Tíminn - 26.02.1974, Side 16
■*>
GBÐI
ft/rir ffódan mai
$ KJÖTIÐNAÐARSTÖÐ SAMBANDSINS
Þjóðhátíðarafmæli Guðrúnar Á. Símonar:
FEIKN AF FROSNUM HJÖRTUM
MEÐAL AFMÆLISGJAFA
Og svo eignaðist hún brúðuvagn
FISKI
SB-Reykjavik. — Guðrún A.
Simonar hélt hútiðlegt ,,þjóð-
hátiðarafmæli” sitt, eins og hún
kallaði það, á sunnudagskvöldið.
Mikið var um dýrðir i félags-
heimili Fóstbræðra, þar sem
veizlan fór fram( komnar voru á
staðinn 50-60 konur, svo og Gunn-
ar M. Magnúss, sem hjálpaði
Guðrúnu að búa til „afkvæmið”,
bókina „Eins og ég er klædd”,
sem sprengdi alla vinsældalista i
siðasta bókaflóði.
Þegar gestirnir komu, var
bjöllu hringt og hver og einn
kynntur á hátiðlegan hátt. Eins
og lög gera ráð fyrir, barst fjöldi
gjafa, og tók Guðrún sér sæti uppi
á sviði og reif þar upp bögglana
og brá gjöfunum á loft, svo að all-
ir gætu séð þá. Mikil varð gleði
Guðrúnar og fögnuður sam-
kvæmisgesta, þegar gjöfin frá
Gunnari M. Magnúss var tekin
upp: Úr kassanum kom fallegur
brúðuvagn, en Guðrún hafði látið
þess getið i bókinni, að hún hefði
eignazt brúðu þrettán ára gömul.
Brúðuvagn hafði hún aftur á móti
aldrei eignazt, en alltaf þráð það.
Var ekki að sökum að spyrja, að
nú var brúðan sótt heim til Guð-
rúnar og búið um hana i vagnin-
um.
Það tók Guðrúnu rúma klukku-
stund að rifa upp alla gjafaböggl-
ana, og var það atriði sam-
kvæmisins skemmtun af beztu
tegund, svo einstök er Guörún.
Var dátt hlegið aö þeim orðum,
sem hún lét falla meðan á þ'essari
athöfn stóð.
Meðal þess, sem hún fékk, var
ekki svo litið af fiski, dósamat og
frosnum hjörtum, sem raunar
var tekið að blæða úr, áður en
lauk. Birtum við hér til gamans
texta boðskortsins, sem skýrir,
hvers vegna henni voru send
þessi matvæli öll i afmælisgjöf:
„Kæra vinkona. Viltu koma i
kvennaboð i tilefni þjóðhátiðar-
afmælis mins I Félagsheimili
Fóstbræðra, Langholtsvegi 109-
111, kl. 7 sunnudaginn 24. febrúar
1974?
Aðeins gosdrykkir, kaffi, heitir
réttir og tertur, að ógleymdu
hlýju viðmóti. Kannske verður
eitthvað „surprise” — „sur-
prise”?
Ef einhver ætlar að sýna lit og
gefa blóm, (sem kisurnar borða
að gamni sinu) gerið svo vel að
láta andvirði þeirra renna i mat
fyrir kisur, t.d. þorskkassa,
lambahjörtu — pakkað inn i
fallegan skrautpappir. Guðrún Á.
Simonar.”
Það má segja, að veizlan hafi
verið eitt „surprise” frá upphafi
til enda, en fögnuðurinn náði há-
marki, þegar þær Guðrún og
Þuriður Pálsdóttir sungu „Katta-
dúettinn” eftir Rossini. Meðlætið
með gosinu og kaffinu var ljúf-
fengt, en Guðrún hefur það fyrir
sið að veita ekki áfengi. Það voru
vinkonur hennar, sem bökuðu og
brösuðu og stjórnuðu veizlunni,
sem áreiðanlega mun vera ein-
hver skemmtilegasta afmælis-
veizla, sem um getur og lengi
verður i minnum höfð.
Það gerðist meðal annars i
henni, að Þuriður Pálsdóttir, for-
maður Einsöngvarafélags ts-
Guðrún sýnir veizlugestum fryst
hjörtu, sem henni voru send i af-
mælisgjöf, svo að kettirnir gætu
einnig notið góös af þjóðhátiöar-
afmæli hennar.
lands, útnefndi Guðrúnu drottn-
ingu einsöngvara, en Margrét
Eggertsdóttir krýndi hana.
Rækilegar verður sagt frá af-
mælisveizlu þessari i nýju fylgi-
riti Timans, Timaritinu.'áður en
langt um liður. Verða þar birtar
margar myndir úr hófinu.
Guörún A Simonar býr um brúðuna sina i nýja vagninum frá
Gunnari M. Magnúss. — Timamyndir: Gunnar.
Eiturlyf janeyt-
andi olli tjóni
Klp-Reykjavik. Aðfaranótt s.l.
laugardags stal ungur piltur
nokkurra daga gömlum bil frá
ættingja sinum og gjöreyðilagði
hann, svo og annan bil, og slasaði
sjálfan sig og tvennt annað.
Pilturinn, sem var bæði
undiuáhrifum áfengis og lyfja,
tók bilinn traustataki inni i skúr
og ætlaði að aka um borgina. Ök
hann suður Kringlumýrarbraut á
mikilli ferö, og er hann kom aö
ljósunum viö Miklubraut, fór
hann þar yfir á rauðu og beint inn
i hliðina á jeppa, sem ekið var
vestur Miklubraut. Areksturinn
var svo harður, að jeppinn
kastaðist eina 20 metra, og enda-
stakkst siðan upp á eyju, þar sem
hann fór á hliðina.
Pilturinn, sem árekstrinum
olli, segist ekkert muna eftir sér
frá þvi skömmu áður en hann
kom að gatnamótunum, enda hafi
hann veriö búinn að innbyrða
mikið magn af örvandi lyfjum,
rétt áöur en hann tók bllinn.
Hann meiddist eitthvað á fót-
um, en i hinum bilnum slasaðist
tvennt, ökumaðurinn, sem m.a.
mjaðmagrindarbrotnaði, og far-
þegi, sem meiddist nokkuð á
höfði.
Margrét Eggertsdóttir krýnir Guðrúnu drottningu einsöngvara.
Sprengjugabb á Keflavíkurflugvelli
Loftleiðavél tafðist í þrjár stundir, eftir að tilkynnt hafði verið að sprengja væri um borð
Klp-Reykjavík. A sunnudags-
morguninn var hringt i flug-
turninn á Keflavikurflugvelli, og
maður, sem var i simanum,
tilkynnti á mjög slæmri ensku, að
sprengja væri i Loftleiðaflugvél,
sem þá var i þann veginn að hefja
sig til flugs.
Maðurinn sem álitið er að sé Is-
lendingur bunaði þessu út úr sér á
slikum hraöa, að ekki tókst að
rekja simtaliö, en tilraun var
gerð til að tefja hann með öllum
tiltækum ráðum.
Allir farþegar vélarinnar voru
komnir um borð, og farangur
þeirra sömuleiðis. Voru þetta út-
lendingar, sem orðið höfðu
innlyksa hér vegna verkfallsins,
en fengu undanþágu til að fara
með þessari vél.
Allir voru drifnir út úr vélinni,
og siðan hófst vandleg leit að
sprengjunni i farangrinum, og
einnig á farþegunum. Leitin tók
rúmar tvær klukkustundir, en
siðan yar beðið f eina klukkustund
til viðbótar, eða þann tima, sem
það hefði teki að fljúga vélinni til
Luxemborgar.
Þetta er i fyrsta skipti, sem
sprengjuleit er gerð i Loftleiða-
vél hér á landi, en svipað atvik
hefur átt sér stað með Loftleiða-
vél á Kennedyflugvelli, fyrir um
það bil tveimur árum.
Málið er i rannsókn, en álitiö er,
að þarna sé á ferðinni andlega
óheilbrigður maður, enda hlýtur
svo að vera, þvi varla lætur
nokkur heilbrigður maður sér
detta svona lagað i hug.