Fréttablaðið - 07.04.2006, Blaðsíða 29

FÖSTUDAGUR 7. apríl 2006
Tofú fær nafn sitt úr japönsku en
er upprunalega frá Kína, þar sem
það er nefnt doufu, en nafnið þýðir
skemmdar baunir. Tofú er gert úr
sojabaunamjólk og á svipaðan hátt
og ostur sem gerður er úr kúamjólk.
Sett er hleypiefni í sojamjólkina og
afurðin er síðan pressuð saman í
kubba eða flatar kökur.
Tofúið eitt og sér er ekki mjög
bragðmikið en það tekur í sig bragð
af öðrum hráefnum. Tofú er því
mikið notað í súpur, sósur og krydd-
lög. Tofú er einnig mjög oft steikt og
haft í kjöt- og grænmetisrétti.
Í kjölfar heilsufárs íbúa á Vest-
urlöndum síðustu ár hafa vinsældir
tofús aukist gríðarlega. Enda er tofú
afar næringarríkur og hollur matur.
Tofú er auðugt af prótíni en í því er
lítið af kolvetnum. Tofú auðugt af
kalki, járni og B-vítamíni.
Tofú er gjarnan notað í austurlenskan
mat, núðlusúpur meðal annars.
NORDICPHOTOS/GETTY IMAGES
Íslendingar borða súkkulaði-
páskaegg í tonnavís yfir
páskana. Flestir páskaeggja-
framleiðendur hafa lokið fram-
leiðslu sinni fyrir þessa páska
en eggin rúlla enn í verksmiðju
Nóa Síríusar.
„Við byrjum bara um leið og
konfektvertíðinni lýkur,“ segir
Gunnar B. Sigurgeirsson, mark-
aðsstjóri Nóa Síríusar. „Það er í
desember en við reynum að fram-
leiða eitthvað af eggjum milli jóla
og nýárs. Eggin framleiðum við
svo alveg fram til þriðjudagsins
11. apríl.“
Í verksmiðjum Nóa Síríus eru
framleidd um 500.000 páskaegg
árlega. Þá eru talin með öll egg,
jafnt stór sem lítil, en á annað þús-
und egg á fæti fara eftir færibönd-
unum árlega.
Eggin fara að mestu á innan-
landsmarkað en nokkur rata til
útlanda. „Fólki finnst ekki vera
páskar án páskaeggja og vinir og
vandamenn hafa verið að kaupa
egg og senda út til ástvina. Þetta er
ein af ástæðunum fyrir því að við
reynum að koma eggjunum
snemma á markað svo að fólk á leið
um Ísland geti tekið egg með sér
heim,“ segir Gunnar.
Það hefur komið fyrir að skip
fari utan með eggjasendingar en
þá eru það eggjaþyrstir Íslending-
ar búsettir á Norðurlöndunum sem
sækjast eftir þeim. Nammi.is hefur
einnig boðið upp á stakar sending-
ar en enn sem komið er eru páska-
egg með sælgæti og málsháttum
séríslenskt fyrirbrigði.
Súkkulaðið sem fer í eggin er
blandað eftir sérstakri uppskrift
og eingöngu notað til páskaeggja-
gerðar. Uppskriftin breytist lítið ef
eitthvað milli ára. „Hefðin er rík í
þessu og það sama má segja um
málshættina,“ segir Gunnar. „Við
erum með nokkur hundruð máls-
hætti í umferð og alltaf detta ein-
hverjir út og aðrir koma í staðinn.“
Nói Síríus fær eftir hverja páska
sterk viðbrögð við málsháttunum,
sumir kvarta undan þeim nýju,
aðrir sakna þeirra gömlu og enn
aðrir eru ánægðir með breyting-
arnar. „Við reynum að fara eftir
vilja fólks í þessum efnum og
tökum öllum ábendingum fagn-
andi,“ segir Gunnar.
Nýjungar í páskaeggjum frá
Nóa Síríus á þessu ári eru risaegg
og hjartalaga egg. Risaeggin eru
ætluð fjölskyldunni en þau eru alls
1.400 grömm að þyngd. Hjartaegg-
in eru 900 grömm en þau munu
koma á markaðinn rétt fyrir
páska. tryggvi@frettabladid.is
Málshættirnir fara allir á sinn stað.
FRÉTTABLAÐIÐ/GVA
Páskaegg í tonnatali
Páskaeggin eru skreytt með blómum og konfektmolum. FRÉTTABLAÐIÐ/GVA
Til hnífs og skeiðar
GUÐRÚN JÓHANNSDÓTTIR

Steinbítskinnar
með perlulauk
Vorið er tími laukanna, ekki bara
túlípana og páskalilja, heldur allra
handa lauka til átu sem nú taka að
spretta upp úr jörðinni í löndunum
sunnan við okkar farsæla Frón. Einn
af mínum uppáhaldslaukum er
perlulaukurinn. Hann er svo fallegur
og skemmtilegur að það er unun
að hafa hann með við sem flest
tækifæri.
8 stk steinbítskinnar
20-30 perlulaukar
4 beikonsneiðar
1 kvistur af fersku rósmaríni
Smjör og ólífuolía til steikingar
1. Afhýðið laukinn og skerið beikons-
neiðarnar í litla bita.
2. Steikið laukinn í ólífuolíu á miðl-
ungshita þar til hann hefur linast ögn
og er farinn að taka á sig gullinn lit,
takið þá laukinn af pönnunni.
3. Setjið beikonbitana á sömu
pönnu og steikið í nokkra stund
ásamt rósmarínkvistinum. Setjið
þá um tvær matskeiðar af smjöri á
pönnuna, steikið kinnarnar varlega
báðum megin og ausið feitinni vel
yfir þær á meðan á steikingu stend-
ur. Setjið laukinn aftur út í seinustu
mínúturnar.
Borðið með gufusoðnum gulrótum.
HVAÐ ER TOFÚ?
�������
������������
���������
����������
����������
���������
������������
���������
��������
�����������
��
��
���
���
��
�
�����������������
�������������
���������������������������������
Skeifunni 11d - 108 Reykjavík
Reykjavíkurvegur 64
220 Hafnarfir›i
www.aman.is
VERSLUN VÍNGERÐARMANNSINS
ÓDÝR KOSTUR EF HALDA Á VEISLUR
HÁGÆÐA
VÍNGERÐAREFNI
EINFALT,
ÓDÝRT ÁHUGAMÁL