Fréttablaðið - 19.04.2005, Síða 38
19. apríl þriðjudagur
HATTUR OG FATTUR
Myllubakkaskóli, Reykjanesbæ
Starfsfólk Myllubakkaskóla frumsýnir
íslenskt leikrit, Hattur og Fattur,
með nemendum skólans. Leikarar
eru nemendur úr 4. – 10. bekk.
Myllubakkaskóli fékk á dögunum
verðlaunin Laxnesfjöðrina. Nánari
upplýsingar: www.reykjanesbaer.is
KOFFORTIÐ
Borgarbókasafn – Leikskólinn
Maríuborg, Grafarholti
Kl. 11.30
Koffortið – farandbókasafn fyrir leikskóla
verður opnað í leikskólanum Maríuborg
í Grafarholti. Stefán Jón Hafstein,
formaður menningar- og ferðamálaráðs
Reykjavíkurborgar kemur með bóka-
bílnum, opnar Koffortið og lánar út fyrstu
bókina.
ATHAFNALANDIÐ – MÁLÞING
Grand Hótel, Reykjavík
Kl. 14 - 16.30
Stofnun Sigurðar Nordals og Verslunar-
ráð Íslands efna til málþings um
athafnalandið Ísland. Málþingið er
haldið í minningu Ragnars Jónssonar
í Smára. Aðalfyrirlesari verður dr.
Itamar Even-Zohar, prófessor í
merkingar- og menningarfræðum við
Háskólann í Tel Aviv og forstöðumaður
rannsóknarstofnunar í menningarfræðum.
Frummælendur auk Itamars verða Jón
Karl Helgason, bókmenntafræðingur, og
Katrín Pétursdóttir, framkvæmdastjóri
Lýsis. Nánari upplýsingar er að finna á:
www.nordals.hi.is
Fundargjald er 2.000 kr.
SÖGUSTUND
Gerðubergssafn
Kl. 15
Vilborg Dagbjartsdóttir rithöfundur kemur
í sögustund og les ævintýri eftir H.C.
Andersen.
SÖGUSTUND MEÐ H.C. ANDERSEN
Bókasafn Garðabæjar, Garðatorgi
Kl. 15.30
Sögustund þar sem sjálfur H.C.
Andersen les upp úr ævintýrum sínum.
(H.C. Andersen er í raun Sigurður
Skúlason leikari úr leikritinu Klaufar og
kóngsdætur sem er sýnt um þessar
mundir í Þjóðleikhúsinu.) Litli kórinn úr
Hofsstaðaskóla mætir á svæðið og syngur
nokkur vel valin lög.
Allir krakkar eru hjartanlega velkomnir.
AFTUR TIL STEINSINS
Þjóðmenningarhúsið
KL. 17
Njörður P. Njarðvík les ljóðið Undir
regnboga úr ljóðabók sinni Aftur til
steinsins sem nýkomin er út hjá JPV
útgáfu. Vésteinn Ólason, forstöðumaður
Árnastofnunar, hugleiðir tengsl ljóðsins
við Snorra Eddu. Sigríður Albertsdóttir
bókmenntafræðingur ræðir í stuttu máli
um skáldaferil Njarðar P. Njarðvík. Davíð
Ólafsson bassi syngur nokkur lög inn á
milli mælenda við undirleik Ólafs Vignis
Albertssonar. Ýmis tilbrigði við epli
Iðunnar á vegum veitingastofunnar Matur
og menning á vægu verði á meðan á
dagskrá stendur. www.thjodmenning.is
Aðgangur ókeypis og allir velkomnir.
ÞJÓÐIN OG ÞÝÐINGARNAR
Sjónvarpið
Kl. 21.25
Sjónvarpsþáttur um þýðendur sem
Þorsteinn J. Vilhjálmsson gerði fyrir
Bandalag þýðenda og túlka og
Þýðingasetur Háskóla Íslands.
Bókamarkaður á Akureyri
Bókamarkaður í Hafnarstræti 91-93 á
Akureyri stendur yfir til 30. apríl.
20. apríl miðvikudagur
BARNABÓKAVERÐLAUN
Höfði
Kl. 17
Eins og undanfarin 33 ár munu
fræðsluyfirvöld í Reykjavík afhenda
barnabókaverðlaun. Verðlaunin nefnast
núna Barnabókaverðlaun menntaráðs
Reykjavíkur. Borgarstjórinn í Reykjavík,
Steinunn Valdís Óskarsdóttir, mun
afhenda tvenn verðlaun, fyrir frumsamda
barnabók og þýdda barnabók.
BÓKMENNTAKVÖLD - UPPLESTUR
Súfistinn
Kl. 20
Bókmenntakvöld á Súfistanum í boði
Eddu útgáfu. Höfundar lesa úr nýlegum
og væntanlegum verkum.
Nánari dagskrá á www.edda.is
TÓNLIST OG BESTA BARNABÓKIN
Bókasafn Grindavíkur
Kl. 16
Nemendur Tónlistarskólans leika tónlist
og trúbador kemur í heimsókn og spilar
og syngur. Tónlistin verður víða um
verslunarmiðstöðina að Víkurbraut 62.
Þá verður einnig dregið úr kjörseðlum á
bestu barnabókinni 2004 og vinningshafi
fær tvo leikhúsmiða frá Þjóðleikhúsinu á
barnaleikritið Klaufa og kóngsdætur.
21. apríl fimmtudagur
– sumardagurinn fyrsti
BORGARBÓKASAFN
Opið í aðalsafni, Tryggvagötu, frá
13 – 17 og Gerðubergssafni frá 13 – 16 á
sumardaginn fyrsta.
BORGARBÓKASAFN –
FJÖLSKYLDUHÁTIÐ
Kl. 13.30 – 16
Bókaverðir frá Foldasafni verða á
fjölskylduhátíð í Rimaskóla á sumardaginn
fyrsta.
BÓKAVERÐLAUN BARNANNA
Borgarbókasafn
- aðalsafn, Tryggvagötu
Kl. 14
Bókaverðlaun barnanna verða afhent
en þema hátíðarinnar verður tengt
H.C. Andersen í tilefni af afmælisári
hans. Leikarar úr leikritinu Klaufar og
kóngsdætur sem Þjóðleikhúsið sýnir koma
í heimsókn og einnig mun Felix Bergsson
skemmta gestum og segja ævintýri. Tíu
börn sem tóku þátt í kosningunni um
Bókaverðlaun barnanna fá viðurkenningu.
Allir velkomnir!
H.C. ANDERSEN Í ÞRÍVÍDD
Borgarbókasafn, Tryggvagötu
Kl. 14
Nemendur á leikskólabraut KHÍ sýna
þrívíddarverk á safninu unnin út frá
ævintýrum H.C. Andersens undir
handleiðslu Svölu Jónsdóttur.
ÁRBÓK BÓKMENNTANNA
Bókaverslanir
Bókin Árbók bókmenntanna kemur út í tilefni af Viku bókarinnar 2005.
Þetta er bók með tilvitnunum fyrir hvern dag ársins. Textinn er sóttur í smiðju þeirra
höfunda sem fæddir eru viðeigandi dag. Njörður P. Njarðvík tók árbókina saman.
Hér er á ferðinni forvitnileg og fjölbreytt bók sem á eftir að vekja athygli.
Bókin kemur í bókaverslanir í dag og verður gefin viðskiptavinum sem kaupa bækur
fyrir 1500 kr. eða meira þessa viku.
Vika
bókarinnar
Mál og menning, Laugavegi 18
Mál og menning, Mjódd
Eymundsson, Kringlunni
Penninn Eymundsson, Hallarmúla
Penninn, Kringlunni
Penninn Eymundsson, Austurstræti
Penninn Eymundsson, Smáralind
Bókabúðin Grímsbæ
Bókabúðin Hlemmi
Bókafólkið, Síðumúla
Bóksala stúdenta
Iða, Lækjargata
Úlfarsfell, Hagamel
Bókabúðin Hamraborg, Kópavogi
Bókabúð Böðvars, Hafnarfirði
Penninn Eymundsson, Hafnarfirði
Penninn - Bókabúð Keflavíkur
Penninn - Bókabúð Andrésar, Akranesi
Verslunin Sjávarborg, Stykkishólmi
Hrannarbúðin, Grundarfirði
Penninn - Bókhlaðan, Ísafirði
Bókav. Bjarna Eiríkssonar, Bolungarvík
Eymundsson, Glerártorgi
Penninn Bókval, Akureyri
Bókabúð Jónasar, Akureyri
Bókaverslun Þórarins, Húsavík
Urð, Raufarhöfn
Bókab. Ara Bogas. & E. Sigurðss., Seyðisfirði
Bókabúðin Eskja, Eskifirði
Tónspil, Neskaupstað
Penninn - Bókabúð, Vestmannaeyjum
Eymundsson - Nóatún, Selfossi
Árbók bókmenntanna fæst gefins í eftirtöldum bókaverslunum: