Morgunblaðið - 01.02.2005, Blaðsíða 27

MORGUNBLAÐIÐ ÞRIÐJUDAGUR 1. FEBRÚAR 2005 27
MINNINGAR
✝ Ingibjörg Þor-leifsdóttir fædd-
ist á Þingeyri við
Dýrafjörð 6. apríl
1927. Hún lést á
Landspítalanum við
Hringbraut 24. jan-
úar síðastliðinn. For-
eldrar hennar voru
Sesselja Sigurlín
Jónsdóttir sauma-
kona og Þorleifur Jó-
hannsson skósmiður.
Á fyrsta ári fluttist
hún til Stykkishólms
og bjó þar til 19 ára
aldurs. Ingibjörg var
næstyngst fjögurra systkina. Hin
voru: 1) Jóhann, lést 1924. 2) Ragn-
ar, húsasmiður í Reykjavík. 4) Odd-
geir, rafvirki í Reykjavík.
Ingibjörg giftist Guðjóni Guð-
mundssyni, bifvélavirkjameistara
jana Lind. 6) Sesselja Guðrún, maki
Davíð Sigurðsson, börn þeirra eru
Eva Dögg, Þorleifur Gaukur, Aníta
Ingibjörg, Nói Guðjón og Jósúa
Gabríel. 7) Erla Ingibjörg, ógift og
barnlaus.
Ingibjörg stundaði almennt
barnaskólanám og síðar nám við
kvöldskóla sem rekinn var fyrir
nemendur frá fermingaraldri í tvo
vetur. Hjá presthjónunum á Eyrar-
bakka, Árelíusi Níelssyni og Ingi-
björgu konu hans, gætti hún barna,
lærði hannyrðir og orgelleik. Að
auki lauk hún námi frá Húsmæðra-
skólanum á Staðarfelli 1942. Ingi-
björg lagði stund á ýmis störf og er
þá helst að nefna mötuneyti Iðn-
skólans í Reykjavík og mötuneyti
Droplaugarstaða.
Lengst af bjó hún ásamt fjöl-
skyldu sinni á Grettisgötu 24 í
Reykjavík. Síðustu árin bjó hún
ásamt dóttur sinni, Erlu Ingi-
björgu, í Álfaborgum 15 í Reykja-
vík.
Útför Ingibjargar verður gerð
frá Fossvogskirkju í dag og hefst
athöfnin klukkan 13.
frá Hafrafelli Reyk-
hólasveit 31. desember
1953. Börn þeirra eru:
1) Sigþór, maki Bryn-
dís Ström, börn þeirra
eru Ívar Örn og Íris
Ósk. 2) Þorleifur Jó-
hann, maki María Rós
Valgeirsdóttir, börn
þeirra eru Jóhann
Dagur og Ylfa Rós. 3)
Hafliði Guðmundur,
maki Gerða Björk
Kristinsdóttir, börn
þeirra eru; Guðjón
Ingi, Kristján og
Hrönn. 4) Gunnar,
maki Margrét Ásgeirsdóttir, eiga
þau börnin Birgi Þór, Arnar Elí,
Daníel Inga og Ragnheiði Erlu. 5)
Anna, maki Gunnar Guðlaugsson,
börn þeirra eru Hannes Kristinn,
Sigríður Hugrún og Andrea Krist-
Virðing og þakklæti er okkur efst
í huga þegar við lítum yfir farinn
veg. Hún mamma var kjarnorku-
kona sem gekk sitt æviskeið stað-
föstum skrefum, sama hvað á dundi.
Enda treysti hún á að Guð leiddi
hana áfram veginn allt fram á hinsta
dag, sem hann gerði. Sem móðir var
hún í sama vetfangi kærleiksrík og
ákveðin og lét okkur vita meiningu
sína ef henni fannst við vera að stíga
út fyrir vegkantinn. En það var
henni líka auðvelt að umvefja okkur
kærleika og öryggi. Ég er þakklát
fyrir allar stundirnar sem hún
kenndi mér að sauma og hekla og
hvernig væri hægt að nýta hlutina
vel. Einnig allar söng- og dansstund-
irnar þar sem hún kenndi okkur að
dansa gömlu dansana. Það eru
stundir sem búa í hjartanu allt ævi-
skeiðið og eru ómetanlegar. Dýr-
mætar eru líka stundirnar sem við
sátum og spjölluðum um heima og
geima því hún var fróð um marga
hluti og hafði ákveðnar skoðanir.
Hún mátti ekkert aumt sjá enda
komu margir til hennar á Grettis-
götuna sem hún sinnti af sérstakri
alúð. Hún var nýtin og mikil hann-
yrðakona. Sérlega þótti henni gam-
an að sauma og hekla. Hún var mjög
glysgjörn og fannst gaman að dunda
sér við að laga til skartgripi enda tal-
aði hún um að það hefði nú verið
gaman að verða gullsmiður. En að-
stæður hennar kynslóðar gerðu
fáum konum kleift að nema það sem
hugurinn þráði. Enda stóðu hún og
pabbi að baki okkur sem vildum
læra, það var sjálfsagt mál í þeirra
huga. Hún var ósérhlífin og lét okk-
ur ávallt ganga fyrir. Sem amma var
hún hjartahlý og faðmaði ungana
sína að sér. Og ekki lét örlætið á sér
standa, hún hefði gefið sinn síðasta
munnbita með glöðu geði.
Elsku mamma og amma, það
verður ekki auðvelt að hugsa sér
þennan heim án þín, en fullvissan
um að þú ert í faðmi Drottins og að
við sjáumst þegar hinn hinsti lúður
hljómar gerir það bærilegra. Takk
fyrir sérhvert skref sem þú gekkst
fyrir okkur í kærleika, von og trú.
Við munum ávallt elska þig.
„Ef einhver er í Kristi er hann
skapaður á ný.
Hið gamla varð að engu, sjá, nýtt
er orðið til.“ (2 Kor. 5:17.)
Stella, Davíð og börn.
Elsku mamma, það er þungt að
setjast niður og skrifa þessi orð til
þín en ég trúi að þú sért orðin heil og
pabbi taki á móti þér á miklu betri
stað. Mig langar að þakka þér fyrir
allt sem þú gafst mér í lífinu sem ég
hef getað gefið börnunum mínum,
öll þau gildi í lífinu sem skipta máli,
kærleika, traust, hamingju, að vera
sjálfum sér samkvæmur og koma
hreint fram við náungann. Þetta er
það sem skiptir máli.
Mig langar að þakka þér fyrir að
ég fékk að eiga þig sem mömmu því
þú varst alveg einstök kona sem ég á
eftir að sakna mikið. En þú lifir í
minningunni og ert ljósið í hjörtum
okkar allra. Kær kveðja frá börn-
unum mínum Hannesi, Andreu og
Siggu, þau eiga svo góðar minningar
frá öllum jólunum og áramótunum
sem þú og Erla áttuð með okkur.
Elsku Erla systir, þakka þér fyrir
að hugsa svona vel um mömmu. Þú
ert svo mikil hetja, alveg eins og hún
mamma okkar.
Leiðin heim er lífsins þraut,
framtíð falin í himnanna skaut
fangi hugans á frelsisbraut
ég er að komast heim.
(KK/PK.)
Kveðja.
Þín dóttir
Anna Guðjónsdóttir
og fjölskylda.
Elsku amma.
Sorginni fá engin orð lýst og
þeirri tilfinningu sem henni fylgir.
En eitt er víst að þín verður sárt
saknað. Þér fylgdi svo mikil hlýja,
góðvild og friður að betri ömmu er
ekki hægt að óska sér. Þó við vitum
að þú verðir alltaf með okkur þá
verður furðulegt að geta ekki
skroppið með pabba á sunnudögum í
heimsókn og fundið friðinn og feg-
urðina sem fylgdi þér þar sem þú
sast í stólnum þínum í eldhúsinu.
Elsku amma, við eigum svo marg-
ar fallegar minningar um þig og vilj-
um við þakka þér alla þá hlýju og
góðvild sem þú hefur gefið okkur,
þykir okkur svo óendanlega væntum
þig. Minning þín mun ávallt eiga
stóran stað í hjarta okkar og munum
við hugsa um ykkur afa á hverjum
degi alla okkar tíð.
Ívar Örn og Íris Ósk.
Jæja, amma mín. Það er sárt að
horfa á eftir þér fara frá okkur og
þegar ég horfi aftur í tímann þakka
ég fyrir öll þau ár sem við gátum átt
saman, alla þá daga sem við vorum
saman á Miklubrautinni eftir leik-
skóla, alla Dallas- og Dynasty-þætt-
ina sem ég, þú og Erla horfðum á
saman og hversu góð þú varst við
okkur öll. Ég hugsa oft um sum-
arfríin okkar uppi í bústað fyrir
vestan þar sem þú kenndir mér
krosssaum. Við sátum í sófanum og
saumuðum, ég, þú og Erla. Afi hló
svo oft að okkur þegar við sátum þar
og saumuðum. Mér þótti svo vænt
um öll jólin sem við áttum saman og
allt sem þú hefur kennt mér og alla
þá ást og umhyggju sem þú sýndir
mér, það er eitthvað sem ég mun
varðveita í hjarta mér alla ævi. Takk
fyrir allan tímann sem við áttum
saman, amma mín, og hafðu það sem
allra best þar sem þú ert núna.
Faðmaðu afa frá mér. Ég elska þig
og mun sakna þín sárt en ég á marg-
ar góðar minningar um tímann okk-
ar saman.
Kveðja,
Hannes.
Elsku mamma mín, hér skiljast
leiðir og mér finnst svo skrítið að ég
muni ekki fá að sjá þig. Þú varst allt-
af til staðar fyrir mig og vildir allt
það besta fyrir okkur systkinin og
barnabörnin þín sem þú elskaðir.
Faðmur þinn var alltaf opinn þegar
mér leið illa, en við áttum líka góðar
og skemmtilegar stundir saman. Það
var alltaf tilhlökkun í okkur báðum
að fara vestur í sumarbústað á
sumrin. Það var svo gaman að keyra
um sveitina og þú varst að segja mér
frá því þegar þú varst að vinna í
Bjarkalundi sem ung kona og Ást-
arbrandur kom og heimsótti þig
þegar þú varst að þvo þvottinn og
líka þegar þú gekkst á Vaðalfjöllin.
Eins sagðirðu mér oft frá því þegar
þú fórst í Gúttó til að dansa. Það var
alltaf svo gaman hjá okkur stelpun-
um á fimmtudögum þegar við bjugg-
um á Grettisgötunni. Þá varst þú að
kenna okkur að dansa skottís og
vals. Ég gæti haldið svona lengi
áfram því það er svo margs að minn-
ast.
Mamma mín, mig langar til að
þakka þér fyrir alla þá hjálp og þann
stuðning sem þú veittir mér. Hann
var ómetanlegur. Minning þín mun
alltaf lifa í hjarta mínu og ég mun
sakna þín. Guð blessi þig og verndi,
mamma mín.
Kom, huggari, mig hugga þú,
kom hönd og bind um sárin,
kom dögg og svala sálu nú,
kom sól og þerra tárin,
kom hjartans heilsulind,
kom heilög fyrirmynd,
kom ljós og lýstu mér,
kom líf er ævin þver,
kom eilífð bak við árin.
(V. Briem.)
Þín dóttir
Erla Ingibjörg Guðjónsdóttir.
INGIBJÖRG
ÞORLEIFSDÓTTIR
Ástkær eiginkona og móðir okkar,
KRISTÍN AÐALHEIÐUR MAGNÚSDÓTTIR
frá Eskifirði,
andaðist á dvalar- og hjúkrunarheimilinu
Seljahlíð að morgni föstudagsins 28. janúar.
Blessuð sé minning hennar.
Útförin verður auglýst síðar.
Jón Guðlaugsson
og fjölskylda.
Ástkær eiginkona mín, móðir okkar, tengda-
móðir, amma og langamma,
ÞÓRA FRIÐJÓNSDÓTTIR,
Sauðármýri,
Sauðárkróki,
lést á Fjórðungssjúkrahúsinu á Akureyri föstu-
daginn 28. janúar.
Útför hennar fer fram frá Sauðárkrókskirkju
laugardaginn 5. febrúar kl. 14.00
Friðrik Jón Jónsson,
Rósa F. Eiríksdóttir, Ingi Friðbjörnsson,
Jón E. Friðriksson, Linda N. Haraldsdóttir,
Ólafur E. Friðriksson, Sigurjóna Skarphéðinsdóttir,
barnabörn og barnabarnabörn.
Okkar ástkæri,
ODDUR HALLDÓRSSON,
Hrafnistu,
Hafnarfirði,
áður Smyrlahrauni 7,
andaðist að kvöldi föstudagsins 28. janúar.
Jarðarför auglýst síðar.
Þorlákur Oddsson, Jóna Birna Harðardóttir,
Rafn S. Oddsson, Gerður Jóelsdóttir,
Halldór Örn Oddsson
og afabörn.
Hjartkær móðir mín, tengdamóðir, amma,
langamma og langalangamma,
SVEINBJÖRG PÁLÍNA VIGFÚSDÓTTIR
frá Flögu í Skaftártungu,
Sóltúni 2,
Reykjavík,
lést á hjúkrunarheimilinu Sóltúni sunnudaginn
30. janúar.
Jarðarförin auglýst síðar.
Sigrún Þuríður Runólfsdóttir, Leifur Kristinn Guðmundsson,
Runólfur Birgir Leifsson,
langömmubörn og langalangömmubarn.
Elskuleg móðir okkar, tengdamóðir og amma,
SÓLVEIG EYJÓLFSDÓTTIR,
Brekkugötu 5,
Hafnarfirði,
andaðist á Sólvangi mánudaginn 31. janúar.
Útförin verður auglýst síðar.
Kristín V. Haraldsdóttir,
Eyjólfur Þ. Haraldsson, Guðbjörg Edda Eggertsdóttir,
Eggert Eyjólfsson,
Haraldur Sveinn Eyjólfsson.
Okkar kæra,
SIGURBJÖRG GUÐJÓNSDÓTTIR
lést á Sólvangi, Hafnarfirði, laugardaginn
29. janúar sl.
Hún verður jarðsungin frá Hafnarfjarðarkirkju
föstudaginn 4. febrúar kl. 13.00.
Guðrún Bjarnadóttir, Geir Þórólfsson,
Bjarni Þór Sigurðsson,
Helga Guðjónsdóttir.
REYNSLA • UMHYGGJA • TRAUST
Þegar andlát ber að höndum
Önnumst alla þætti útfararinnar
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is