Atuagagdliutit - 26.11.1986, Side 16

16
ATUAGAGDLIUTIT/GRØNLANDSPOSTEN
NR. 481986
Illoqarfik Heimaey qulaaniit taama isikkoqarpoq. Qeqertaq kissartoq qulangeraanni timmisartoq sajuppiluttoru-
jussuan ngortarpoq.
Byen på Heimaey som den tager sig udfra luften. Det giver en grim rystetur i flyvemaskinen, når den kommer ind
over den varme, vulkanske ø.
Innermik anitsisar-
tulimmi feriarneq
Nuummiit Reykjavikimut timmisartortitsisoqartalermat kangimut
sanilitsinnukarniarneq ajornanngitsuararsuanngorpoq — Hekla qeqertap qaaqqaasa
innermik anitsisartut tusaamasaanersaraat, Heimaey-ili innermik anitsinerpaasarpoq
Innermik anitsisartulimmi feriaru-
sukkaanni Island Grønlandsflyp Is-
land-imut timmisartortitsisalerne-
ratigut qanittuararsuanngorsima-
voq — tassanilu innermik anitsisar-
toqarfinnik takorannersorpassuar-
nik takusassaqarpoq. Piffissaq si-
visugisassaanngitsoq atorlugu Ka-
laallit Nunaanniit Island-iliarto-
qarsinnaalersimavoq, akialu aam-
ma ingasaginiaannagassaanngilaq.
Imariu eqqumiiginaraluartumik
Danmarksstrædimik atilik qulaate-
reeraanni paasisariaqartarpoq a-
rajunnanngilluinnartumut pisimai-
luni. Taaneqarsinnaasullu ilagaat
qeqertaq Heimaey qeqertani Vest-
mannaeyar-iniittoq, ungasissor-
suunngitsukkullu innermik anitsi-
viusimanini pissutigalugu suli ma-
lunnartorpassuaqartoq.
Islandimi qaqqat innermik anit-
sisartut tusaamaneqarnersaraat
Hekla. Taannalumi tassaavoq uki-
orpassuit ingerlaneranni ajoqusii-
nerpaasimasoq. Katuulli taanna u-
neriffimmut isaariaanerartarsima-
vaat, tamannarpiarlu pissutaagu-
narluni silarsuarmi tamarmi tusaa-
maneqalersimavoq.
Heimaey-ili tassaavoq suli a-
maartunik takuffigineqarsinnaa-
soq. Qanillillugu ikuallassaatisun-
ningaarami qangali narlanngu-
nannguarsi.
Reykjavikimullumi mikkaanni
Vestmannaeyar ornipallariaan-
naapput. Akissaqaranni qeqerta-
nut anorlerajuttumiittunut ingerla-
pallalaarneq ajornanngilaq.
Heimaey-imut uterlugulu timmi-
sartumut billetti islandimiut ani-
ngaasaannik 2.700-inik akeqarpoq
(qallunaat aningaasaasa 500-it mis-
singi) timmisartornerlu nalunaa-
quttap akunnera missiliorlugu sivi-
sussuseqartarpoq. Islandimiullu
aningaasaannik 500-inik akileeq-
qiinnarluni timmisartumik attar-
torluni qeqertamukartoqarsinnaa-
voq qeqertamilu busserluni angal-
lassiqarlunilu angalaartoqarsin-
naalluni.
Annaassiniarneq tupinnaannartoq
Heimaey-imi innermik anitsinerup
qeqertaq allatorluinnaq isikkoqa-
lersissimavaa. Pisimasut qeqertap
maannakkutut isikkoqalerneranik
kinguneqartut aallartipput 1973-
imi januarip 23-ianni unnuakkut,
aatsaalli majiulersoq innermik a-
nitsisoq noqqillaamilerpoq. Taa-
maalimmat illoqarfiup — Vest-
mannaeyar-ini kisiartaasup — af-
faa lava-mik innermillu anitsisup
arsaanit matuneqarsimavoq.
Illut ilarpassui ujaqqanit erfagi-
unneqarsimasinnarlutik nakkaasu-
nit putuneqartarsimapput. Nak-
kaasunillu aserorneqanngitsut ki-
ngusukkut ikuallannermit nungun-
neqarput.
Taamaalimmallu tupinnaannar-
luinnartumik annaassiniartoqaler-
poq. Umiarsuit timmisartullu ator-
lugit Heimaey-imiut tamarmik qi-
marngunneqarput. Annaassiniar-
nermilu ajutoornermik annertuu-
mik ataatsimilluunniit pisoqanngi-
laq.
Ilisimatuut, innermik anitsisar-
tunik ilisimasartuut annaassiniar-
tartullu silarsuarmit tamarmiit
Heimaey-imukaapput, tupinnaan-
nartumilli iliuuseqarnikkut lavap
ingerlaarnersua unitsinneqarpoq, i-
laatigut illoqarfiup umiarsualivia
kusanartoq suli aserunngikkaa-
luunniit.
Imaq nillertoq kubikmeterepas-
suit seqqartaatigalugu lava nillu-
sarneqartuarpoq. Kiisa lava unitsil-
lugu, inerneralu suli umiarsuali-
vimmi takuneqarsinnaavoq: Pin-
ngortitap nammineq umiarsualivi-
liarisimasaa kusanartoq lavap i-
nunnit akuleruffigineqaneratigut i-
luatsinneqarsimavoq umiarsuali-
vik suli pitsaanerulersilluguluun-
niit.
Aamat qulinnguanni
Heimaey-imi innermik anitsisartoq
qaqugu anitsileqqikkumaarnersoq
— taamaaliorumaarnersorluun-
niimmi — erseqqissumik oqaatigi-
neqarsinnaanngilaq. Taamaattu-
mik Vestmannaeyar-imukaraanni
innermik anutsisumik takunissaq
pilerisaarutigineqarsinnaanngilaq.
Qeqertamili angalaaraanni nalu-
nanngilluinnartarpoq atsinneru-
ngaatsiartumi nunap ilua aamaar-
tuinnarsuusoq. Heimaey-imi arsat
suli ima kissartigaat allaat inussat
mangulaaginnartariaqarlutik. Taa-
valu nusupallallugit, tassa taama
kissartigaat.
Heimaey-imiut kissarneq taman-
na iluaqutigaat. Imeq nillertoq nu-
nap iluanut pumpertarpaat, taava-
lu qaqeqqeriarlugu illuminnut kias-
saatigisarpaat, qeqertami illut ta-
marmik taamatut kiassagaapput.
Ilumummi pinngortitap nukingi-
nut qaneqaat, tupinnanngitsumilli
Heimaey-imi palasiusartut oqartar-
simapput namminneq palaseqati-
minnit tamanit akerartik, Ajortoq,
qaninnerpaagitsik.
Oqaatsit eqqumiitsut
Heimaey-ermiut oqaloqatigigaanni
paasisariaqarpoq ulorianarluin-
nartumi inuuffeqarnertik sungiu-
tiinnarsimagaat. Heimaey-imium-
mi tamarmik qeqertaminnut ute-
reersimalerput, tamarmillu ukiut
15-ingajaat matuma siornatigut qi-
marngunneqartariaqarsimanertik
pillugut quiasaarutigisartakkamin-
nik oqaluttuaqarput.
Oqaluttuarineqartartut ilagaat
Heimaey-imiut utoqqartaat qi-
marngunneqarlutik nunavimmut
pissunneqarmata oqaasii nunavim-
miunit paasineqarsinnaasiman-
ngitsut. Tassa oqaasii islandimiut
ulluinnarni atugaannit allaanerum-
mata.
Tupigusoruttulerlutik tamatu-
munnga suna pissutaanersoq paasi-
leriasaarpaat: Innermik anitsineq
aallartippoq unnuaannakkut inuit
tamarmik sinngutilereersut. Utoq-
qaallu anipallanniangaaramik ki-
gutaasannguatik imermut kinisi-
masatik puigorsimavaat. Kigute-
qannginnamillu oqaasii paasiumi-
naappallaarput.
Oqaluttuarlu ima nangippoq.
annaassiniartut kigutaasat kater-
sorsimavaat nunavimmukaallugil-
lu, tamaasa immikkut plastikposi-
nut poortorlugit. Taavalu kigutaa-
sat tamarmik puumut ataatsimut i-
kineqarput. Taamaattumik ooqat-
taarsisaqattaarujussuareerlutik
aatsaat Heimaey-imiut utoqqartaat
nerisinnaaqqilerput.
Umiarsuartoqarsinnaavoq
Ilumut Heimaey ornitassaqqivip-
poq. Oqareernittut timmisartumik
orninneqarsinnaavoq.
Aammali umiarsuartoqarsin-
naavoq, timmisartorumanngitsul-
lumi taamaaliortarunarput.
Heimaey suli kissartorujussuu-
voq, taamaattumillu qeqertap na-
laani silaannaq qummukaasorujus-
suuvoq. Timmisartuaqqamillu at-
tartorluni qeqertamukaraanni qu-
larisariaqanngilaq timmisartup qe-
qertaq qulangeruniuk aalasorujus-
suujumaartoq. Timmisartuaraka-
siillumi minniartillutik uleqattaa-
ngajattarpulluunniit, mittussaaga-
milli aamma mittarput.
Heimaey-imi timmissartut mit-
tarfiat sanningasutut iluseqartillu-
gu sananeqarsimavoq, tassa su-
minngaanniilluunniit anorleraluar-
pat atorneqarsinnaasunngorlugu.
Salloqittanngilassi: Timmisar-
torneq annilaangagigaanni anni-
laangaginngikkaannilu. Heimaey
takusagassaqqissorujussuuvoq.

Vestmannaeyar-it eqqaat aalisarfissarissuuvoq, Heimaey-ilu umiarsualivi-
gissuuvoq aalisariuterpassuaqartumik.
Fiskevandene omkring Vestmannaeyar er gode, og Heimaey har en god
havn med en stor fiskerflåde.
Sinerissat qutaarluusut naasoqanngitsut imarpimmut ataannartut. Tassa
Heimaey — Qeqertaq innermik anitsisoqarneratigut alliallassimaqisoq.
Barske og stejle kyster, der styrter sig lodret ned i A tlanten. Det er Heimaey
— Øen som blev væsentligt større efter vulkanudbruddet i 1973.