Tíminn - 07.01.1972, Side 5
SKANDINAVISMI.
Dagskrá þessarar viku hefst
eiginlega á dansi í samkvæmis-
fötum. Þótt dans sé nú með dauf-
legra sjónvarpsefni, fer kannski
vel á þessu, því nú hefst hið mikla
danstímabil, þegar hver fimm
manna liópur heldur árshátíð.
Annars eru á dagskrá höfundar
eins og Strindberg og Ibsen. Að
vísu er Hedda Gabler á ferð í
annað sinn, þótt maður voni í
lengstu lög að þetta þýði ekki að
hún sé orðin einskonar fast við-
liald sjónvarpsins. Þá verður tal-
að um þorsk á þriðjudaginn. Hann
er sá fslenzkur þegn, sem alltof
sjaldan fær að njóta reisnar sinn-
ar, síðan hann var rifinn saltaður
og sólþurrkaður úr skjaldarmerki
landsins. Og enn drýgja þeir dag-
skrána á þriðjudaginn með frönsku
kennslu. Á miðvikudaginn kemur
merkilegur þáttur um samskipti
manns og hests, en samneyti við
hesta hefur aldrei spillt nokkrum
manni, og næsti þáttur er um líf
fiskimanna. Miðvikudeginum lýk-
ur svo með bandarískri stríðs-
mynd. Þá er komið æskilegt mót-
vægi við þann skandinavisma,
sem ræður húsum fyrrihluta vik-
unnar.
JAFNVEL STEINBECK.
Nýr brezkur sakamálaflokkur
hefst á föstudaginn, og einnig nýr
gamanmyndaflokkur, sem nefnist
Skýjum ofar. Hann byrjar á laug-
ardag. Þá verður sýnd mynd eftii
sögunni Kátir voru karlar eftir
Steinbeck. Hún er afbi'agð. Verð-
ur ekki sagt annað, þegar á heild-
ina er litið, að sjónvarpið gangi
nokkuð hresst á móti nýju ári,
enda tjaldar það þremur stór-
ckáldum á einni viku.
IGÞ.
□