Fréttablaðið - 21.08.2002, Page 24
Ístjórnartíð Ingibjargar Sólrúnarhefur verið lagt ofurkapp á að
efla næturlífið í höfuðborginni með
þeim árangri að síðasta menning-
arnótt endaði eins og heimskautaút-
gáfa af helvíti á jörðu, þar sem
blindfullur og dópaður skríll barðist
ýmist innbyrðis eða við lögreglu og
sjúkraflutningamenn og læknar á
slysavarðstofu héldu að skollin væri
á borgarastyrjöld þegar hver bíl-
farmurinn eftir annan af blóðugu og
særðu fólki var borinn inn á biðstof-
una. Þeir sem ekki lágu í roti reyn-
du að stytta sér fjögurra klukku-
stunda langan biðtímann með því að
lesa þriggja ára gömul hefti af
„Heima er best“.
Í SKJÓLI heimskautamyrkursins
hafa skuggalegar skítabúllur sprott-
ið hér upp eins og gorkúlur á fjós-
haug. Fyrsta skrefið til að náttvæða
höfuðborgina fólst í því að lengja
opnunartíma veitingahúsa framund-
ir morgun. Þetta var gert í nafni
frelsis og til þess að dreifa atvinnu-
tækifærum leigubílstjóra á lengri
tíma og loks til að létta lögreglunni
lífið að hún þyrfti ekki að takast á
við óviðráðanlega stóran hóp af ölv-
uðu fólki í einu. Enda er lögreglan
svo fáliðuð að yfirvöld töldu fyrir
fáeinum vikum síðan að fáeinir blá-
edrú Falún Gong friðarsinnar
mundu bera hana ofurliði ef þeir
fengju að koma í bæinn til að hía á
söngfuglinn Sjang Sé Mín.
ÞARNA er semsé allramildilegast
hugsað um hagmuni leigubílstjóra
og lögreglumanna og veitinga-
manna. Það eina sem gleymist er að
taka tillit til vilja og hagsmuna þeir-
ra 98% borgarbúa sem eru hvorki
lögregluþjónar, leigubílstjórar né
veitingamenn. Níu af hverjum tíu
Reykvíkingum eru friðelskandi fólk
sem hefur engan áhuga á nætur-
göltri með tilheyrandi vandamálum.
NÍU AF HVERJUM TÍU Reyk-
víkingum telja það frumskyldu yfir-
valda að tryggja frið og öryggi þeir-
ra borgara sem hafa þann sið að
vaka á daginn og sofa á nóttunni. Á
laugardaginn var sýndu borgarbúar
svo að ekki var um villst að borgar-
menningin blómstrar á daginn en
ómenningin á nóttunni. Og vonandi
draga borgaryfirvöld einhvern lær-
dóm af reynslunni svo að öllu þessu
blóði hafi ekki verið úthellt til ein-
skis og láta af dýrkun sinni á nátt-
myrkrinu.
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Skemmtilegt er
myrkrið
Bakþankar
Þráins Bertelssonar