Morgunblaðið - 05.11.2005, Blaðsíða 6

6 LAUGARDAGUR 5. NÓVEMBER 2005 MORGUNBLAÐIÐ
FRÉTTIR
ER FÆDDUR!
ÍSLENSKU SAKAMÁLASÖGUNNAR
KRÓNPRINS
F
í
t
o
n
/
S
Í
A

F
I
0
1
4
9
1
5
KROSSTRÉEFTIR JÓN HALL STEFÁNSSON
KEMUR ÚT 8. NÓV.
Fertugur arkitekt finnst lífshættulega
slasaður við sumarbústað sinn við
Þingvallavatn. Við rannsókn kemur í
ljós að hinn slasaði er flæktur í
þéttan vef svika og lyga þar sem
fjölskylda hans, ástkona og
samstarfsmenn eru bæði
fórnarlömb og þátttakendur.
GÍSLI Marteinn Baldursson naut
fylgis 52,6% svarenda í könnun,
sem gerð var fyrir kosningaskrif-
stofu hans í fyrradag, til þess að
gegna embætti borgarstjóra í
Reykjavík en Vilhjálmur Þ. Vil-
hjálmsson naut fylgis 47,4%. Fylgi
þeirra var ekki sundurgreint eftir
flokkum.
Könnunin var gerð fyrir kosn-
ingaskrifstofu Gísla Marteins
fimmtudaginn 3. nóvember af 365
nýmiðlun, sem er dótturfyrirtæki
365 ljósvakamiðla. Svarendur voru
4.572 og spurt var: Hvorn eftirtal-
inna vilt þú frekar sjá sem borg-
arstjóra í Reykjavík? Úrtakið var
Reykvíkingar á aldrinum 16–75.
Þátttakendur í könnuninni eru
greindir eftir kyni búsetu og þjóð-
félagsstöðu. Sniðinn er út markhóp-
ur af Plúsnum, sem er heiti á kerfi
sem inniheldur ótilgreindan fjölda
einstaklinga sem þiggur póst frá
Plúsnum í tengslum við upplýsinga-
þjónustu og markaðsstarf. Valið úr-
tak eftir þörfum kaupanda, í þessu
tilviki kosningaskrifstofu Gísla
Marteins og einangraður markhóp-
ur fyrir kosningaskrifstofuna.
Spurningar eru því næst sendar út
í tölvupósti. Í könnuninni var ekki
greind afstaða svarenda eftir því
hvaða stjórnmálaflokk þeir styðja
að sögn Árna Thors Sævarssonar
hjá Nýmiðlun.
Ef tekið er mið af óákveðnum
auk hinna sem tóku afstöðu sýnir
könnunin fram á að 35% svarenda
vildu Gísla Martein og 31% Vil-
hjálm Þ. 34% svarenda voru
óákveðin.
Könnun meðal kjósenda almennt
Gísli Marteinn með 52,6%
og Vilhjálmur með 47,4%
ALÞÝÐUSAMBAND Íslands seg-
ir í nýju tölublaði Vinnunnar, þar
sem fjallað er um verðstríð á mat-
vörumarkaði, að slíkt verðstríð sé
ein þeirra leiða sem fyrirtæki noti
til að skapa hindranir á markaði
fyrir nýja aðila, sem vilja hasla sér
þar völl og taka þátt í samkeppn-
inni. Því geti verðstríð í raun verið
skaðlegt fyrir neytendur þegar
fram í sækir.
Í Vinnunni segir, að líkt og gefi
að skilja kætist neytendur þegar
verðlag lækkar og heimilið þurfi að
verja minna af ráðstöfunartekjum
sínum til kaupa á nauðsynjavörum.
Ekki megi þó horfa fram hjá því að
varasamar hliðar geti fylgt sam-
keppni líkt og þeirri sem ríkt hafi
milli lágvöruverðsverslana á mat-
vörumarkaði undanfarið. Þegar
svo sterkir markaðsaðilar hefji
verðstríð sín á milli og undirbjóði
hver annan, algerlega óháð kostn-
aðarverði þeirrar vöru sem boðin
er til sölu, sé slíkt óneitanlega til
þess fallið að ryðja minni markaðs-
aðilum úr vegi og hindra eðlilega
samkeppni.
Minni fyrirtæki og nýir aðilar á
markaði hafi sjaldnast bolmagn til
þess að standa undir slíkri nið-
urgreiðslu á vörum. Þeir hrekist
því af markaði eða hætta sér ekki
inn á hann af ótta við að verða
hraktir út aftur með hörðu verð-
stríði. Afleiðingarnar verði þær að
sterkasti aðilinn á markaðnum,
sem hvað lengst getur haldið
áfram að niðurgreiða vörur sínar,
standi eftir þegar öðrum hafi verið
rutt úr vegi og eigi þá auðveldar
um vik að stjórna verðlagningunni.
Slæmur kostur
„Fyrir neytendur er þetta slæm-
ur kostur. Þótt samkeppnin sé góð
og við fögnum henni, er ljóst að til
þess að neytendur fái hennar notið
á fákeppnismarkaði líkt og hér er
ríkjandi verða markaðsráðandi að-
ilar að fylgja leikreglum markað-
arins. Líkt og áður hefur verið
bent á, hagnast neytendur fyrst og
fremst á því að verðlag á nauð-
synjavörum haldist viðvarandi lágt
og stöðugt. Nauðsynlegt er því að
tryggja að ekki séu hindranir á
markaðnum fyrir nýja aðila að
hasla sé völl og taka þátt í sam-
keppninni. Verðstríð líkt og það
sem háð hefur verið undanfarið, er
ein þeirra leiða sem fyrirtæki nota
til að skapa slíka hindrun og getur
því í raun verið skaðlegt fyrir
neytendur þegar fram í sækir,“
segir í Vinnunni.
Verð-
stríð get-
ur verið
skaðlegt
Sauðárkrókur | Norðurland vestra hefur orðið verr
úti en mörg önnur svæði vegna stöðugra fólksflutn-
inga á Suðvesturhorn en nú eru helst bundnar vonir
við, að með því að ná saman öllum þáttum sem
tengjast ákveðinni atvinnugrein með því að mynda
klasa, og innan hans mætti síðan þróa allskonar ný-
sköpun og sprotaverkefni. Þetta kom fram í máli
Valgerðar Sverrisdóttur, iðnaðar- og viðskiptaráð-
herra, á málþingi á vegum Samtaka sveitarfélaga á
Norðurlandi vestra á Sauðárkróki í gær.
Þingið sóttu fulltrúar allt frá Húnaþingi vestra til
Siglufjarðar og var þátttaka góð og var það sam-
dóma álit ráðstefnuhaldara og gesta að mjög vel
hefði til tekist.
Þingið hófst með setningu Ársæls Guðmundsson-
ar sveitarstjóra í Skagafirði, en síðan tók Valgerður
Sverrisdóttir iðnaðar- og viðskiptaráðherra til máls.
Engar töfralausnir
Í ávarpi sínu fjallaði ráðherrann um þá bú-
setuþróun sem orðið hefur á landsbyggðinni á und-
anförnum árum, þar sem fram kom að Norðurland
vestra hafi orðið verr úti en mörg önnur svæði
vegna stöðugra fólksflutninga á suðvesturhorn
landsins, bæði vegna þess að atvinna svæðisins
tengdist í ríkum mæli gömlu grunnatvinnuvegun-
um, en ekki síður vegna þess að menntunarstig
hefði á þessu svæði lengi verið lægra en víða annars
staðar. Benti ráðherra á að engin töfralausn væri til
vegna þessa en hins vegar væri hér til mikil stað-
bundin þekking, sem ef til vill hefði ekki tekist að
nýta sem skyldi til uppbyggingar nýrra og áhuga-
verðra starfa.
Sagði ráðherra að nú væru helst bundnar vonir
við, að með því að ná saman öllum þáttum sem
tengdust ákveðinni atvinnugrein væri myndaður
klasi, en innan hans mætti síðan þróa alls konar ný-
sköpun og sprotaverkefni sem þá sköpuðu ný og
betur launuð störf og efldu á þann veg atvinnulíf
svæðisins. Þá ræddi ráðherra fjármögnunarleiðir í
nýsköpun og benti meðal annars á Tækniþróun-
arsjóð, en með tilkomu hans skapaðist ferli í op-
inberum stuðningi allt frá hugmynd til fullunninnar
markaðsvöru.
Nýr vaxtarsamningur
Að lokum kynnti ráðherrann á hvern hátt staðið
var að gerð vaxtarsamnings fyrir Eyjafjarðarsvæð-
ið svo og Vestfirði og tilnefndi undirbúningshóp um
gerð slíks samnings fyrir Norðurland vestra, en í
honum eru: Baldur Pétursson frá ráðuneytinu, for-
maður, Knútur Aadnegard, Skúli Skúlason, Árni
Gunnarsson, Elín R. Líndal, Svanhildur Guð-
mundsdóttir, Jóna Fanney Friðriksdóttir, Unnar
Már Pétursson, Guðmundur Guðmundsson og
Steindór Haraldsson. Starfsmenn hópsins eru: Jak-
ob Magnússon og Elvar K. Valsson.
Að loknum orðum ráðherra fluttu framsöguer-
indi Elvar Knútur Valsson um vaxtarsamninga og
klasasamstarf, Ásgeir Jónsson og nefndist erindi
hans Hvernig atvinna verður stunduð á Norður-
landi vestra eftir 15 ár, Aðalheiður Héðinsdóttir
fjallað um Uppbyggingu lítilla fyrirtækja, þá Skúli
Skúlason og nefndist hans erindi Afl menntunar í
menningu og atvinnulífi og að lokum Kristín
Björnsdóttir sem nefndi sitt innlegg: Hverju svar-
aði kötturinn Lísu í Undralandi?
Að lokum störfuðu umræðuhópar og niðurstöður
voru kynntar.
Á göngum og við fundarsal voru kynntar á plak-
ötum niðurstöður úr viðamikilli könnun sem gerð
var vegna fundarins, og fór þannig fram að atvinnu-
rekendum og stjórnmálamönnum voru sendar 40
staðhæfingar þar sem óskað var fjögurra svara við
hverri þeirra, það er hversu líklegt væri að þetta
yrði raunin, hversu æskilegt væri að það yrði,
hvernig áhrif það hefði á fyrirtækið, og hvaða áhrif
það hefði á atvinnulíf á svæðinu í heild.
Miklar umræður á málþingi um atvinnumál á Norðurlandi vestra
Engin töfralausn tiltæk
Morgunblaðið/Andrés Skúlason
Öxin er fjölfarin jafnt sumar sem vetur, þrátt fyrir að vera oft ill- eða ófær yfir vetrarmánuðina.
VÖRUFLUTNINGABÍLSTJÓRAR
sem og aðrir vegfarendur eru reiðu-
búnir að leggja mikið á sig til að
stytta sér leið milli áfangastaða. Það
hefur sannarlega komið í ljós á veg-
inum yfir Öxi á liðnum misserum.
Sl. miðvikudag þegar fréttaritari
átti sem oftar leið um Öxi ók hann
fram á stóra vöruflutningabifreið
með tengivagn (45 tonn) sem runnið
hafði til á veginum og stöðvað þar
með alla umferð. Þykir sumum
undrum sæta að þungaflutningar
skuli vera um veginn á þessum árs-
tíma.
Í samtali við bílstjóra vöruflutn-
ingabifreiðarinnar sagðist hann
vera í stöðugum ferðum með hrað-
sement fyrir Kárahnjúkavirkjun og
myndi alltaf keyra Öxi. Bílstjórinn
sagði einfalda skýringu á ferðum
sínum þarna, hann myndi spara sér
100 km með því að fara þessa leið.
Sagði hann þetta í fyrsta skipti sem
hann lenti í óhappi á þessum slóðum.
Þetta er engu að síður í annað
sinn á skömmum tíma sem fréttarit-
ari ekur fram á þungaflutninga-
bifreið með tengivagn sem hefur
runnið til og lokað veginum um Öxi.
Mikill þrýstingur er nú á sam-
gönguyfirvöld að fara í róttækar að-
gerðir á þessari leið með það fyrir
augum að vegurinn verði gerður að
öruggum uppbyggðum heilsársvegi
með föstum ruðningsdögum.
Velja Öxi þrátt fyrir ótrygg skilyrði
Eftir Steinunni Ásmundsdóttur
steinunn@mbl.is
Bíræfinn
bílaþjófn-
aður
LÝST er eftir vínrauðum VW Polo-
fólksbíl sem stolið var á bíræfinn
hátt við Fálkagötu hinn 17. október
sl. Eigandinn, Laufey Óladóttir,
hafði þennan dag rétt brugðið sér
inn til vinkonu sinnar og kom til
baka aðeins tveimur mínútum
seinna. En þá var bíllinn horfinn og
virðist þjófnum hafa nægt hinn ör-
stutti tími til að taka bílinn. Lykill-
inn var í svissinum og bíllinn í
gangi og mun það hafa auðveldað
þjófnum verk sitt. Úr því að frá-
gangur bílsins var með þessum
hætti er ábyrgðin felld á eigandann
og því lítil von til þess að fá tjónið
bætt finnist bíllinn ekki. Lögreglan
í Reykjavík leitar að bílnum en leit-
in hefur ekki enn borið árangur.
„Það var enginn í götunni þegar
þetta gerðist og ég skil ekki hvaðan
þjófurinn kom,“ segir Laufey. Hún
stundar nám í Háskóla Íslands
ásamt unnusta sínum og sakna þau
nú bílsins þar sem hann var þeirra
þarfasti þjónn í heimsóknum þeirra
til heimahaganna úti á landi auk
þess sem þau notuðu hann í versl-
unarferðum í borginni. „Maður átt-
ar sig ekki hvað maður er háður
bílnum fyrr en hann er tekinn af
manni,“ segir Laufey.
Þeir sem hafa orðið varir við bíl-
inn eru beðnir um að hafa samband
við lögregluna í Reykjavík. Númer
bílsins er PM-128.
Fangelsi
fyrir hrað-
akstur
HÉRAÐSDÓMUR Norður-
lands eystra hefur dæmt
karlmann í tveggja mánaða
fangelsi fyrir að aka bíl á 71
kílómetra hraða norður Hlíð-
arbraut á Akureyri en leyfi-
legur hámarkshraði er þar 50
km.
Maðurinn var ökuréttinda-
laus og hefur áður fengið
refsingu fyrir umferðarlaga-
brot.
Maðurinn hefur þrívegis
hlotið dóm fyrir ölvunarakst-
ur og tvisvar fyrir akstur
sviptur ökurétti.
Akureyri