavel en
faðir hans er Alexander Ermolinskij
sem hóf feril sinn á Íslandi með
Skallagrími, en lék síðan með ÍA,
Grindavík og Selfossi. Hann er bú-
settur á Akranesi og þjálfar og leikur
með ÍA í 1. deild. Móðir Pavels, Lud-
mila, kennir ensku við Fjölbrauta-
skóla Vesturlands á Akranesi.
Pavel hefur ekki leikið mikið með
aðalliði Unicaja fram til þessa en hann
telur að hann eigi möguleika á að
festa sig í sessi hjá þessu liði. „Það er
ítalskur þjálfari hjá okkur, Sergio
Scariolo, en hann hefur kennt mér
mikið og treystir á að við séum til-
búnir þegar kallið kemur,“ segir Pav-
el en í liði Unicaja eru margir þekktir
leikmenn og má þar nefna Banda-
ríkjamanninn Sean Rooks sem lék
með NBA-meistaraliði Los Angeles
Lakers og á langan feril að baki í
NBA, Walter Hermann frá Argent-
ínu sem lék stórt hlutverk er liðið
varð heimsmeistari árið 2003 en Her-
mann var valinn besti leikmaður
spænsku deildarinnar á síðasta ári.
Zan Tabak sem lék með landsliði Kró-
atíu á Ólympíuleikunum í Barcelona
en hann lék í 7 ár í NBA-deildinni.
Bandaríkjamanninn J.R. Bremer
sem hefur leikið í 4 ár í NBA-deild-
inni, og var í herbúðum Golden State
Warriors á síðustu leiktíð.
„Að mínu mati er Spánverjinn
Jorge Garbajosa aðalmaðurinn í okk-
ar liði. Hann er ótrúlega góður leik-
maður og ber leik liðsins uppi þrátt
fyrir að vera miðherji, en hann lék
m.a. á Ítalíu með Benetton Treviso og
þetta er hörkuleikmaður,“ segir Pa-
vel.
Unicaja er stórt félag á evrópskan
mælikvarða og segir Pavel að um
10.000 áhorfendur mæti að jafnaði á
heimaleiki liðsins en fá lið á Spáni nái
slíkum fjölda. „Real Madrid er
kannski með 12.000 en ég varð fyrir
miklum vonbrigðum með höllina sem
Barcelona leikur í, í kjallaranum á
Nou Camp-knattspyrnuvellinum og
síðast er við lékum gegn Barcelona
var leikur í gangi á knattspyrnuvell-
inum á sama tíma. Það voru því ekki
margir á leiknum hjá körfuknattleiks-
liðinu. Þeir sem standa að Unicaja
eiga nóg af peningum virðist vera og
það er stefna félagsins að hafa tvo
góða leikmenn í hverri stöðu og menn
eru því keyptir ef það þarf að fylla
eitthvað skarð. Hinsvegar hef ég trú á
því að þjálfarinn noti okkur yngri
leikmennina ef hann telur að við get-
um hjálpað liðinu. Ef ekki þá þarf
maður að æfa meira.“
Pavel verður frá æfingum og
keppni næstu þrjár vikurnar en hann
slasaðist í móti sem unglingalið Uni-
caja tók þátt í helgina 4.–6. janúar sl.
Þar mættu til leiks öll sterkustu lið
Spánverja auk liða frá Rússlandi,
Slóveníu og Grikklandi.
„Við mættum CSKA í úrslitaleik og
þeir voru einfaldlega miklu sterkari,
og unnu okkur 85:55. En ég var
ánægður með að við skyldum vinna öll
spænsku liðin sem við mættum á
þessu móti – en það er hægt að kalla
þetta óopinbert Evrópumót. Enda
voru Real Madrid, Barcelona, Jovent-
ut Badalona, Pamesa Valencia, Man-
resa og Lerida með lið á þessu móti.
Gríska liðið var einnig sterkt, PAOK
Salónica, og síðan var lið frá Slóveníu
Olimpija Ljubljana. En við áttum ein-
faldlega ekkert svar við CSKA í úr-
slitaleiknum,“ sagði Pavel en Unicaja
endaði í öðru sæti á þessu móti.
Er Pavel var spurður að því hvort
hann stefni á að komast í NBA-deild-
ina á næstu árum er hann fljótur að
svara. „Í raun hef ég aldrei hugsað
um það. Ég veit að það er gríðarlega
erfitt að komast þangað inn, vissulega
væri það stórkostlegt tækifæri, en ég
ætla að einbeita mér að þessu verk-
efni næstu árin og síðan læt ég það
ráðast hvað tekur við í framhaldinu.
Ég sef alveg ágætlega og er ekkert að
láta NBA-drauma trufla nætursvefn-
inn hjá mér.“
Pavel býst við því að fá fleiri tæki-
færi með aðalliðinu á næsta ári. En
hann þarf að bæta margt í leik sínum
til þess að verða betri. „Ég ætla mér
ekki að vera of þungur, líkamsstyrkur
er vissulega til bóta, ég er 92 kg, og
þarf ekki að bæta miklu á mig til við-
bótar. Skotin þurfa að vera betri hjá
mér og síðan er endalaust hægt að
bæta varnarleikinn,“ sagði Pavel Er-
molinskij.
Morgunblaðið/Carlos Moret
Pavel Ermolinskij hvetur félaga sína í Unicaja áfram í leik sem fram fór í Malaga en íslenski landsliðsmaðurinn er til hægri.
Íslenski landsliðsmaðurinn í körfuknattleik, Pavel Ermolinskij, er í einni af sterkustu deildum Evrópu
„Ætla að festa mig í sessi“
ÞAÐ eru margir staðir sem eiga eitthvað í mér, ég hef búið lengst á
Akranesi, foreldrar mínir búa þar, ég átti heima í Borgarnesi, hef leik-
ið með ÍR í úrvalsdeild, á ættir að rekja til Rússlands og við áttum
einnig heima í Ungverjalandi. En ætli ég sé ekki Skagamaður með
sterkar taugar til Borgarness,“ segir íslenski landsliðsmaðurinn
Pavel Ermolinskij en hann er atvinnumaður í körfuknattleik og er
samningsbundinn spænska úrvalsdeildarliðinu Unicaja Malaga.
Eftir
Sigurð Elvar
Þórólfsson
RÚNAR Kristinsson var mað-
ur leiksins þegar Lokeren bar
sigurorð af FC Brüssels, 2:1, í
belgísku 1. deildinni í knatt-
spyrnu á laugardagskvöld.
Rúnar lagði upp fyrra mark
sinna manna og skoraði svo
sigurmarkið með skalla á 66.
mínútu eftir góða fyrirgjöf
Arnar Grétarssonar. Rúnar,
Arnar og Arnar Þór Viðarsson
léku allan leikinn fyrir Loker-
en sem er ósigrað frá því Willy
Reynders tók við liðinu. Marel
Baldvinsson lék hins vegar
ekki með Lokeren en hann er
meiddur og mun trúlega ekki
spila næstu vikurnar.
Eins og áður segir átti Rún-
ar mjög góðan leik og sýndi
hann gamla góða takta á miðj-
unni. ,,Það var meira af krafti
en tækni að við komumst inn í
leikinn og ég þakka það fyrst
og fremst Íslendingunum,“
sagði Reynders eftir leikinn.
Indriði Sigurðsson lék allan
leikinn fyrir Genk sem sigraði
Mouskroen, 2:1. Heilladísirnar
voru á bandi Genk, liðið skor-
aði sigurmarkið á 90. mínútu
en áður hafði Moeskroen átti
tvö stangarskot og skot í
slána. Með sigrinum komst
Genk upp í þriðja sæti deild-
arinnar.
Rúnar
tryggði
Lokeren
sigur
Rúnar Kristinsson