Fréttablaðið - 19.11.2003, Blaðsíða 6

6 19. nóvember 2003 MIÐVIKUDAGUR
GENGI GJALDMIÐLA
Bandaríkjadalur 75.76 0.17%
Sterlingspund 128.27 0.31%
Dönsk króna 11.98 -0.32%
Evra 89.09 -0.32%
Gengisvístala krónu 125,59 0,06%
KAUPHÖLL ÍSLANDS
Fjöldi viðskipta 304
Velta 6.521 milljónir
ICEX-15 1.972 0,33%
Mestu viðskiptin
Landsbanki Íslands hf. 733.921.650
Íslandsbanki hf. 662.676.191
Kaupþing Búnaðarb. hf. 602.827.160
Mesta hækkun
Kögun hf. 3,09%
Bakkavör Group hf. 1,63%
AFL fjárfestingarfélag hf. 1,09%
Mesta lækkun
Síldarvinnslan hf. -2,56%
Grandi hf. -2,03%
Vátryggingafélag Íslands hf. -1,61%
ERLENDAR VÍSITÖLUR
DJ* 9.707,6 -0,0%
Nasdaq* 1.909,3 -0,0%
FTSE 4.354,7 0,4%
DAX 3.666,3 -0,2%
NK50 1.273,8 -0,1%
S&P* 1.042,2 -0,1%
*Bandarískar vísitölur kl. 17.00
Veistusvarið?
1Hversu oft hefur vopnað rán veriðframið í Búnaðarbankanum, Vestur-
götu?
2Hjá hvaða fyrirtækjum gerði Skatt-rannsóknarstjóri húsleit á mánudag?
3Hver tók við embætti ríkisstjóra íKaliforníu í fyrrakvöld?
Svörin eru á bls. 31
Íslandsbanki og bílainnflytjendur:
Banki með bíladellu
VIÐSKIPTI Unnið er að breytingu á
skuldum bílainnflytjandans
Ingvars Helgasonar og Bílheima
í hlutafé hjá Íslandsbanka. Gangi
það eftir verður Íslandsbanki
með sterka stöðu á bílamarkaði.
Bankinn mun eignast við við-
skiptin um þriðjung í Bílheimum
og Ingvari Helgasyni. Við kaup
Íslandsbanka á Sjóvá-Almennum
eignaðist bankinn hátt í þriðj-
ungs hlut í Toyota-umboðinu, P.
Samúelsson. Þessi fyrirtæki hafa
um 45% markaðshlutdeild á bíla-
markaði. „Bankinn er greinilega
með bíladellu,“ sagði Helgi Ingv-
arsson, einn eigenda Ingvars
Helgasonar og Bílheima. Hann
vildi að öðru leyti ekki tjá sig um
málið.
Innan eigendahópsins eru
samkvæmt heimildum ekki allir
á eitt sáttir um aðkomu bankans.
Helgi ásamt hópi fjárfesta gerði
tilboð í fyrirtækið og var það
samkvæmt heimildum 60 milljón
krónum hærra en það verð sem
gert er ráð fyrir í viðskiptunum
við Íslandsbanka, auk þess sem
greiðslukjör voru hagstæðari.
Áhugi hefur verið á því um
skeið að leita leiða til þess að ná
fram hagræðingu í greininni og
miðað við stöðu Íslandsbanka er
líklegt að bankinn leiði breyting-
ar innan greinarinnar. ■
Skipulagsstofnun
svipt úrskurðarvaldi
Samkvæmt frumvarpi umhverfisráðherra um breytingar á lögum um
mat á umhverfisáhrifum fellir Skipulagsstofnun ekki úrskurð vegna
framkvæmda heldur gefur álit sem ekki verður hægt að kæra.
UMHVERFISMÁL „Markmiðið með
nýjum lögum er að gera ríkari
kröfu til framkvæmdaraðila um
að umhverfismatsskýrsla sé heild-
stæðari en hún eru í dag og það er
verið að færa ferlið að því sem
tíðkast í öðrum Evrópulöndum.
Ennfremur að draga eins og kost-
ur er úr umhverfisáhrifum fram-
kvæmdar og stuðla að samvinnu
þeirra sem hafa hagsmuni að gæta
eða láta sig málið varða,“ segir Siv
Friðleifsdóttir umhverfisráð-
herra. Alþingi bað umhverfisráðu-
neytið að skoða hvort bæri að end-
urskoða lögin með tilliti til þess að
umhverfismatsferli yrði gert að
stærri þætti þegar framkvæmdar-
leyfi væri veitt og lagði ráðherra
fram frumvarp þessa efnis til
fyrstu umræðu á þinginu í gær.
Hingað til hefur Skipulags-
stofnun fellt úrskurð þar sem ann-
aðhvort er fallist á framkvæmd
eða lagst gegn henni, með eða án
skilyrða, en verði frumvarp um-
hverfisráðherra að lögum mun
Skipulagsstofnun ekki fella slíka
úrskurði í framtíðinni, heldur gefa
álit sitt á niðurstöðu skýrslu á mati
á umhverfisáhrifum. Sú skýrsla
verður að lýsa sem best og draga
fram öll veigamikil umhverfisá-
hrif framkvæmdarinnar.
„Með þessu fá framkvæmdar-
aðilar, til dæmis sveitarfélögin,
meiri ábyrgð þar sem þau þurfa að
fjalla um álit Skipulagsstofnunar
og taka afstöðu til þess og taka mið
af athugasemdum almennings og
annarra áður en framkvæmdar-
leyfi er veitt, en álitið er þó ekki
bindandi,“ segir Siv.
Það verður ekki hægt að kæra
álit Skipulagsstofnunar til um-
hverfisráðherra en það verður
hægt að kæra framkvæmdarleyf-
ið til úrskurðar skipulagsnefndar.
Það þýðir að málsskotsréttur til
æðra stjórnvalds verður bundinn
við leyfi til framkvæmda á sveit-
arstjórnarstigi og takmarkast við
þá aðila sem eiga lögvarinna hags-
muna að gæta, svo sem umhverf-
issamtök og önnur hagsmunasam-
tök.
Kolbrún Halldórsdóttir, þing-
maður Vinstri hreyfingarinnar
græns framboðs, óttast afleiðing-
ar frumvarps umhverfisráðherra.
„Það er verið að bjóða hættunni
heim. Mér sýnist að í frumvarpinu
eigi að taka út skilgreininguna á
umtalsverðum umhverfisáhrifum
og það er alvarlegt og gæti leitt til
þess að lögin yrðu óljósari. Það er
verið að svipta Skipulagsstofnun
úrskurðarvaldi sínu og koma því
yfir á þá sem veita framkvæmdar-
leyfið og það er hæpið hvort þeir
séu í stakk búnir til þess. Með
þessari lagabreytingu yrði að
styrkja verulega ákvæði náttúru-
verndar,“ segir Kolbrún.
bryndis@frettabladid.is
SAMKOMULAG UNDIRRITAÐ
Heilbrigðisráðherra og borgarstjóri undir-
rita samkomulagið um samtvinnaða heim-
ilisþjónustu og heimahjúkrun.
Hjúkrun og þjónusta
við aldraða:
Undir einn
hatt
ÞJÓNUSTA Heimaþjónusta og
heimahjúkrun aldraðra í Reykja-
vík verða að minnsta kosti næstu
tvö árin undir einum hatti.
Samkomulag þessa efnis var
undirritað af Jóni Kristjánssyni
heilbrigðisráðherra og Þórólfi
Árnasyni borgarstjóra í gær. Ein-
staklingar sem njóta þessara
þjónustuliða hjá heilsugæslu leita
til heilsugæslu sinnar, Félags-
þjónustunnar í Reykjavík eða
Miðgarðs í Grafarvogi eftir að-
stoð, eftir að samræmingin hefur
tekið gildi, 1. febrúar næstkom-
andi. ■
Ökuníðingur:
Flúði á
ofsahraða
LÖGREGLUFRÉTTIR Ökumaður keyrði
á ofsahraða um götur höfuðborg-
arsvæðisins í fyrrinótt eftir að lög-
regla reyndi að stöðva hann við
Kringlumýrarbraut. Eftir það
keyrði hann á ofsahraða niður Sæ-
braut og þaðan eftir Reykjanes-
braut í gegnum Kópavog og inn á
Vífilsstaðaveg. Þar tókst lögreglu
loks að stöðva hann.
Ökumaðurinn var í annarlegu
ástandi. ■
Landspítalinn:
Sýknaður
í héraði
DÓMUR Landspítalinn var sýknað-
ur af dómkröfum fyrrverandi
starfsmanns í Héraðsdómi
Reykjavíkur í gær.
Kröfurnar voru aðallega þær
að viðurkennt yrði með dómi að
ákvörðun Landspítalans um nið-
urlagningu á stöðu starfsmanns-
ins væri ógild. Starfsmaðurinn
krafðist þess að Landspítalinn
greiddi honum tæpar tvær millj-
ónir með dráttarvöxtum. ■
Kröfugerð:
Kynnt á
þriðjudag
KJARASAMNINGAR Efling stéttarfé-
lag, Verkalýðsfélagið Hlíf í Hafn-
arfirði, Verkalýðs- og sjómannafé-
lag Keflavíkur og nágrennis, sem
mynda Flóabandalagið og Starfs-
greinasamband Íslands, fyrir hönd
aðildarfélaga sambandsins á
landsbyggðinni, kynna atvinnurek-
endum á þriðjudag, kröfugerð sína
fyrir komandi kjarasaminga.
Gildandi kjarasamningar runnu
út 15. september síðastliðinn en
voru framlengdir til áramóta.
Áherslan verður meðal annars
lögð á aukningu kaupmáttar án
þess að stöðugleika verði stefnt í
voða og hækkun lægstu launa. ■
BÍLABANKI
Við kaup á Sjóvá-Almennum eignaðist Ís-
landsbanki stóran hlut í Toyota-umboðinu.
Nú stefnir í að bankinn verði stór hluthafi í
Ingvari Helgasyni og Bílheimum.
SIV FRIÐLEIFSDÓTTIR
Umhverfisráðherra segir ný lög um mat á umhverfisáhrifum auka ábyrgð þeirra sem veita
framkvæmdaleyfi og í takt við það sem tíðkast í öðrum Evrópulöndum.
Ýsuflök
449kr./kg
Sími 562 1070
FR
ÉT
TA
B
LA
Ð
IÐ
/B
IL
LI