Fréttablaðið - 30.10.2005, Blaðsíða 22

Óánægja í starfi getur orsakast af of lágum launum. Ræðið frekar
um launahækkun við yfirmenn heldur en að láta óánægjuna eyðileggja
vinnugleðina.[ ]
Í tilefni evrópsku vinnuvernd-
arvikunnar veitti Vinnueftir-
litið fimm fyrirtækjum viður-
kenningar fyrir gott starf og
góðar lausnir sem miðuðu að
því að draga úr hávaða og
bæta hljóðvist.
Mörg fyrirtæki leggja upp úr því
að fyrirbyggja hávaða strax á
hönnunarstigi og eins við að
bregðast við hávaða þar sem
hann er til staðar. Oft eiga starfs-
menn það til að sætta sig við há-
vaðann og gleyma því að þeir
hafa rétt á góðu umhverfi. Vinnu-
eftirlitinu fannst full ástæða til
að vekja launafólk og fyrirtæki
til umhugsunar um hávaða á
vinnustöðum og í umhverfi.
Vinnueftirlitið veitti fimm
fyrirtækjum viðurkenningar til
að vekja athygli á því hvernig
fyrirtæki geta beitt sér til þess
að skapa starfsfólki sínu þægi-
legra vinnuumhverfi og betri
hljóðvist. Þessi fyrirtæki hafa
gert sér ljóst að há-
vaðavarnir skila sér í
ánægðara starfsfólki
sem aftur skilar sér í
betri starfsanda,
heilsu og framlegð.
Fyrirtækin fimm
sem hlutu viðurkenn-
ingar eru eftirfarandi:
B i f r e i ð a v e r k s t æ ð i
Bernhards ehf. fyrir
að bæta hljóðvist
verulega á bifreiða-
verkstæði þar sem hávaði hafði
verið vandamál. Á verkstæðinu
var dregið úr ómtíma með því að
hengja hljóðísogsefni í loft. Hita-
veita Suðurnesja fékk verðlaun
fyrir að vinna markvisst að því
að dempa hávaða í orkuverum og
fyrirbyggjandi ráðstafanir á
hönnunarstigi við uppbyggingu
nýrri orkuvera. Leikskólinn
Glaðheimar hlaut viðurkenningu
fyrir að virkja starfsfólk og börn
á þann hátt að allir starfshættir
taki mið af því að draga úr há-
vaða. Starfsfólk leikskólans hef-
ur tekið virkan þátt í
því að leita lausna
sem markvisst hefur
verið hrint í fram-
kvæmd. Lundarskóli
fékk viðurkenningu
fyrir að bæta hljóð-
vist í kennslustofum
með því að setja upp
hljóðkerfi. Röddin er
vinnutæki kennarans
og er undir miklu
álagi við hefðbundnar
aðstæður við kennslu. Þessar úr-
bætur hafa skilað sér í minnkuðu
álagi á raddfærin og auknum
skilningi nemenda á því sem
sagt er og hljóðlátari kennslu-
stofum.
Orkuveita Reykjavíkur fékk við-
urkenningu fyrir að gera sér-
stakar ráðstafanir til að hávaði
yrði ekki truflandi þáttur í opn-
um skrifstofurýmum. Unnið hef-
ur verið markvisst að því að gera
hljóðvistina sem besta og
tryggja starfsmönnum gott
starfsumhverfi. ■
Vi›urkenningar í tilefni
vinnuverndarviku
Námskei› á vegum VR
Verzlunarmannafélag
Reykjavíkur stendur fyrir
áhugaverðum og gagnlegum
námskeiðum allan ársins
hring.
Um miðjan október og í nóv-
ember verða kennd námskeið
undir yfirskriftinni á vegum VR
um hvernig á að semja um laun
og önnur starfskjör við vinnu-
veitendur. Á námskeiðunum
verður kynnt samningatækni
um laun, farið yfir atriði sem
snúa að undirbúningi fyrir
launaviðtal, ýmsa samningsfleti
og aðferðir, uppbyggingu
frammistöðumats- og umbunar-
kerfa. Einnig verður farið í
hvaða þættir hafa áhrif á laun
og hvernig störf eru metin.
Námskeiðinu er ætlað til undir-
búnings fyrir félagsmenn VR
sem, samkvæmt kjarasamning-
um, eiga rétt á árlegu viðtali við
vinnuveitendur um laun og
starfskjör. ■
Íslenskir aðilar hafa kost á
samvinnu við Evrópulönd á
sviði nýsköpunar og rann-
sókna.
Aðilar sem vinna að rannsóknar-
og þróunarverkefnum þekkja
nauðsyn þess að hagnýta rann-
sóknarniðurstöðurnar sem best.
Margir leita í þeim tilgangi út
fyrir landsteinana og getur sam-
vinna við önnur lönd gefið aukna
vídd í rannsóknar- og þróunar-
ferlinu. Rannsakendur eru því
minntir á að Impra nýsköpunar-
miðstöð aðstoðar íslensk fyrir-
tæki, stofnanir og háskóla við að
komast í samstarf við evrópska
aðila á sviði rannsókna, þróunar
og nýsköpunar. Impra er aðili að
IRC netverkinu og getur í gegn-
um það komið íslenskum aðilum á
framfæri við yfir þriðja tug landa
í Evrópu. Síðustu ár eru íslensk
fyrirtæki farin að nýta sér þessa
þjónustu. ■
Góð þátttaka kvenna í kröfu-
göngu og hátíðahöldum á
kvennafrídaginn 24. október
sýnir að flestir atvinnurek-
endur eru tilbúnir til að
leggja sitt af mörkum til
jafnréttis kynjanna á
vinnumarkaði.
Athygli vekur þó að nokkur fyrir-
tæki tóku illa í þá ósk starfs-
manna að leggja niður störf hluta
úr degi til að þeir gætu sýnt hug
sinn í verki. Þetta kemur fram á
heimasíðu Verzlunarmannafélags
Reykjavíkur. Hjá VR er kunnugt
um að nokkur fyrirtæki hafi hafn-
að ósk starfsmanna um að fá að
taka þátt í kröfugöngunni eða til-
kynnt að dregið yrði af launum
starfsmanna sem legðu niður
störf á kvennafrídaginn þann
tíma sem þeir væru fjarverandi.
Á heimasíðunni lýsa aðstandend-
ur VR vonbrigðum sínum með
þau fyrirtæki sem ekki gáfu
starfsfólki sínu frí til að taka þátt
í kröfugöngu þar sem barist var
fyrir sjálfsögðum mannréttind-
um og jafnrétti kynjanna.
VR vill enn fremur hvetja fyrir-
tæki til að draga ekki laun af
starfsfólki sem tók þátt í kvenna-
frídeginum. Félagsmenn VR sem
tóku þátt í deginum og fá ekki laun
greidd þess vegna eru hvattir til að
láta VR vita svo að félagið geti
metið umfang þess og fái að vita
um hvaða fyrirtæki er að ræða. ■
Dregi› af launum
vegna kvennafrídags
Fjögurhundru› og tvö störf á Rey›arfir›i
Ráðningarfyrirtækið IMG
Mannafl-Liðsauki hefur
samið við Alcoa Fjarðarál um
að það sjái um ráðningu allra
starfsmanna álversins á
Reyðarfirði.
Talið er að álverið muni skapa um
það bil fjögurhundruð ný störf og
mun IMG Mannafl-Liðsauki opna
útibú á Reyðarfirði til þess að
auðvelda mannaráðningar. „Núna
erum við að fara að auglýsa eftir
verkfræðingum og í framhaldi af
því förum við að auglýsa eftir
mönnum í framleiðslustörf. Svo
vantar verkefnisstjóra sem þurfa
að vera með iðnmenntun og góða
tölvukunnáttu. Við þurfum líka
fólk í notendaþjónustu og þar sem
krafist er stúdentsprófs auk þess
sem þörf verður fyrir mikið af
iðnaðarmönnum,“ segir Sigurlaug
Þorsteinsdóttir hjá IMG Mann-
afli-Liðsauka.
Sigurlaug segir að eins og er
séu þau bara að ráða einn og einn
en reyndar nokkuð þétt. „Það er
verið að manna alla stjórnunina,
svo förum við að taka einhverja
inn í framleiðslustörfin sem yrðu
væntanlega einhverskonar leið-
togar þegar framleiðslan færi í
gang. Þegar líður á næsta ár fer
þeim fjölgandi en framleiðslan á
að hefjast vorið 2007 og þá verður
búið að ráða þessa fjögurhundruð
sem talað er um að ráða,“ segir
hún. Sigurlaug segir að við val á
umsækjendum verði hæfni látin
ráða og Austfirðingar gangi ekki
fyrir öðrum umsækjendum. Hún
býst þó við því að hægt verði að
manna flestar stöðurnar án þess
að flytja þurfi inn vinnuafl. „Það
er orðið ljóst nú þegar að ein-
hverjir af þeim sem hafa unnið
við byggingu álversins munu
sækja um vinnu í því,“ segir hún.
Útibú IMG Mannafls-Liðsauka
á Reyðarfirði mun opna fljótlega
og við það skapast tvö ný störf því
að ráðningarfyrirtækið er að aug-
lýsa eftir tveimur starfsmönnum
fyrir austan í útibúið. ■
Vinnueftirlitið veitti fimm fyrirtækjum viðurkenningu fyrir að draga úr hljóðmengun í vinnurýmum.
Sigurlaug Þorsteinsdóttir hjá IMG Mannafli-Liðsauka. FRÉTTABLAÐIÐ/HARI
Rannsóknir og n‡sköpun