Atuagagdliutit - 16.11.1992, Side 11

NR. 132 1992
ATUAGAGDLIUTIT/GRØNLANDSPOSTEN
11
Takorluuisinnaassuseqarpoq
Anda Poulsen ukioq manna atuakkiornermik unammisitsinermi ajugaasoq isumaqarpoq
takorluuisinnaassuseqassuseq uummaaritsittuassallugu pingaartuusoq
NUUK(LRH) - Ukioq man-
na atuakkiomermi qiiaam-
mernarsinaasunik unamm-
sitsinermi atuakkiaminik
»Tillinniaq« qulequtsiullu-
gu ajugaasoq Anda Poulsen
32-nik ukiulik ’60-ikkunni
anaanamini qatanngutinilu
sisamat Kangermi allisarsi-
mavoq. 1972-imi Anda 12-
inik ukioqarluni Nuummut
atuariartorluni pivoq. Uki-
oq ataaseq qaangiuttoq ila-
qutai aamma Nuummut
nuupput, Kangerlu 1974-
imi inuerutsinneqarluni.
- Seminariaskolimi mas-
sakkut Qorsussuarmik ate-
qalersumi atualerpunga,
aatsaallu atualersutut misi-
gilerlunga, pingaartumik
qallunaatoorneq kisitsiner-
lu eqqarsaatigalugit. Klassi-
lu uannit ukiumik ataatsi-
mik nukarliinnarnik atuar-
tulik iserfigaara, aallaqqaa-
taanilu assut tamanna taqi-
massutigalugu. Qujanartu-
milli klassimi tassani ajun-
ngivissunik ikinngutitaar-
punga, atuarnermalu sinne-
rani ajornartorsiutigiun-
naarlugu, Anda Poulsen
oqarpoq. Anda meeraalluni-
li taalliorniartalerlunilu
oqaluttuaaqqanik allattaler-
poq, amusartumut toqquin-
nartarsimasaminik.
Anda Poulsen meeqqat
atuarfianni inerami sanaar-
tornermut tunngasunik
ilinniagaqarniarluni aalaja-
ngerpoq, Sanaartomermul-
lu Ilinniarfimmi Sisimiu-
niittumi ilinniareerluni sa-
naartornermut tunngasu-
nik ukiuni arfinilinni sulia-
qarpoq. 1986-imi aalaja-
ngerpoq Perorsaasunngor-
niat Atuarfianni SPS-imi
atualemiarluni.
Meeqqanut atuagaq
- Perorsaasunngornialera-
ma ikinngutima ilaasa aq-
qusinniortuunermit nooria-
piloornera uparuartarpaat.
Kisianni uanga nammineq
taama isumaqanngilanga.
Ukiorpassuarni peqatigiif-
finni assigiinngitsuni suli-
sarsimavunga, inuillu allat
suleqatiginerat nuannaral-
lugulu ilinniagaqarfigilluar-
simavara. Tamatumunnga-
lu peqatigitillugu utoqqar-
nut meeqqanullu isigin-
naartitsinernik nipilersor-
nermillu aliikkusersuisar-
nerni peqataasarsimavu-
nga. Taamaattumik taman-
na uannut pissusissami-
soorluinnartutut misinn-
narpoq.
- SPS-imi atualerama isi-
ginnaartitsinermik soquti-
gisaqarneq ulluinnnarni
inuunninnut ilanngulluin-
narpoq, isiginnaartitsissu-
tissallumi nammineq allat-
talerlugit.
- Taalliorneq allanillu al-
lagaqartarneq uannut pi-
ngaaruteqaleraluttuinnar-
simavoq. Taallianik oqalut-
tualianillu titartagartaler-
sukkamik saqqummersitsi-
nissaaq aamma soqutigiler-
simavarput.
- Kisianni meeqanutt atu-
akkiara massakkut naam-
massissallugu pingaartinne-
ruara. Juullimut tunnga-
suuvoq, aatsaalli 1993-imi
94-imiluunniit saqqummer-
nissaa naatsorsuutigaara.
Anda Poulsen: - Eqqaamavara meeraagallarama natermiil-
lunga inersimasut atuakkanik imminnut atufTattaqattaar-
tut tusarnaartarlugit. Pingaartumik Robin Hood eqqaama-
vara - atuakkallu imaa takorloortarlugu. (Ass.: KnudJosef-
sen)
Anda Poulsen: - Jeg busker endnu, da jeg som barn lå på
gulvet og hørte de voksne læse bøger op forhinaden. Specielt
husker jeg Robin Hood - og hvor jeg fantaserede om forløbet.
(Foto: Knud Josefsen)
Anda Poulsen: - Uanga nammineq isiginnaartitsissusiortar-
punga, allammi allataat saqqummiukkuminaatsittarakkit.
Anngannguujunnguaq isiginnaartitsissutigissallugu pilerit-
saattaraluarpara, allalli uannit siulliullutik isiginnaartitsis-
su tigisareersimammassuk akunnattuungassutigisarlugu.
(Ass.: Knud Josefsen)
Anda Poulsen: - Jeg skriver teaterstykker, fordi jeg har så
svært ved at udtrykke, hvad andre har skrevet. En gang
imellem tænker jeg da på at opføre Anngannguujunnguaq,
men så blokeres jeg af, at andre har prøvet det før mig.
(Foto: Knud Josefsen)
Saqqummigaqarneq
Anda Poulsen Ole Korneli-
ussen peqatigalugu ukiut
tallimat matuma siornna
NAPA-p atuakkiortunik
unammisitsinerani peqataa-
voq. Taamani taakku mar-
luk atuakkiaat normu 2-
nngortinneqarput, Ole Kor-
neliussenip atuakkiaa »Se-
qinnersumi apisoq« Anda
Poulsenillu atuakkiaa
»Asanninnermik tunigiuk«.
- Oqalutttualiorluni
unammisitsinerni peqataa-
sarsimavunga, sulili nam-
mineq atuakkiannik saq-
qummersitsisimananga.
Meeqqanulli atuakkiamut
Julius Flylu massakkut suli-
atsinnut atatillugu aningaa-
saateqarfmnit assigiinngit-
sunit tapiiffigineqarnissar-
put anguniarlugu annertuu-
mik suliniuteqarsimavugut.
Kisianni suk ilutsitsisi-
mannngilagut. Ukiut mar-
luk kingulliit ingerlanerini
qinnuteqaatigisarsimasagut
tamarmik itigartinneqar-
tarsimapput.
- Kisianni tamanna unis-
sutiginianngilarput. Atua-
gaq ingerlateqqissavarput,
ullummi ilaanni aningaa-
saatiHit takutikkusuppagut
suliarput pimoorukkipput,
pitsaasumillu angusaqar-
sinnaalluta
- Utaqqineq nuannarisa-
rinngilara, taamaattumillu
uggorissavara atugaq ukiut
pingasut ingerlanerini aat-
saat naqinneqassappat, taa-
maattumilluuna aningaa-
saateqarfmnut qinnuteqar-
tartugut, neriukkattami ta-
maaliornitsigut atuagaq
ineriarpat naqitertissin-
naassallugu, Anda Poulsen
oqarpoq. Andap Liljan nivi-
arsiaqqallu Amannguaq qu-
linik ukiulik Pilunnguarlu
arfmilinnik ukiulik inooqa-
tigai.
Takorluuisinnaassu-
seq
Anda Poulsenip sunngilTmi
ilaquttaminut, allannermut
isiginnaartitsinnermullu
atortarpaa.
- Sapaatip akunneranut
ataasiarlunga USK-imi su-
ngiusarnissamut periarfls-
saqar tar punga. Isiginnaar-
titsissut kisimiivillunga pia-
reersarpara. Ilaanneeriarlu-
ngali meeqqat peqatigalugit
isiginnaartitsisarpunga, pi-
ngaartumik Arnannguaq
isiginnaartitseqatigisarlu-
gu.
- Uanga nammineq isigin-
naartitsissusiortarpunga,
allammi allataat saqqummi-
ukkuminaatsittarakkit.
Anngannguujunnguaq isi-
ginnaartitsissutigissallugu
pileritsaattaraluarpara, al-
lalli uannit siulliullutik isi-
ginnaartitsissutigisareersi-
mammassuk akunnattuu-
ngassutigisarlugu. Taa-
maattumik uanga nammi-
neq isiginnaartitsissusiakka
allakkumanerusarpakka.
Tassani annertuumik tak-
orluuisinnaassuseqarnera
pissutaagunarpoq. Isuma-
qarpungami takorluuisin-
naassuseqameq pingaar-
tuusoq.
- Ilaanneeriarlunga nu-
karleq sinnattunnik oqalut-
tuuttarpara, takorluuisin-
naassuseralu atorlugu oqa-
luttualiarisarlugu. Taavalu
sinnattuminik oqaluttuut-
tarpaanga takorluuisinn-
naassutsi atorlugu oqalut-
tualiarisaminik. Takorluui-
sinnaassuseq pitsanngor-
sassallugu pitsaaquteqartoq
isumaqarpunga.
- Meeqqalli atuakkanik
atuuffattarnissaat aamma
pingaartuuvoq. Taamaalil-
luttik tusakkatik takorluui-
sinnaassusertik atorlugu
ilusilersorsinnaavaat. Eq-
qaamavara meeraagallara-
ma natermiillunga inersi-
masut atuakkanik immin-
nut atuffattaqattaartut tu-
sarnaartarlugit. Pingaartu-
mik Robin Hood eqqaama-
vara. Atuakkap imaa takor-
loortarpara. Atuffassisunik
tusarnaarluni natermi sini-
leriartuaarluni qanoq nuan-
nertigisartoq suli eqqaama-
vara
Qularinngivipparalu
atuakkiortarlerninni ta-
manna iluaqutigisimallugu,
Anda Poulsen oqarpoq.
Anda poulsen ullumikkut
Innuusuttut Inaanni
Nuummiittumi sulifleqar-
poq.
Anda Poulsen massakkut meeqqanut attuakkiorpoq juulli-
mut tunngassuteqartumik. JuUus Fly atuakkap assiliartaa-
nik titartaasussaq suleqatigaa. (Ass.: Knnud Josefsen)
Anda Poulsen er i øjeblikket igang med at skrive en børne-
bog, som handler om jul. Det gør han i samarbejde med
Julius Fly, som skal illustrere bogen. (Foto: Knud Josefsen)