Atuagagdliutit - 13.02.1991, Blaðsíða 8

Initaarnissamut sipaagaqarneq
akileraarutitigut oqilisaassanik
Erniatigut akileraarusersugassaanngitsunik sipaagaqarsinnaalernikkut aammattaaq namminerisamik
illutaarnissaq ajornarunnaarpoq.
Tamatta namminerisatsinnik initaaru-
suttarpugut. Isumarput malillugu ini-
talersukkamik aaqqissuussinnaasat-
sinnillu - aallaqqaammulli - ilaquta-
riinni ataasiakkaat immikkut soquti-
gisaat pisariaqartitaallu malillugit.
Tamanna takorluuinerinnaasorisar-
parput soorlumi taama ajornartigisoq
kisimiivilluni Atlantikoq timmisartor-
suarmik qulaateriassallugu.
T aamaaginnarsinnaanngilarli.
Ukiut arlalialuit piareersarfigigaanni
namminerisamik illutaarnissaq ajor-
nanngilaq. Namminersornerullutik
Oqartussat aningaaseriviillu Kalaallit
Nunaanniittut aalajangersimapput
inuit namminerisaminnik illutaaru-
suttut ikiorniarlugit.
Inatsisartut aalajangersimapput
ilaatigut illutaarnissamut sipaagaqar-
neq immikkut ittunik atugassaqarti-
taasariaqartoq. Inuiaqatigiit soqutigi-
saraat sapinngisamik amerlasuut
nammineernerulernissaat, initaarnis-
samullu sipaagaqarniarneq akornuse-
rumanagu ernialiussaq præmierente-
mik taaneqartartoq immikkut ittoq
akileraaruteqartussaajunnaarsitaasi-
mavoq. Præmierente aningaaseriviit
ernialiuttakkap tunngaviusartup sani-
atigut ernialiuttassavaat, annertussu-
silerneqartartussaq naalakkersuisut
aningaaseriviillu ataatsimut isumaqa-
tigiinnerisigut, ullumikkullu taanna 3
procentiuvoq.
Illutaarnissamut sipaarniutigine-
qarsinnaapput ukiumut 50.000 kr.
angullugit. Erniat nalinginnaasut sa-
niagut ukiumut præmierente 4 pct.
ukiumi siullermi ernialiunneqassap-
put, ukiup aappaani 5 pct. ukiullu
pingajuanni 6 cpt. Tassalu præmie-
rente taanna - ukiut ilivitsut marluk
qaangiunnerini 6 procentinngortussaq
- akileraaruteqaataasassanngilaq.
Taamaalillutik erniat tamarmiusut 9
procentinngussapput.
Sanilliussassatut taaneqarsinnaavoq
bankimi nalinginnaasumik toqqorta-
qarneq procentip kuartiata 5,5 pro-
centillu akornanni ernialerneqartar-
mat, apeqqutaalluni qanoq sivisutigi-
sumik bankimiitinniarneqarnersut.
Piumasaqaatit naammaginartut
naapertorlugit sipaakkat, toqqortitat,
sumut atorneqarnissaat aalajangerii-
gaavoq:
1. Namminerisamik illuliornissamut.
2. Inissiamik attartornissami akileeq-
qaarutissatut imaluunniit siumoor-
tumik akiliutissatut.
3. Illugeriikkap pitsanngorsarnissaa-
nut imalt. allinissaanut.
4. Nutaamik initaarnermi/illutaar-
nermi qerititsivikkunnik taamaaq-
qataannillu, pequtinik natersuar-
nillu pisiniutissatut.
Aningaaseriviit oqaatigaattaaq ini-
taarniutissaminik aalajangersimasu-
mik toqqorterisoq illuliassami ani-
ngaasalersornissaanut taarsigassarsini-
assaguni ajornannginaarinerussasoq.
T amakku taarsigassarsisitsissutaasar-
put aningaaseriviit nalinginnaasumik
piumasaqaatigisartagaattut nalilerne-
qartarlutillu qinnuteqartup aningaa-
saqassusia toqqammavigalugu.
Initaarniutissanik sipaarsinnaaneq
akileraarusersugassaanngitsoq pillugu
aningaaseriviit tamarmik paasiniaaffi-
gineqarsinnaapput.
Ilaqutariit ukiuni arlalinni piareersarunik im-
maqa illutaarsinnaapput.
Hvis en familie forbereder sig over en del år,
ligger drømmen om eget hus indenfor mulighe-
dernes grænser.
LISBET LYAGER FOTO