Fréttablaðið - 28.09.2003, Blaðsíða 2

2 28. september 2003 SUNNUDAGUR
Þetta er alsæla, toppurinn á tilverunni
í fótboltanum. Ég var alveg viss um að
við myndum vinna þennan titil. Vð
vorum betri allan tímann og áttum
þetta skilið.
Ólafur Þórðarson er þjálfari ÍA en þeir tryggðu sér
bikarameistaratitilinn í níunda sinn í úrslitaleik
gegn FH í gær.
Spurningdagsins
Ólafur, hvernig er tilfinningin?
Málshöfðunartillaga
ekki á dagskrá
Stjórnendur Sjóvár og Íslandsbanka hafa látið viðskipti með 2% hluta-
fjár í Sjóvá ganga til baka. Forsvarsmenn Afls og Atorku telja samt sem
áður þurfi að taka verði tillögu þeirra um málshöfðun fyrir.
ATHAFNALÍF Stjórn Sjóvár Almennra
hefur sent frá sér tilkynningu um
að boðað verði til hluthafafundar
fyrir 10. október næstkomandi. -
Íslandsbanki hf., sem fer með rúm-
lega 56% hlutafjár í félaginu, hafði
óskað eftir boðun hluthafafundar
þar sem tekin yrði fyrir tillaga um
fækkun stjórnarmanna og kosið
yrði í nýja stjórn. Þá höfðu for-
svarsmenn fjárfestingarfélaganna
Afls og Atorku, þeir Margeir
Pétursson, Styrmir Þór Bragason
og Þorsteinn Vilhelmsson, óskað
eftir hluthafafundi þar sem m.a.
yrði tekin fyrir tillaga um að hlut-
hafafundur samþykkti málshöfðun
á hendur Íslandsbanka hf. og/eða
stjórnarmönnum Sjóvár vegna við-
skipta með eigið hlutafé og „annars
ólögmæts athæfis“ í tengslum við
yfirtöku bankans á Sjóvá.
Í tilkynningu Sjóvár kemur
fram að forsvarsmenn félagsins og
Íslandsbanka hafi ákveðið að láta
kaup bankans á hlutafé að nafn-
virði kr. 11.258.146 ganga til baka
en voru þau kaup sérstaklega
nefnd í bréfi Afls og Atorku. Í til-
kynningu frá Sjóvá segir að þetta
sé gert til þess að koma í veg fyrir
tortryggni vegna þeirra viðskipta.
Í yfirlýsingu frá forsvarsmönnum
Afls og Atorku segir að „það [sé]
fagnaðarefni að Íslandsbanki og
Sjóvá Almennar viðurkenni þetta
brot sitt og láti viðskiptin ganga til
baka.“
Umfjöllun um kröfu um máls-
höfðun á hendur Íslandsbanka
og/eða stjórn félagsins er ekki á
fundardagskrá samkvæmt til-
kynningu Sjóvár. Forsvarsmenn
Afls og Atorku telja að stjórn fé-
lagsins sé skylt að hafa þá tillögu á
f u n d a r d a g -
skrá, jafnvel
þótt stjórnir
Sjóvár og Ís-
l a n d s b a n k a
hafi að hluta
til orðið við
g a g n r ý n i n n i
með því að
draga áður-
nefnd kaup til
baka. Þeir vísa
í lög um hluta-
félög máli sínu
til stuðnings
en samkvæmt þeim eiga hluthafar
rétt á að mál þeirra séu tekin fyr-
ir á hluthafafundi.
Ef tillaga um málshöfðun verð-
ur tekin fyrir á hluthafafundi er
Íslandsbanka, samkvæmt lögum,
óheimilt að taka afstöðu til málsins.
Því þarf tillaga Afls og Atorku ein-
ungis að njóta stuðnings handhafa
ríflega 22% hlutafjár í félaginu til
þess að hún nái fram að ganga.
Benedikt Sveinsson, stjórnar-
formaður Sjóvár, vill ekki tjá sig
um bréf forsvarsmanna Afls og At-
orku en segir að þeim verði svarað
bréflega.
thkjart@frettabladid.is
Hvalveiðar:
Sprengju-
deild
kölluð til
HVALVEIÐAR Sprengjudeild Land-
helgisgæslunnar var kölluð út
þegar hvalveiðiskipið Njörður
kom að landi í Ólafsvík á föstu-
dagskvöld. Sprengjuoddur í skutl-
unni hafði ekki sprungið þegar
hann lenti í dýri við hvalveiðar
fyrr um daginn. Lögreglan í
Ólafsvík þurfti að loka innsigling-
unni á meðan oddurinn var fjar-
lægður. Farið var með hann í fjör-
una inn fyrir bæinn þar sem hann
var sprengdur með nokkrum
hvelli. ■
KÁRAHNJÚKAR
Lögregla hyggst sinna þar eftirliti áfram.
Kárahnjúkar:
Starfsréttindi
könnuð
VINNUEFTIRLIT Lögregla hafði af-
skipti af tugum verkamanna á
Kárahnjúkum á föstudaginn. Lög-
reglumenn frá Egilsstöðum og
fulltrúi frá Vinnueftirlitinu fóru í
eftirlitsferð þangað til að kanna
hvort starfsmenn væru með til-
skilin starfsréttindi og atvinnu-
leyfi.
Að sögn Hjalta Axelssonar lög-
reglumanns voru höfð afskipti af
flestum þeim sem voru á farar-
tækjum og vinnuvélum. Réttindi
flestra voru í lagi en eitthvað var
um að réttindi til að stjórna vinnu-
vélum væru ekki í lagi. Hins veg-
ar kom ekkert athugavert í ljós í
sambandi við atvinnuleyfi. Hjalti
segir að gerðar hafi verið athuga-
semdir við það sem ekki reyndist
í lagi og sumt hafi verið lagfært á
staðnum en annað eigi að lagfæra
á næstu dögum.
Hjalti segir ekkert ákveðið um
það hvort farið verði í frekari -
eftirlitsferðir af þessu tagi upp á
Kárahnjúka. ■
ÞJÓFNAÐUR Maður tilkynnti að
tveir menn hefðu ráðist á hann í
miðbæ Reykjavíkur á laugar-
dagsmorgun. Þeir tóku af honum
veskið, hirtu úr því eitt til tvö
þúsund krónur, hentu því í hann
aftur og hlupu á brott.
AF SLYSSTAÐ
Ökumaðurinn reyndist próflaus
Lögreglan í Reykjavík:
Sextán ára
og ölvaður
ÖLVUNARAKSTUR Ökumaður missti
stjórn á bifreið sem hann ók eftir
Arnarbakka, ók á kyrrstæðan
sendibíl á bílastæði við Eyjabakka
og endaði á hvolfi. Ökumaðurinn
reyndist 16 ára, ölvaður og á bíl
sem hann hafði tekið ófrjálsri
hendi. Einn farþegi var með hon-
um í bílnum og voru þeir báðir
fluttir á slysadeild en sluppu án
alvarlegra meiðsla. Stolni bíllinn
var óökufær. ■
ÁKÆRÐ FYRIR ÓSANNINDI Kona á
þrítugsaldri hefur verið ákærð af
hálfu ríkissaksóknara fyrir að
greina lögreglu ranglega um að
fjórir menn hefðu nauðgað henni
rétt fyrir jól í fyrra. Maður að er-
lendum uppruna þurfti að sæta
gæsluvarðhaldi vegna þessa. DV
greindi frá.
ELDUR Í MIÐBORGINNI Slökkvilið
höfuðborgarsvæðisins var kallað út
vegna reyks í húsi í Ingólfsstræti
um þrjúleytið aðfaranótt laugar-
dags. Í ljós koma að eldur logaði í
gólfi á milli ljósmyndaverslunar og
kjallara. Eldsupptök eru ókunn. Vel
gekk að slökkva eldinn og var hús-
ið reykræst á eftir.
BRÆÐUR BERJAST Maður á þrítugs-
aldri skallaði tæplega tvítugan
bróður sinn í andlitið í Breiðholti á
föstudagsnótt. Sá yngri hlaut blóð-
nasir, framtönn losnaði og var hann
fluttur á slysadeild þegar hann
byrjaði að missa mátt.
STJÓRNMÁL Jón Bjarnason, þing-
maður Vinstri grænna, hefur far-
ið þess á leit við Sturlu Böðvars-
son samgönguráðherra að kalla
saman þingmenn Norðvesturkjör-
dæmis til að ræða slæmt atvinnu-
ástand á Bíldudal. Sturla hefur
svarað erindinu og er gert ráð fyr-
ir að fundurinn verði haldinn
þann 8. október.
„Flestir grunnþættir atvinnu-
lífs á Bíldudal eru í miklum vanda
og uppnámi,“ segir Jón Bjarna-
son, en rækjuverksmiðja á staðn-
um hefur verið lokuð síðan í vor
og alls óvíst hvenær hún tekur
aftur til starfa. Auk þess er starf-
semi fiskvinnslunnar í algjöru
lágmarki vegna fjárhagsörðug-
leika. Þá kom á föstudag í ljós að
erlendir samstarfsaðilar halda að
sér höndum varðandi uppbygg-
ingu kalkþörungavinnslu á Bíldu-
dal sem bundnar höfðu verið von-
ir við, að sögn Jóns.
„Það er því full ástæða til þess
að þingmenn kjördæmisins komi
saman og fari yfir stöðuna, hvern-
ig þeir geti komið að málum til að
styrkja atvinnulífið,“ segir Jón. ■
■ Lögreglufréttir
M
YN
D
/S
TE
IN
AR
Hinn grunaði í Svíþjóð:
Fékk far hjá
lögreglunni
WASHINGTON, AP Maðurinn, sem nú
er talinn hafa myrt Önnu Lindh,
utanríkisráherra Svíþjóðar, sat í
sænskri lögreglubifreið fimm
dögum eftir að morðið var framið.
Tveir lögreglumenn óku hon-
um á geðdeild eftir að kvörtun
hafði borist um að ófriður stafaði
af honum í heimahúsi. Manninum
var vísað frá geðdeildinni.
„Hann var stutthærður þá, svo
okkur datt ekki í hug að þetta
væri hann,“ er haft eftir lögreglu-
manni í sænska dagblaðinu Ex-
pressen.
Hinn maðurinn, sem sat í nærri
viku saklaus í fangelsi grunaður
um morðið, sagðist í viðtali við
sænska útvarpið á laugardaginn
afar ósáttur við það hvernig bæði
fjölmiðlar og lögregla hafa fjallað
um hann opinberlega. ■
Bush og Pútín:
Andvígir hugsanlegum
kjarnorkuáformum
CAMP DAVID, AP Leiðtogar Bandaríkj-
anna og Rússlands, þeir George W.
Bush og Vladimir Pútín, hvetja
bæði Íran og Norður-Kóreu ein-
dregið til þess að hætta öllum hugs-
anlegum áformum um að koma sér
upp kjarnorkuvopnum.
Þeir Bush og Pútín hittust í
Bandaríkjunum, nánar tiltekið í
Camp David, þar sem sá fyrrnefndi
tók á móti starfsbróður sínum frá
Rússlandi á laugardaginn.
Að fundinum loknum sögðust
þeir ætla að vinna saman að því að
uppbyggingu í Írak þrátt fyrir að
vera algerlega ósammála um að-
gerðir Bandaríkjanna þar í landi.
Pútín vildi ekki útlista nákvæmlega
hvernig Rússar hygðust koma að
uppbyggingu landsins. Hann sagð-
ist fyrst vilja fá niðurstöðu í rök-
ræðuna um nýja ályktun Sameinuðu
þjóðanna um málið.
Líklegt er að Bandaríkin sendi
um 15 þúsund bandaríska hermenn
til Írak á næstunni þar sem önnur
ríki hafa ekki viljað senda sína her-
menn þangað. Eftir fundinn með
Pútín sagðist Bush ekki vera von-
svikinn yfir litlum stuðningi ann-
arra ríkja við hersetu Bandaríkja-
manna í Írak. ■
HITTUST Í CAMP DAVID
Vladimír Pútín og George W. Bush.
DEILT UM FUNDARDAGSKRÁ
Forsvarsmenn stórra hluthafa í Sjóvá vilja að hluthafafundur greiði atkvæði um hvort fé-
lagið skuli höfða mál á hendur stjórnarmönnum Sjóvár og stærsta hluthafanum, Ís-
landsbanka.
JÓN BJARNASON
Hefur farið þess á leit við Sturlu Böðvars-
son samgönguráðherra að þingmenn
Norðvesturkjördæmis hittist og ræði at-
vinnuástand á Bíldudal.
Þingmenn funda um málefni Bíldudals:
Atvinnulífið í uppnámi
■ Lögreglufréttir
MARGEIR P.
Telur að brotið hafi
verið á hluthöfum