Morgunblaðið - 24.05.2005, Síða 10

10 ÞRIÐJUDAGUR 24. MAÍ 2005 MORGUNBLAÐIÐ
FRÉTTIR
SÍMINN mun á næstu vikum hefja
sjónvarpsútsendingar í gegnum
ADSL á höfuðborgarsvæðinu en út-
sendingar hófust úti á landi í nóv-
ember í fyrra. Áhorfendum verður
boðið upp á aukna gagnvirkni og
með haustinu stendur þeim til boða
að velja sér kvikmyndir og sjón-
varpsþætti til að horfa á en búist er
við því að aðgangur að kvikmyndum
sé á svipuðu verði og á myndbanda-
leigum, að sögn Þórs Jes Þórisson-
ar, framkvæmdastjóra Símans.
Boðið verður upp á 10 stöðvar og
þar að auki verður sérstök sjón-
varpsstöð í boði, Enski boltinn, þar
sem sýnt verður beint frá leikjum í
ensku knattspyrnunni á fjórum rás-
um.
Sjónvarpsútsendingar Símans
hófust í nóvember í fyrra og náðu
þá til 10 bæjarfélaga en þær ná nú
til 34 bæjarfélaga og þegar útsend-
ingar byrja á höfuðborgarsvæðinu
munu þær ná til 75–80% lands-
manna.
Þeir sem vilja ná sjónvarpsút-
sendingunum þurfa að útvega sér
afruglara hjá Símanum. Viðskipta-
vinir ADSL-þjónustu Símans geta
fengið afruglara, uppsetningu og ef
nauðsynlegt þykir nýtt módem sér
að kostnaðarlausu og segir Þór að
hægt sé að skrá sig fyrir þjónust-
unni inni á heimasíðu Símans,
www.siminn.is.
Á framtíðina fyrir sér
Hann segir sjónvarpsútsendingar
í gegnum símalínur eiga framtíðina
fyrir sér. Þeim sjónvarpsrásum sem
Síminn sendir út í gegnum ADSL
verður fljótlega fjölgað í 60, sem er
sami fjöldi og er sendur út á ljósneti
fyrirtækisins.
Þór segir að útsendingar um
símalínur hafi nú staðið yfir í um
hálft ár og heppnast vel. „Fólk hef-
ur tekið þessu mjög vel á lands-
byggðinni og oft fengið mikið betri
mynd en það á að venjast og miklu
betra úrval. Sums staðar hafa menn
ekki haft aðgang að þessum erlendu
rásum og sums staðar ekki að Skjá
einum svo að þetta hefur mælst vel
fyrir.“
Áhorfendur eiga kost á aukinni
gagnvirkni en áður með því að fá
sjónvarp í gegnum ADSL. Þannig
geta áhorfendur valið kvikmyndir
og þætti í sjónvarpinu með því að
fara inn í valmynd á skjánum þar
sem hundruðir kvikmynda og þátta
eru í boði. Þegar mynd er valin fær
notandinn aðgang að henni í ákveð-
inn tíma en eftir að hann lokast er
ekki hægt að horfa á efnið aftur,
nema kaupa aðgang að nýju. Hver
áhorfandi á ákveðna inneign sem
hann getur keypt efni fyrir og má
alltaf auka við inneignina en reikn-
ingur fyrir notkun kemur mánaðar-
lega og verða reikningarnir í nafni
Skjás eins.
Þór segir að þessi þjónusta bjóði
upp á ýmsa möguleika og býst hann
við að verð fyrir kvikmynd verði
svipað því sem gengur og gerist á
vídeóleigum í dag. Skjár einn hefur
séð um samningagerð við erlend
dreififyrirtæki um kvikmyndir og
þætti en Þór bendir á að öllum
standi til boða að selja sitt efni inn í
þessa þjónustu.
Mánaðaráskrift að tíu rásum hjá
Símanum mun kosta 1.695 krónur
og áskrift að enska boltanum mun
kosta frá 1.990 krónum á mánuði en
þar verða allt að 80% af leikjum
enska boltans sýnd næsta vetur.
Enski boltinn verður því ekki leng-
ur í opinni dagskrá eins og hann
hefur verið að undanförnu.
Vídeósímar og textaskilaboð
í sjónvarpinu
Gagnvirkni sjónvarpsins má nýta
enn frekar að mati Þórs og nefnir
hann t.d spurningaleiki og raun-
veruleikasjónvarp. Hann segir Sím-
ann hafa áhuga á að tengja enn
frekar saman þjónustu sína í fram-
tíðinni, þ.e talsímann, netið og sjón-
varpið, þannig að samnýta megi
þessa þjónustu. Þannig gæti t.d.
orðið mögulegt að sjá á sjónvarps-
skjánum hver sé að hringja í talsím-
ann. „Sá möguleiki verður líka til
staðar í framtíðinni að þegar við-
skiptavinir eru að horfa á t.d. leik í
ensku knattspyrnunni, geti þeir
sent hvor öðrum textaskilaboð sem
birtast á sjónvarpsskjánum. Einnig
verður hægt að nýta sjónvarpið sem
vídeósíma með viðbótarbúnaði sem
Síminn mun útvega viðskiptavinum
sínum,“ segir Þór. Hann bætir við
að gagnvirkni og samþætting þeirr-
ar þjónustu sem í boði er, þ.e nets,
sjónvarps og síma, ásamt síaukinni
bandbreidd bjóði í raun upp á nán-
ast ótakmarkaða möguleika á sviði
fjarskipta og sjónvarps.
Sjónvarpsútsendingar í gegnum ADSL hefjast á höfuðborgarsvæðinu á næstu vikum
Hægt að leigja bíómynd-
ir frá og með haustinu
HVERNIG er hægt að senda sjónvarpssendingu í
gegnum símalínur? Í raun er um einfaldan gagna-
flutning að ræða, svipað og þegar Internet er sent í
gegnum símalínur.
Að sögn Þórs Jes Þórissonar, framkvæmdastjóra
Símans, þarf flutningsgeta símalínu að vera minnst
rúmlega 4 megabæt á sekúndu til þess að sjónvarps-
myndin haldist skýr. Þeim hraða ættu allir að ná sem
búa í innan við 3 kílómetra frá símstöð og þeir sem
búa enn nær stöðinni munu ná allt að 24 megabæta
hraða á sekúndu, sem er hámarksflutningsgeta lín-
unnar í dag. Þór segir þó líklegt að unnt verði að
auka flutningsgetuna upp í um 100 megabæt á sek-
úndu í framtíðinni.
Á landsbyggðinni dugir allajafna ein símstöð í
hverjum þéttbýliskjarna, en setja þurfti upp 27 sím-
stöðvar fyrir allt höfuðborgarsvæðið til að unnt væri
að hefja útsendingar.
Hægt er að senda út sjónvarp um bæði símalínu-
og ljósleiðarakerfið en með ólíkum hætti þó; útsend-
ingin fer um koparþræði í símalínukerfinu en í ljós-
leiðarakerfinu er sjónvarpsútsendingin send um gler-
þráð með ljósboði, sem er breytt yfir í rafmagn á
enda leiðarans.
Fjölmargir fá sjónvarp nú þegar sent frá breið-
bandi Símans í gegnum ljósleiðara en Síminn hefur
árlega bætt um 2–3000 heimilum inn á ljósleið-
arakerfi sitt á undanförnum árum og nær það nú til
um 40 þúsund heimila.
Þór segir að Síminn leggi áherslu á að nýta þá
auðlind sem fyrirtækið á í símalínukerfinu til fulls áð-
ur en farið er út í að hraða uppbyggingu ljósleið-
arakerfisins en ljósleiðarar eru einkum lagðir í hverfi
þegar þau eru byggð eða vegna viðhaldsvinnu á
símastrengjum og veitulögnum. Þór segir aðalatriðið
þó vera að viðskiptavinurinn þarf ekki að hafa miklar
áhyggjur af því hvaða tæknilega lausn það er sem
ber merkið til hans síðasta spölinn, heldur hin aukna
og gagnvirka þjónusta sem hann mun fá hvar sem
hann býr.
Engin tæknileg takmörk eru fyrir fjölda þeirra
sjónvarpsrása sem hægt er að senda út í gegnum
símalínur. Ástæða þess er sú að rásirnar eru allar
sendar í símstöð og þegar áhorfandi vill horfa á til-
tekna rás, fær hann hana senda frá símstöðinni í
gegnum símalínuna og ef hann skiptir fær hann nýju
rásina senda úr símstöðinni. Allt þó á miklum hraða
þannig að áhorfandinn verður ekki var við neitt.
Morgunblaðið/Þök
Til þess að ná útsendingum Símans þarf afruglara og
fjarstýringu auk módems. ADSL-viðskiptavinir Símans
fá afruglarann sér að kostnaðarlausu.
Hvernig er
sjónvarp sent
um símalínur?
Eftir Árna Helgason
arnihelgason@mbl.is
ALCAN á Íslandi og Íslensk erfða-
greining reyndust hlutskörpust
stærri fyrirtækja í fyrirtækja-
keppninni Hjólað í vinnuna, sem
fræðslu- og hvatningarverkefni ÍSÍ,
Ísland á iði, stóð fyrir dagana 2.–13.
maí sl. Verðlaun fyrir árangur í
átakinu voru veitt við hátíðlega at-
höfn í Fjölskyldu- og húsdýragarð-
inum í gær. Meðal annarra fyr-
irtækja sem hlutu verðlaun má
nefna Landsvirkjun, Medcare ehf.,
Icelandair, Heilbrigðisstofnun Suð-
urnesja, grunnskólana í Grindavík
og Þorlákshöfn, Egilsstaðaskóla,
Seyðisfjarðarskóla, Hafnarskóla og
leikskólann Flúðir, svo fáein séu
nefnd, en veitt voru 37 verðlaun í
tólf flokkum.
Alls áttu 254 vinnustaðir frá 34
sveitarfélögum 488 lið í Hjólað í
vinnunna. Rúmlega 5.000 manns
tóku þátt í keppninni og hefur þátt-
takan þannig tvöfaldast á milli ára
og tífaldast þau þrjú ár sem keppnin
hefur verið haldin.
Tólf starfsmenn Heilbrigðisstofn-
unarinnar á Siglufirði gerðu sér lít-
ið fyrir og hjóluðu suður til Reykja-
víkur í verðlaunaafhendinguna, en
liðið hlaut verðlaun fyrir 2. sætið
fyrir flesta hjólaða daga í flokknum
70–149 starfsmenn. Hópurinn lagði
af stað frá Siglufirði á sunnudag kl.
13 og hjóluðu 1–3 liðsmenn í einu.
Sigurbjörg Björnsdóttir, liðsstjóri
hjólahópsins vaska, segir hjólaferð-
ina hafa gengið afar vel þrátt fyrir
norðangadd. „Við vorum með með-
vind mestalla leiðina, nema Langa-
dalinn, þá fengum við vindinn í
fangið,“ segir Sigurbjörg, en hóp-
urinn var alls þrettán og hálfan
tíma á leiðinni inn í Mosfellsbæ. Þá
luku hjólreiðamennirnir ferðinni úr
Mosfellsbæ og inn í F&H í gærmorg-
un, en sú ferð tók um klukkutíma.
„Meðalaldurinn í hópnum var 46,5
ár og við erum mjög stolt af því. Sá
elsti er 59 ára og sá yngsti 31 árs.“
Spurð um ástæðu þess að hóp-
urinn hjólaði suður segir Sig-
urbjörg að yfirlæknirinn hafi stung-
ið upp á því í hálfgerðu gríni á
kaffistofunni. „En öllu gríni fylgir
nokkur alvara og okkur fannst við
þurfa að standa við þetta. Það var
tekið svo vel undir þessa hugmynd
að það varð ekki aftur snúið. Þetta
var líka mjög mikil lífsreynsla. Hóp-
urinn stóð saman eins og klettur og
þetta gekk alveg frábærlega upp,“
segir Sigurbjörg og bætir við að al-
mennt hafi flutningabílstjórar á
leiðinni tekið mikið tillit til hjól-
reiðafólksins og verið til sóma. Vill
hún skila kærum þökkum til þess-
ara góðu bílstjóra.
Starfsmenn Alcan og Íslenskrar erfðagreiningar hlutskarpastir í keppninni Hjólað í vinnuna
Siglfirð-
ingar hjól-
uðu suður
á 13 tímum
Morgunblaðið/Eyþór
Verðlaunahafarnir stilltu sér upp til myndatöku við nýja Parísarhjólið í Fjölskyldu- og húsdýragarðinum í Laugardal í gær.