Fréttablaðið - 13.07.2005, Blaðsíða 19
3MIÐVIKUDAGUR 13. júlí 2005
Ekki bara fyrir fjallakindur
Útilífveran er útivistarhátíð
fyrir alla sem haldin er á Ísa-
firði um næstu helgi. Dag-
skráin er afar fjölbreytt.
Svifdrekaflug, háskagrill, fjalla-
hjólakeppni, golf og hundaþrauta-
keppni. Allir útivistaráhugamenn
ættu að geta fundið eitthvað við
sitt hæfi á Útilífverunni sem hald-
in verður á Ísafirði um helgina.
„Við erum búin að setja upp
fjölbreytta dagskrá þar sem er
fléttað saman ferðum, námskeið-
um og keppni í hinum ýmsu grein-
um útivistar,“ segir Rúnar Óli
Karlsson sem er í undirbúnings-
hópi fyrir Útiveruna.
Jaðarsportunnendur geta svo
sannarlega fundið eitthvað við sitt
hæfi á hátíðinni. „Við erum með
námskeið í nýrri íþrótt sem heitir
Kite surfing og við erum með
fjallamaraþon,“ segir Rúnar. „Svo
ætlum við að vera með svokallað
háskagrill þar sem farið er á hina
furðulegustu staði að grilla. Því
hærra og hættulegra, þeim mun
betra. Fólk pakkar niður
skyndigrillinu og nokkrum kóti-
lettum og fer í smá göngutúr upp
á Þjófaskörð.“
Rúnar leggur þó áherslu á að
margt sé að finna á Útilífverunni
annað en jaðarsport og allir ættu
svo sannarlega að finna eitthvað við
sitt hæfi. „Við erum meira að segja
með keppni fyrir hundana þannig
fólk getur tekið þá með sér.“
Frekari upplýsingar um dag-
skrá Útilífverunnar, gististaði og
fleira er að finna á heimasíðunni
www.utilifveran.is. ■
Kajakasigling er í boði á Útilífverunni á Ísafirði.
Hundaþrautir, háska-
grill og fjallamaraþon
M
YN
D
/H
AL
LD
Ó
R
SV
EI
N
B
JÖ
R
N
SS
O
N
Vefurinn Ganga.is geymir
upplýsingar um gönguleiðir
um allt landið og getur hver
leitað að leið við sitt hæfi.
Nú er ekki lengur nauðsynlegt
að þekkja staðhætti til að geta
skellt sér í göngu hvar sem er á
landinu. Á vefnum Ganga.is er
að finna aðgengileg göngukort
fyrir hvern sem er þar sem
áhugafólk jafnt og reyndar
fjallakindur geta valið sér
gönguleið við hæfi.
Mjög hentugt er að skoða
vefinn áður en lagt er í ferðalag
í því skyni að kanna hvaða
gönguleiðir eru í boði. Leiðun-
um er raðað eftir landshlutum
og allt sem þarf að gera er að
smella á landshlutann sem á að
heimsækja. Þegar búið er að
velja lengd göngu birtast upp-
hafsstaðir ganganna á kortinu
og fást frekari upplýsingar með
því að smella á þá, til dæmis
hvort hún sé merkt og hvar sé
hægt að nálgast enn frekari
upplýsingar.
Á vefnum er einnig að finna
góðar upplýsingar um það sem
huga þarf að áður en lagt er í
göngu. Þar má finna umgengnis-
reglur, ábendingar um búnað og
upplýsingar um skipulagðar
gönguferðir.
Ganga.is er samstarfsverk-
efni Ferðamálaráðs Íslands,
Ungmennafélags Íslands og
Landmælinga Íslands og hefur
tekist að safna yfir átta hundruð
gönguleiðum. Fólki er einnig
bent á að ef það situr á góðri
gönguleið er um að gera að
leyfa fleirum að njóta og senda
upplýsingar um hana til for-
svarsmanna vefsins. ■
Göngugarpur á Fimmvörðuhálsi.
Stóru tíðindin koma úr Elliðaánum þessa vikuna þar
sem rigningar síðustu helgi opnuðu greiða leið fyrir
laxinn að ganga upp af fullum krafti – tvöfalt fleiri
laxar komnir upp í árnar nú en á sama tíma í fyrra.
Heildartalan er þá komin vel yfir þúsund laxa, sem
þýðir að árnar bæta sig umtalsvert frá því sögulega
lágmarki sem þær hafa verið í undanfarin ár. Kvóti er
fjórir laxar á vakt í ánum, en engin ástæða er til að
hvika frá þeirri ráðleggingu til veiðimanna að hlífa
fiskinum með því að sleppa sem mestu, ánum veitir
ekki af góðri hrygninu í ár!
Nú fara í hönd bestu laxveiðidagarnir á suður- og
vesturhorninu. Eystri Rangá hrökk í gang í kringum
síðustu helgi þegar ein vakt tók 26 laxa og heildar-
veiðin komin yfir meðaltal á þessum tíma og lax að
ganga um alla á. Og loksins teknar að berast afla-
fréttir af Grímsá. Þegar horft er yfir heildina stefnir í
mjög góðar smálaxagöngur í ár eins og í fyrra og lík-
lega verður veiðin vel yfir meðallagi þegar allt er
talið. Hins vegar veit maður ekki enn með einstakar
ár norðanlands og austan, þar sem allt er seinna til
að venju. Þá eru menn sem stunda sjóbleikjuna farn-
ir að skima eftir fréttum af þeim fiski á Norður- og
Austurlandi. Á meðan fara silungsveiðimenn víða um.
Arnarvatnsheiðin hefur verið góð, Þingvallavatn alltaf
spennandi og sumir mjög ánægðir með sumarið þar.
Svo má ekki gleyma smálækjum og sprænum. Við
fréttum af einum sem fór í hliðará Brúarár, „skreið
með bökkum“ og lét litlar púpur detta fyrir vænar
bleikjur. Þær tóku, en voru svo styggar að flugan varð
helst að lenda á undan línunni og beint upp í þær til
að takan fengist! Urriðasvæðið í Laxá er enn að gefa
veiði á öllum svæðum. Fluga vikunnar er Pheasant
tail númer sextán fyrir silung. Með kúluhaus eða án.
Norðurá er greinilega full af fiski og fórum við tveir
félagar á efra svæðið (Norðurá 2) fyrir nokkrum dög-
um. Við vorum fullir tilhlökkunar með gárautúpur og
örflugur númer sextán til að veiða eins og maður
gerir þarna upp frá, nett og pent. En þá brá svo við
að áin hljóp í vatnavexti og varð mórauð eins og Jök-
ulsá á Fjöllum og við áttum engin svör nema standa í
VEIÐISUMARIÐ með Stefáni Jóni Hafstein
VEIÐIFRÉTTIR Í SAMSTARFI VIÐ FLUGUR.IS
Nú er líf og fjör!
beljandi jökulmorgi í hífandi roki og láta túpur detta fyrir fisk-
inn. Náðum þremur á stöngina samt! Gaman var að sjá allan
fiskinn og Gunnar veiðivörður sýndi mér útskrift af teljarnum í
Glanna: Nóttina fimmta júlí fóru 450 laxar upp um teljarann!
En Norðurá var enn þá skoluð og bólgin í gær þegar ég ók
Borgarfjörðinn.
Heilræði vikunnar er einfalt: Njótið þess að snæða bráðina! Á
flugur.is er fjöldi uppskrifta og til dæmis kennt að sjóða lax
eins og Rúnar Marvinsson segir að sé rétt! Og steikja silung
eins og gert var í Aðalvík á Ströndum eða borða bleikjuna hráa
eins og í Japan! Hluti af veiðiánægjunni er að fara vel með afla,
kæla fiskinn fljótt, gera að og elda ofan í mannskapinn. Hafið
frauðplastkassa í skottinu og frysta kælipoka í honum, fiskurinn
geymist jafnvel nokkra daga ef vel er farið með án þess að vera
frystur. Gera verður að silungi fljótt eftir að hann er veiddur, því
ætið í honum skemmir frá sér nánast um leið. Góða skemmtun!
Fleiri veiðifréttir daglega og heilræði við veiðar á
www.flugur.is; Flugufréttir koma alla föstudaga í
tölvupósti til áskrifenda á flugur.is með ítarlega
umfjöllun um allt sem varðar veiðiskap í sumar.
Bestu laxveiðidagarnir fara í hönd á suðvesturhorninu.
18-19 (2-3) Allt ferðir 12.7.2005 18:57 Page 3