Fréttablaðið - 23.02.2006, Side 6
6 23. febrúar 2006 FIMMTUDAGUR
MESTA NÁMSFRAMBOÐ LANDSINS
26. FEBRÚAR
NÁMSKYNNING Í HÁSKÓLA ÍSLANDS
www.hi.is
VINNUMARKAÐUR Starfsmannavelt-
an er gríðarleg og aldrei hefur
verið jafn erfitt að fá fólk í þjón-
ustugeiranum, að mati Jósefs
Kristjánssonar, eiganda Bónstöðv-
arinnar Hjá Jobba. Þetta á einkum
við um störf þar sem launin eru
hvað lægst.
Jósef hefur sjö til átta menn í
vinnu en hefur átt erfitt með að
manna þau störf síðustu fimm ár.
Hann segir að starfsmannaveltan
hjá sér hafi verið tæplega 30 í
fyrra. Hann hefur starfað sjálf-
stætt frá 1985.
„Áður fyrr réð maður Íslend-
inga í vinnu og þeir mættu á
morgnana á réttum tíma, veikindi
voru fátíð og þeir voru mánuð
eftir mánuð og jafnvel ár eftir ár í
starfi,“ segir Jósef.
Síðustu fimm árin hafa nýtileg-
ir menn varla fengist til starfa.
Jósef segir að þeir sem fáist kunni
yfirleitt ekki á klukku og eigi erf-
itt með að mæta á réttum tíma á
morgnana. Veikindi séu tíð og
þeim finnist ekkert að því.
„Þeir skila kannski 50-60 pró-
senta vinnu og skilja svo ekki neitt
í neinu ef það er dregið af launun-
um þeirra. Þeir hóta bara að klaga
mann fyrir verkalýðsfélaginu,“
segir hann.
Jósef bendir líka á að Íslend-
ingar séu hættir að segja upp
störfum þegar þeir hætti. „Annað
hvort hætta þeir að mæta eða til-
kynna veikindi og sjást ekki meir.
Svo situr maður og bíður. Þegar
vika er liðin þá er maður farinn að
átta sig en á meðan eru hendurnar
bundnar og maður getur lítið
gert.“
Jósef hefur fengið starfsmenn
að utan og kveðst þá hafa áttað sig
á því hvað vinnusiðferði sé og að
afköst séu léleg hér á landi. „Það
er ekki af því að Íslendingar séu
latir til vinnu. Þeir eru bara ekki í
vinnunni. Ef maður hefur tíu
manns í vinnu eru bara níu við
störf hverju sinni. Þess vegna leita
fyrirtækin út fyrir landsteinana,“
segir hann.
Jósef ætlar að auglýsa eftir
starfskrafti í Lettlandi á næst-
unni. Hann segir að það borgi sig
margfalt. Sú staða sé hins vegar
komin upp að erfiðara sé að fá
menn frá Eystrasaltslöndunum en
fyrir ári síðan.
„Það hefur spurst til þessara
landa hveru illa mörg íslensk
fyrirtæki hafi farið með þessa
menn. Þeir koma hingað til að
vinna fyrir fjölskyldum sínum og
svo sjáum við sóma okkar í því að
ræna þetta fólk sem á minna en
við með því að borga því undir
samningum,“ segir hann.
ghs@frettabladid.is
Nýtilegir menn fást
tæpast til starfa
Aldrei hefur verið jafn erfitt að fá fólk í vinnu og síðustu fimm árin. Afköst og
vinnusiðferði hefur versnað til muna. Enginn segir upp, menn láta sig hverfa.
VINNUSIÐFERÐI OG AFKÖSTUM HEFUR HRAKAÐ Jósef Kristjánsson, eigandi Bónstöðvarinnar Hjá Jobba, segir að vinnusiðferði og afköstum
Íslendinga hafi hrakað bagalega og ætlar að auglýsa eftir starfskrafti í Lettlandi. Hann segir erfiðara að fá fólk þaðan en áður vegna þess
hve illa mörg íslensk fyrirtæki hafi farið með starfsmenn frá Eystrasaltslöndunum. FRÉTTABLAÐIÐ/VILHELM
KÓPAVOGUR Gunnar I. Birgisson,
bæjarstjóri í Kópavogi, tekur á
föstudaginn skófl-
ustungu að 20
hæða skrifstofu-
byggingu á suð-
vesturhluta lóðar
Smáratorgs í
Kópavogi. Bygg-
ingin verður
hæsta hús á
Íslandi eða tæpir
78 metrar á hæð
en Hallgríms-
kirkjuturn er um
74 metrar.
Þá er Smára-
torg að fara að
byggja tæplega
40 þúsund fer-
metra verslunarhús við Vestur-
landsveg. Framkvæmdirnar hefj-
ast í mars. Smáratorg hefur
einnig fest kaup á lóðum á Sel-
fossi og í Reykjanesbæ og ætlar
að byggja um 20 þúsund fermetra
verslunarmiðstöðvar á hvorum
stað. - ghs
Skóflustunga við Smáratorg:
Hæsta hús á
Íslandi til þessa
GUNNAR I.
BIRGISSON
Bæjarstjórinn í
Kópavogi, Gunnar
I. Birgisson, tekur
skóflustungu að
hæsta húsi á
Íslandi á morgun.
FILIPPSEYJAR, AP Í gær var reynt að
nota stórtækar vinnuvélar við
uppgröft í aurnum sem þurrkaði
út bæinn Guinsaugon á Filippseyj-
um á föstudag, en öll von um að
fleiri fyndust á lífi var svo gott
sem úti.
Á mánudag heyrðust hljóð ber-
ast frá stað þar sem talið var að
barnaskóli bæjarins hefði staðið
og hafist var handa við að grafa
þar, en afar erfitt reyndist að eiga
við 35 metra þykkan aurinn. Lík-
legt þykir að hljóðin hafi stafað af
því að gljúp leðjan var að setjast.
Að sögn yfirvalda hafa 107 fundist
látnir og um 1.000 manns er sakn-
að. - smk
Enn leitað í aurskriðu:
Ólíklegt að
fleiri finnist
LEITARFLOKKAR Leitaraðstaða er afar slæm
á Filippseyjum þar sem aurskriða þurrkaði
út þorp á föstudag. FRÉTTABLAÐIÐ/AP
HEILBRIGÐISMÁL Heimili fyrir heila-
bilaða hefur verið tekið í notkun í
Hafnarfirði. Það verður rekið
fyrir framlag á fjárlögum.
Það er Félag áhugafólks og
aðstandenda Alzheimerssjúklinga
og annarra skyldra sjúkdóma sem
rekur heimilið. Þar er dagvistar-
rými fyrir tuttugu heilabilaða,
með heimild heilbrigðis- og trygg-
ingamálaráðherra, Jóns Kristjáns-
sonar.
Félagið leigir húsnæðið Drafn-
arhús í Hafnarfirði, undir starf-
semina, en gert er ráð fyrir 41
milljónar króna framlags af fjár-
lögum ársins til rekstursins. - jss
Hafnarfjörður:
Heimili fyrir
heilabilaða
SAMGÖNGUMÁL Bæjarstjórn Stykk-
ishólms skorar á Vegagerðina að
endurgera Stykkishólmsveg þar
sem vegurinn sé beinlínis hættu-
legur og standi atvinnulífi í
bænum fyrir þrifum.
Um afleggjara frá Skógar-
strönd að Stykkishólmi er að ræða
og eru þungatakmarkanir algeng-
ar á þessum vegarkafla, sem
hefur slæm áhrif á atvinnulífið
vegna stóraukinna þungaflutn-
inga til og frá bænum. - aöe
Bæjarstjórn Stykkishólms:
Vill láta laga
hættulegan veg
DANMÖRK, AP Anders Fogh
Rasmussen, forsætisráðherra Dan-
merkur, sagði á þriðjudag að dönsk
stjórnvöld hefðu „gripið til allra
nauðsynlegra ráðstafana“ til að
vernda teiknarana sem gerðu teikn-
ingarnar umdeildu af Múhameð.
Fogh varði jafnframt hvernig ríkis-
stjórn hans hefði brugðist við fárinu
sem málið hefur valdið.
Fogh Rasmussen sagðist
harma að múslimar um allan heim
hefðu móðgast vegna teikning-
anna tólf, sem fyrst birtust í Jót-
landspóstinum í september, en
ítrekaði að ekki væri hægt að gera
ríkisstjórnina ábyrga fyrir því
sem frjálsir fjölmiðlar gerðu. ■
Múhameðsteikningamálið:
Teiknararnir
njóta verndar
ÍRAK, AP Ókunnir árásarmenn í
lögreglubúningum sprengdu í
gærmorgun tvær sprengjur í
einni frægustu sjíamosku
Íraks, Askariya í Samarra-
borg. Skemmdist gullslegið
hvolfþak moskunnar mikið í
árásinni.
Þótt enginn hafi lýst yfir
ábyrgð á árásinni töldu margir
sjíar að öfgafullir súnníar úr
samtökum á borð við al-Kaída
hefðu staðið á bak við hana.
Í kjölfarið flykktust tugþús-
undir sjía út á götur fjölmargra
borga í Írak og mótmæltu
árásinni, sem var sú þriðja á
sjíamúslima á jafn mörgum
dögum. Minnst 34 manns hafa
fallið í árásunum.
Jalal Talabani, forseti Íraks,
varaði við borgarastyrjöld og
leiðtogar sjía skoruðu á fólk að
halda stillingu sinni, en án
árangurs. Í hefndarskyni báru
sjíar eld að einum helgasta stað
súnnía í útjaðri Basra síðdegis í
gær og réðust jafnframt að 29
moskum víðs vegar um landið.
Lögreglan taldi líklegt að
einhverjir sjíar hefðu grafist
inni í Askariya-moskunni þegar
hluti hennar hrundi, en engin
fórnarlömb höfðu fundist í gær-
kvöld.
- smk
Átök magnast milli sjía og súnnía í Írak:
Varað við borgarastyrjöld
SPRENGINGUM MÓTMÆLT Sjíamúsli-
mar í Írak flykktust út á götu í gær til að
mótmæla sprengingu í gærmorgun sem
skemmdi eina helgustu mosku sjía í Sam-
arra. FRÉTTABLAÐIÐ/AP
SKIPULAGSMÁL Tveir þeirra sem
áttu hæstu kauptilboð í 28 af 43
parhúsalóðum í Úlfarsfell reka
byggingarfyrirtæki, rétt eins og sá
sem bauð í allar einbýlishúsalóð-
irnar. Annar þeirra, Bjarni Tómas-
son, segir að þeir bíði eftir niður-
stöðu borgaryfirvalda áður en þeir
taki ákvörðun um framhaldið.
Tilboð þeirra námu frá tæpum
20,3 milljónum til tæplega 27,6
milljóna. Aðrir tveir umsækjend-
ur sem áttu hæsta tilboð í ellefu
lóðir geta valið úr þeim fái þeir
aðeins að kaupa eina. Í hvorugan
þeirra náðist og því ekki staðfest
hvort þeir séu einnig í byggingar-
iðnaðinum. Tilboðin ellefu námu
öll tæpum 20,2 milljónum.
Eiríkur Elís Þorláksson, lög-
maður með sérfræðiþekkingu í
útboðsrétti, segir óvarlegt af borg-
inni að hafna tilboðum mannanna.
Taka hefði átt fram í útboðsgögn-
um að einungis væri gert ráð fyrir
einni lóð á hvern umsækjanda.
„Hæstiréttur hefur litið svo á
að sveitarfélög séu bundin af
þeim forsendum sem þau gefa í
útboðsskilmálum. Í þessu tilviki
er ekkert þar sem heimilar að til-
boðum sé hafnað á þessari for-
sendu,“ segir Eiríkur. „Hins vegar
er gert ráð fyrir að hægt sé að
bjóða í fleiri en eina lóð og leyfi-
legt að falla frá tilboðum fái menn
fleiri en eina, en þeim er ekki
skylt að gera það.“ Hann segir þá
sem taka þátt í útboði verða að
geta áttað sig á þeim leikreglum
sem gilda með því að lesa útboðs-
skilmálana. - gag
Hæstbjóðendur í parhúsalóðir í Úlfarsfelli líka byggingaverktakar:
Buðu hæst í 28 af 43 lóðum
ÚLFARSFELL 313 buðu í lóðirnar 120. Einn átti efsta boðið í allar utan einnar einbýlishúsa-
lóðarinnar. Tveir buðu saman hæst í 28 af 43 parhúsalóðum. ÞK Verk átti hæsta boð í 15 af
24 fjölbýlishúsalóðum. FRÉTTABLAÐIÐ/E. ÓL.
KJÖRKASSINN
Ætlar þú í utanlandsferð í
sumar?
Já 62%
Nei 38%
SPURNING DAGSINS Í DAG
Heldur þú að efnahagsástandið
fari versnandi?
Segðu þína skoðun á visir.is