Mánudagsblaðið - 27.10.1958, Qupperneq 5
Mánudagur 27. október 1958.
MÁNUDAGSBLAÐTÐ
„Haustrigning, haustrigning
„Allt á floti -alls staðar
sungu tveir smástrák-
ar hástöfum í gær úti við
strætisvagnabiðskýlið, og
ösluðu, harðánægðir, 1 poll-
unum með miklum gusugangi,
meðan fullorðna fólkið hnapj
aði sig vesaldarlega saman i
einum keng og setti hausinn
í veðrið.
„Haustrigning, haustrign-
ing, hellist niður allt í kring
..... eins og Púlli sagði í
reviunni forðum,“ sagði glað-
legur eldri maður, um leið
og hann vatt sér rennvotur
inn í vagninn.
Það er sannarlega hressi-
legt að hitta svona fólk, sem
tekið getur haustrigningunni
með ,,húmor“.
En það var sannarlega
húmorlaus og óhrjáleg kven-
persóna, sem kom askvaðandi
inn í anddyrið hjá mér áðan,
másandi og blásandi. Eg var
að því komin að reka þetta
foruga hrúgaldöfugt út aftur,
en þá dró hrúgaldið snjóhvít-
an vasaklút upp úr ráptuðru
sinni og þurrkaði mestu for-
arvilpuna framan úr sér. Og
sjá! Þarna var komin heiðurs-
kvinna ein, sem hér er mikill
aufúsugestur.
Meðan heiðurskvinnan dró
af sér vosklæði og reyndi að
þurrka með handklæði mestu
forina úr ný-„lögðu“ hárinu
á sér, fuku henni mörg merki-
leg kjarnyrði af vörum. Eg
þakkaði mínum sæla í laumi
fyrir það, að engir „litlir pott-
ar“ voru viðstaddir, því að
„litlir pattar“ hafa nefnilega
líka eyru og eru óhugnanlega
fljótir að nema slík kjarnyrði.
Og hver var svo ástæðan til
alls þessa gauragangs? Jú þið
eigið kollgátuna: Heiðurs-
kvinnan hafði sem sé lent í
því, sem marga hendir þessa
dagana, að fá tvö eða þrjú
vel úti látin „steypiböð" úr
forarpollum á leiðinni. í ljósri
kápu, með ljósa regnhlíf og
nýgreitt hár hafði hún lagt út
í slagviðrið til þess að fá sér
ferskt loft og heimsækja
Clio. Eins og risavaxin aur-
sletta komst hún á leiðarenda.
Á fjölförnum götum er oft
olía og alls konar óþverri sam
an við forina, — ég á við, hún
er ekki lengur „hrein for“,
mold og vatn, sem kannski
mætti bursta úr fötum, þegar
hún þomar. Af því leiðir auð-
vitað, að fólk neyðist til að
senda flýkur sínar í hreinsun
eftir að það hefur orðið fyrir
gusum undan bifreiðum til-
litslausra bifreiðastjóra. Og
hreinsun kostar peninga nú
til dags, — fyrir nú utan allt
ergelsið og óþægindin við slík
steypiböð.
Er ekki einmitt tímabært nú
í öllum hausti'igningunum, að
skora á alla, sem bifreið aka,
að reyna að taka tillit til fót-
gangandi fólks og hlífa því og
fötum þess við þessum ó-
geðslegu steypiböðum- Að
vísu eru margir bifreiðastjór-
ar, sem ávallt aka varlega í
pollana til þess að sletta sem
fnJ
Hl kkju.fölt^fcJL
minnst á vegfarendur, en hin-
ir eru þó alltof margir, sem
kæra sig kollótta, þótt þeir
„baði“ fólk og föt þess í for-
arflaumnum.
Eiginlega ætti að vera hægt
að láta slíka polla-dólga sæta
ábyrgð fyrir tillitsleysið,
láta þá a. m. k. borga
hreinsun á fötum fólks.
„Og nýjar hárlagningar"
bætir heiðurskvinnan beizk-
lega við.
Baráttan við fituna.
Fjölmarg ireru þeir, sem
ár eftir ár heyja vonlausa
baráttu við spikið. Hérlendis
er yfirleitt algengara, að kven
þjóðin geri sér grillur út af
„keppunum", sem setjast
vilja utan á þær hér og þar.
En á síðustu árum hefur í
Ameríku verið hafin gagnger
sókn gegn offitunni, og þar
taka karlmennirnir jafnt þátt
í baráttunni sem kvenfólkið.
Það er semsé búið að sanna
það, að það sé óhollt, svo ekki
sé beinlínis sagt hættulegt, að
vera of feitur, — fyrir nú ut-
an það, hve mikil óprýði er að
því.
En það er auðveldara að
gefa heilræðin en halda þau.
Orsök offitu er nærri alltaf
ofát, þótt ekki vilji allir kann-
ast við það, að þeir borði of
mikið. En ef maður borðar
nokkrum kaloríum of mikið
á dag, þá smá safnast þetta
saman og verður að hinum
hvimleiðu ,,keppum“ áður en
maðm’ veit hvaðan á sig stend
ur veðrið.
Að telja kaloríur hefir mörg
um þótt of fyrirhafnarsamt,
því að þá þurfa þeir helzt allt-
af að vera með þykkan doð-
rant á lofti, hvar í skráð er
kaloríuinnihald hverrar fæðu
tegundar. Að reyna að ná af
sér spikinu með leikfimi eða
iðkan íþrótta hefir líka mörg-
um reynzt þungur róður, því
að eftir leikfimiiðkanirnar
verða þeir sársvangir og éta
og drekka meira en nokkru
sinni fyrr. íþróttir hjálpa auð
vitað til þess að halda líkam-
anum stæltum, og geta flýtt
fyrir megruninni sé líka gát
höfð á mataræðinu, — en ein
ar og út af fyrir sig telja
kunnugir, að þær séu tæplega
megrandi. Til þess að vega á
móti einni vel smurðri brauð-
sneið þarf t.d. að ganga 3 míl-
ur — og hygg ég, að þá finn-
ist mörgum hampaminna að
sleppa brauðsneiðinni og sitja
kyrrir!
„Listinn“ heilladrjúgi
Nú hefur læknir einn i New
York birt niðurstöður af ára-
löngum rannsóknum sínum
og fullyrðir, að sé ráðum hans
fylgt nákvæmlega geti menn
örugglega megrazt um 5
(ensk) pund á viku. Rakst ég
á grein um þetta í tímariti
fyrir nokkru, og þar eð ég
veit um svo ótal marga hér,
sem heyja hina vonlausu spik
baráttu datt mér í hug, að
þeir gætu haft gagn af því að
frétta, í stuttu máli, hvað
þessi ágæti læknir segir.
Hann komst semsé að þeirri
niðurstöðu, að það væri til
lítils að gefa fólki stranga mat
seðla til þess að fara eftir.
Fólk tapaði oftast forskrift-
unum, — en engum kílóum.
Tók hann þá það til bragðs,
að semja bara lista yfir það,
sem ekki má borða. Allt, sem
EKKI er nefnt á listanum,
má maður borða í hófi, og
þar eð ótalmargar fæðuteg-
undir eru EKKI á honum,
ætti enginn að þurfa að þola
hungur.
Hann ráðleggur fólki að
klippa lista þennan út og
hafa hann ætíð nærtækan í
tösku sinni eða vasa. Er ólíkt
fljótlegra að renna augunum
yfir þennan stutta lista og sjá
á augabragði, hvað maður má
ekki láta ofan í sig, heldur en
að fletta upp mörgum fæðu
tegundum í kaloríu-bók og
reikna síðan saman.
Það hefur oft verið sagt, að
fólk fitni af leiðindum, þ. e.
það freistast til þess að fá
sér aukabita, þegar því leiðist.
Á þetta ekki sízt við húsmæð-
ur, sem oft eru aleinar heima
að „stússa“ við tilbreytingar
laus húsverk allan daginn. Er
því tilvalið fyrir húsmæður,
sem með þessu markinu eru
brenndar, að skrifa upp list-
ann með stórum stöfum
blað, og hengja hann upp
eldhúsið hjá sér, t. d. við
brauð- eða kökukassana. Gæti
þa ðkannske orðið þeim tíma-
bær áminning á „hættustund-
um“!
En þessi frægi LISTI er á
þessa leið:
Ábætar allsk.
Brauð
Hnetur
Hrísgrjón
ísbúðingur (ice cream)
Kartöflur
Kex
Kornmatur (cornflakes,
haframjöl o. s. frv.)
Kökur
Makkaroni
Rjómi
Saladolía (t. d. í mayonn-
aise)
Smjör
Sósur
Spaghetti
Sultutau
Súkkulaði
Súpur (þykkar)
Sykur
Sælgæti.
Engin miskunn!
Nú sjá eflaust margir allar
sínar uppáhalds-fæðutegund-
ir á þessum lista, fórna hönd-
um í örvæntingu og segja:
„Hananú! Enn ein megrunar
uppskrifta-romsan, sem ég
get ekki fylgt!“
En athugið bara, hvað það
er ótal margt gott, sem ekki
er nefnt á þessum lista. Og
sé viljinn til þess að megra
sig f yrir hendi, þá er þó alltaf
mikil huggun og styrkur í að
vita það, að sé nákvæmlega
farið eftir listanum er alveg
öruggt, að maður léttist um
5 pund á viku!
Læknirinn ráðleggur fólki,
að drekka 6 glös af vökva á
dag, (t. d. kjötsoði með eggja
rauðu, ávaxtasafa 1 mjólkur-
glas, kaffi te, o. s. frv), borða
daglega kjöt eða fisk, egg, á-
vexti og grænmeti. Ekki skað
ar náttúrlega að taka líka
vítamínpillur daglega, til þess
að styrkja sig, meðan maður
er að venjast þessu.
Ekki bannar hann að borða
mat, sem steiktur er í smjöri.
Með smjörinu á listanum á
hann aðeins við þessar auka-
legu smjörklínur, sem sumt
f ólk hefir fyrir vana að borða
við mat sínum.
Einn kosturinn við þennan
lista er einmitt sá, að maður
getur farið eftir honum, jafn
vel þótt maður sé boðinn út að
borða, án þess að móðga gest-
gjafann með því að neita öllu,
sem fram er borið.
Semsagt, takist manni að
fara nákvæmlega eftir listan-
um í 7 daga, þá sér maður,
sér til óblandinnar ánægju, að
maður hefur létzt um 5 pund.
Og þá er um aö gera að halda
áfram, unz maður er orðinn
mátulega þungur.
Og nú er engin „miskunn
hjá Magnúsi“! Ekkert smá-
svindl, — því þá verður ekki
annað úr öllu saman en til-
gangslaust taugastríð! Ekk-
t ert sem heitir að fá sér „bara
pínu-agga-lítið“ bragð af af-
mælistertunni eða ábætinum!
Ekkert sem heitir að fá sér
„bara pínu-agga-litla karöflu
af því aldrei getur munað
neitt um svo lítið! “
„Listinn“ lengi lifi! Og sjá-
umst svo 5 pundum léttari eft
ir vikuna!
(En eins og ég sagði áðan:
Auðveldara er að gefa heil-
ræðin en halda þau. Því er nú
fjárans verr!).
Krossgáto
ánudagsblaðsins
SKÝRINGAR:
Lárétt: 1 Frásögur 5 Fjörugróður 8 Biblíunafn 9 Gras
30 Skorningur 11 Keyra 12 Bæta 14 Hvíla 15 Lykt 18 Hljóm-
sveitarstjóri 20 Eldsneyti 21 Kom auga á 22 Ekki gömul
24 Karlmannsnafn 26 Strengur 28 Flakka 29 Ágóði 30 Rit-
höfundur,
Lóðrétt: 1 Kútter 2 Heimsálfa 3 Líflátstæki 4 Standa
oft saman 5 1 girðingu 6 ósamstæðir 7 Heppni 8 Eyja fyrir
Austurlandi 13 Rödd 16 Sjór 17 Þjóðflokkur í Afríku 19
Röskur 21 Hreinunarefni 23 Drottinn 25 Lærdómur 27
Ósamstæðir.
Ráðning síðustu krossgátu:
Lóðrétt: 1 Vegur 5 Dár 8 Arain 9 Para 10 Rír 11 Puð 12
Náða 14 NRL 15 Anida 18 Rá 20 Aða 21 DT 22 Lút 24
Arfur 26 Iður 28 Irma 29 Dunda 30 ABI.
Lóðrétt: 1 Varnarlið 2 Eria 3 Girða 4UN 5 Daðra G
Ár 7 Rán 9 Pundari 13 Ana 16 Iða 17 Strái 19 Auðu 21
Dumb 23 Tún 25 Frá 27 RD.