Atuagagdliutit - 06.05.1987, Blaðsíða 4

4
ATUAGAGDLIUTIT/GRØNLANDSPOSTEN
NR. 19 1987
Kalaallit Nunaanni namminer-
sortunngorsaasoqartariaqarpoq
Partiip nutaap soorlu aalisarnikkut, suliffeqarnikkut, assartuinikkut
illuliortiternikkullu suli annerusumik namminersortunngorsaasoqarnissaa
pingaartilluinnarpaa. Ilinniartitsineq pingaartilluinnartariaqarpoq imigassallu
tungaatigut piaarnerpaamik killilersuisoqalertariaqarpoq
Issittup partiia
Emanuel Johansen aamma Sara Schmidt Issittup-partiianit qinigassan-
ngortipput Qeqertarsuup tunuata qinersiviani.
Emanuel Johansen og Sara Schmidt stiller op for Issittuppartiia i Disko-
kredsen. (LIL-Foto).
Issittup-partiiata siulittaasua Nikolaj Heinrich: Nunatsinni politikkikkut
ingerlatsineq annertuumik allannguuteqartariaqarpoq.
Formanden for Issittup-partiia Nikolaj Heinrich: Grønlandspolitikken
trænger til en radikal ændring. (LIL-Foto).
Issittup partiiata Siumukkut naa-
iakkersuisuusut aningaasatigut a-
qutsinerat naammaginngilluinnar-
paat, isumaqaramik suut tamarmik
qitiusumiit aqunneqarpallaartut.
Aningaasatiguliu allatut ittumik i-
ngerlatsisoqalernissaa partiip piu-
masariniarpaa manna tunngaviga-
lugu: Kalaallit Nunaanni nammi-
nersortunngorsaanissaq.Partiillu
siunnersuutigaa ilaatigut aalisarne-
rup, suliffeqarnerup, assartuinerup
illuliortiternerullu tungaasigut suli
annerusumik nammisortunngor-
saasoqassasoq.
Partiip anguniagai sapaatip a-
kunnerani kingullermi Nuummi a-
taatsimeersuarnermi saqqummiun-
neqarmata namminersortunngor-
saanissaq tamatigut ersiutaavoq,
piffissarlu iluatsillugu partiip inat-
sisartunut qinigassanngortinniagai
saqqummiunneqarput.
Nioqqutissiorfiit puttasut
Kalaallit namminneerlutik aalisar-
neq piorsarsimavaat inuiaqatigiin-
nut aningaasatigut nammagassiis-
sutaanngitsumik, partiip siunertaa-
ni taamatut allassimasoqarpoq.
Maannali namminersornerullutik
oqartussat pinngitsaaliniarneqaler-
put, taamaaliornerup inuiaqati-
giinnut qanoq akisutiginissaa eq-
qarsaatiginagu.
Partii isumaqarpoq aalisakkat
tamarmik Kalaallit Nunaanni nioq-
qutissiarineqartariaqartut, ullu-
mikkut affaannarmik piareersa-
reernagit, piariivillugilli nioqqutis-
siarereerlugit. Kinguppanniarneq
eqqarsaatigissagaanni tulaassisar-
nissaq avaqqunneqarsinnaassan-
ngilaq. Tamanna aalisartut nammi-
nersortut isertitassaannut ikilisaa-
taasarpoq. Kinguppaammi nunami
suliffissuarni nioqqutissiarineqar-
simasut avataani uuterneqarsima-
sunut sanilliullutik affaannarmik i-
sertitsissutaasarput.
Umiatsiaararsorluni aalisarneq
Kalaallit Nunaanni inuutissarsiutit
artornarnerpaartaraat, taannali pi-
sortaniit tapiiffigineqarneq ajor-
poq. Issittup partiiata umiatsiaa-
rarsorlutik aalisartut atugaasa pit-
saanerulernissaat sulissutiginiar-
paa.
Isorliunerusut piorsaasivigine-
qartariaqavipput, angallatillu sulif-
fissuaasut tamakkunani amigaati-
gineqarput, taakkua sinerissami
peqarfiit angallavigalugit tunisas-
siortarsinnaammata.
Piniartuttaaq atugaasa ilaatigut
ammit iluaqutigineqarnerulerneri-
sigut pitsanngorsaavigineqarnis-
saat partiip sulissutiginiarpaa, pui-
sit amii ilaatigut pequsiornermi a-
torneqartarsinnaagaluarmata.
Suliffeqarfiit
akileraartussaatitaasut
Issittup partiiata paasisimavaa Ka-
laallit Nunaanni suliffeqarfiit 80
procentii tikillugit tassaasut pisor-
tat suliffiutaat. Imaappoq nammi
nersornerullutik oqartussat kom-
munillu akileraarutitigut isertitas-
saraluarminnik annaasaqartarput,
pisortat suliffiutaat akileraartinne-
qarneq ajormata. Tamanna allan-
ngortinneqarsinnaagaluarpoq su-
liffeqarfiit namminersortunit tigu-
neqarnerisigut, taamaaliornikkut
akileraartalissammata. GTO-p su-
liffiutai — nalunaarasuartaaserive-
qarfik kisiat pinnagu — namminer-
sortunit tiguneqarsinnaagaluarput.
Namminersortunngortinneqar-
sinnaapputtaaq sinerissami imar-
pikkullu assartuineq. KNI-p assar-
tuinnikkut kisermaassisussaatitaa-
nera inuiaqatigiinnut akisuallaa-
qaaq, partiip sulissutiginiarpaa
KNI-ip assartuinikkut kisermaas-
sissussaatitaanerata namminersor-
tunut suliassanngortinneqarnissaa,
taamalu assartuinerup unammille-
qatigiinnikkut ingerlanneqartaler-
nissaa.
Akileraarutitigut
iluanaarutit annerpaaffiat
Akileraarutitigut iluanaarutit ullu-
mikkut agguaqatigiissillugu 32 pct-
iupput, assartuinermulli aningaa-
sartuutit annertoorujussuit, pisi-
sartunullu akisusaqisut, ilanngullu-
git eqqarsaatigissagaanni, taava i-
luanaarutaasartut Danmarkimi ilu-
anaarutaasartunut sanilliullutik 50
pct-init ikinnerunngivipput.
Issittup partiia isumaqarpoq aki-
leraarutitigut iluanaarutaasartut
qaffasinnerpaaffissaminnut kille-
reersimasut. Allatut oqaatigalugu:
Assartuinermut akiliutaasartut ap-
partinngikkaanni akileraarutit qaf-
faqqinneqarsinnaanngillat.
Ilinniartitaaneq
Sulisussanik tikisitsisarneq nammi-
nersornerulernermiilli marloriaam-
mik annertussuseqalersimavoq,
naak Kalaallit Nunaanni suliffis-
saaleqineq annertoorujussuugalu-
artoq. Taamaattumik nunaqavis-
sut maani suliffissanut siulliusus-
saatitaasariaqarput. Anguniagaa-
voq Kalaallit Nunaat sulissusanik
imminut pilersulissasoq, taamaali-
ornissamullu aqqutissaasoq ilinni-
artitaaneq pingaartilluinnarneqar-
tariaqarpoq. Atuarfimmi meeqqat
namminneq oqaasii siullutillugit i-
linniartitsissutigineqartassapput,
atuarsinnaanngorlutillu allassin-
naanngoreeraangata aatsaat qallu-
naatut tuluttullu ilinniartinneqar-
talissapput.
Issittup partiiata pingaartilluin-
narpaa inuutissarsiutissanik ilinni-
artitsisarnerup pingaartumik Ka-
laallit Nunaanni ingerlanneqartar-
nissaa, ilinniartitsinerullu Danmar-
kimisulli pitsaatiginissaa.
Illoqarnermut politikki
Partii isumaqarpoq illussaaleqineq
ullumikkut Kalaallit Nunaanni a-
jornartorsiutit annersarigaat. Uki-
ut 30-40-it matuma siornatigut
namminneerlutik illuliorniartut
taarsigassarsisinnaagaluarput,
maannakkulli pigissaanerusut kisi-
mik aningaaserivinniit taarsigas-
sarsinermikkut illuliorsinnaaler-
put.
Partiip siunnersuutigaa kapitel
2-mik taaneqartartunik taarsigas-
sarsisoqarsinnaaqqilissasoq aam-
malu nammineerluni illuliorniar-
neq ajornarunnaarsitaassasoq.
Inuinnaat namminersortullu
kreditforening-iniit taarsigassarsil-
lutik uigulukuttunik ataatsimoor-
tukkuutaanilluunniit illuliorsin-
naalertariaqarput. Illussaaleqineq
millisarneqarsinnaavoq illutaarnis-
saq anguniarlugu pinngitsaaliissu-
taasumik sipaagaqartitaasalernik-
kut.
Imigassamik killilersuineq
Ajornartorsiut alla tassa imigassa-
mik atornerluineq. Aserorterineq
ukiumut inuiaqatigiinnut akisooru-
jussuusarpoq, tamatumunngalu
minnerunngitsumik imigassamik a-
tornerluineq pissutaaqataasarpoq.
Imigassamik atornerluinerup ki-
ngunerisa ilagisarpai aappariit avit-
torpassuit, toqutsinerit, ajunaarne-
rit, kinguaassiuutitigut nappaatipi-
luit minnerunngitsumillu ilinniak-
kanik taamaatitsiinnartarnerpas-
suit.
Atornerluineq millisarniarlugu
assigiinngitsunik qanoq iliuuseqar-
toqartarsimavoq, killilersuinerlu
kisimi aqqutissatuaagunarpoq.
Taamaattumik partiip anguniarni-
arpaa killilersuinerup sapinngisa-
mik piaartumik Kalaalllit Nunaan-
ni atuuteqqilernissaa.
Issittup partiiata paasillaqquaa
aammattaaq ikiaroornartut «atu-
gaajartuinnarnerat, nakkutilliine-
rullu annertunerulernissaa sulissu-
tiginiarpaa. Tamannalu pissaaq u-
miarsuailivinni, quersuarni, allak-
kerivinni timmisartullu mittarfiini
nakkutilliisunik atorfinitsitsiortor-
nikkut.
Isumaginninneq
Issittup partiia isumaqapoq inuit i-
sumagisariaqavissut suli annerusu-
mik isumagineqartariaqartut. Ani-
ngaasalli isumaginninnermut ator-
neqartussat tukkuutigineqartaria-
qanngillat. Sulisinnaasut nuannari-
sinnaasaannik suliffissarsineqarta-
riaqarput. Taamaattumillu suliffis-
sat kajuminnartuutinneqartaria-
qarput..
Timersornermut tapiissutaasar-
tut amerlineqartariaqarput. Taa-
matuttaaq pineqartariaqarput ilin-
niagaqartut inoquteqartut kattuf-
fiillu nunamut tamarmut atuuttut.
Partiip qinigassanngortitai
Majip 26-ianni inatsisartunut qi-
nersinissamut Issittup partiiata
makku qinigassanngortippai:
Tasiilap qinersiviani: Karl Miki-
ki, Sermiliagaaq, Tittus Abeisen,
Kulusuk, Rasmus Haraldsen, Isor-
toq, Vittus Mikaelsen, Isortoq.
Kujataani: Sakæus Eliassen, Na-
nortalik, Frederik Isaksen, Alluit-
sup-paa, Arne Ib Nielsen, Qaqor-
toq, Knud Bendtsen, Qaqortoq.
Qeqqani: Sven Poulsen, Maniit-
soq, Rebekke Olsvig, Nuuk, Kri-
stian Nielsen, Nuuk, Kaj Schmidt,
Nuuk, Nikolaj Heinrich, Nuuk.
Diskop qinersiviani: Jonas Up-
pernanngitsoq, Attu, Amassa Ol-
sen, Aasiaat, Emanuel Johansen,
Qasigiannguit, Marcus Thorleif-
sen, Ilulissat, Sara Schmidt, Ilulis-
sat.
Køb grænsepladebW
hos Bukkehave
en god og billig løsning
Vi har udarbejdet et lille skrift, i hvilket De kan læse alt om
regler for kørsel på grænseplader.
Vi kan også være Dem behjælpelig med senere omregistre-
ring.
Send nedenstående kupon og De vil høre fra os omgåen-
de.
Navn:_____________________________________________________
Ad resse:_________________________________________________
CHR. BUKKEHAVE & SØN
Lerchesvej 11, P.O. Box 140,5700 Svendborg
Turistudlejning gennem mere end 50 år
Telex 58164 Bueer DK
TH.: nationalt 09 2114 57 flere linier, internationalt: 45 9 2114 57