Fréttablaðið - 07.11.2003, Qupperneq 48

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
GUÐMUNDAR
STEINGRÍMSSONAR
Menn eru
á siglingu
Ég hef tekið eftir því að í íslenskuviðskiptalífi taka menn skjótar
ákvarðanir og hlutirnir gerast hratt.
Maður er kannski bara að ganga út í
sjoppu til þess að kaupa sér kók og
prins og þá er Kolkrabbinn allt í
einu dáinn. Hviss pang. Eins og ekk-
ert sé. Björgúlfur orðinn eigandi
Eimskips eins og ekkert sé sjálf-
sagðara. Maður stendur bara með
súkkulaðið á sjopputröppunum með
hárið út í loftið og segir: „Nú, hva?
Ja, hérna.“
OG SVO er maður kannski bara að
fara á klósettið til að kasta af sér
vatni og rétt þegar maður sturtar
niður kaupir Byko 11-11. Og maður
kemur út og lokar á eftir sér hurð-
inni og stendur bara með hárið út í
loftið með opna buxnaklauf og segir:
„Ha, nú? Ja, hérna.“
OG SVO er maður rétt að hella
kaffi í kaffibollann sinn og er að
kyngja fyrsta sopanum þegar
Fréttablaðið kaupir DV. Og maður
klárar að kyngja, hugsar sig aðeins
um, stendur svo gleiðfættur og
hugsandi með bollann og tuldrar:
„Það held ég nú. Skjótt skipast veð-
ur í lofti.“
Í LJÓSI TÍÐARANDANS er ég að
spá í að ýta mínu hægfara fleyi úr
vör og gerast fjárfestir af nokkuð
öðru tagi. Það má ljóst vera að ég er
mun seinni í svifum en þeir sem
helst hafa látið að sér kveða á þessu
sviði í íslensku samfélagi undanfar-
ið. Ég er með plan. Ég ætla að rölta í
rólegheitum upp í Góða hirðinn, þar
sem nýtilegt drasl frá Sorpu er til
sölu, og athuga hvort ég finni ekki
nokkur gömul fyrirtæki sem menn
hafa gleymt að kaupa og gera nokk-
uð úr. Ég held að þetta sé plan sem
ekki mega vanmeta. Ef ég er hepp-
inn get ég kannski keypt Tímann,
Þjóðviljann, Alþýðublaðið og Helg-
arpóstinn fyrir slikk og verð blaða-
kóngur án nokkurra teljanlegra fjár-
útláta. Svo get ég fært út kvíarnar
og keypt Sambandið fyrir hlægilega
upphæð og ef ég róta nógu lengi
finn ég kannski verslunina Víði,
Gullfiskabúðina, Vörumarkaðinn,
Velti, Sól, Arnarflug og Hafskip. Allt
í einu verð ég viðskiptamógull og
aðrir munu standa með kaffibollann
sinn, hrista höfuðið í forundran og
segja: „Ja, hérna. Þetta gat hann.“ ■