Fréttablaðið - 28.02.2006, Page 8

8 28. febrúar 2006 ÞRIÐJUDAGUR
UTANRÍKISMÁL Nýtt sendiráð
Íslands í Indlandi var opnað um
helgina. Þorgerður Katrín Gunn-
arsdóttir, staðgengill utanríkis-
ráðherra, opnaði sendiráðið við
formlega athöfn í húsakynnum
þess í höfuðborginni Nýju Delhi.
Sendiherra Íslands í Indlandi
er Sturla Sigurjónsson, fyrrver-
andi skrifstofustjóri alþjóðaskrif-
stofu utanríkisráðuneytisins.
Þorgerður Katrín er í opin-
berri heimsókn í Indlandi og
stendur heimsóknin til 3. mars.
Ráðherra mun eiga fundi með
indverskum ráðamönnum, meðal
annars forseta og forsætisráð-
herra. Með í för er viðskipta-
sendinefnd skipuð fulltrúum 23
íslenskra fyrirtækja. -sha
Sendiráð Íslands í Indlandi:
Opnað við há-
tíðlega athöfn
ÞORGERÐUR KATRÍN GUNNARSDÓTTIR
Menntamálaráðherra opnaði sendiráð
Íslendinga í höfuðborg Indlands, Nýju-
Delhi.
BYGGÐAMÁL Eigið fé Byggðastofn-
unar hefur brunnið upp um einn
milljarð króna á síðustu fimm árum
vegna mikils tapreksturs. Þótt tap á
síðasta ári hafi minnkað nokkuð frá
fyrra ári er það enn mikið og var
yfir 270 milljónir króna.
„Það verður ekki hjá því komist
að taka á því hvernig stofnunin
stendur og taka til í okkar fjárhag.
Við erum að glíma við mjög erfiða
fortíð og langan skuldahala,“ segir
Aðalsteinn Þorsteinsson, forstjóri
Byggðastofnunar. „Við erum komn-
ir yfir það versta en þetta er engu
að síður brothætt og erfið staða.“
Hlutverk Byggðastofnunar er að
vinna að eflingu byggðar og atvinnu-
lífs á landsbyggðinni en á stjórnar-
fundi í janúar fyrir ári síðan var
tekin sú ákvörðun að Byggðastofn-
un myndi hvorki kaupa ný hluta-
bréf né veita styrki til byggðarmála
og stendur hún enn á brems-
unni hvað það varðar að sögn Aðal-
steins.
Rekstrarumhverfi stofnunarinn-
ar versnaði til muna á síðasta ári en
þá glímdi hún við miklar uppgreiðsl-
ur lána og lækkun vaxtatekna sem
drógust saman um helming. Sam-
dráttur tekna hefur verið blóðtaka
fyrir Byggðastofnun þar sem þær
stóðu undir rekstri hennar að miklu
leyti. Lánsbeiðnum hefur að vísu
fjölgað mikið á nýjan leik, enda
hafa útlánsvextir banka og spari-
sjóða hækkað en stofnunin hefur
ekki breytt sínum vaxtakjörum og
býður sjö prósenta vexti á verð-
tryggð lán frá sex til 20 ára.
Einnig fær stofnunin árlegt
framlag frá ríkissjóði sem nam 320
milljónum króna í fyrra.
Mikill taprekstur hefur skert
eiginfjárstöðu Byggðastofnunar en
eiginfjárhlutfall samkvæmt lögum
um fjármálafyrirtæki nam 8,2 pró-
sentum í árslok. Á síðasta ári fór
hlutfallið niður fyrir átta prósenta
lágmark um tíma.
Aðalsteinn segir að innan iðnað-
arráðuneytisins sé unnið að því að
fara yfir stöðu stofnunarinnar og
atvinnuþróunar almennt og býst
hann við að niðurstaða þeirrar
vinnu liggi fyrir í frumvarpi á vor-
þingi.
Framlög í afskriftarsjóð og nið-
urfærsla hlutabréfa nam tæpri 341
milljón króna árið 2005 og fer lækk-
andi. Aðalsteinn segir að afskriftar-
reikningur stofnunarinnar sé um
tíu prósent af útlánum hennar.
„Reynslan hefur sýnt það að við
höfum áætlað alveg rétt framlög í
afskriftarsjóð og endanlegar
afskriftir.“
eggert@frettabladid.is
Byggðastofnun tapaði
milljarði á fimm árum
Stofnunin stendur á bremsunni og hefur ekki keypt ný hlutabréf í meira en eitt
ár. Eiginfjárhlutfall hennar er rétt yfir lágmarkskröfum Fjármálaeftirlitsins. Út-
lán hafa tekið að aukast að nýju eftir nokkurt hlé og lánsbeiðnum fer fjölgandi.
AFKOMA BYGGÐASTOFNUNAR
2001-2005 (í milljónum króna)
Hagnaður/Tap Eigið fé í árslok
2001 313 2.173
2002 -481 1.692
2003 7 1.699
2004 -385 1.314
2005 -272 1.042
Alls -818
VEISTU SVARIÐ
1 Hvaða stofnun veitir Bragi Guð-brandsson forstöðu?
2 Hvað heitir höfuðborg Indlands?
3 Hverjir eru bikarmeistarar í handknattleik karla?
SVÖR Á BLS. 34
SVÍÞJÓÐ Fredrik Reinfeldt, leið-
togi sænska Hægriflokksins,
hefur kært rógburðinn sem jafn-
aðarmenn hafa birt um hann til
lögreglu, en tveir jafnaðarmenn
hafa notað netið til að dreifa rógi
um hann nú þegar hálft ár er til
kosninga til sænska þingsins.
Reinfeldt vill láta kanna hvort
fleiri hafi staðið að þessu og þá
hverjir.
Reinfeldt er lýst sem skrímsli,
varúlfi, barnaníðingi, dýrinu í
Fríðu og dýrið og eru þessar lýs-
ingar meðal annars sendar í tölvu-
pósti til fjölmiðla, og einnig er
þær að finna á bloggsíðum. Rógn-
um er þó ekki einungis beint gegn
honum. Ungir hægrimenn hafa
tölvuspil á heimasíðu sinni þar
sem hægt er að slá skólamálaráð-
herrann Ibrahim Baylan, sem er
jafnaðarmaður, á puttana með
reglustiku og svo er jóladagatal
með andlitum úr verkalýðshreyf-
ingunni sem kaupa titrara.
„Það má deila um það hversu
smekklegt eða ósmekklegt þetta
er,“ segir Reinfeldt í samtali við
vefútgáfu Dagens Nyheter. „En
það er stór munur á þessu. Það er
ljóst hver stendur þarna að baki.
Jafnaðarmaðurinn Mats
Lindström hefur hins vegar rægt
mig nafnlaust og haldið því fram
að um staðreyndir sé að ræða.
Það var lygi. Það sem ungir
hægrimenn gera er hæðni,“ segir
hann. - ghs
Fredrik Reinfeldt, leiðtogi hægrimanna, kærir róg jafnaðarmanna til lögreglu:
Lýst sem skrímsli og varúlfi
FREDRIK REINFELDT Leiðtogi sænska
Hægriflokksins. NORDICPHOTOS/AFP
JAPAN, AP Fylgi við að lögum um rík-
iserfðir í Japan verði breytt þannig
að kona geti erft krúnuna hefur
dalað nokkuð frá því það fréttist að
Kiko prinsessa, eiginkona yngri
sonar keisarans, væri barnshafandi.
Sú frétt kveikti von um að sveinbarn
kynni að fæðast í keisarafjölskyld-
unni, en það hefur ekki gerst í 40 ár.
Að sögn Kyoto-fréttastofunnar
eru nærri 70 prósent aðspurðra í
nýju könnuninni fylgjandi því að
kona geti erft keisaratignina, en það
er um 5,5 prósentum minna en í
könnun sem gerð var í desember.
17,2 prósent segjast nú andvíg laga-
breytingunni, 5,4 prósentum fleiri
en í desember. ■
Ríkiserfðir í Japan:
Fylgi dalar við
lagabreytingu
ERFIÐ STAÐA BYGGÐASTOFNUNAR
Aðalsteinn Þorsteinsson forstjóri segir
stofnunina glíma við erfiða fortíð og
langan skuldahala. Eiginfjárhlutfall
hennar er rétt yfir lágmarkskröfum
um eiginfjárhlutfall Fjármálafyrir-
tækja.
Eftirlýstur leigumorðingi gómað-
ur Spænska lögreglan handtók í Madríd
í gær serbneskan mann sem grunaður
er um að vera leigumorðingi sem feng-
inn var til að myrða kosovo-albanskan
mannréttindafrömuð sem talinn er hafa
búið yfir gögnum sem tengdu Slobodan
Milosevic, fyrrverandi Júgóslavíuforseta,
við fjölda morða.
SPÁNN
ALÞINGI Nauðsynlegar breytingar
vegna alþjóðlegra krafna um raf-
ræn lífkenni í vegabréf eru lagðar
til í frumvarpi um breytingu á
lögum um vegabréf sem hefur
verið kynnt fyrir ríkisstjórninni.
Í frumvarpinu felst meðal ann-
ars að stafræn mynd af umsækj-
anda verður varðveitt í vegabréf-
inu og dómsmálaráðherra getur
ákveðið að fingraför umsækjanda
skuli skönnuð og varðveitt í vega-
bréfinu. - sdg
Frumvarp um lagabreytingar:
Lífkenni verði
sett í vegabréf
AFGANISTAN, AP Yfirvöld í Afganist-
an létu færa föngum í rammgirt-
asta öryggisfangelsinu í Kabúl mat
og vatn og tengdu rafmagn aftur í
gær eftir að fangarnir samþykktu
að hætta tímabundið uppþotum.
Fangarnir gerðu uppreisn á
laugardagskvöld og náðu bygging-
um fangelsisins að mestu leyti á
sitt vald. Hundruð afganskra her-
manna umkringdu fangelsið,
vopnaðir skriðdrekum og
sprengjuvörpum. Konur og börn
eru meðal þeirra 2.000 fanga sem
dúsa í fangelsinu, en yfirvöld
kenna föngum sem tengjast al-
Kaída um uppreisnina. - smk
Fangauppþotin í Afganistan:
Fá mat og vatn
BEÐIÐ FRÉTTA Afganskur hermaður stendur
vörð á meðan konur bíða frétta af ættingj-
um sínum í fangelsi í Kabúl í Afganistan í
gær. FRÉTTABLAÐIÐ/AP