Morgunblaðið - 24.06.2005, Side 49

MORGUNBLAÐIÐ FÖSTUDAGUR 24. JÚNÍ 2005 49
DAGBÓK
Fræðileg og skapandi skrif eru viðfangs-efni doktorsnema sem nú sitja nám-skeið í Háskóla Íslands á vegum Nor-ræna rannsóknarskólans í kvenna- og
kynjafræðum og RIKK, rannsóknastofu í kvenna-
og kynjafræðum við Háskóla Íslands. 23 norrænir
doktorsnemar sitja námskeiðið sem hófst í gær og
lýkur á laugardag.
Að sögn Dagnýjar Kristjánsdóttur, prófessors í
íslenskum bókmenntum við Háskóla Íslands, á
efni námskeiðsins þó ekki bara við skrif í kynja-
fræði heldur öll fræðileg skrif. „Á okkar póstmód-
ernísku tímum hafa menn efast um mörkin milli
hlutlægrar og huglægrar nálgunar fræðimanns að
viðfangsefninu. Spurt er hver sé staða rannsak-
andans sjálfs og hvort staða hans liti val á við-
fangsefni og afstöðu til þess. Menn hafa líka spurt
hvort fræðileg framsetning þurfi að vera leiðinleg
og ópersónuleg. Formið breytir innihaldinu, er
sagt, og þetta er alþekkt í öðrum greinum. T.d.
hljóta blaðamenn oft að upplifa að áhrifin af frétt-
inni breytast eftir því hvernig þeir skrifa hana.“
Þannig að þetta er spurning um sjónarhorn?
„Já, sjónarhorn, stíl og framsetningu.“
Hefur fólk verið hrætt við að vera listrænt og
persónulegt í fræðilegum
skrifum hingað til?
„Þetta var einfaldlega harðbannað. Þess hefur
verið krafist að þeir taki sér stöðu fyrir utan og of-
an viðfangsefnið eins og Guð almáttugur. En
fræðimenn eru hluti af sínu umhverfi og tíma.
Þeir eru ekki guðir. Í námskeiðinu er farið í saum-
ana á því hvernig við mótum hugsun okkar og
fræðilegt innsæi um leið og við skrifum. Við erum
að reyna að skoða þetta í nýju ljósi. Hins vegar er
hlutleysiskrafan ein af grundvallarreglum háskól-
ans og krafan um að leita sannleikans. Fólk verð-
ur að sýna að það kunni leikreglurnar áður það fer
að kasta þeim upp í loftið – það verður að geta
gripið þær aftur. Þetta er eins og á öllum sviðum,
þú verður að vita nákvæmlega hvað þú átt og gera
og hvernig áður en þú gerir uppreisn gegn því.“
Fyrirlesarar á námskeiðinu eru Laurel Rich-
ardson, Anne Brewster, Nina Lykke og Sissel Lie
sem allar eru velþekktir fræðimenn á sínu sviði.
„Okkur sem erum við HÍ fannst svolítil synd að
vera búin að fá heimsfræga fyrirlesara og kenn-
ara til landsins og fá ekki að senda nema fjóra ís-
lenska doktorsnema á námskeið þeirra. Því báð-
um við þessa sömu kennara um að koma nokkrum
dögum fyrr og keyra annað námskeið fyrir Íslend-
inga eingöngu. Það stóð frá 20. til 22. júní og um
20 íslenskir doktorsnemar tóku þátt í því. Það var
ákaflega vel heppnað og við erum mjög glaðar yfir
að hafa getað boðið upp á það.“
Námskeið | Norrænir doktorsnemar sitja námskeið um fræðileg og skapandi skrif
Fræðilegt en ekki leiðinlegt

Dagný Kristjáns-
dóttir er prófessor í ís-
lenskum bókmenntum
við Háskóla Íslands og
situr í stjórn Norræna
rannsóknarskólans.
Hún varð stúdent frá
Menntaskólanum á
Akureyri árið 1970 og
lauk cand mag.-prófi í
íslenskum bókmennt-
um árið 1979. Dagný
lauk doktorsprófi árið 1997 en doktorsritgerð
hennar fjallaði um Ragnheiði Jónsdóttur og
kvennabókmenntir á eftirstríðsárunum.
Dagný er gift og á tvo syni.
Vantar íþróttasíðu
á sunnudögum
ÉG er nýorðinn áskrifandi að
Morgunblaðinu, til reynslu, og er
mjög ánægður með blaðið að flest-
öllu leyti.
Finnst það bera af öðrum blöðum í
fréttaflutningi og fróðleik, þ. á m. er
íþróttasíðan mjög greinargóð og oft
ítarlegri en í öðrum blöðum. Ég hef
mikinn áhuga á handbolta og knatt-
spyrnu og vonbrigði mín felast í því
að það er aldrei íþróttasíða um helg-
ar í Morgunblaðinu, mest lesna blaði
landsins.
Hvar er samkeppnin núna? Þetta
er ótrúlegt því Fréttablaðið er alltaf
með íþróttasíðu á sunnudögum, sem
og aðra daga, en Morgunblaðið telur
sig geta sleppt íþróttum á sunnudög-
um, þegar flestir lesa blaðið og eiga
frí.
Vona ég að úr þessu verði bætt.
Svar óskast.
Ólafur Þór Friðriksson.
Frábær þjónusta
ÉG var að versla í Og Vodafone og
lenti í framhaldi af því í tækniörðug-
leikum.
Ég leitaði mér aðstoðar og fékk
samband við Þórunni Björk Jóns-
dóttir, sem vinnur sem þjónustu-
fulltrúi, og veitti hún frábæra þjón-
ustu. Vil ég þakka henni og öllu því
starfsfólki sem hefur aðstoðað mig,
það var hvert öðru liprara.
Helga Lára.
Kettlingar fást gefins
FJÓRIR gullfallegir kettlingar,
kassavanir, fást gefins. Upplýsingar
í síma 565 4210.
Gulur dísarpáfagaukur
týndist frá Engjaseli
GULUR dísarpáfagaukur týndist
frá Engjaseli sl. miðvikudag. Þeir
sem hafa orðið hans varir hafi sam-
band í síma 660 3542.
Velvakandi
Svarað í síma 5691100 frá 10–12
og 13–15 | velvakandi@mbl.is
Árnaðheilla
dagbók@mbl.is
70 ÁRA afmæli. Í dag, 24. júní, erErling Garðar Jónasson, fyrr-
um rafveitustjóri, sjötugur. Hann
verður að heiman á afmælisdaginn.
50 ÁRA afmæli. Sunnudaginn 26.júní er fimmtug Kristín Helga-
dóttir, Kristnibraut 79, Reykjavík.
Maður hennar er Marteinn Sigurbjörn
Björnsson. Þau taka á móti gestum á
afmælisdaginn milli kl. 16.00 og 19.00 í
Lionsheimilinu, Sóltúni 20.
lifun
tímarit um heimili og lífsstíl – 05 2005
h á s u m a r
a l l t t i l a ð v e r a g l æ s i l e g u r g r i l l a r i
p l a s t s v o a ð e k k e r t b ro t n i
s t e i n s t e y p a í n á t t ú r u n n i
h a n a r á h á b o r ð i ð
v e i s l u m á l t í ð á J ó n s m e s s u
g a m a l d a g s k a f f i b r a u ð
Tímaritið Lifun
fylgir laugardagsblaði
Morgunblaðsins