Fréttablaðið - 23.02.2006, Qupperneq 75
23. febrúar 2006 FIMMTUDAGUR46
HANDBOLTI Hin örvhenta suðurkór-
eska stórskytta Kyung-Shin Yoon
samdi í gær við Hamburg fram á
sumar 2008 en hann hefur leikið
með Gummersbach síðustu tíu ár
við mjög góðan orðstír. Hann var
aftur á móti mjög ósáttur við þann
samning sem Gummersbach bauð
honum og því ákvað hann að söðla
um. Yoon var kostur númer tvö
hjá Hamburg því félagið reyndi
fyrst að fá Ólaf Stefánsson en
hann hafnaði tilboði félagsins.
Við brotthvarf Yoons vaknar sú
spurning hver eigi að leysa hann
af hjá Gummersbach. Nú þegar er
orðrómur farinn af stað um að það
verði Ólafur Stefánsson en í
nokkurn tíma hefur verið rætt um
að hann sé á leið til Þýskalands á
ný. Það sem ýtir enn frekari stoð-
um undir orðróminn að hann fari
til Gummersbach er sú staðreynd
að Alfreð Gíslason er að taka við
liðinu. Hann stýrði Ólafi hjá
Magdeburg á sínum tíma og gekk
samstarf þeirra vel og Ólafur
hefur áður talað um að hann væri
vel til í að starfa aftur með
Alfreð. - hbg
Kyung-Shin Yoon samdi við Hamburg til ársins 2008
Ólafur í stað Yoon?
Á LEIÐ TIL ÞÝSKALANDS Á NÝ? Ólafur Stef-
ánsson er orðaður við Gummersbach sem
arftaki Yoon. FRÉTTABLAÐIÐ/PJETUR
FÓTBOLTI Einn af forystumönnum
þýska græningjaflokksins vill að
Heimsmeistaramótinu í knatt-
spyrnu verði aflýst ef fuglaflensan
fyrirfinnst í Þýskalandi. Heims-
meistaramótið á að fara fram 9.
júní til 9. júlí næstkomandi í land-
inu en þessi orð hafa ekki vakið
mikla lukku meðal knattspyrnu-
unnenda.
„Flensan er til staðar og stór
atburður mun eiga sér stað í land-
inu, að því gefnu verðum við að
skoða það vel að aflýsa mótinu,“
sagði Baerbel Höhn leiðtogi þing-
nefndarinnar fyrir landbúnað í
gær.
Hohn bætti við að lítið mál yrði
að fresta mótinu og að það yrði
gert í þágu almennings en knatt-
spyrnuáhugamenn í Þýskalandi
eru æfir vegna þessara orða.
- hþh
Þýskur stjórnmálamaður:
Vill aflýsa HM
FÓTBOLTI Rafael Benitez hefur
varið þá ákvörðun sína að láta
fyrirliðann Steven Gerrard byrja
á varamannabekk liðsins gegn
Benfica í Meistaradeildinni í
fyrradag. Gerrard kom inn á
þegar um tíu mínútur voru til
leiksloka en án hans var Liverpool
ekki upp á sitt besta. Fyrirliðinn
var tæpur vegna meiðsla fyrir
leikinn en hefði hugsanlega getað
byrjað.
„Ég vil frekar eiga kost á því að
hafa Gerrard til taks næsta mán-
uðinn en bara í þessum leik,“ sagði
Benitez eftir leikinn og sagðist
standa við sína ákvörðun. „Hann
var ekki 100% heill og ég er ekki
mikið fyrir að taka áhættu.“ - vig
Rafael Benitez um Gerrard:
Vildi ekki taka
áhættuna
Á BEKKNUM Gerrard leiddist að minnsta
kosti ekki með Dietmar Hamann á bekkn-
um gegn Benfica. NORDICPHOTOS/GETTY IMAGES
FÓTBOLTI Mohammed Sissoko, leik-
maður Liverpool, er ennþá á
sjúkrahúsi í Portúgal eftir meiðsli
sem hann hlaut í 1-0 tapleiknum
gegn Benfica á þriðjudaginn.
Sissoko fékk spark í augað frá
miðjumanni Benfica, Beto, og er
með skaddaða sjónhimnu.
Malíbúinn fer líklega til Eng-
lands í dag þar sem hann mun
gangast undir frekari rannsóknir
en ekkert hefur heyrst um það
hversu lengi Sissoko verður frá.
„Skórinn minn fór í andlitið á
Sissoko og opnaði stóran skurð við
augað á honum. Ég vil biðjast inni-
lega afsökunar, ég ætlaði alls ekki
að meiða hann. Þetta var dæmi-
gerð barátta um boltann og þetta
getur alltaf gerst,“ sagði Beto, sem
varð fyrir því óláni að sparka í hinn
21 árs gamla miðjumann. - hþh
Meiðsli Mohammed Sissoko:
Með skaddaða
sjónhimnu
BETO Sést hér biðja Sissoko afsökunar.
NORDICPHOTOS/AFP
Meistaradeild Evrópu:
CHELSEA-BARCELONA 1-2
1-0 Tiago Motta, sjálfsmark (59.), 1-1 John Terry,
sjálfsmark (71.), 1-2 Samuel Eto´o (80.)
AJAX-INTER 2-2
1-0 Huntelaar (16.), 2-0 Rosales (20.), 2-1 Dejan
Stankovic (49.), 2-2 Julio Cruz (86.)
WERDER BREMEN-JUVENTUS 3-2
1-0 Christian Schulz (39.), 1-1 Pavel Nedved (73.),
1-2 David Trezeguet (82.), 2-2 Tim Borowski (87.),
3-2 Johan Micoud (90.).
RANGERS-VILLARREAL 2-2
0-1 Juan Roman Riquelme, víti (8.), 1-1 Peter Lov-
enkrands (22.), 1-2 Diego Forlan (35.), 2-2 Juan
Manuel Pena (82.)
Enska úrvalsdeildin:
NEWCASTLE-CHARLTON 0-0
Þýski handboltinn:
GÖPPINGEN-KIEL 30-39
Jaliesky Garcia Padron komst ekki á blað hjá
Göppingen í leiknum en Andrius Stelmokas skor-
aði fjögur mörk.
MELSUNGEN-MAGDEBURG 27-28
Sigfús Sigurðsson lék ekki fyrir Magdeburg en
Arnór Atlason skoraði fjögur mörk.
DUSSELDORF-GUMMERSBACH 22-32
Guðjón Valur Sigurðsson skoraði fimm mörk og
Róbert Gunnarsson sjö.
FLENSBURG-GROSSWALLSTADT 35-28
Einar Hólmgeirsson skoraði sex mörk fyrir Gross-
wallstadt í leiknum.
KRONAU/ÖSTRINGEN-NORDHORN 30-28
Iceland Express-deild kvk:
KR-KEFLAVÍK 38-93
ÚRSLIT GÆRDAGSINS
FÓTBOLTI Werder Bremen tókst á
ótrúlegan hátt að sigra Juventus
í Þýskalandi. Christian Schulz
kom Bremen yfir en Pavel
Nedved og David Trezeguet
skoruðu fyrir Juventus. Þegar
skammt var eftir jafnaði Tim
Borowski og á meðan stuðnings-
menn þýska liðsins fögnuðu
skoraði Johan Micoud sigurmark
Bremen og allt ætlaði um koll að
keyra í Þýskalandi.
Ajax og Inter Milan gerðu 2-2
jafntefli í stórskemmtilegum
leik í Hollandi. Klaas-Jan Hunt-
elaar skoraði glæsilegt mark og
kom heimamönnum yfir áður en
Mauro Rosales jók enn á vand-
ræði Inter. Stankovic minnkaði
muninn í byrjun síðari hálfleiks
og Julio Cruz jafnaði svo metin
undir lok leiksins og þar við sat.
Villarreal og Rangers gerðu
jafntefli í fjörugum leik í Skot-
landi en spænska liðið komst yfir
strax á sjöttu mínútu þegar Juan
Roman Riquelme skoraði úr víti.
Rangers náði að jafna skömmu
síðar þegar Peter Lövenkrands
skoraði en markahrókurinn
Diego Forlan náði forystunni
jafn harðan fyrir gestina.
Undir lok leiksins tókst Rang-
ers aftur á móti að jafna metin
en fékk til þess hjálp frá Juan
Manuel Pena sem setti boltann í
eigið net eftir fyrirgjöf Thomas
Buffel og jafntefli því niðurstað-
an í Skotlandi.
- hþh
Meistaradeild Evrópu í gær:
Dramatískur sigur Bremen
ALLT Í JÁRNUM HJÁ INTER OG AJAX
Javier Zanetti og Maduro í leiknum í gær.
NORDICPHOTOS/AFP
FÓTBOLTI Það var gríðarleg stemn-
ing á Stamford Bridge í Lundún-
um í gær þegar fyrri viðureign
Chelsea og Barcelona í sextán liða
úrslitum Meistaradeildar Evrópu
fór fram. Eiður Smári Guðjohnsen
var í byrjunarliði Chelsea sem
mátti sætta sig við eins marks tap,
1-2, eftir að hafa leikið manni
færri í 53 mínútur.
Grasið á Stamford Bridge hafði
verið mikið í umræðunni fyrir
leikinn og því kom lítið á óvart að
sjá völlinn fyrir leikinn en hann
var rennblautur og pollar á stöku
stað.
Mikil grimmd var í leikmönn-
um beggja liða strax í upphafi og
jafnræði með liðunum lengstum í
fyrri hálfleik. Sóknarlotur Barca
voru þó skæðari og í tvígang
komst Ronaldinho í ákjósanleg
færi en hann var klaufi í fyrra
skiptið og Petr Cech varði svo frá-
bærlega frá honum í seinna fær-
inu. Chelsea gekk ekkert að skapa
sér færi að sama skapi.
Vendipunktur leiksins kom á
37. mínútu þegar norski dómar-
inn Terje Hauge rak spænska
bakvörðinn Asier Del Horno hjá
Chelsea af leikvelli fyrir brot á
Lionel Messi. Brotið leit vissu-
lega illa út en hefði í raun aldrei
átt að vera annað en gult spjald.
Flæði leiksins og taktur breyttist
eðlilega í kjölfarið en Jose Mour-
inho, stjóri Chelsea, neyddist til
að breyta leikskipulaginu og Joe
Cole var því fórnað fyrir Ger-
emi.
Ræða Mourinho í hálfleiknum
hefur verið kröftug því leikmenn
Chelsea byrjuðu síðari hálfleikinn
af miklum krafti. Þessi mikli
kraftur leikmanna Chelsea skilaði
þeim síðan marki á 59. mínútu
þegar Tiago Motta skoraði sjálfs-
mark eftir aukaspyrnu Franks
Lampard.
Chelsea varð síðan fyrir áfalli
tuttugu mínútum fyrir leikslok
þegar fyrirliðinn John Terry skall-
aði boltann í eigið net eftir auka-
spyrnu Ronaldinhos. Aðeins mín-
útu síðar var Chelsea stálheppið
þegar skot Messi fór í þverslána á
Chelsea-markinu.
Barcelona hélt áfram að þjarma
að Chelsea og eitthvað hlaut undan
að láta. Það varð raunin tíu mínút-
um fyrir leikslok þegar Samuel
Eto´o skoraði með glæsilegum
skalla eftir frábæra sókn. Bæði lið
léku varlega það sem eftir lifði
leiks og það var því mark Eto´o
sem skildi liðin að á endanum.
Chelsea bíður því verðugt verk-
efni í seinni leiknum en hefnd Bar-
celona frá því í fyrra var án vafa
mjög sæt. henry@frettabladid.is
Barca náði fram hefndum
Spænska liðið Barcelona hefndi fyrir tapið gegn Chelsea í Meistaradeildinni
í fyrra þegar liðið sigraði á Stamford Bridge í gær. Chelsea lék manni færri í
rúmar fimmtíu mínútur og það skipti sköpum.
GRÁTUR Asier Del Horno grét þegar hann
fékk rauða spjaldið og Eiður reyndi að
hughreysta hann. FRÉTTABLAÐIÐ/GETTY IMAGES
BROTIÐ Brot Del Hornos á Messi sést hér
vel. FRÉTTABLAÐIÐ/GETTY IMAGES
SJÁLFSMARK John Terry skorar hér afdrifaríkt sjálfsmark gegn Barcelona í gær.
FRÉTTABLAÐIÐ/GETTY IMAGES