Fréttablaðið - 21.11.2002, Blaðsíða 13

13FIMMTUDAGUR 21. nóvember 2002
Prófkjör Sjálfstæðismanna í Reykjavík:
Búist við sjö til níu
þúsund kjósendum
STJÓRNMÁL Gera má ráð fyrir að sjö
til níu þúsund manns kjósi í próf-
kjöri Sjálfstæðisflokksins í Reykja-
vík um helgina að mati nokkurra
Sjálfstæðismanna. Það jafngildir
um helmingi skráðra flokksmanna í
borginni. Í gær höfðu á annað hund-
rað manns kosið utan kjörfundar.
Um 7.000 manns tóku þátt í próf-
kjöri flokksins fyrir þingkosning-
arnar 1995. Fjórum árum áður
höfðu 8.200 tekið þátt í prófkjöri
flokksins þegar Davíð Oddsson gaf
fyrst kost á sér til að leiða lista
flokksins í höfuðborginni.
Þrjú stærstu prófkjörin fyrir
síðustu þingkosningar drógu að um
eða yfir 10.000 kjósendur. Tæplega
10.000 kusu í prófkjöri Samfylking-
ar í Reykjanesi, 11.500 í prófkjöri
Samfylkingar í Reykjavík og 12.200
í prófkjöri Sjálfstæðisflokks í
Reykjanesi. Þau prófkjör voru opin.
Prófkjörið um helgina er opið
flokksbundnum sjálfstæðismönn-
um og getur fólk gengið í flokkinn
og greitt atkvæði þar til kjörstöðum
lokar klukkan sex á laugardag. ■
LÖGREGLUFRÉTTIR
ÖKUMENN Á SLYSADEILD Tveir
bílar rákust á á Reykjanesbraut
við Elliðaárbrú laust eftir klukk-
an tíu í gærmorgun. Ökumenn
bílanna voru fluttir á slysadeild.
Annar þeirra var meira slasaður
en hinn.
STAL TÖLVU Tölvubúnaði var
stolið þegar brotist var inn í
verslun í Bæjarlind í Kópavogi í
fyrrinótt. Til að komast inn braut
þjófurinn rúðu í versluninni. Mál-
ið er í rannsókn.