Fréttablaðið - 26.06.2003, Side 40
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
STEINUNNAR
STEFÁNSDÓTTUR
Tómur mis-
skilningur
F le i r i ger› i r P ioneer b í l tækja á www.ormsson. is
Ég hlakka til að sjá á þér svipinnþegar þeir verða búnir að finna
vopnin í Írak,“ sagði einn fárra
kunningja minna, sem sáttur var
við veru okkar Íslendinga meðal
hinna „staðföstu“ þjóða, við mig
fyrir nokkrum mánuðum. Enn hef-
ur þessum kunningja mínum ekki
orðið kápan úr því klæðinu að sjá
meirihluta þjóðarinnar, og mig þar
með, langleitan yfir vopnafundin-
um. Þrálát leit vikum og mánuðum
saman hefur ekki borið árangur.
Þvert á móti bendir stöðugt fleira
til þess að þrátt fyrir yfirlýsingar
helstu ráðamanna heims um að
Írakar hafi falið, nú eða eytt, ger-
eyðingarvopnum sínum í stað þess
að nota þau sér til varnar, sé vit-
neskjan um tilvist þeirra yfirhöfuð
ekki byggð á traustum stoðum.
SÍÐAST Í GÆR fengum við fréttir
af því að nánasti ráðgjafi Blair hafi
hreinlega blekkt Breta til þátttöku í
stríðinu með því að ýkja skýrslur
leyniþjónustunnar um vopnaeign
Íraka. Þetta er óneitanlega hið
vandræðalegasta mál fyrir Blair
kallinn, sem með framgöngu sinni
reytir fylgið af flokknum sínum
þannig að annað eins hefur ekki
sést í áratug.
MAÐUR GETUR EKKI annað en
spurt sig hvort fleiri en Blair hafi
verið blekktir í þessu máli. Á
hvaða upplýsingum byggðu þeir
Halldór og Davíð þegar þeir, að
þjóðinni forspurðri, skráðu hana á
lista hinna „staðföstu“ þjóða? Eða
skiptu upplýsingarnar engu máli?
Voru það hagsmunir sem réðu þeg-
ar þessi ákvörðun var tekin?
Studdum við kannski fall óbreyttra
borgara suður í Írak fyrst og
fremst af því að við getum ekki
látið okkur detta í hug meira skap-
andi atvinnu fyrir nokkur hundruð
manns suður með sjó en að þjón-
usta hermenn sem hér dvelja í sér-
kennilegu tómarúmi?
HVAÐ SEM því líður getum við
að minnsta kosti huggað okkur við
það að ekki munu þeir Halldór og
Davíð reyta fylgið af flokkunum
sínum eins og Blair. Það þarf nú
meira en eitt stríð byggt á mis-
skilningi sunnan við Miðjarðarhaf
til að við Íslendingar fórnum
blessuðum stöðugleikanum. ■