Tíminn - 07.01.1972, Blaðsíða 4

Tíminn - 07.01.1972, Blaðsíða 4
£etil tiii Ájéníafp Dagskrá sjónvarps og útvarps er vinsælt efni í blöðum. Tíminn heíur lengi birt þessar dagskrár í aðgengiiegu formi, og svo mun verða í framtíðinni. Hins vegar hagaði svo til nú um há.tíðarnar, að því varð ekki við komið að birta dagskrána á venjulegan hátt. Urðum við Tímamenn varir við, að lesendum þótti slæmt að missa af dagskránni. Nú kemur hún aftur fyrir sjónir lesenda í sínu fyrra formi,. og er það von okkar að með því takist fullar sættir að nýju. MILLI STEIKUR OG SVEFNS. Sjónvarpsdagskráin yfir hátíð- arnar var á margan hátt ágæt. Hún stytti fólki stundirnar milli steikur og svefns, og olli hvergi þungum heilabrotum, hvað þá meltingartruflunum. Sjónvarpið flutti okkur fallegan söng, guðs- orð og góðar óskir, forsætisráð- herra og íorseta. Dagskrárefnið leið svona fram í þungum og jöfn- um straumi. Nökkuð skorti á það, að barnaefnið héldi börnunum í sætum sínum, einkum á þeim tíma, þegar jólaundirbúningurinn var sem mestur. Aftur á móti komu þættir að kvöldinu, sem höfðuðu með þeim hætti til barna, að þau hreyfðu sig hvergi. Svo var um ágætt rússneskt ævintýri, og barnasirkus. Vel getur verið, að barnatíminn sé orðinn svo fast- ur í sniðum, að þetta efni rúmist ekki þar fyrir innlendu efni. En innlenda efnið verður þá að vera betra. Og mikiC yrðu börn fegin, ef hægt væri að sýna þeim meira af teiknimyndum, en minna af föndri, sem þau hafa hvort sem er nóg af, bæði á heimilum og í skólum. „Adam Strange" er á dagskrá i föstudasskvöld, on hér er um aS raeSa brezkan ukamálamyndaflokk. FLOSI í LONDON. Einhvers staðar heyrðist það, að Flosi hefði eytt gamlárskv.öldi í London. Engar sönnur veit undir- ritaður á þessu. En hafi hann kos- ið að dvelja í heimsborginni um áramótin, þá hefur það eflaust verið vegna þess að hann kann vel við sig hjá Bretum, en ekkl vegna þess að hann hafi flúið út yfir sendingarsvið sjónvarpsins, til að tryggja það að hann þyrfti ekki að horfa upp á „hörmung- ina", sem engin hörmung varð, því dagskráin á gamlárskvöld kom að tilætluðum notum. Að vísu hallaðist dagskrárefnið svolítið í áttina að söngmenntinni, en þar var allt gert með prýði. Minnist ég þess hve fólk hafði góð orð um söng Guðrúnar Á. Símonar, en á meðan hún söng vildi svo til að skjóta þurfti einum átta hundruð krónum upp í loftið, og einhver þurfti til að kveikja í púðrinu. Vonandi verður hægt að endurtaka einstök atriði dagskrárinnar síð- ar, svo að fallstykkjameistarar og rakettustjórar kvöldsins missi ekki alveg af söngpúðrinu. MEÐ HVERJU Á AÐ SKEMMTA? Annars er það svo með gaml- árskvöld, að bezt fer á því að rifja þá upp atburði frá liðnu ári í gamanvisum og leikþáttum. Það er nú svo, þegar menn eru sloppn ir við eitt árið í viðbót án þess að hafa orðið gjaldþrota, að þá vilja þeir gera grín að allri bar- éttunni og lífshagsmunasíreit- unni. Eftir klukkan níu á gaml- árskvöld ætti ekki að leyfast að segja eitt orð í alvöru í fj.ölmiðl- um. Liðið ár á að verða að einu stóru revíuhandriti. Þetta er hvort sem er allt liðið og ekki til annars en hlæja að því. Útvarp Matthildar bjargaði að vísu nokkru en menn hryggðust undir lokin, þegar þessi ágæta útvarpsstöð til- kynnti að hún væri hætt. Nú ættu góðir menn að bregða við og end- urreisa Matthildi. Hvernig væri aö íiefja undirskriftasöfnun?

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.